سؤال مهم لكل متابعي موديلات شركة hp [الأرشيف]

مشاهدة النسخة كاملة : سؤال مهم لكل متابعي موديلات شركة hp

mazmoz

12-11-2008, 01:39

السؤال الاول : هل pv5 1135 ee هو نفس pv5 1060 ee ؟
يا ترى لو هما الاتنين زي بعض ليه الشركة نزلت المودلين نفس بعض بالظبط؟وكمان الموديل التاني pv5 1135 ee نزل ارخص من الموديل الاول pv5 1060 ee ؟ هل كده يبقى فيه عيوب ؟
ولو هما الاتنين مختلفين . يا ترى الاختلاف بينهم ؟
السؤال التاني : هل pv5 1135 ee او pv5 1060 ee (سابقا) ده بعتبار انهم حاجة واحدة و ACER ASPIRE 5930G هما احسن موديلات بالنسبة لشغل الجرافيك في اللابات اللي في حدود من 6000 : 7000 جنيه مصري ؟ ويا ترى اي واحد احسن فيهم مع العلم ان اللاب الاول hp pv5 1135 ee اغلى من اللاب التاني ACER ASPIRE 5930G حوالي 500 جنيه ؟ وكمان مع العلم ان
ACER ASPIRE 5930G حاصل على rate اعلى من hp pv5 1135 في اختبار ويندوز الفيستا ومش عارف بصراحه ايه السبب لان الاتنين فيهم كارت فيجا واحد اللي هو 9600 gt
كمان لو مش هما احسن موديلين . ايه هي الموديلات اللي احسن منهم في حدود الرينج من 6000 : 7000 جنيه مصري بالنسبه لمجال شغل الجرافيك . لو في موديلات تانيه يا ريت اعرفها؟؟

the ACER 5930G WEI
Processor - 5.0
Memory - 5.9
Graphics - 5.9
Gaming - 5.5
Hard Disk - 5.2

the HP DV5t WEI
Processor - 5.2
Memory - 5.9
Graphics - 5.0
Gaming - 5.3
Hard Disk - 5.2

hp pv5 1135 ee
https://h10010.www1.hp.com/wwpc/me/en/ho/WF06b/321957-321957-3329744-64354-64354-3744201-3807979.html
ACER ASPIRE 5930G
https://www.laptopsdirect.co.uk/Acer_Aspire_5930G_Laptop_LX.AQ40X.040/version.asp?tref=fpg-Acer%20Aspire%205930G

F.C.B

12-11-2008, 15:44

أخي بالنسبة لجهازي hp الي سألت عنهم لا يوجد اختلاف بينهم فهم متشابهين تقريبا بنسبة 99.9%
أما جهاز أيسر الي ذكرته فهو تقريبا نفس hp في المواصفات و الإختلافات بسيطة جدا و لا تذكر لكن من أبرز الفروق أن hp به ميزة Lightscribe أما أيسر فلا ... هذا و الله أعلم

mazmoz

13-11-2008, 20:49

يا جماعة محتاجيين ردودكم .. انا عايز اعرف الفرق بين الاب pv5 1135 ee والاب ACER ASPIRE 5930G واي واحد فيهم احسن؟؟
وليه الاب الايسر مسجل اعلى في اختبارات الفيستا ؟!
ويا ترى اسعارهم ايه دلوقتي ؟؟
ويا ريت يكون بالجنيه المصري . وياريت المشرفين بتوع القسم ده يهتموا شويه ويردو علينااا

mazmoz

13-11-2008, 21:10

zek zak

13-11-2008, 21:44

F.C.B

14-11-2008, 13:04

طيب ايش هي فايدة الــlightscrribe

هذه الميزة موجودة في محرك الأقراص الضوئية و هي تسمح لك بوضع كلام أو صور أو الذي تريده على غلاف ال CD طبعا كل هذا يتم بالليزر عيبها أن لا تظهر بالألوان و تأخذ وقت طويل نسبيا عادة لا يقل عن 15 دقيقة و هناك CD's خاصة بهذه التقنية تباع بالأسواق تجد مكتوب عليها lightscrribe
و الصورة التالية مثال على هذه التقنية
https://www.cksu.com/vb/uploaded/168/1184590658.jpg

