ادخل وشوف قبل ما يتضحك عليك ((هام جدا بخصوص اعلانات الوسيط))

[scrubs]

بسم الله الرحمن الرحيم


وان بشوف اسعر الاجهزة على الانترنت والاعلانات لاقيت حاجة غريبة جدا
لاقيت فى جريدة الوسيط اعلانات لأجهزة كمبيوتر باعلى المواصفات واسعار رخيصة جدا
وانا مش عارف ايه سبب ان هى تكون رخيصة اوى كدة هل هى مستعملة بس لاقيت مكتوب
ان معاها ضمان 3 سنوات هل الكلام ده صح والاجهزة ديه مفهاش عيب الله اعلم!!!
بس انا قولت الفت نظر الناس وياريت كل الناس تقول رأيها وانا جبت صوره للأعلانات.
واسف لو كنت طولت عليكم



https://www9.0zz0.com/2008/12/05/14/780436214.jpg (https://www.0zz0.com)

[| Fusion |]

تمت الموافقة على الموضوع, و الموضوع مهم جدا..

شوف يا سيدي, مع احترامي, دول شوية عالم جهلة مش عارفين هما بيعملوا ايه, و دا باين حتى من طريقة كتابة العرض..

انا اتأكدت ازاي؟! قلت اكلم اي شركة من اللي في الاعلان دا و اخترت اول عرض و اتصلت على 22623690..

و دار الحوار الآتي (الله يمسيك بالخير يا gtx :)):

انا: سلام عليكم, بستفسر عن عرضكم اللي في الوسيط

هو: الجهاز اللي بكام يا فندم!!

انا: الجهاز ابو 1150جنيه.

هو: (قعد يقرالي الاعلان تاني, فقاطعته)

انا: البروسيسور نوعه ايه؟

هو: (قللي بالظبط) four two core quad AMD

انا: جميل اوي, موديله كام بالظبط؟

هو: مش عارف ثواني هسأل المهندس ........ موديله يا فندم LE 1250 !!!!!

انا: اديني المهندس بتاعك دا !

هو: معلش هو مشغول اوي دلوقتي..

انا: طيب, كارت الفيجا نوعه ايه, و بالمرة اسأللي المهندس على الموديل بتاعه..

هو: ثواني.... كارت 1جيجا موديله ATI X1250 !!!!

انا: شكرا.

هو: مش هتاخد العنوان يا فندم؟

انا: سلام عليكم (و رحت قافل!)

ملاحظات على التهريج اللي حصل دا:

1) البروسيسور ال LE 1250 دا من فئة ال Sempron في معالجات AMD و دي اقل فئة اللي بتوازي ال Celeron من انتل, و هما كلهم Single Core, قاموا هما في الاعلان ألفوا انه Quad و ضربوا سرعته الاصلية اللي هي 2.2GHz في 4 و بالتالي كتبوا 8.8GHz, طبعا كلام فاضي!

2) كارت الفيجا ال X1250 دا Built in في البوردة ال MSI اللي مكتوبة في العرض, و خد بالك انه قوة كارت الشاشة عمرها ما كانت بتتقاس بحجم الذاكرة بتاعته, يعني في كروت 256MB اقوى بكتير جدا من كروت 1GB, عشان كدا لازم تسال على الموديل بالظبط عشان تقدر تعرف امكانيات الكارت كلها و منها تاخد انطباع مبدأي عن الاداء..

3) مفيش حاجة اسمها four two core quad ـ :D

4) بالنسبة للشاشات ال LCD اللي في العروض دي, فكلها 15 بوصة و مستعملة (عرفت الكلام دا من مكالمة تانية مع الشركة صاحبة العرض التالت)

5) اوعا في يوم من الايام تفكر تجيب اي جهاز من الوسيط او الجرايد المشابهة!!

6) لو بتفكر تجمع جهاز جديد, المنتدى مفتوح ليك لأي اسئلة نفسك تعرف اجابتها, و متسمعش كلام اي بياع :)

[ameer_s]

شكرا على التوضيح مشرفنا العزيز

ظاهرة النصب انتشرت بشكل كبير وكانة الطبيعى الان ان تنصب على المستهلك

وفي جميع المجالات للاسف

اعتقد انة من الضروري على الشخص ان لا يصدق اي عرض مبالغ فية

والله المستعان

[k@spersky]

مشكور على التنبيه
أنا فعلا كنت أتعجب من هذه الأسعار بتلك المواصفات وكنت أظنها أخطاء مطبيعة أو ما شابه
فالحمد لله على نعمة العلم وهذا المنتدى الراقي من أهم أسباب هذا العلم

[salsa_hot]

شكرا صاحب الموضوع للتنبيه ربنا يجازيك خير و فعلا الناس لازم تاخد بالها من الحاجات دي ......

