المساعد الشخصي الرقمي

مشاهدة النسخة كاملة : HP Pavilion dv5-1135ee" VS "HP Pavilion dv5 1060ee"" (عنوان معدّل)



msg1407
27-11-2008, 11:16
هل في فرق بين الجهازين؟

HP Pavilion dv5-1135ee

و

HP Pavilion dv5 1060ee

volta
27-11-2008, 12:58
دي مشاركه سابقه لأستاذ وائل عناني


بسم الله الرحمن الرحيم

الف مبروك طبعا على الجهاز الجديد ، وانت احسنت الإختيار

بالنسبة للفرق بين الجهازين الـ HP الـ 1060 و الـ 1135 :
شركة HP طرحت موديل 1060 فى الأسواق ، والمستورد أو الوكيل عندنا فى مصر هى شركة مترا ، وكان افضل سعر له كان 1550 جنيه ، ده أرخص سعر عرفت اجيبه بالعافية ، واشتريت منه 3 أجهزه ، وبعدين وجدت عيب بسيط جدا ناس كتير تجاوزت عنه ، لكنه كان مهم جدا جدا بالنسبة لي وهو مشكلة زرار الصوت باللمس بيعلق بعد كام يوم من الإستخدام ، ولما كلمت شركة HP عن طريق النت ، ناس منهم قالوا لى انه عيب هارد وير ، وناس تانية منهم قالوا لي انه عيب فى درايف التعريف ، وهو غالبا فعلا عيب فى درايف التعريف الخاص بالزرار ده ، لأن عند اعادة تحميل درايف التعريف بتاع الزرار ده ، بيتعدل لكن لمدة ايام فقط ، ورجعت راسلت شركة HP تانى ، ادونى ملف يحل الموضوع من جذوره ، بس أنا استعجلت ورحت رجعته (شركة مترا بتدى الحق للعميل اذا كان فيه عيب فى الصناعة يحق للعميل الإستبدال أو الإسترجاع خلال 30 يوم) ، حاولت ابحث عن البديل ، لاقيت جهاز 1135 بنفس مواصفات 1060 نزل السوق بسعر أرخص ، طبعا هو نزل بسعر أرخص لأن ده الطبيعي ، الكمبيوتر بيرخص مش بيغلى ، بس ليه هم نزلوا 1135 بنفس المواصفات ، سألت صاحب محل ، قاللى ان HP إكتشفت عيب فى الماثر بورد بتاع الموديل 1060 ، فيها قطع بتسخن وبتتحرق ، فسحبت الموديل ده من السوق ، ونزلت بدلا منه 1135 ليتفادى العيوب الموجودة فى موديل 1060 ، (زى ماتقول كده انهم انتجوا موديل 1135 مخصوص ليكون بديل عن 1060) وطبعا كان لازم يكون بسعر أرخص ، لأن الأسعار بتنزل ، خصوصا انه بنفس المواصفات ، مع ملاحظة ان فيه إختلاف فقط فى نوعية كارت الـ Ethernet ، النوعية فقط ، فى الـ 1060 بيدى سرعتين 10 و 100 لكن فى الـ 1135 بيدي ثلاثة سرعات وهى 10 و 100 و 1000 .
ولما سألت شركة HP عن صحة المعلومة دى (عيوب الـ 1060) ، قالوا لي انهم غير ملمين بأى جهاز خارج الولايات المتحدة ، ومع ذلك ، ليس مسجل عندهم أي مشاكل تخص جهاز 1060 ، وانه مجرد موديللين بنفس المواصفات ، عايزين يقولوا لى انه حاجة عادية ، طبعا أنا ما اقتنعتش بكلامهم.
فى الوقت نفسه واحد أكد لى إن جهاز 1060 إتسحب من السوق عن طريق شركته ، يبدو ان المعلومة صحيحة.

