سؤال للأخ vip1985 :ما هو الأفضل بين هذين الهاردين من حيث الأداء والبورد المناسبة ؟

[alayoubi]

السلام عليكم ورحمة الله وبركاته
أزيك عامل ايه .. يارب تكون بخير ان شاء الله
أنا يا باشا محتاج مساعدتك فى اسرع وقت ياريت لو تقدر .. انا عاوز أشترى هارد ديسك

640AAKS

أو 750AALS

من شركة ماكسيمم هاردوير .. فأنا الراجل قالى استنى 10 ايام لانه مش متوفر عند الا الجرين باور .. لكن النوعين الى انا عاوزهم مش موجودين عنده
تمام كده ... الكلام ده من شهر تقريباً

فأنا اتصلت بيه اكتر من مرة وكل مرة يقولى يومين يومين ... وبعد كده قالى بعد العيد .. لحد الحمد لله ما كلمته النهارده وقالى ان قى هاردات ديسك متوفرة عنده
النوعين دول موجودين عنده قالى الهارد الـ 750 الى نوعه 750AALS مش متوفر

لكن النوعين دول موجودين ...
الهارد ال640 جيجا الـ KS الى هوه نوعيته كده بالظبط 640AAKS
والهارد التيرا بايت الى هوه 1001FALS ونوعيته قالى انه البلاك اديشن Black Edition

تمام .. فانا عاوز أعرف يا باشا انا كده اجيب انهى واحد فيهم .. انا قالى ان الهارد ال640 بـ 420 جنيه ... والهارد التيرا بايت بـ 750 جنيه .. الكلام ده بتاريخ امبارح يوم 27 / 12 / 2008 .. فأنا عاوز أعرف انهى نوعيه احسن ..

وعلى فكرة انا سمعت فى ناس بتقول انها جابت الـ 750 البلاك اديشن لأنهم فى الوقت الى فات ماكنش موجود التيرا الى الجرين باور .. مكنش التيرا بايت موجود منه البلاك اديشن .. فأنت ايه رأيك .. ؟

اجيب الهارد التيرا بايت البلاك اديشن ولا اجيب الهارد ال 640 جيجا ..؟

وانا مش مهم الفلوس لأنه مش غالى والفرق بينهم بالنسبة ليا بسيط وانا مش بشترى هارد كل يوم .. فياريت تقولى لو انا فى استطاعتى من ناحية الماديات مافيش مشكلة خالص انى اجيب الهار الـ تيرا بايت ... بالنسبة ليا المبلغ عادى لانه مش هجيب هارد تانى

انا الى اقصده مش عاوزك تقولى هات الهارد الـ 640 عشان خاطر المبلغ بتاعه حلو عن التانى .. لو التانى اداءه أفضل قولى .. عشان انا خايف لحسن الكمية تخلص من عنده ومعرفش اطوله تانى فين انا مستنيه بقالى اكتر من شهر ..

والبوردة الـ p43 انا قررت اشتريها بـ 630 جنيه هل فيه بوردة قريبة منها فى السعر وأفضل منها من شركة جيجا بايت

منتظر ردك فى اقرب فرصة وربنا يوفقك ويزيدك يا رب من علمه ويخليك تساعد الناس اكتر

وانا اسف لو انى طولت عليك بس انتا اكيد عارف انا كتبت كل ده ليه لأنى ادبست قبل كده وانا مش فاهم فى النوعيات كويس ..

وشكرا ليك مرة تانية يا يا باشا...

أخوك / أحمــــد

[شلاع العتر]

رابط المنتج في نيواج

Western Digital Caviar Black WD1001FALS 1TB 7200 RPM SATA 3.0Gb/s Hard Drive - OEM (https://www.newegg.com/Product/Product.aspx?Item=N82E16822136284)

Western Digital Caviar Black WD6401AALS 640GB 7200 RPM SATA 3.0Gb/s Hard Drive - OEM (https://www.newegg.com/Product/Product.aspx?Item=N82E16822136319)

أفضل شيء هو ان تحصل على قطعتين من 640 وسيكون سعرهما ب 840 جنيه وحجمهما 1280 جيجا ,وتخلص من القرص القديم الموجود لديك (ابو 160 جيجا)

