أرجوكم رسوني على حل

[enfelak]

السلام عليكم ورحمة الله وبركاته
إخواني الكرام أعضاء المنتدى
كنت كتبت موضوع من يومين بخصوص أني عاوز أعرف سعر دورة الccna في شركة يات ويبدو كدة والله أعلم من كلام الناس في ردودهم على موضوعي ان شركة يات مش على قد كدة وهي بس واخدة إسم وشهرة وخلاص بس المادة العلمية والإلتزام الوقتي اللي استنتجته من كلام الناس انه بنسبة 90 في المية معدوم
بس المشكلة الأكبر اللي أنا شايف ان الناس حطيتني فيها ان كل واحد كان بيقول على إسم شركة من الشركات ومفيش أي اتنين أجمعوا على شركة واحدة
فأرجو انكم تحاولوا تقولولي على مكان كويس آخد فيه الكورس لأني والله بجد محتاجه وزي ما قولت أينعم أنا هاخده في أجازة آخر السنة إن شاء الله لكن برضه أنا بحب أحضر لحاجتي قبلها بفترة علشان أعرف راسي من رجليا
وياريت لو اسم شركة محددة وكويسة
وكان ليا سؤال
أنا أسمع عن شركة اسمها نيو هورايزون
هل الشركة دي كويسة
لأنها ملهاش موقع على النت
والسلام

[warior10]

شركة نيو هورايزون موجودة فى السعودية بس فى المنطقة الجنوبية مافيهاش مهندس شبكات
واحد هندي بس الموجود
وحسب ما نسمع مش على مستوى
لو عايز نصيحتى اسمع الفيديوهات الى الاخوة عاملينها احسن من كل المراكز
الحاجة التانية فيه معهد الاتصالات امام جامعة الازهر بعد وزارة البترول كنت اخدت فيه الدورة دية سنة 2004
والاجهزة حقيقية وتقريبا موجود رواتر وسويتش لكل طالب
بس انا كنت اخدت الدورة مجانا ماعرفش بياخدوها بفلوس لو لا
اسال ولو لقيت هناك محاضرين ممتازين فوق الوصف والاجهزة متوفرة

[waleedallam]

عليك وعلى معهد الاتصالات الاب اللى هناك محترم جدا جدا هتلاقى فية كل حاجة وسعرة مش غالى زى المعاهد اللى برة دا انت هتلاقى فية روترات بتشتغل voip وهتلاقى DslAm هناك يعنى هتشتغل وهتشوف كل حاجة بنفسك

[تلميذ شبكات]

السلام عليكم ورحمه الله وبركاته

ابحث عن كورس م / احمد نبيل

الكورس يدرس فى عمارات العبور صلاح سالم

[هيوما]

انا رديت عليك يا خى الكريم وقلتلك ان الغاء المحاضرات مش مهم المهم المحاضر نفسسسسسسسسسسسة يكون قوى فى المادة ويوجد فى يات مهندس اسمة محمد عبد الجواد
وبالتوفيق

[dooby__]

انت ركز على دروس الفيديو من CBT Nuggets ومن المهندسين الي في المنتدى + اي معهد في لاب كويس و فترة الاب تكون كافي يعني ساعتين في اليوم تمام
و بعد كدة عليك بال packettracer وبعد ما تفهم المادة عليك با Dynamips
وربنا يوفئك :)

[takiadeen]

براي ان الدراسه في المعهد لا يجب ان تعتمد فقط السؤال عنه في المنتديات فقط.
بل قبل ذلك يجب على الشخص النزول الى المعهد والاستعلام من حيث مدة الدوره , الثمن , الاب المتوفر وكم من الوقت سوف يكون هناك وقت مخصص للاب وايضاُ كم من الوقت مسموح لك باستخدامه من دون انستركتر .

ومن الاشياء المهمه السؤال عن المدرسين وماهيا تخصصاتهم وكم لهم في مهنه التدريس وايضاً مناقشة الطلاب الموجودين في المعهد على انفراد.

وبهذا ان شاء الله تأخذ معرفه كامله شامله عن المعهد لكي لا تأخذ معلومه مغلوطه من شخص قد لا يعرف المعهد او طريقة استقباله للمعلومه تختلف عنك.

والله اعلم