المساعد الشخصي الرقمي

مشاهدة النسخة كاملة : مشورتكم بجهاز ب 4000 ريال لتشغيل الالعاب والافلام (عنوان معدل)


Hero!
15-12-2008, 12:02
السلام عليكم ..


بداية أحب أشكركم على جهودكم المبذولة في المنتدى .. واللي استفدت منها وصارت مرجعي الاول لأي اشكال أو سؤال بالهاردوير .. و يشرفني الانضمام لكم ..


ندخل بالموضوع ..


أول شي انا انقطعت صلتي بالهاردوير و تجميع الاجهزة من عام 2004 تقريبا .. ومعها نسيت كثير من الامور الي تخص هالمجال لانشغالي بأمور اخرى .. فجهازي الحالي معالجه بينتوم 4 بسرعة 3000 .. و برام 2 قيقا .. وكرت شاشه متواضع ..


طبعا اقول متواضع بسبب التطور الهائل بمجال الهاردوير و كروت الشاشه خلال فترة انقطاعي ..


فكرت بتطوير جهازي .. لكني من خلال متابعتي وقراءتي لمواضيع المنتدى تأكدت اني ما راح احصل الميزات المطلوبة في وجود هذا المعالج .. فلذلك قررت تغييره ومعناها راح اشتري جهاز جديد اوفر و أكثر عمليه ..


انا طولت الموضوع .. باختصار شديد ..
راح يكون الجهاز مخصص للألعاب و الافلام ..
و راح اوصله بشاشه الLCD عبر وصلة الـ HDMI ..
يعني من دون شاشة فقط كيس..


الميزانية المتاحة 4000 ريال ..
وافضل معالجات الانتل ..


جهازي الحالي بيكون من نصيب اخوي..
يعني ماراح احاول الاستفادة من اي قطعه فيه ..


انتظر تفاعلكم معي ..


وشاكر لكم جهودكم ..


تحياتي
Hero!
khallodah
15-12-2008, 14:01
وصلت رسالتك أخي هيرو, وانا هنا عشانك.

أسمع قبل ما نبدأ في المواصفات, لازم تعرف اننوا فيه معالجات ونظام جديد لمعالجات انت ولوحاتها نازلة جديد, وأتصور اننوا وصل السعودية أو على الأبواب, لكن تكلفته راح تكون عالية شوي يعني, صعب توقع أسعارها ولكن افضل تخمين لي هو 5500 ريال لنظام جيد وهذا على افتراض ان DDR3 أسعارها معقولة في السوق (منقطع عن السوق فترة طويلة).

تنتظر أو نبدأ في المواصفات؟

عموما ميزانيتك تعتبر طيبة لجهاز ممتاز. لكن ودي أعرف ايش الألعاب اللي تلعبها بكثافة ؟
Hero!
15-12-2008, 14:33
المشكلة في الاسعار .. انا حدي 4000 للكيس .. وزي ماقلت راح تكون غالية رغم اني متأكد ان سعرها فيها .. بس على قولتهم ( الجود بالموجود ) .. لكن خلينا نشوف وش افضل القطع اللي ممكن اخذها بهالسعر ..
والالعاب اللي اهتم فيها هي العاب الجيل الجديد اللي نزلت على الPS3 و الXbox360 مثل Call of duty و GTA VI ,,, وايضا العاب الاستراتيجية مثل ريد اليرت و العاب مايكروسوفت مثل .. ايج اوف امباير بأجزاءه ومجموعة العاب maxis .. وغيرها ..
و يهمني كرت الشاشه يكون قوي عشان ما اضطر بعد فترة اغيره من جديد ..

يعني احتاج معالج قوي كافي لتشغيل الكرت شاشه قوي بكل كفائة .. بعدها ندخل بموضوع كسر السرعه اللي جديد بالنسبة لي ولا عندي اي خلفيه سابقة فيه بس حبة حبة زي مايقولون :) ..

انتظر ردك .. وشاكر لاهتمامك ..
abdo921
15-12-2008, 16:38
وين تسكن

لأنه الاخوان اللي في السعودية ممكن يساعدوك اكثر

وبالتوفيق
Hero!
16-12-2008, 02:29
انا بالرياض ..

والقطع راح اشتريها من هنا يعني مافي شي من النت ..

شكرا لمرورك ..