ويمكنك ان تشكبهم من خلال تقنية رايد 0 (سرعة)

والافضل هو ان تحصل على اربعة اقراص 640 ... وتشبكهم رايد سرعة وأمان

***ولكن ان اردت الحصول على قرص واحد فقط فخذ ال 1 تيرا
للتفاصيل حول تقنية رايد راجع
https://www.arabhardware.net/forum/sh...ad.php?t=81197 (https://www.arabhardware.net/forum/showthread.php?t=81197)

بالنسبة للوحة الام لا اعلم لوحة بسعر قريب من المذكورة وادائها افضل

[alayoubi]

أهلا أخي أحمد وعليكم السلام


لكن النوعين دول موجودين ...
الهارد ال640 جيجا الـ KS الى هوه نوعيته كده بالظبط 640AAKS
والهارد التيرا بايت الى هوه 1001FALS ونوعيته قالى انه البلاك اديشن Black Edition


هو طبعا الفئة Black Edition قوية وادائها ممتاز حسب كلام الجميع وأنا لم أجربها لكن بفضل تاخذ هاردين 500 جيجا من نفس الفئة أو فئة أخرى بذاكرة كاش 32 ميجا أو عالأقل 16 ميجا حتى لو لا قدر الله تعطل أحدهم يبقى الآخر موجود بعكس لو كان الهارد 1 تيرا قطعة واحدة فقط .

وانتظر أراء الأخوة في هذه النقطة .


والبوردة الـ p43 انا قررت اشتريها بـ 630 جنيه هل فيه بوردة قريبة منها فى السعر وأفضل منها من شركة جيجا بايت
بالنسبة للبوردة انا بنصحك تجيب الشيب P45 لكن أغلى شوية ممكن تشتريها لو وفرت بسعر الهارد .

مثل EP45-UD3R أو EP45-UD3P من جيجابايت لأن نظام التبريد فيهم عاللوحة أفضل الأولى بكرت شاشة وحيد والثانية بكرتين شاشة .
https://www.newegg.com/Product/Product.aspx?Item=N82E16813128359
https://www.newegg.com/Product/Product.aspx?Item=N82E16813128358

أو من أسوس ASUS P5Q P45 لنفس السبب .
https://www.newegg.com/Product/Product.aspx?Item=N82E16813131295

[vip1985]

السلام عليكم ورحمة الله وبركاته

أولاً شكراً ليكم جميعاً على مساعدتى ..

وتم بحمد الله تعالى شراء قطعه هارد ديسك مساحة 1 تيرا بايت من نوعية ويسترن فئة البلاك اديشن

وتم الحمد لله شراء اللوحة الأم من جيجا بايت EP43-DS3L

وانا قمت بشراء تيرا بايت لأنى لا احب كمية الهاردات تزيد عندى انا عندى 160 جيجا وبصراحة انا مش بحب خاصية الرايد لأنى مش بفهم فيها

عشان كده الحمد لله اشتريت الهارد التيرا بايت من ويسترن ... لكن فيه مشكلة مش عارف احلها وهيا مشكلة كبيرة قوووى

اولاً يا جماعة انا ركبت اللوحة الأم والهارد ووصلت كل الكابلات والحمد لله .. ولكن الجهاز مش عاوز يقوم بمعنى " اما بضغط على الباور مش بيشتغل " ؟ :ah26:

مع انى جبت الجاهز شمال ويمين وفوق وتحت ... مافيش فايدة مش عاوز يقوم :ah49:

ايه الحل يا جماعة .. وانا كتبت موضوع قبل كده لانى لاقيت فى البوردة ديه على موقع جيجا بايت كلام بالأحمر وكتبت مشاركة قبل كده

على العنوان ده بالمنتدى https://www.arabhardware.net/forum/showthread.php?t=103368 (https://www.arabhardware.net/forum/showthread.php?t=103368)

لكن الى ردوا عليا قالولى ان الكلام ده معناه ان البورده مش بدعم المعالجات القديمة :confused:

وانا فرحت لأنى عندى كو 2 ديو ... قولت مش مهم طالما ان الكلام مش ليا والمعالج بتاعى جديد :ah2:

طيب يعنى كده العيب مش فى الباور سبلاى .. اومال العيب فين يا جماعة انا بكتب المشاركة ديه من جهاز اخى .. الجهاز مش عاوز يشتغل ليه .. هل لازم اجيب باور سبلاى جديد :ah26:

ولا ايه الحل .. منتظر ردكم !!!

