حد يلحقنى مش عارف اختار [الأرشيف]

مشاهدة النسخة كاملة : حد يلحقنى مش عارف اختار

hany31

26-01-2009, 00:45

انا الميزانيه حوالى 3000 جنيه مصري انا شغلى كله 3dmax واهم حاجه عندي الرامات والبروسيسور عشان الرندر :(
التجميعه AMD انشاء الله بس لو في حاجه انتل ماشي

دي التجميعه الى انا عامها مع العلم انى حشتري الفينوم 2 كمان 3 شهور كدا

Athlon X2 7750 BE = 460

ASUS - M3A32MVP DELUXE = 1450
MSi - K9A2 PLATINUM = 1050

Gigabyte 9600GT 512MB GDDR3 = 720
Sapphire HD 4670 512MB GDDR3 = 570

Kingston HyperX 2GB Bus 1066 = 340
Harddisks WD6400AAKS = 380
ASUS DVD R/W X20 SATA w/ Light Scribe = 160
GAMMA Mini Server 350W = 300

الحاجات الى مكتوبه بالاسود دي الى انا عاوز اختار بينهم:D
وانا ناوي اعمل اوفر كلوك للبروسيسور الى فوق دا ....واطلع عينه لغايه ماجيب الفينوم II :o

moatez

26-01-2009, 00:57

بالنسبه لكارت الشاشة ال ati على حد علمى افضل فى برامج الجرافيك فهات ال hd4670 افضل و اداؤه قريب جدا من ال 9600gt بالاضافه الى انه ارخص و شوف بقية الاراء :)

hany31

26-01-2009, 01:10

بالنسبه لكارت الشاشة ال ati على حد علمى افضل فى برامج الجرافيك فهات ال hd4670 افضل و اداؤه قريب جدا من ال 9600gt بالاضافه الى انه ارخص و شوف بقية الاراء :)

شكرا على الرد السريع دا:)
وانا معاك ان ATI احسن انا ممكن اجيب 4830كمان ودا احسن بس انا عاوز ارسي على مزربورد تشيل الفينوم 2 وفيها 4 pci او اتنين 16x

moatez

26-01-2009, 01:55

طيب ايه رايك ما تجيب المذربورد ده GIGABYTE GA-MA790GP-DS4H و سعرها فى حدود 1020 جنيه او اقل مع ال Phenom II عالطول و اشتغل بكارت الفيجا المدمج اللى فيها شويه و بعد كدا ابقى ركب واحد خارجى :)

speedo

26-01-2009, 03:34

hany31

26-01-2009, 18:20

يا باشا البرامج اللي بتتكلم عليها عايزالها كروت تكون متخصصة ف برامج الجرافيك اكتر من اي حاجة تانية يعني في ال ati فيه حاجة اسمها ati fire gl دة كارت workstation ويقابلة في الانفيديا حاجة اسمها nvidia quadro وياريت الاخوة الاعضاء برضو يفيدوك اكتر مني ف موضوع الفرق بين الكرت العادي وال workstation

انا معان ان في كروت للرندر بس الكروت دي بتبقى اسعارها غاليه جدا جدا ومش موجوده في مصر خالص :ah24:
الى انا عاوزه كارت يستحمل الفيو بورت بتاعت الماكس عشان انا بعمل مودلنج لحاجات كبيره جدا ممكن مدينه او مجمع سكنى فمش ببقى عارف احرك حاجه خالص او بتتحرك ببطء شديد :confused:

احمد عنتر

26-01-2009, 18:36

السلام عليكم بص ياباشا راي انك تجيب المزر الجيجا بيت GIGABYTE GA-MA790GP-DS4H
واشتري بور سبلاي اعله من 300 واط لازم عشان البروسيسور فينوم 2 125 واط لوحد مابالك بكرت شاشه كمان جيد وبدل انت هتشتغل ماكس هات بروسيسور غير ده عندك فينوx4 9550 ده سعره قريب من الي انت قايل عليه ويهفرق كتير قوي عنه في الأداء عشان x4 والكاش اعلى 4 ميجا