mazmoz

14-11-2008, 13:49

طيب يا جماعه مع ان مفيش حد فيكم رد على اسألتي .. بس انا الحمد لله اشتريت لاب hp pv5 1135 . يا ريت اعرف رأيكم فيه ؟؟!
كمان انا لما شغلت اللاب لاقيت في حاجه غريبه اوي لاقيت الهارد كلو على بارتشن ال c وبارتشن ال d عليه ملف الريكفري بس , انا دلوقتي لو حطيت اي حاجه على الهارد هتبقى على الc يعني لو جيت اعمل ريكفري كلو حاجه هتتمسح , كمان انا مش عارف افرمت الهارد واقسمه من جديد عشان التعريفات كلها موجوده على الريكفري اللي في d وبصراحه انا مش عارف اعمل ايه , ده غير اني كمان عايز انزل نسخه فيستا التيمات بدل الهوم بريمير , يا ريت بقى يا جماعه حد يفيدني ضروري عشان انا كده مش عارف استخدم الاب ؟؟؟؟

وائل العنانى

17-11-2008, 16:58

بسم الله الرحمن الرحيم

الف مبروك طبعا على الجهاز الجديد ، وانت احسنت الإختيار

بالنسبة للفرق بين الجهازين الـ HP الـ 1060 و الـ 1135 :
شركة HP طرحت موديل 1060 فى الأسواق ، والمستورد أو الوكيل عندنا فى مصر هى شركة مترا ، وكان افضل سعر له كان 1550 جنيه ، ده أرخص سعر عرفت اجيبه بالعافية ، واشتريت منه 3 أجهزه ، وبعدين وجدت عيب بسيط جدا ناس كتير تجاوزت عنه ، لكنه كان مهم جدا جدا بالنسبة لي وهو مشكلة زرار الصوت باللمس بيعلق بعد كام يوم من الإستخدام ، ولما كلمت شركة HP عن طريق النت ، ناس منهم قالوا لى انه عيب هارد وير ، وناس تانية منهم قالوا لي انه عيب فى درايف التعريف ، وهو غالبا فعلا عيب فى درايف التعريف الخاص بالزرار ده ، لأن عند اعادة تحميل درايف التعريف بتاع الزرار ده ، بيتعدل لكن لمدة ايام فقط ، ورجعت راسلت شركة HP تانى ، ادونى ملف يحل الموضوع من جذوره ، بس أنا استعجلت ورحت رجعته (شركة مترا بتدى الحق للعميل اذا كان فيه عيب فى الصناعة يحق للعميل الإستبدال أو الإسترجاع خلال 30 يوم) ، حاولت ابحث عن البديل ، لاقيت جهاز 1135 بنفس مواصفات 1060 نزل السوق بسعر أرخص ، طبعا هو نزل بسعر أرخص لأن ده الطبيعي ، الكمبيوتر بيرخص مش بيغلى ، بس ليه هم نزلوا 1135 بنفس المواصفات ، سألت صاحب محل ، قاللى ان HP إكتشفت عيب فى الماثر بورد بتاع الموديل 1060 ، فيها قطع بتسخن وبتتحرق ، فسحبت الموديل ده من السوق ، ونزلت بدلا منه 1135 ليتفادى العيوب الموجودة فى موديل 1060 ، (زى ماتقول كده انهم انتجوا موديل 1135 مخصوص ليكون بديل عن 1060) وطبعا كان لازم يكون بسعر أرخص ، لأن الأسعار بتنزل ، خصوصا انه بنفس المواصفات ، مع ملاحظة ان فيه إختلاف فقط فى نوعية كارت الـ Ethernet ، النوعية فقط ، فى الـ 1060 بيدى سرعتين 10 و 100 لكن فى الـ 1135 بيدي ثلاثة سرعات وهى 10 و 100 و 1000 .
ولما سألت شركة HP عن صحة المعلومة دى (عيوب الـ 1060) ، قالوا لي انهم غير ملمين بأى جهاز خارج الولايات المتحدة ، ومع ذلك ، ليس مسجل عندهم أي مشاكل تخص جهاز 1060 ، وانه مجرد موديللين بنفس المواصفات ، عايزين يقولوا لى انه حاجة عادية ، طبعا أنا ما اقتنعتش بكلامهم.
فى الوقت نفسه واحد أكد لى إن جهاز 1060 إتسحب من السوق عن طريق شركته ، يبدو ان المعلومة صحيحة.

