المساعد الشخصي الرقمي

مشاهدة النسخة كاملة : اسهل طريقة لتحويل الالعاب الايزو الي نسخه هارد



A.S.M.O
20-01-2009, 02:52
دي اول مشاركة لي في المنتدي يا شباب واتمني انها تكون مفيدة

اسهل طريقة لتحويل الالعاب الايزو الي نسخه هارد و تشغيلها بدون تصطيبها مرة اخرة عند تصطيب الويندوس .........الطريقة سهلة و بسيطه و مفيده جدا لانها بتفيدك في حاجتين اول حاجه انها بتخليك تشغل اللعبة منغير متصطبها مرة تانية بعد متصطب و ندوس زي منا قولت في الاول
تاني حاجه انها بتوفرلك مساحه في الهارد لانك مش هتحتاج الايزو غير مرة واحده بس في الاول وبعد كده هتشيله
الطريقة
اول حاجه هنصطب اللعبة عادي خالص زي اي لعبة ايزو ببرنامج
DAEMON Tools وده رابط تحميل البرنامج للناس الي معندهاش البرنامج
https://www.warynski.net/ftp/Tools/daemon406-x86.exe[/URL (https://[URL]https://www.warynski.net/ftp/Tools/daemon406-x86.exe)]
بس لازم نصطب اللعبة في اي برتشن غير البرتيشن الي عليه الوندوس
يعني لو الوندوس كتصطب علي بارتيشن C يبقي نصطبها في اي برتيشن تاني و بعد منكون صطبنا اللعبة

هنروح علي قايمة START ونضغط علي RUN هتظهرلنا قايمة نكتب فيها REGEDIT زي مهو باين في الصورة

https://img114.imageshack.us/img114/5666/35684589vl9.jpg

وبعدين ندوس OK و بعد كده هتظهرلنا قايمة الريجستري هنختار منها
HKEY_LOCAL_MACHINE زي مهو باين في الصورة

https://img361.imageshack.us/img361/9043/11xz8.jpg

وبعدين هنختار SOFTWARE

https://img122.imageshack.us/img122/226/121rg8.jpg

بعد كده هندور علي اسم الشركه الي عمله اللعبة الي احنا صطبناها مثلا لو FIFA09 تبقي الشركة EA SPORTS ولو مثلا CALL OF DUTY تبقي ACTIVISION و هكذا ولو حد مش عارف الشركة الي عاملة اللعبة ممكن يبعتلي اسمها و انا هقولو علي اسم الشركة...........نرجع للطريقة زي مقولت بندور علي اسم الشركه بتاعت اللعبة مثلا FIFA09
يبقي الشركة EA SPORT هنضغط عليه كليك يمين بالماوس زي مهو باين في الصورة

https://img527.imageshack.us/img527/8092/sdqt7.jpg

وبعدين نضغط علي EXPORT بعد كده نكتب اسم ملف الريجستري (ممكن نكتب اي حاجه مش مشكله....مش هتفرق) و بعد كده ندوس SAVEزي مهو باين في الصورة

https://img527.imageshack.us/img527/8626/asdsdnv5.jpg

وبكده نكون عملنا فيل الريجستري بتاع اللعبة و بنشيل الايزو لانك مش هتحتاجه تاني و كمان ممكن نصطب وندوس منغير منصطب اللعبة من جديد(((بس لازم نكون مصطبين اللعبة في اي برتيشن غير البرتيشن بتاع الوندوس زي مقولت في الاول )))
بعد كده لو صطبنا و ندوس هنضغط علي ملف الريجستري بتاع اللعبة وندوس OK ونشغل اللعبة .......... بس خلاص ...............................
انا عارف ان الطريقة طويلة شوية بس مفيدة

اقسم بالله اني انا صاحب الموضوع و هذه الصور من جهازي الشخصي و ان الموضوع ليس منقول