hany31

26-01-2009, 18:58

على فكره انا شايف ان المزربورد الجيجابيت دي اقل من الى فوق وكمان الكرت الى فيها دا مالهوش لزمه مش حعمل بيه حاجه خالص دي حتى لو جبت بعد كدا اي فيجه عاليه من الفئه الرابعه مش حيشتغل مع الفيجه البلت ان عشان هيا 3300 مش بتشتغل غير مع فئه 3xxxولا انا غلطان ومادام انا حجيب amd يبقى msiاو asus احسن من الجيجابيت دي ايه رايك في الكلام دا :rolleyes:

speedo

26-01-2009, 19:30

hany31

26-01-2009, 19:57

والله فكره كويسه
بس انا من الاسكندريه :cool:
في محل في كومبيوستى مول بيبيع حاجات مستعمله بس ما اظنش ان عنده برده :(
انا كنت ناوي انزل القاهره عشان اروح معرض الاهرام بس للاسف انا معرفش اي حاجه في القاهره :ah1:
انا حجرب كدا عندنا هنا ولو ملقتش حبقى انزل القاهره بس للاسف هنا الاسعار غاليه في فرق 50 او 80 حنيه في كل حاجه وسعات اكتر من كدا بكتير جدا ممكن توصل ل 200 جنيه :ah22:

hany31

26-01-2009, 20:01

لو لقيت كارت fire pro او gl مستعمل احسنلك هاتة لو تعرف مول سوق الكمبيوتر فيه محل هناك كان بيبيع كروت ووركستيشن مستعملة استعمال خفيف ممكن تروح هناك وتسأل اما بالنسبة للموبو انتا ممكن تستني شوية علاشن بعد اسبوع ولا اسبوعين جيجابايت هتنزل مصر بوردة فيها تقنية ud3 ودي احسن من البوردات اللي فاتت بمراحل وبتاعة عمل شاق جدا نازلة لل amd ممكن تجيب عليها شيباية amd 790 fx او gx ولاي استفسار اخر انا موجود

الفكره ان احنا داخلين في الاجازه وانا طول الترم مش بعرف العب اي لعبه خالص مافيش غير conquer online و Silkroad هما دول الى انا بلعبهم دلوقتى بس انا عاوز اجرب شويه لعب جديده بس الفكره ان الواحد بيزهق من كتر اللعب :D

TheInfernal

26-01-2009, 20:14

خلينا نفكر مع بعض واحدة واحدة...

بروسيسور:
مادمت هتعمل أوفركلوك, يبقى اشتري الQ6600 و شد بيه لغاية 3.2 GHz. الفينوم 2 هيبقى أغلى بكتير من الQ6600 و قابلية الOverclock معاه عمرها ما هتبقى زي بروسيسورات Core 2 Duo.

التبريد:
مادمت هتعمل أوفركلوك, يبقى هتحتاج مشتت كويس. و لكن3.2 GHz يقدر عليهم المشتت الأصلي, و بالتالي فأنا منصحش انك تصرف على مشتت احترافي.

الماذربورد:
أنا أرشح الجيجابايت GA-EP31-DS3L اللي ب350 جنيه. رغم انها رخيصة, فجودة تصنيعها ممتازة و أداؤها مماثل للبوردات الأعلى و تقدر توصل الQ6600 بسهولة جدا ل3.2 GHz.

الرام:
في توقيعي هتلاقيني كاتب ان الرامات باص 1066 مش بتزود أداء الجهاز عن رامات باص 800 غير ب1-2% فقط. و لو شفت الأسواق الأجنبية هتلاقي فارق السعر بينهم صغير جدا. بينما هنا في مصر بيتباعوا بأكتر من 3 أضعاف السعر بدون مبرر.
و متقلقش من ان الرام باص 800 هتبقى وحشة في الأوفركلوك, لأنها هتقضي معاك لغاااية 3.6 GHz.
و 2 جيجا رام يعتبروا قليل شوية على شغل ال3ds Max. رأيي انك تزود و تجيب 4 جيجا.