هى دى القصة ، وأنا طبعا حاليا كنت واقع فى مشكلة ، إنى باحاول أبحث عن موديل آخر غير الـ HP علشان موضوع زرار الصوت ده ، وماكنتش لاقى حاجة بنفس المواصفات ونفس السعر ، لغاية ماطرحت انت الموضوع ده ولقيتك بتتكلم عن الـ ACER ASPIRE 5930G ، قوللى بقى يا باشا انت لاقيته فين وبكام ؟؟؟ علشان اروح أشتريه .

أرجو أن اكون وفقت فى شرحى لك
مع تحياتى
وائل العنانى

volta

19-11-2008, 11:35

شكرا جدا علي السرح ده لأني كنت هلبس و أشتري ال dv5-1060 بسع ندي سؤال المسكله بتاعة زرار الصوت دي موجوده في ال dv5-1135 برضه ؟ ياريت ترد عليا علشان أنا ناوي أشتريه و مابرتاحش لل acer

volta

19-11-2008, 11:36

معلش الحروف كلها طالعه غلط علشان الكيبورد عندي زباله

امجد البصري

19-11-2008, 11:57

بالنسبة لسؤالك بشأن تقسيم الهارد تذهب الة خصائص الكمبيوتر وتروح على منجر تقدر هناك تقسم او البارتشن تلقاه مخفي لاني انا عندي HP وذهبت الى هناك فلقيت البارتشن E مخفي وشكرا

volta

19-11-2008, 16:44

ramy

19-11-2008, 23:43

كمان انا مش عارف افرمت الهارد واقسمه من جديد عشان التعريفات كلها موجوده على الريكفري اللي في d وبصراحه انا مش عارف اعمل ايه , ده غير اني كمان عايز انزل نسخه فيستا التيمات بدل الهوم بريمير , يا ريت بقى يا جماعه حد يفيدني ضروري عشان انا كده مش عارف استخدم الاب ؟؟؟؟
أولاً بخصوص ملف الريكوفري، فيفضّل حفظة على اسطوانة دي في دي ونسخها على هارد ديسك الكمبيوتر لمزيد من الأمن، وهو ملف هام لا ينبغي التضحية به في أي من الأحوال، وبالنسبة للويندوز أتميميت، فأنا عندي نسخة الألتميت، وشلتها ونزّلت الهوم بريميوم، الإضافات الموجودة في الألتيميت لن تشعر بها إلا في جالات خاصّة، وذها رابط يوضّح لك الفروق بالتفصيل الممل:
https://www.arabhardware.net/forum/aaeuae-caeouia/66591-caynaeth-caeyoiaie-eiae-aoincne-aeiaeiaeo-yioec-windows-vista-post451432.html
أضف لذلك أنّ النسخة المرفقة هي نسخة "نضيفة" و أفضل بمراحل من النسخ الموجودة على الأقراص في الأسواق، ما عاد النسخ الأصليّة طبعاً.
وجهاز الأيسر أيضاً جيّد، و فرق السعر هذا دائماً موجود لصالح الأيسر مقارنة بالاتش بي، عموماً لو أردتم الحديث عن الفوارق بالتفصيل فأنا مستعد لذلك، لكن لا أرى فائدة طالما أنّ الأخ قد أقدم على الشراء.