هى دى القصة ، وأنا طبعا حاليا كنت واقع فى مشكلة ، إنى باحاول أبحث عن موديل آخر غير الـ HP علشان موضوع زرار الصوت ده ، وماكنتش لاقى حاجة بنفس المواصفات ونفس السعر ، لغاية ماطرحت انت الموضوع ده ولقيتك بتتكلم عن الـ ACER ASPIRE 5930G ، قوللى بقى يا باشا انت لاقيته فين وبكام ؟؟؟ علشان اروح أشتريه .

أرجو أن اكون وفقت فى شرحى لك
مع تحياتى
وائل العنانى




إخوانى الكرام ، إستكمالا لشرحى السابق فى الفرق بين الجهازين وعيوب كل جهاز
أولا اللايت سكريبت موجود فى الجهازين
على فكرة انا اشتريت جهازين 1135 بعد مارجعت الـ 1060 اللى كان عندى
لاقيت الفرق بس فى كارت الـ Lan ، فيه إختلاف فى الموديل ، وفى الموديل 1135 سرعته 10 / 100 / 1000 ، لكن فى موديل 1060 السرعة 10 / 100 ، وعلى فكرة الموضوع مش مهم نهائيا
الفرق التانى ان الهارد بتاع جهاز 1060 كان نوعه توشيبا ، والموديل 1135 كان نوعه Fuijitsu لكن بنفس السعة واللإتنين 5400 RPM ، وبرضه المضوع مش مهم نهائيا .
يعنى مافيش فرق فى المواصفات نهائيا
وعلى فكرة موضوع زرار الصوت ، طلعت المشكلة برضه موجودة فى موديل 1135 ، يعنى ما اتحلتش
وكمان لما كلمت شركة HP على الشات بالإنترنت ، ما عندهمش اى كلام يقولوه غير تغيير درايف التعريف .
أما مين الأفضل فى الجهازين ، فطبعا 1135 هو الأحسن للأسباب اللى قلت عليها فى مشاركتى السابقة
انا اشتريته على 1400 جنيه من شركة كمبيوساينس بمول السخاوى بروكسي الدور الأرضي
-----------------------------------------
نيجي بقى لموضوع شراء جهاز Acer بدلا من HP
أوعى حد يعمل كده ، انا كنت ها أعمل كده ورحت عاينت الجهازين وفوجئت بإن Acer ضعيف بالنسبة للـ HP من حيث الجودة والفرق واضح جدا ، والكي بورد بتاعته خفيفه وبتهبط بطريقة ملحوظة عند الضغط على اى زرار ، وكله بلاستيك من الداخل بعكس الـ HP اللى كله معدن ، كما لو كان مسنود على ورق ، وعلشان كده سعره أرخص من HP بحوالى 850 جنيه ، والسيدى بتاعه مافيهوش لايت سكريبت ، واللى كان واقف بيبيع كان بيبيع الموديللين ونصحنى بالـ HP
بصراحة بعد ما شفت الـ Acer وشفت الـ HP جنبه ، اشتريت HP وقلت لو طلع فيه مشكلة فى زرار الصوت يبقى مشم مهم وممكن الغيه أو اتغاضى عنها او ادور لها على حل تانى ن بس المهم انى اقتنعت فعلا بإنه ما فيش احسن من HP حتى الآن
وعلى فكره أنا شفت جهاز Dell أعتقد بولندى أو إيرلندى ، يعنى مش صينى ، وبنفس مواصفات HP ، عليه ويندوز فيستا والميزه انه بيقبل ويندوز XP ، وبسعر أرخص ييجى الف جنيه تقريبا ، بس للأسف كارت الفيجا بتاعه Intell وكمان الباس بتاع البروسيسور 800 مش زى الـ HP الباس 1066 .، وده يفرق فى سرعة الجهاز ، يعنى الـ HP أسرع شوية فى الـ Games
انا الآن بعد ما شفت كل اللى فى السوق ، اقتنعت تماما بالـ HP 1035ee ، ويعمل على الويندوز الفيستا بكفاءة تامة جدا جدا وسريع مشاء الله زى ما اكون شغال على ويندوز XP ، وشاشته High Defination
ارجو ان اكون قد افدتكم