كارت الشاشة:
مهما صرفت على كارت الشاشة, فانت عمرك ما هتوصل لأداء مرضي معاه في الRender لسبب بسيط جدا, و هو ان كل الكروت اللي بنتكلم عليها مخصصة للألعاب مش شغل ال3D. فيه خط انتاج تاني عند ATI غير الRadeon اسمه FireGL (اتغير اسمه مؤخرا لFirePRO), و خط انتاج تاني عند Nvidia غير الGeforce اسمه QuadroFX. كروت الFireGL و الQuadroFX المخصصة لبرامج الجرافيك للأسف صعب تلاقيها هنا في مصر, و لو افترضنا انك لقيتها, فسعرها هيبقى مبالغ فيه جدا. طيب و ايه العمل؟ أنا عندي اقتراح أعتقد انه هيعجبك جدا:

1) اشتري كارت AMD HD3870. صعب تلاقيه في السوق دلوقتي لأنه اتوقف تصنيعه و اتبدل بكروت الHD4XXX, و لكن لو انت دورت في سوق المستعمل, أو لفيت في المولات, ان شاء الله هتلاقيه.
2) بعد ما تركبه في الجهاز و تتأكد انه شغال معاك كويس, نزل عليه درايفرات النسخة الFireGL بتاعته المعروفة باسم FireGL V8600. للأسف أنا مجربتش أعمل الحركة دي بنفسي فمش هقدر أفيدك ازاي تتعمل, و لكني أعتقد ان تدويرة صغيرة في جوجل هتظبطلك الحوار ده:
https://www.google.com/search?hl=en&client=opera&rls=en&q=hd3870+softmod&btnG=Search

كده بقى عندك كارت مش بس احترافي, و لكنه كمان أقوى من الNvidia QuadroFX 5600, تاني أقوى كارت بتقدمه Nvidia حاليا, حسب المقالين دول:
https://www.3dprofessor.org/Reviews%20Folder%20Pages/FireGLV8600/V8600P1.htm
https://hothardware.com/Articles/ATI-FireGL-V8600-1-GB/?page=5

و هنا أسعار الQuadroFX 5600 في أمريكا, عشان تدرك مدى قوة الأداء اللي احنا بنتكلم عليه:
https://www.google.com/products/catalog?q=quadro+fx+5600&oe=utf-8&cid=8960737785007665556&sa=title#ps-sellers

الخدعة هي ان كروت FireGL و Radeon فيزيائيا متطابقة, و لكن الدرايفرات اللي بتنزل لكروت الRadeon بتكون متصممة بحيث انها تدي أداء سيء في برامج ال3D (زي 3ds Max) عشان تجبر الناس انها تشتري الكروت الFireGL الأغلى. الHD3870 هو أقوى كارت في فئة الHD3XXX, و بالتالي فاللي يوازيه من فئة الFireGL هو برضه أقوى كارت في فئته. بص حتى عالجزئية دي في موقع Wikipedia:
https://en.wikipedia.org/wiki/Firegl#Soft-mods

طب ليه أنا مرشحتش كارت من فئة الHD4XXX رغم انها أحدث؟
لأن الحركة دي لحد دلوقتي مش نافعة معاها. يمكن لأن ATI أخيرا أدركت ان فيه ناس بتوفر فلوسها بالحكاية دي, أو ببساطة لأن فئة الHD4XXX لسه جديدة و محدش لسه عارف ازاي يحولها.

الهارد درايف:
اشتري الWD6400AAKS زي ما حضرتك كنت ناوي. مش بس لأن مساحته كبيرة, و لكن أداؤه كمان متميز جدا.

الدي في دي:
اشتري NEC Optiarc 7200S ب120 جنيه. أنا مش برشحه لأن سعره قليل, و لكن لأنه أفضل دي في دي موجود في السوق حاليا (حسب كلام العضو HD5870X2),

الكيسة: على ذوقك.

الباور سبلاي:
أنا أرشح HEC 450W ب330 جنيه. 350 واط هيبقوا قليلين أوي على جهاز Quad Core شغال بكارت شاشة محترم.