[شلاع العتر]

ادخل البيوس واجعل الاولوية للقرص الصلب الذي يحتوي على تجزئة الاقلاع C >>>

[vip1985]

سا غالى الجهاز مش بيقوم اساساً

الجهاز مش بيشتغل هل معناه انى اغير الباور سبلاى ... الكمبيوتر لا يشتغل اساساً عشان اقدر ادخل على حاجه

[شلاع العتر]

تأكد من انك ركبت الوصلات بشكل سليم ولم تنسى شيئا ...

هل تعمل مروحة مزود الطاقة ؟
هل تعمل مروحة المعالج ؟
هل يصدر صوت معين عن اللوحة الام ؟

[vip1985]

يا باشا .. ثانية واحدة ودقق فى كلامى

المروحة الخاصة بمزود الطاقة والمروحة الخاصة بالمعالج والصوت الى بيصدر ده بتتعرفه اول ما الجهاز بيقوم

انا بقولك اما بضغط على الباور الجهاز مش بيقوم وتأكدت من كل شيئ فمنين المروحة هدور اساساً ,, انا مش عارفله حل ... ؟

[HESHAM.SY]

مبروك الهارد الجديد واللوحة الجديدة..
بالنسبة لمشكلة الجهاز فاذا كان لايصدر أي صوت عند التشغيل فيجب التأكد أولاً من وصل السلك الخاص بزر الباور في المكان الصحيح على اللوحة ؟؟ويمكن مراجعة كتيب اللوحة الأم للتأكد من المنفذ الصحيح..
وتأكد من عدم حصول SHORT في اللوحة بسبب تركيب خاطئ وأيضاً هل وصلت وصلة ال 12V الخاصة بالمعالج؟؟
وجرب أيضاً فصل الهاردسك والسواقة وحاول مرة أخرى..

[vip1985]

يعنى ده معناه ان الباور سبلاى عادى يا هيثم ,, افضل اجرب لحد ما يقوم .. اقصد العيب مش فى الباور سبلاى يعنى اجرب تانى وثالث ؟

[شلاع العتر]

هذه المشكاة تنتج عن حالة عدم وجود تيار في اللوحة الام وذلك ينتج عن :
عدم توصيل اللوحة الام بالوصلة الاساسية ...
تلف مزود الطاقة
تلف اللوحة الام .

[alayoubi]

مبروك أخي احمد عالقطع الجديدة ,

طبعا اكيد المشكلة مش في البورسبلاي وانما كما ذكر اخي هشام بتوصيل الأسلاك المسؤولة عن تشغيل الجهاز Power Switch أو PWR SW في مكانها الصحيح عالبورد والبطريقة الصحيحة طبعا أقصد الموجب والسالب وراجع كتيب التشغيل للتأكد من الوضعية .
واذا لم تفلح مع ذلك فك جميع قطع الجهاز عدا المعالج والرام وكرت الشاشة واذا لم تفلح فك البوردة من الكيس وشغلها من بره .

[vip1985]

يا جماعة انا وصلت الوصلات الى كانت على البوردة القديمة زيها بالظبط .. طيب هقولكم

انا ركبت الوصلة الكبية الى هيا اكبر او اضخم كابل من الباور سبلاى للبوردة .. تمام وركب فى مكانه

وركب الـ 3 وصلات الصغيرين الخاصين بـ Reset PW و MSG و H.D.D Lead

ومركب طبعاً وصلة الكهرباء الخاصة بمروحة البروسيسور فى اللوحة ,, تمام

ومركب البارو المكون من 4 فتحات صغيرين .. الى بيكون فى اول اللوحة الأم على اليسار فوق / الى بيكون فوق البروسيسور مباشرة وتحت الباور سبلاى

وديه صورة واعذرونى لأن خبرتى بالهاردوير ضعيفة واول مرة اركب بوردة ... لو سمحتو ياريت تكملوا معايا ... ديه الصورة

https://img72.imageshack.us/img72/1647/plzpa0.jpg


ايه الى ناقص تانى ... مش انا كده ركبت كل حاجه .. وانا لقطت صورة لأغلب الحاجات الى ركبتها