لكن من أبرز الفروق أن hp به ميزة Lightscribe أما أيسر فلا
وهذه لا تبرّر فارق السعر بين الجهازين.

وياريت المشرفين بتوع القسم ده يهتموا شويه ويردو علينااا
لا يوجد مشرفين مختصّين باللابتوبات. يوجد فقط مشرفين مسؤولين عن القسم إداريّاً وليس تقنيًاً.

F.C.B

20-11-2008, 00:40

وهذه لا تبرّر فارق السعر بين الجهازين.

كان ردي للفرق بالمواصفات بين الجهازين و لم يأتي على بالي السعر فكانت أبرز ميزة تفرق بين الجهازين هي اللايت سكريب عدا ذلك لا يوجد شي يستحق الذكر

mazmoz

20-11-2008, 02:34

بالنسبة للسعر اللي قال عليه البشمهندس وائل من شركه ميترا فانا بصراحه مش عارف هو مظبوط ولا لاء ؟!!
انا عموما كمان جبت اللاب ال pv5 1135 ب 6400 جنيه مصري وده كان من محل اسمه youandme-me وده في 2 شارع ابن زولاق متفرع من الخليفة المؤمون في مصر الجديده وهو اول شارع بعد مول سوق العصر على طول .
اما بالنسبة لسعر ACER ASPIRE 5930G فأنا كنت سألت عليه بسرعه كده لاني بصراحه متخوف اوي منه لانه ايسر بس هو عموما كان تمنه بيتراوح من 5700 : 5800 جنيه مصري .
كمان انا برضو عايز من البشمهندس رامي انه يقولنا الفرق بين الايسر والاتش بي بالنسبه للابين دول عشان برضو الناس تستفيد ؟ واي واحد فيهم احسن من وجهة نظره ؟!!
كمان السؤال مهم اوي بالنسبه لياا ان انا دلوقتي هل لو قسمت الهارد وبعدين بعد كده جيت عملت ريكفري هل الهارد هيرجع 2 بارتشن تاني يعني البرتشنات اللي انا عملتها هتتمسح ؟؟!! ولا هو هيعمل فورمات لبارتشن ال c الجديد اللي هو بعد التقسيم , يا ريت يا جماعه رد ضروري

volta

20-11-2008, 09:52

هيرجع زي ماكان أول ما اشتريته

aelzohry

25-11-2008, 22:36

يا ريت بما إن الموضوع خاص بموديلات HP كنت ناوي اشتري واحد في اجازة نصف السنة وكنت عايز اشوف الامور ايه من دلوقتي بالنسبة للاب في حدود 4000 - 5000 جنيه مصري جديد طبعا، وعايزه يستحمل شغل يوم كامل مثل الجهاز المكتبي ويكون فيه الكماليات المهمة........ المهم ترشحولي إيه؟

وبرضه يا ريت نعرف الفروق الجوهرية بين الايسر والاتش بي فهل فعلا زي ما سمعت الايسر لا يستحمل شغل شاق ولا اي كلام ؟!!! علشان اسعار ايسر جميلة مقارنة بالمواصفات