ملاحظة:
مادري ليه تغير العنوان مع اني مالاحظت بين عنواني والعنوان المعدل اي فرق !
muataz.k
16-12-2008, 15:36
في موضوع سابق ذكرت هذه الموصفات بــ 4040 ريال ( طبعا التجميع من الخبر )

معالج q9550 بـ 1430 ريال

مذربورد جيجابايت EP45-D3SL بـ 460 ريال

كرت شاشة 4850 شابيير بـ 930 ريال

بوكس THERMALTAKE M9 بــ 360 ريال

قارئ ملتي DVD بسرعة 22* بـ 99 ريال

هرديسك 500 جيجا WB ( ابو عشبة خضراء ) خخ بـ 370

رامات 2جيجا OCZ نوع SLI بتردد 1066 بــ 390 ... ونوع الـ SLI غير ضروري ..
muataz.k
16-12-2008, 15:40
طبعا كرت 4850 يشغل كرايسس على HIGH بدقة 2 ميغابيكسل .. بسلاسه ...


وبعد فترة راح ينزل ويندز 7 .. وفيه برمجة جديدة تستفيد من المعالج في الرسومات بشكل قوي ...
Hero!
17-12-2008, 02:51
مشكور اخوي على ردك ..

لكن سؤالي لو اشبك الجهاز بوصلة hd على شاشه 40 بوصة للألعاب والافلام hd .. هل كرت الشاشة راح يعطيني وضوح ودقة مرضيه .. او لا ؟
SeeNoEvil
19-12-2008, 04:43
في موضوع سابق ذكرت هذه الموصفات بــ 4040 ريال ( طبعا التجميع من الخبر )

معالج q9550 بـ 1430 ريال

مذربورد جيجابايت EP45-D3SL بـ 460 ريال

كرت شاشة 4850 شابيير بـ 930 ريال

بوكس THERMALTAKE M9 بــ 360 ريال

قارئ ملتي DVD بسرعة 22* بـ 99 ريال

هرديسك 500 جيجا WB ( ابو عشبة خضراء ) خخ بـ 370

رامات 2جيجا OCZ نوع SLI بتردد 1066 بــ 390 ... ونوع الـ SLI غير ضروري ..
معلش ايه

كرت شاشة 4850 شابيير بـ 930 ريال
ايه شابيير

ده؟؟؟:D
SeeNoEvil
19-12-2008, 04:44
طبعا كرت 4850 يشغل كرايسس على HIGH بدقة 2 ميغابيكسل .. بسلاسه ...


وبعد فترة راح ينزل ويندز 7 .. وفيه برمجة جديدة تستفيد من المعالج في الرسومات بشكل قوي ...
وايه
بدقة 2 ميغابيكسل

دي؟؟:D:ah50:
SeeNoEvil
19-12-2008, 04:44
مشكور اخوي على ردك ..

لكن سؤالي لو اشبك الجهاز بوصلة hd على شاشه 40 بوصة للألعاب والافلام hd .. هل كرت الشاشة راح يعطيني وضوح ودقة مرضيه .. او لا ؟
لو هتلعب على رزيلوشن 40"
عايز على الاقل
4870 X2
muataz.k
19-12-2008, 23:36
لو هتلعب على رزيلوشن 40"
عايز على الاقل
4870 X2



اولا عيييب عليك .. :confused:

ثانيا ... الكرت اسمه Sapphire HD 4850 وهذه اسم الشركة ( وهذا دليل انك ما عندك سالفة ):ah42:
وانا شاريه من الخبر ب 930

واذا تضحك على دقة 2 ميغابيكسل ( فهي تعني 1920#1080) وهي اعى دقة تلفزيونات ( يا بابا ):ah24:


وثاني شي ما يحتاج ذكر حجم الشاشة لأنه الكرت ما يزودها بالكهرباء ( يزودها ) بالبيانات .
muataz.k
19-12-2008, 23:40
لو هتلعب على رزيلوشن 40"
عايز على الاقل
4870 X2

مصري ما عليك شرهة

لييييييييييييييييييييييييييش .. شايفة دينمو ..

4850 يكفي حتى للكرايسس على HIGH على دقة 2 ميغابيكسل 1920*1080
Hero!
24-12-2008, 18:58
:)

شكرا على الردود والتفاعل ..
حسام ياليت كان ردك بأسلوب أحسن من كذا ..
معتز اشكرك على توضيحك ..
سؤالي 4870 كم قيمته بالرياض ؟؟