ايه تانى الى ناقص يا جماعة ياريت تفيدونى وتكملوا معايا عشان اقدر اخلى الجهاز يقوم :ah2: لأانه لو ما قمش هــ :ah42:

[HESHAM.SY]

يعنى ده معناه ان الباور سبلاى عادى يا هيثم ,, افضل اجرب لحد ما يقوم .. اقصد العيب مش فى الباور سبلاى يعنى اجرب تانى وثالث ؟
اذا كان الباورسبلاي سليم فيفترض أن يقلع الجهاز على الأقل وحتى لوكان من نوعية رديئة فهذا يؤثر لاحقاً على استقرار الجهاز أثناء تشغيله بينما الاقلاع يفترض ان يتم على الأقل..
يجب تجربة كل الحلول السابقة وتاكد بالبداية كما أشرت والاخ الأيوبي من الوصل الصحيح للسلك الخاص بال Power Switch وسنترك احتمال تعطل الباورسبلاي للأخير لأن التأكد من ذلك يتطلب تجربته على جهاز أخيك أو تجربة الباورسبلاي الخاص بجهاز اخيك على جهازك وهذا يتطلب مجهوداً ووقتاً وربما تكون المشكلة أصلاً من مكان أخر..

[alayoubi]

وركب الـ 3 وصلات الصغيرين الخاصين بـ Reset PW و MSG و H.D.D Lead

أهم حاجة علشان تشغل الجهاز في وصلة مكتوب عليها PWR SW أو POWER SW وصلها والجهاز هيشتغل أكيد .
وصلة MSG = ؟؟

[vip1985]

طيب هل فى وصلات للدائرة الكهربائية غير الى انا مشير ليهم فى الصورة

والـ Power switch الى انتا ذكرته هل انا مركبه فى الصورة المدرجة فى مشاركتى الى قبل ديه ولا بيكون فين بالظبط ؟

عشان اتأكد انى مركبه صح .. معلش انا بتقل عليكم يا جماعة :(

[HESHAM.SY]

هناك وصلة رابعة وهي الخاصة بزر Power Switch الموجود في مقدمة الكيس والذي تقوم بالضغط عليه عند تشغيل الجهاز ابحث عنها وقم بوصلها في المكان المناسب..

[vip1985]

والله يا جماعه انا مركبه الـ POWER SW فى مكانه وهو من الـ 3 وصلات الى فى الصورة ديه

https://img72.imageshack.us/img72/1647/plzpa0.jpg

بس انا عاوز اعرف مش المفروض ان هما دول بس هما الـ حاجات الخاصة بالدائرة الكهربائية .. ولا فيه تانى ؟

يعنى فيه كابلات ناقصة؟ ولا ايه :o ... اصل الاخ الايوبى بيقولى تأكد انك مركبه صح وقصده على الـ POWER SW مش ده الى انت قصدك عليه برده

انا ركبته .. ما اشتغلش ... خلعته وركبته بالعكس بعد ما دورته برده مافيش فايدة ... ايه الحل يا جماعة انا تعبت بجد ... :(

[vip1985]

يا جماعة انا طيب ركبت البورده القديمة ... ووصلت عليها نفس الكابلات اشتغلت عادى .. والجهاز قام و|أشتغل عادى جداً :ah2:

واشتغل معايا ,,, طبعاً انا خلعت البروسيسور ورامة واحدة ... ووصلت السلوك اشتغل ,,, العيب كده فى البوردة :eek:

لأن الباور سبلاى ده معناه انه سليم لأنه اشتغل على البوردة القديمة فهل كده البورد لاقدر الله مش سليمة :o ولا العيب فى ان الباور سبلاى مش بيدعم اللوحة زى ما انا سألتكم قبل كده وادرجت الصورة ديه حين سؤالى

https://img142.imageshack.us/img142/638/whatisthisplzrj4.jpg


الى ردوا عليا قالو زى ما انا ذكرت بالظبط ... قالوا ... ان البوردة مش بدعم المعالجات القديمة والكلام ده ... ايه كده الجل او الأفادة من فضلكم !!