msg1407
27-11-2008, 15:47
شكراً هلى مرورك volta

طيب processor

HP Pavilion dv5-1060ee
مكتوب عليه انتل كيور 2 ديو

و

HP Pavilion dv5-1135ee
مكتوب عليه سنترينو

raowy
28-11-2008, 04:49
السنترينو دي تقنيه جديده لتخفيض استهلاك البطاريه والطاقه بشكل عام وتفيد في خفض حراره الجهاز ولا تتعارض مع كونه كور2 ديو
ارجو ان تكون وصلت...؟؟

F.C.B
28-11-2008, 18:40
كلا الجهازين بهما سنترينو 2 و معالج كور2دو بتردد 2.26 قيقاهرتز

raowy
29-11-2008, 02:40
ياتري كام سعر الموديل
hp pavilion dv5-1155 في مصر
يعني هل سعره قريب من dv5-1135 والا الفرق كتير لأني بفكر في واحد من الاتنين ؟
ارجو الرد بسرعه

F.C.B
29-11-2008, 10:53
ياتري كام سعر الموديل
hp pavilion dv5-1155 في مصر
يعني هل سعره قريب من dv5-1135 والا الفرق كتير لأني بفكر في واحد من الاتنين ؟
ارجو الرد بسرعه

عندنا في الكويت في فرق واضح بالسعر بين الجهازين لذلك أعتقد في مصر لن يختلف الوضع كثيرا
لكن جهاز hp pavilion dv5-1155 يعتبر جهاز متكامل تقريبا و مواصفاته ممتازة

raowy
30-11-2008, 00:54
هل فيه حد مصري ساكن قريب من مول السخاوي أو سوق العصر يقدر يجيب لنا سعر الجهاز
hp pavilion dv5-1155 انا بصراحه ناوي اشتريه لو الفرق في حدود 500-700 جنيه

volta
30-11-2008, 21:06
عندنا في الكويت في فرق واضح بالسعر بين الجهازين لذلك أعتقد في مصر لن يختلف الوضع كثيرا
لكن جهاز hp pavilion dv5-1155 يعتبر جهاز متكامل تقريبا و مواصفاته ممتازة

طيب ممكن أخي F.C.B تقوللي لقيت ال dv5-1155 بكام في الكويت ؟ و لو أمكن تقولي المكان علشان ممكن أشتريه من الكويت ان شاء الله في أجازة نصف العام... و جزاك الله خيرا

raowy
01-12-2008, 01:06
انا سألت في كام محل وافضل سعر لجهاز
hp pavilion dv5-1155 في مصر هو في حدود 7200-7500 جنيه مصري
لو حد لقي سعر اقل يقول وفين؟

F.C.B
01-12-2008, 12:34
طيب ممكن أخي F.C.B تقوللي لقيت ال dv5-1155 بكام في الكويت ؟ و لو أمكن تقولي المكان علشان ممكن أشتريه من الكويت ان شاء الله في أجازة نصف العام... و جزاك الله خيرا

سعر الجهاز في حدود 450 دينار كويتي قد يفرق كحد أقصى 10 دنانير زيادة أو نقصان من مكان لأخر
أما أفضل الأمكان فأعتقد يوريكا و مكتبة جرير في حولي و كارفور في مجمع الأفنيوز

volta
01-12-2008, 19:09
جزاك الله خيرا علي الرد المفيد

raowy
02-12-2008, 20:41
طيب هل سعر الجهاز
hp pavilion dv5-1135 ارتفع من الاسبوع اللي فات عن سعر اللي كتبه زميل لنا قبل كده
هوه كان كاتب 6100 جنيه مصري،

volta
02-12-2008, 21:22
مستبعد جدا أن السعر يرتفع ... اذا حدث تغير في السعر هيبقي انخفاض مش ارتفاع