يبقى التجميعة في الآخر كالآتي:
Intel Core 2 Quad Q6600 2.4GHz CPU - 1120
Gigabyte GA-EP31-DS3L Motherboard - 350
Kingston 2X2GB (4GB) DDR2-800 RAM - 200
AMD HD3870 Video Card - 600
Western Digital WD6400AAKS 640GB Hard Drive - 380
NEC Optiarc 7200S DVD-RW - 120
Case - 000
HEC 450W PSU - 330
--------------------------------------
الاجمالي: 3100 جنيه بدون الكيسة
--------------------------------------

و لو عندك أي استفسارات أنا تحت أمرك.

hany31

26-01-2009, 21:09

TheInfernal

26-01-2009, 21:19

انا فعلا من حوالى 3 شهور كدا كنت بدور الى كرت 3870 وكل الناس كانت بتقولى انتا قديم جدا مش حتلاقيه والى كنت بلاقي عنده مش بيبيعه بيقولى للعرض فقط دا انا كنت عامل موضوع عشان مكنتش لاقيه هنا بس للاسف صرفت نظر عن موضوع الجهاز الجديد واهو انا رجعت تانى وعاوز واحد :confused:
لو مش لاقي الHD3870 خالص, ممكن تجيب الHD3650 و تحوله لV5600. الV5600 طبعا أداؤه أقل بكتير من الV8600, و لكنك هتوفر فيه حوالي 300 جنيه (سعره 350 جنيه تقريبا) و هتقدر تركب الباور الHEC 350W (المعروف باسم جاما) اللي حضرتك كنت ناوي تجيبه في الأول.

hany31

26-01-2009, 21:26

انا في واحد صاحبي لسه حايب نفس الامكانيات الى حضرتك كاتبها دي بس مع 8 جيجا رامات و فيجا XFX 9600 مش حاسس ان في فرق عنده برده في حاجه ناقصه :(الرندر مش فارق خالص بس في الجمز في فرق كبير :)

TheInfernal

26-01-2009, 21:47

انا في واحد صاحبي لسه حايب نفس الامكانيات الى حضرتك كاتبها دي بس مع 8 جيجا رامات و فيجا XFX 9600 مش حاسس ان في فرق عنده برده في حاجه ناقصه :(الرندر مش فارق خالص بس في الجمز في فرق كبير :)
و ده بيأيد الكلام اللي أنا كنت قايله قبل كده:

مهما صرفت على كارت الشاشة, فانت عمرك ما هتوصل لأداء مرضي معاه في الRender لسبب بسيط جدا, و هو ان كل الكروت اللي بنتكلم عليها مخصصة للألعاب مش شغل ال3D. فيه خط انتاج تاني عند ATI غير الRadeon اسمه FireGL (اتغير اسمه مؤخرا لFirePRO), و خط انتاج تاني عند Nvidia غير الGeforce اسمه QuadroFX. كروت الFireGL و الQuadroFX المخصصة لبرامج الجرافيك للأسف صعب تلاقيها هنا في مصر, و لو افترضنا انك لقيتها, فسعرها هيبقى مبالغ فيه جدا.

الدرايفرات اللي بتنزل لكروت الRadeon بتكون متصممة بحيث انها تدي أداء سيء في برامج ال3D (زي 3ds Max) عشان تجبر الناس انها تشتري الكروت الFireGL الأغلى.

نيجي لجزئية الرام, فبالنسبة لل3ds Max, ف2 جيجا قليل, 4 جيجا ممتاز, و 8 جيجا مش هتحس معاها بفارق فوق ال4 جيجا.
الحاجتين اللي هيفرقوا معاك هم البروسيسور (و حضرتك هتعمل له أوفركلوك) و كارت الشاشة (و حضرتك ان شاء الله هتعرف تحوله لكارت احترافي و تخليه من أقوى الكروت في العالم).

hany31

26-01-2009, 22:10

شكرا لاهتمامك بالموضوع انا ححاول ادور تانى الى الكرت 3870 بس انا بسال لو ترشحلى مزر بورد فيها 2 pci 16x تكون في الاعتبار مع باقي المكونات لو ممكن نقول ان المزرفي حدود 1000 جنيه

hany31

26-01-2009, 22:16

بس انا ملاحظ حاجه غريبه في الكواد الى عند صاجبي ان الرندر مش اخد كل cores الى في البروسيسور يعنى مع core 2 duo في الرندر بيكون 100 % والكواد كان عامل في حدود من 60 الى 70 % في كل core
وفي حاجه تانيه ان الفايل بيبقى تقيل ف بيسحب المكس من الرامات وبيبقى مكتوب هوا ساحب كام ف الرامات 8 جيجا وهوا عاوز 700 ميجه بس عشان يكمل طب ليه ما يسحبش اكتر ويبقى اسرع :mad:

hany31

26-01-2009, 22:19

هوا المزر بورد دي كويسه في الاوفر كلوك وفيها 2 PCi
ASUS P5Q-E

TheInfernal

26-01-2009, 22:48

شكرا لاهتمامك بالموضوع انا ححاول ادور تانى الى الكرت 3870 بس انا بسال لو ترشحلى مزر بورد فيها 2 pci 16x تكون في الاعتبار مع باقي المكونات لو ممكن نقول ان المزرفي حدود 1000 جنيه
حضرتك ليه عاوز تشتري ماذربورد بمخرجين PCI-E ؟؟؟ أنا مش شايف أي سبب يخليك تعمل كده. و أنا سابقا قلت انك مش هتحتاج أكتر من الGigabyte GA-EP31-DS3L.

بس انا ملاحظ حاجه غريبه في الكواد الى عند صاجبي ان الرندر مش اخد كل cores الى في البروسيسور يعنى مع core 2 duo في الرندر بيكون 100 % والكواد كان عامل في حدود من 60 الى 70 % في كل core
مبدئيا, الكواد كور أسرع من الدوال كور في 3ds Max. دي حاجة ميختلفش عليها اتنين. بص عالصور دي من كذا موقع, هتلاقي فيها الQ6600 اللي تردده 2.4 أداؤه أعلى من الX6800 الدوال كور رغم ان الX6800 تردده 3.0.
https://images.anandtech.com/graphs/core%202%20extreme%20qx6850_07160710719/15122.png
https://www.behardware.com/medias/photos_news/00/18/IMG0018978.gif
https://techgage.com/reviews/intel/q6600/3dstudiomax.jpg
https://www.techspot.com/articles-info/36/bench/Appz_04.png

يبقى ليه الدوال كور بيشتغل بكامل طاقته بينما الكواد مش قادر؟
لأن الدوال أبطأ بكتير من الكواد فعنق الزجاجة في أداء البرنامج بيبقى فيه. و لكن مع الكواد, فعنق الزجاجة مبقاش في البروسيسور و بقى في حاجة تانية. ممكن تكون كارت الشاشة أو الهارد درايف.

وفي حاجه تانيه ان الفايل بيبقى تقيل ف بيسحب المكس من الرامات وبيبقى مكتوب هوا ساحب كام ف الرامات 8 جيجا وهوا عاوز 700 ميجه بس عشان يكمل طب ليه ما يسحبش اكتر ويبقى اسرع
نفس السبب اللي أنا ذكرته فوق. تخيل حضرتك عندك عربية 650 سي سي و عمال تركب لها مساعدين رياضية و عجل جديد و فرامل. مش هتفرق كل التحسينات دي طالما الموتور ضعيف. نفس الكلام ينطبق على جهاز صاحبك.

hany31

26-01-2009, 23:32

اصلى كنت بفكر لو مالقتش 3870 اجيب ال 4670 و يبقى قدام اعمل كروس فاير بينه وبين واحد تانى او ممكن احط ال xfx 8400معاه عشان الفزيكس بس اكيد حزود البورسبلاي

TheInfernal

27-01-2009, 00:01

اصلى كنت بفكر لو مالقتش 3870 اجيب ال 4670 و يبقى قدام اعمل كروس فاير بينه وبين واحد تانى او ممكن احط ال xfx 8400معاه عشان الفزيكس بس اكيد حزود البورسبلاي
لو هتعدل درايفرات الكارت بحيث انه يتحول لFireGL, فهو مش هيدعم خاصية Crossfire. لو مش هتعدلها فأنا مش هقدر أفتي لك هل هيبقى فيه تحسن في الأداء واللا لأ.
بالنسبة لPhysX, فأعتقد ان دي خاصية تبع الألعاب بس و مش هتفرق مع 3ds Max.

و حتى لو فيه استفادة من Crossfire أو PhysX, فزيادة السعر في شراء كارت تاني و ماذربورد تدعم كارتين و باور يستحمل كل الحمل ده هيخليها فكرة مش عملية.

لو ملقتش الHD3870 هات الHD3650 زي ما قلت لك قبل كده.

hayatna.org

30-01-2009, 08:30

أحسن الله إليكم ، وجزاكم الله خيرا