[HuLkY]

دول شوية عالم جهلة مش عارفين هما بيعملوا ايه, و دا باين حتى من طريقة كتابة العرض..

مفيش أى دراية لأبسط أرقام المنتج مؤشرها إيه!!!!!!!!!!!!! عرض زى ده محتاج رد عمنا H دبور " * * * "

انا: سلام عليكم (و رحت قافل!)
ده عشان انت بس محترم يا مشرفنا العزيز :) , انا لو مكانك , كنت إديته دش حلو وقفلت :)


) لو بتفكر تجمع جهاز جديد, المنتدى مفتوح ليك لأي اسئلة نفسك تعرف اجابتها, و متسمعش كلام اي بياع
أكيد :) , لو تسمح لى أضيف بس
7) ده درس لكل واحد عشان قبل ما تشترى , إقرا , تعلم , إفهم , أول رسالة من المولى عز وجل لسيدنا محمد
كانت كلمة - إقرأ - يعنى علم وتفكير وتدبير , يا ريت حتى لما حد يقول لك على أى حاجة , تلف انت على النت وتشوفها وتعرف أولها واخرها والمواضيع دى كلها عشان على الأقل تكون عملت اللى عليك و لما تشترى محدش يضحك عليك ويبقى فى فعلا ثقافة مستخدم للمنتج وبكده لو كل واحد مننا عمل كده إعلانات سفيهة زى مش حتطلع

8) السادة المسئولين عن طبع ونشر الحاجات دى , الدال على الخير كفاعله , يا ريت قبل نشر أى حاجة من السفه ده , شوية إستفسارات من اى خبير تقنى هل الكلام ده صح و لا لأ عشان الناس متتلاهفش على وهم , فى حاجة إسمها FSB 4000!!!!!!!!!!!!!!!!!!!!!!!!! حرام وربنا , كفاية بأه!!!!!!!!!!!

[| Fusion |]

رض زى ده محتاج رد عمنا H دبور " * * * "
:D


ده عشان انت بس محترم يا مشرفنا العزيز , انا لو مكانك , كنت إديته دش حلو وقفلت
انا عشان كدا طلبت اكلم المهندس, هو اللي يستاهل الدش, مش العيل اللي رد عليا دا!


أكيد , لو تسمح لى أضيف بس
الله ينور عليك :)

[Mezoxin]

انا: البروسيسور نوعه ايه؟

هو: (قللي بالظبط) four two core quad AMD

انا: جميل اوي, موديله كام بالظبط؟

هو: مش عارف ثواني هسأل المهندس ........ موديله يا فندم LE 1250 !!!!!



:D:D:D:D:D:D

هههههه

ألف شكر لصاحب الموضوع على التنبيه :)

[HD5870X2]

بلاش تظلموا الناس ياخوانا

أنا طلبت الجهاز ال P5 و فعلا طلع زى ما قالوا بالظبط

الفكرة هنا ان الشركات دى بتستخدم آلة زمن و جاية من المستقبل اللى فيه أحدث التطنولوجيا بتتباع على الرصيف فى سوق الجمعة

:D

ياريت كان عندنا قانون ضد الFalse Advertising زى أى بلد نضيفة :mad:

https://en.wikipedia.org/wiki/False_advertising

[راعي الأبل]

مشكووووووووووووووور

[warior10]

شكرا على التوضيح

[masklove]

حال هذا الرجل هو حال معظم البياعين في بلادنا
عموما ما شاء الله اعضاء المنتدي ما قصرو ابدا
حلوة قوي four two core quad AMD
الناس دي بتخدع مييييييييييييييييين
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شكرا علي الموضوع

[Tech_Admin]

نصب * نصب

[GoldenLionTech]

السلام عليكم ورحمة الله وبركاته


four two core quad AMD

رباعي النواة .. اتنين أربعة
يا شديد :D:D:D:D:D

[midoo55]