أرجو الاهتمام وجزاكم الله خيرا

وائل العنانى

25-11-2008, 23:05

إخوانى الكرام ، إستكمالا لشرحى السابق فى الفرق بين الجهازين وعيوب كل جهاز
أولا اللايت سكريبت موجود فى الجهازين
على فكرة انا اشتريت جهازين 1135 بعد مارجعت الـ 1060 اللى كان عندى
لاقيت الفرق بس فى كارت الـ Lan ، فيه إختلاف فى الموديل ، وفى الموديل 1135 سرعته 10 / 100 / 1000 ، لكن فى موديل 1060 السرعة 10 / 100 ، وعلى فكرة الموضوع مش مهم نهائيا
الفرق التانى ان الهارد بتاع جهاز 1060 كان نوعه توشيبا ، والموديل 1135 كان نوعه Fuijitsu لكن بنفس السعة واللإتنين 5400 RPM ، وبرضه المضوع مش مهم نهائيا .
يعنى مافيش فرق فى المواصفات نهائيا
وعلى فكرة موضوع زرار الصوت ، طلعت المشكلة برضه موجودة فى موديل 1135 ، يعنى ما اتحلتش
وكمان لما كلمت شركة HP على الشات بالإنترنت ، ما عندهمش اى كلام يقولوه غير تغيير درايف التعريف .
أما مين الأفضل فى الجهازين ، فطبعا 1135 هو الأحسن للأسباب اللى قلت عليها فى مشاركتى السابقة
انا اشتريته على 1400 جنيه من شركة كمبيوساينس بمول السخاوى بروكسي الدور الأرضي
-----------------------------------------
نيجي بقى لموضوع شراء جهاز Acer بدلا من HP
أوعى حد يعمل كده ، انا كنت ها أعمل كده ورحت عاينت الجهازين وفوجئت بإن Acer ضعيف بالنسبة للـ HP من حيث الجودة والفرق واضح جدا ، والكي بورد بتاعته خفيفه وبتهبط بطريقة ملحوظة عند الضغط على اى زرار ، وكله بلاستيك من الداخل بعكس الـ HP اللى كله معدن ، كما لو كان مسنود على ورق ، وعلشان كده سعره أرخص من HP بحوالى 850 جنيه ، والسيدى بتاعه مافيهوش لايت سكريبت ، واللى كان واقف بيبيع كان بيبيع الموديللين ونصحنى بالـ HP
بصراحة بعد ما شفت الـ Acer وشفت الـ HP جنبه ، اشتريت HP وقلت لو طلع فيه مشكلة فى زرار الصوت يبقى مشم مهم وممكن الغيه أو اتغاضى عنها او ادور لها على حل تانى ن بس المهم انى اقتنعت فعلا بإنه ما فيش احسن من HP حتى الآن
وعلى فكره أنا شفت جهاز Dell أعتقد بولندى أو إيرلندى ، يعنى مش صينى ، وبنفس مواصفات HP ، عليه ويندوز فيستا والميزه انه بيقبل ويندوز XP ، وبسعر أرخص ييجى الف جنيه تقريبا ، بس للأسف كارت الفيجا بتاعه Intell وكمان الباس بتاع البروسيسور 800 مش زى الـ HP الباس 1066 .، وده يفرق فى سرعة الجهاز ، يعنى الـ HP أسرع شوية فى الـ Games
انا الآن بعد ما شفت كل اللى فى السوق ، اقتنعت تماما بالـ HP 1035ee ، ويعمل على الويندوز الفيستا بكفاءة تامة جدا جدا وسريع مشاء الله زى ما اكون شغال على ويندوز XP ، وشاشته High Defination
ارجو ان اكون قد افدتكم

volta

26-11-2008, 00:42

انا اشتريته على 1400 جنيه من شركة كمبيوساينس بمول السخاوى بروكسي الدور الأرضي

حضرتك قصدك 6400 مش كده ؟؟؟
و الف شكر علي الشرح المفيد و جزاك الله خيرا

وائل العنانى

28-11-2008, 07:13

حضرتك قصدك 6400 مش كده ؟؟؟
و الف شكر علي الشرح المفيد و جزاك الله خيرا

فعلا أنا كان قصدى 6400
بس عموما سعره نزل الى 6100
ولسوء حظى ، سعره نزل تانى يوم على طول بعد ما اشتريته ، وانا كنت شاري جهازين
قدر الله وماشاء فعل