Jiraiya
20-01-2009, 08:52
شكراً لك أخي

k@spersky
21-01-2009, 00:18
مشكور أخي الكريم طريقة مفيدة فعلا

ابوميار البرنس
21-01-2009, 15:20
كيف ارد وانا عاجز عن الكلام وكيف يكتب الجهاز وهو فى حاله ثبات تام ... هذا ليس تهنيج ولكن خوفا من ان يكون الرد غير لائق بالمجهود البارع ده والذوق العالى اوى...مشكور جدا جدا للمجهودات العظيمه دى ... ونتمنى من الله التوفيق والتقدم للامام

BLALBMW721
21-01-2009, 16:51
فعلا شرح وفير وغزير
جزاك الله كل خير

A.S.M.O
02-02-2009, 04:01
مشكورين جدا يا شباب لردودكم الحلوة

أبو فوفو
02-02-2009, 04:36
شرح مفيد وطريقة جيدة ومشور كتير .

حسام الألآتى
02-02-2009, 08:12
شكراً جزيلاًَ أخى العزيز A.S.M.O ...
أنا كنت أبحث عن تلك الطريقة .. وها أنا ذا أجدها هنا ..
شكراً ..

وحيد1
03-02-2009, 00:17
الف الف الف الف الف مليووووووووووووووون
شكرا على الموضوع الاكثر من رائـــــــــــــــــــــــع

alayoubi
03-02-2009, 14:32
شكرا أخي الكريم على الشرح الجميل للطريقة , ومفيش داعي للحلفان والقسم .

لكن لو عندك أكثر من لعبة لنفس الشركة ما العمل ؟؟

midoo55
03-02-2009, 15:05
اخي انا منزل لعبة Gride و sims city و العاب اخرى في بارتشن واحد و حتى بعد تغيير الويندوز يا عزيزي فهي تعمل بدون مشكلة و انا غيرت الويندوز اكثر من خمسين مرة و ارجع فقط انسخ ال sve game و اضعه في الملفات و ابدأ اللعبة و ولا كأني نزلت ويندوز جديد كل شيء كما هو

و يوجد بعض الالعاب مثل GTA_IV لا تعمل الا على نفس الويندوز الذي صطبتها عليه فقط هذه الالعاب تريد عمل لها نسخ لملف الريجستري و التعديل فيه لبعض المسارات

و شكرا على الموضوع فقد رايته من بضع ايام في احد المنتديات العربية الاخرى و لكن لم احتاج اليه

sanx
03-02-2009, 19:32
شكرا يا اخي

bika08
04-02-2009, 00:29
و الله طريقة مفيدة جداجدا و هتريحنا كتير من حوار ال setup للعبة من جديد كل مرة.
شكرا مرة تانية.

Tech_Admin
04-02-2009, 00:46
شكراً لك ولاداعى للحلف وتقبل مرورى..

ZEX
04-02-2009, 10:42
الف شكر لكن انا عندى GTA IV و عاوز اعملها نسخة هرد مش عارف رغم انى محول معظم الالعاب الى عندى بالطريقة دى عادى ارجوا حد يساعدنى ؟

ZEX
05-02-2009, 06:59
الف شكر لكن انا عندى GTA IV و عاوز اعملها نسخة هرد مش عارف رغم انى محول معظم الالعاب الى عندى بالطريقة دى عادى ارجوا حد يساعدنى ؟

ممكن مساعدة ؟؟؟

Asad_AL_net
05-02-2009, 11:53
يعطيك العافية حبيبي

طريقة جدا رائعة

ZEX
06-02-2009, 18:27
الف شكر لكن انا عندى GTA IV و عاوز اعملها نسخة هرد مش عارف رغم انى محول معظم الالعاب الى عندى بالطريقة دى عادى ارجوا حد يساعدنى ؟

ممكن مساعدة ؟؟؟؟؟

ahmed_kamel
06-02-2009, 19:57
إيه الجمال ده
وأنا عن نفسي مصدقك من غير حلفان