شكرا اخي على التنبيه , و الصراحة صدقني ده معظم الحال في مصر للاسف , الناس عندنا مش عاوز اقول اغلبيتهم معندهومش اي ثقافة و خصوصا في مجالات التقنية و الاجهزة كل الي الناس تعرفه اسم و اكتر شيء مؤسف ان الناس بتعتمد على القيل و القال و الي اكتر من كدة جهل الناس بالي بيحصل حواليهم

ابسط مثال انا كنت مرة بشتري علبة دجاج مجمد بعيد عن الموضوع , فا المساعد للبياع بيقولي مش هتفرق كل شركة زي التانية ( كلها فراخ بانية يعني ) و هو عنده نوعين فقط و المشكلة اني انا مجرب النوعين من قبل و في واحد بينشف مش بيكون تمام و الاخر بيكون حلو

على العموم سيبك من موضوع الاكل ههههههههه انا حبيت اوضحلك مقدار المعلومات او الحكم على شيء , و اكتر حاجة تفرس انك تشوف شخص معين بيقولك معلومات غلط و يعملك فيها اذكى رجل في العالم و يقولك ان كلامه صحيح ميختلفش عليه اثنين

و اكثر من كدة انا مرة كنت بتنقل بين محطات التلفاز و في قناة اسمها " الناس " قناة دينية فا بصيت في الشريط الي بيكون فيه كلام و txt و مسجات , فا لقيت اعلانات : كمبيوتر ...ماركة كذا...... للبيع ...تلفون... و الخ

طبعا شيء يكسف ,

شوف الشيء الي تلاقيه تعبان و اعلاناته سخيفة بدون تفكير ابعد عنه , بمعنى لما تشوف اعلانات عاملة بالضبط زي اعلانات رنات التلفون التافهة الي بيقولك " رنتك باسم حضرتك " ههههههههه:D و الله شيء سخيف سخافة بشكل مضحك , على طول اعرف انها حاجات مش قد كدة

يعني في اعلان الوسيط لو صح الالعلان الي انت مصوره ده , فانا مستغرب يعني ايه بنتيوم 5 ؟!!:confused: , ببساطة يعني الي كتب بس الكلمة دي للاسف برضوا لا عنده ذمة و لا ضمير , لانه ببساطه مشفش حاجة في حياته ده لو كان ليه في الكمبيوتر شيء اسمه بنتيوم5 و اكيد 100% مخترع اختراع عجيب او زي ما تقول وجد معالج مش عليه اسم قلك خلينا نكمل الفراغ يعني بعد بنتيوم 4 في ايه ؟ اكيد 5

حسبي الله و نعم الوكيل على سخافات بلدنا


انا على فكرة استغربت جدا من موضوع ال Fsp 4000 و مين عارف ممكن تكون غلطة مطبعية بس للاسف لا اعتقد انها غلطة مطبعية دي غلطة اخلاقية للاسف , خليني اوصفهالك الاعلان الاول بيقولك بروسيسور بسرعة 8.8 ما شاء الله طيب هل تفتكر بروسيسور مثل ده اكيد رباعي النواة هيشتغل بسرعة ناقل للمعالج بقدرة 400 لو كانت صحيح غلط مطبعي و لا ب 4000 ؟

بلاضافة نوع الهارد مش مذكور و لا سرعته و لا اسم المعالج حتى و نوعه ايه و لا حتى مواصفات للمذربورد كافية يعني ممكن انا اروح اشوف المذربورد و اقرأ اسمها المطبوع عليها و احاول ابحث عليها على النت بس في غيري مش خبرته في الاجهزة قد كدة برضوا و يروح و الراجل يقولوا : ياباشا دا احسن حاجة في السوق , ده اعلى بروسيسور في فئته , دا مفيش زيه النهاردة ههههههههه , ده يا ريس استعامله خفيف مش اكتر ,

ده يا عمي مش كفاية انها اشياء قديمة و كمان غير مطابقة للوصف المذكور


"انا لا اعلم كيف يستريح ضمير هؤلاء البشر و ينامون في الليل"

[PlaySmart]

انا: البروسيسور نوعه ايه؟

هو: (قللي بالظبط) four two core quad AMD

:D

شكرا على التنبيه

[soliman]

four two core quad AMD

ههههههههه
ده بقا على اساس انك بتشترى عربية 4×4
بس البروسيسور ده كام سى سى