ردوا عليا رجاء :ah24:

[alayoubi]

طيب جرب شيل الوصلة بتاعة زر البور وجيب مفك ووصل بين السنين الذهبيين بتوع الوصلة نفسها لثواني وقولي ايه الي حصل معاك .

[HESHAM.SY]

اذا كنت تقصد وصلة RESET PW فهي الخاصة بزر اعادة التشغيل ووصلة MSG أعتقد تخص ال Speaker ووصلة HDD LED تخص المؤشر الضوئي الذي يعلم عن محاولات الوصول للهاردسك وتبقى وصلة رابعة هي التي نتحدث عنها الا اذا كانت وصلة MSG هي نفسها وصلة ال POWER SW ????..

[vip1985]

منا وصلت كل حاجه والجهاز مش عاوز ينطق ... ابقي اشترى بكرة باور سبلاى ولا اتصرف ازاى ...

اتصل طيب بكرة بـ شركة ماكسيمم هاردوير .. بس هقولها ايه هيقولى برده كابلات وأتأكد منها والكلام ده ..

وعلى فكرة يا هيثم انا الـ 3 الى لاقيتهم هما دول ...

POWER PW
RESET PW
H.D.D LEAD

فقمت مركب الـ 3 وصلات فى اماكنهم زى ما عملت مع البورده القديمة ... انا خايف لحسن يكون العيب فى البوردة .....

مع العلم انى حصلت معايا حاجه غريبة ... اما بركب الوصلات كلها وبحط الكابل الرئيسي فى المكان المشار اليه فى الصورة

https://img72.imageshack.us/img72/9779/plzzcf5.jpg

... بلاقى ان المرةحة بدأت تدور ولكن الجهاز مش بيشتغل يعنى مش بيدى صفارة ولا حاجه ... و الاقى فى نور جنب الرامات ينور طبعاً ده اكيد جديدة لأنها مش فى بوردتى القديمة ... بس الى عاوز اقوله انى لما بقرب االكابل ده من المكان ده فى البورده بمجرد التركيب... قبل التعشيق فيه يعنى ,,, تبدأ تدور المروحة بدون تشغيل الجهاز نفسه ولما بطفى المشترك الخاص بالكهرباء ينطفى كل شيئ .. ولكن الغريب انى لما بدوس على زر المشترك الكهربائي " دون الاقتراب من زر الباور " تدور المروحة من نفسها .. طيب مش ده معناه ان البورده برده سليمة بس فيه حاجه غلط :ah26: وانا مش عارفها لحد دلوقتى لأنها لو مش سليمة مكنتش اشتغلت ولا قامت خالص !

[شلاع العتر]

أرى أن تأخذ القطع الى المتجر صاحب العلاقة وتجعلهم يقومون بتركيبها .... ولا بأس ان تمكنت من رؤية ذلك ...

[HESHAM.SY]

عند وصل الكهرباء للوحة الأم أحياناً تدور المروحة للحظات قليلة وهذا أمر طبيعي والضوء الذي يضيء بجنب الرامات أعتقد أنه لمضة Standby وهو يشير الى وصول الكهرباء للوحة ..
هناك سؤال يخص الباورسبلاي القديمة هل المقبس الرئيسي لها 20 خط أم 24 خط لأن اللوحة تدعم مأخذ 24 خط ومع أنه يمكن تركيب مقبس 20 خط على لوحة بمأخذ 24 خط دون مشاكل في بعض اللوحات ولكن ليس كل اللوحات الأم تتقبل ذلك وتعمل بشكل طبيعي وعموماً بصرف النظر اذا كان مقبسها 20 أو 24 خط يتوجب تجربة بورسبلاي أخرى لربما كانت المشكلة منها فعلاً مع أنها تعمل جيداً مع اللوحة القديمة كما تقول ..
واذا كانت الباورسبلاي القديمة أصلاً من نوعية رديئة ولكن كانت كافية لجهازك القديم فأقترح عليك في جميع الأحوال أن تشتري أخرى جديدة من نوعية جيدة وباستطاعة 300-350 واط فعلي وتتوفر عندكم في مصر ماركات جيدة مثل HEC وبأسعار في المتناول..

[!! NoMeRcY !!]

