مساعده باختيار لوحه ام وهاردسك "الميزانيه 1500 جنيه" (عنوان معدل)

[vip1985]

السلام عليكم ورحمة الله وبركاته

انا كان ليا مشاركة قبل كده .. وكانت عن اللوحة الأم وانى بعانى منها ..

انا ميزانيتى 1500 جنيه مصرى .. وعاوز اشترى ماذر بورد ... وهارد ديسك

ياريت تدلونى يا جماعة .. ومن فضلكم ياريت تقولولى النوعية بالموديل بالتحديد

لأنى ناوى اشترى هارد ديسك بمساحة كبيرة زى 640 جيجا بايت بس فى ناس بتقولى

ده بيعلق وده مش حلو والكلام ده .. فياريت تقولولى ... لأنى كمان بشوف نوعيات افضل من نوعيات

يعنى زى كده WD640ASSKS او حاجه شبه كده وفيه منهم الحروف الأخيرة بتتغير .. وناس تقولى احنا جربنا الهارد الى مساحته 320 وهو احسن حاجه والكلام ده

وانا بصراحة مش فاهم فى قطع الهارد وير ... فياريت وجزاكم الله كل خير تدلونى على نوعيه الهارد ونوعيد الماذر بورد

بالموديل واللاسم بالتحديد عشان ما اغلطش نفسالغلطة القديمة .. بس الحمد لله اتصلحت معايا

وانا عارف ان الميزانية بتاعتى كويسة بالنسبة للهارد ديسك واللوحة الأم ... فياريت تدلونى ...

ووفقكم الله فيما يحبه ويرضاه .. وجزاكم الله كل خير على ما تفعلونه فيما يساعد الأعضاء ويرضى الله

أخوكم احمد

[moatez]

M.B ASUS P5Q .. سعرها 780 جنيه
Western Digital (WD6400AAKS) 640GB, Buffer 16MB, SATA .. سعره 450 جنيه
و لو ناوى تعمل كروس فاير قدام يبقى هات ال ASUS P5Q-E عامله 1125 جنيه :)

[vip1985]

طيب جزاك الله كل خير \زز بس ياريت اللوحة الأم تكون جيجا بايت مش asus

وتسلم يا غالى على معاونتك ومنتظر باقى الأعضاء

[vip1985]

غير ان فى واحد قالى ده كويس جداً وشكر فيه شكر رهيب معانا بالمنتدى عرب هاردوير

ده اسمه بالظبط ... Western Digital (WD7500AALS) 750GB, Buffer 32MB, SATA

ياريت تدلونى بالظبط لأنى هنزل اشترى خلال الاسبوع ده .. وجزاكم الله كل خير . !!!!!!!!

[moatez]

شوفه فى شركة ماكسيمم هاردوير عنوانها 50 شارع الخليفة المأمون – مول سوق العصر – الدور الثاني – محل رقم 203 تليفون 0160771001

[vip1985]

شكراً لك اخى moatez .. بس ممكن تقولى العنوان بالظبط ...

وانا كنت بسأل على النوعية الكويسة ... مش على مكان الشراء وانا لو اشتريت هشتريه من مول البستان بالتحرير " وسط البلد "

فممكن اعرف ايه النوعيات الكويسة من حيث لوحة الأم والهارد ديسك .. لأنى زى ما قلت فى ناس بتقولى ابعد عن المساحات الكبيرة

يعنى الـ 640 والـ 750 جيجا بايت للهارد ديسك \ فأنا عاوز اعرف من الأعضاء وهل الى جابو الهاردات الكبيرة ديه

شغالة كويس معاهم ولا فيها مشاكل ولا الدنيا فيها ايه بالظبط من ناحية الموضوع ده ... لأنى حصل عندى لبس فى المساحات الكبيرة

من الى بسمعه ... وانا منتظر باقى الأعضاء على امل افادتى ان شاء الله ... وشكراً ليك يا معتز ... !!!!

[moatez]

ليه تبعد عن المساحات الكبيره انا عندى هارد و يسترن 500 جيجا من فتره و شغال كويس زى الفل و عند اكثر من واحد و مخدش اشتكى منه ..

الهارد ال Western Digital (WD7501AALS)750GB,Buffer 32MB,SATA كويس جدا فى ناس جايبه و شغال معها تمام و سعره 690 جنيه
بس انا عن نفسى بفضل ال Western Digital (WD6400AAKS)640GB,Buffer 16MB,SATA سعره 450 جنيه و يعتبر واحد من اسرع الهاردات الموجوده فى السوق المصرى فلو همك المساحة يبقى هات الاول مش فارقه معاك يبقى الثانى و انا عامة بميل للثانى اكثر كاداء و سعر مناسب
اعتقد انا كاتبلك العنوان واضح جدا و العنوان ده هتلاقيه فى روكسى و انصحك تجيب من الشركة ده حاجتها نضيفه و مجربه و اسعارها حلوه جدا و ربنا يوفقك

[vip1985]

شكراً ليك يا معنز ... وربنا يخليك ليا وعلى النصيحة الى استفدت منها

جزاك الله كل خير يا معتز .. وشكراً ليك مرة تانية وانا هنزل ان شاء الله واجيبه خلاص

تسلم ايدك يا برنس

[ابو المحاسن]

انا ارشحلك
AMD MSI K9A2 PLATINUM 790FX وسعر 1050
وهات هارد WESTERN DIGTAL 500G 16MB BUFFR SATA 390

[The Mysterious]

بالنسبة للقرص الصلب (الهارد) راجع هذا الموضوع، سيفيدك :).
https://www.arabhardware.net/forum/aeocaeo-caeioiae/98088-iaia-athnco-western-digital-caiciaioe-aacoeiica-caasseei.html

[vip1985]

طيب يا جماعة اولاً الف الف شكر ليكم على النصيحة الغالية والمعلومات المفيدة .. بس ليا سؤال

انا سألت فى محل قبل ما اروح لمكسيمم هاردوير ... عن الهاردات لاقيته بيقولى الأسعار ديه

الهارد الـ 750 جيجا ثمنه 1100 جنيه :eek: .... والـ 640 جيجا ثمنه 950 :eek:

عاوز اعرف ليا الثمن كده مع ان الثمن فى مكسيمم هاردوير للـ 750 جيجا ثمنه 690 جنيه :) ...

ايه السبب فى ارتفاع السعر والفرق الجاااااااااااااااااااااااامد ده ... هل ده فرق فى الماركة ولا الصناعة يعنى تايوانى او صينى وكده .. ولا ده نصب :confused:

بس ياريت الرد ضرورى لأنى عاوز اشترى هارد 750 جيجا من مكسيمم هاردوير ...

وياريت لو فى مكان تانى اقدر اجيب منه الهارد ده لأن ماكسيمم قالتلى الهارد البلاك ده مش موجود حالياً .. بعد اسبوع ممكن .. وانا هشترى خلال الاسبوع ده

[moatez]

طيب يا جماعة اولاً الف الف شكر ليكم على النصيحة الغالية والمعلومات المفيدة .. بس ليا سؤال

انا سألت فى محل قبل ما اروح لمكسيمم هاردوير ... عن الهاردات لاقيته بيقولى الأسعار ديه

الهارد الـ 750 جيجا ثمنه 1100 جنيه :eek: .... والـ 640 جيجا ثمنه 950 :eek:

عاوز اعرف ليا الثمن كده مع ان الثمن فى مكسيمم هاردوير للـ 750 جيجا ثمنه 690 جنيه :) ...

ايه السبب فى ارتفاع السعر والفرق الجاااااااااااااااااااااااامد ده ... هل ده فرق فى الماركة ولا الصناعة يعنى تايوانى او صينى وكده .. ولا ده نصب :confused:

بس ياريت الرد ضرورى لأنى عاوز اشترى هارد 750 جيجا من مكسيمم هاردوير ؟؟

يا باشا ده نصب شركة ماكسيمم هاردوير شركة محترمه جدا و احسن اسعار هتلاقيها عندهم و حاجتهم نضيفة جدا و مجربه مع اكثر من واحد انصحك بامانه انك تشترى منهم بس اتاكد من الموديل كويس قبل الشراء ..
و ادخل هنا و حمل المجله ده فى توقيع الاستاذ WMGC و الاسعار الموجوده فيها كلها من شركة ماكسيمم هاردوير :
https://www.arabhardware.net/forum/caeiu-aecaonca/57861-aoucn-ae-aiecn-caacniaein-yi-caoaeth-caaonie.html

[vip1985]

اوكيه يا معتز شكرا ليك مرة تانية على النصيحة والمعلومة ... وانا كنت بستفسر بس عشان لاقيت الاسعار فرق جامد بينها وبين ماكسيمم هاردوير ..

وانا كده هضطر استنى 10 ايام عشان يكون الهارد بقي عندهم لأنه قالى بعد 10 ايام .. انت ايه رأيك يا معتز

أستنى 10 ايام ... ولا اشوف مكان تانى ياريت تدلنى وده اخر سؤال ليا انا تعبتك معايا ... معلش :(

[moatez]

اعتقد ان مش هتلاقى مكان ثانى عندهم نفس الهارد ده WD640AAKS بنفس السعر فرائى استنى ال 10 ايام دول بس خليك متابع معهم ..

[vip1985]

أوكيه يا معتز ... شكراً