أخوي رجع اللوحة وخلي التاجر يجربها .. هذا انسب حل بما انك واثق من عملية التركيب بشكل مناسب
من خلال الصور واضح ان التركيب مزبوط .. ان شاء الله .. بس ممكن العطل من نفس اللوحة .. عشان هيك توجة الى صاحب العلاقة وخليه يشغلها واقطع الشك باليقين .

[moatez]

احسن حل روح لشركة ماكسيمم هاردوير بالجهاز و الناس هناك محترمه جدا هيجربوه قدامك لانى اعتقد ان الخلل من عندك بما انك خبرتك ضعيفه فى الهاردوير :)

[vip1985]

أولاً : شكراً ليكم يا جماعة كلكم على الأفادة والمساعدة الجادة ... جزاكم الله كل خير وانا النهارده ان شاء الله

هجربه عند واحد بتاع كمبيوتر على باور سبلاى جديد لو اشتغل هجيب باور سبلاى جديد

ولو حصلت نفس المشكلة والجهاز ما اشتغلش لا قدر الله هأخذ اللوحة وأروح لشركة ماكسيمم هاردوير وهما يعرفه العطل منين بالظبط

وانا اسف يا هيثم لأن الخطوط اعدادها كتير مش عارف 20 ولا 24 ... معلش انا خبرتى فى الهاردوير ضعيفة :(

وشكراً ليكم يا جماعة مرة تانية ... وهقولكم النهارده بالليل ايه الى تم معايا بالظبط

[vip1985]

بجد يا جماعة جزاكم الله كل خير على كل المساعدة والتعاون معى فى حل المشكلة

والجهاز الحمد لله تعالى اشتغل معايا وكل شيئ تمام .. وانا أتأخرت عليكم عشان الجهاز كنت بظبط فى نسخة الويندوز :ah2:

والحمد لله رب العالمين الجهاز طيارة ما شاء الله :ah40:

وعل ىفكرة يا جماعة انا كنت متردد بين الهارد التيرا بايت والـ 640 .. لانى بصراحة كنت بخاف من المساحات الكبيرة

بس بجد الهارد طيارة انا مشفتش سرعة كده بأمانة ... حاجه وهم مكنتش اتوقعها فى حياتى فى سرعة نقل لهارد توصل لحد 72 ميجا بالثاينة

على الفيستا كنت فاكر ان الهارد التيرا هيكون تقيل ورخم وده الى كان مخوفنى قوووى ... والمشاركة ديه انا بكتبها بعد النقل ما حلص الحمد لله

والمشكلة الى كانت عندى انا زى ما قلت لكم قبل كده ان خبرتى فى قطع الهاردوير ضعيفة ...

وهى انى كنت واضع اللوحة " الماذر بورد " على الصاج " المكان الى بيكون فى خلفية اللوحة "

لكن اتضح ان المفروض يكون فيه عازل بينهم .. مسافة يعنى بين ظهر اللوحة والصاح او الجنب المصنوع من الحديد ده :rolleyes:

لأنى اما خلعت اللوحة القديمة عشان اركب ديه اتخلعت بالعازل معاها " الأربع او خمس عواميد بلاستيك صغيرة " الى بتكون فى الكيسة .. اتخلعوا مع البوردة القديمة

اما روحت لواحد خلع اللوحة وركب العوازل البلالستيك ووضع البوردة عليهم واشتغلت الحمد لله رب العالمين وكل شيئ تمام

شكراً ليكم مرة تانية على مساعدتى وجزاكم الله كل خير اخوانى ... ووفقكم الله فيما يحبه ويرضاه .. ودمتم بخير

وكل عام وانتم جميعاً بخير ويزيدكم ربنا بعلمه كمان وكمان ... تحياتى لكم ... / أحوكم احمد

[HESHAM.SY]

اذاً اللوحة كانت تلمس معدن الكيس وهذا يعني حدوث Short وطبيعي ان لاتعمل وعموماً مبروك اشتغال الجهاز اخيراً وموفق اخي..

[vip1985]

الله يبارك فيك يا هشام... وهيا فعلاً قالى ان كان فيه short حتى انا أتريأت عليه قولتله Short ولا بنطلون المهم الجهاز يقوم :ah50:

بس يا هشام البوردة كده ممكن يكون حصلها حاجه .. هيا شغالة وكله تمام بس حصل اى قلق عشان ابقي مطمن بس ..؟؟