المساعد الشخصي الرقمي

مشاهدة النسخة كاملة : لازم نتعاون كلنا علشان نقضي علي جشع التجار علشان تبقي الحاجة ام 100 $ بـ 550 جنيه



الصفحات : [1] 2 3 4 5

zo0omaa
09-02-2009, 03:37
من غير مقدمات اخش في الموضوع علي طول. علشان نقضي علي جشع التجار والسرقة العلنية اللي بتحصل علي مرأي و مسمع الجميع وغصب عننا كلنا بقولكوا ان الحل هو:

إضراب !
ايوة إضراب. في العالم كله لما بيبقي في سلعة معينه التجار مزودين سعرها جامد المستهليكن بيضربوا عن شراء السلعة دي لمدة معينه علشان السعر يتظبط تاني مستغلين قانون العرض والطلب.

الفكرة كلها ان احنا هانمتنع عن الشراء نهائيا ً لمدة معينه نتفق عليها نقول مثلا ً اسبوعين بس ، في المدة دي ماحدش يشتري اي حاجة خالص ولا حتي سلك ، في الاسبوعين دول المولات لازم تبيقي فاضية ، المحلات هاتبقي بتنش ، اللي هايدخل مول من المولات مش هايسمع سريخ ابن يومين فيها ، وبعد المدة دي ماتخلص اتفرجوا علي الاسعار هاتبقي عاملة ازاي ، وانا بقولكوا اهو من دلؤتي هاتلاقوا تغيير شامل في السوق لان التجار هايحسوا ان احنا لينا تأثير ، لينا صوت ، لينا دور وعندنا القوة اللي نأثر بيها عليهم وبكدة نبقي وجهنالهم ضربة قوية ولو فكروا يغلوا الاسعار تاني هايشوافوا اللي هايحصلهم.

احنا لازم مانقللش من روحنا ونفهم ان احنا الاقوي واننا نقدر نعمل كتير ، ببساطة لاننا كتير مش عدد قليل ، حد مكن يقولي بس طبعا ً احنا مش كل المستهلكين ، هاقولوا طبعا ً عند حق بس احنا نسبة كبيرة ماتقلش عن 80 % لـ 85 % وممكن كمان نوصل لـ 90 % من المستهلكين ، انا مش اصدي اعضاء عرب هاردوير بس لكن انا اصدي كل الناس اللي كل واحد فينا يعرفهم يعني كل واحد يقول لاصحابه و قرايبه وبكدة يبقي كلامي صح ان احنا مش اقل من 80 % مثلا من المستهلكين ، وتخيلوا معايا لو ان نسبة الشرا قلت بنسبة 80 % ايه اللي هايحصل ؟! :ah26:

ممكن حد يقولي برضه ان التجار مالهومش زنب وان الوكلاء هما السبب هاقولوا ان برضه الإضراب دة هايربي الوكلاء والاسعار برضه في النهاية هاتتظبط.

و برضه في نقطة احب اوضحها: كل التجار يعدوا يقولوا النقل والضرايب والجمارك والشحن والمشعارف ايه هو اللي بيخلي الحاجة هنا سعرها اغلي من برة ، حلو اوي طيب ليه مثلا ً الهارد WD1001FALS ( اللي هو الـ 1000G Black ) تمنه علي النت 130 $ ( يعني 714 جنيه )وآخر سعر ليه هنا هو 740 جنيه (من غير فصال) - ( وطبعا ً كلنا عارفين ان تمنه كان 700 جنيه من شهر بس هانقول ايه علي اللي ماعندهمش ضمير) ، هو مش السعر دة شامل الضرايب والنقل والشحن والجمارك وكل حاجة ولا لا ؟ طيب ليه تمنه هنا اغلي من برة بـ 26 جنيه بس ؟ يبقي كل دي حجج بس ، والضرايب والجمارك و إلخ مش كتير و مش غالية و مش هاتفرق في تمن الحاجة خالص والفرق اللي بيبقي في تمن قطع تانية دة - اللي بيبقي بين سعرها هنا وبرة - بيبقي في جيب التاجر مش جمارك وضرايب والشحن زي مابيقولوا.

واديكوا مثال تاني البروسيسور Q9650 اول مانزل كان هنا بـ 3700 جنيه والسعر دة في المجلة (في شهر 11) وكان تمنه علي النت بـ 350 $ (يعني بـ 1925 جنيه - يعني قول يا سيدي 2000 جنيه ) ودلؤتي سعره بقة 2150 جنيه مع ان سعره برة زي ماهو والجمارك والضرايب والشحن برضه زي ماهما ، يبقي الفرق في السعر دة راح فين ؟! :confused: في جيب التجار برضه ، لان اكيد لو اللي كان مغليه و مخلي تمنه 3700 جنيه الضرايب او الجمارك كان هايفضل تمنه ثابت علي كدة ، ويعني هم لما رخصوه كل دة بيخسروا ؟ لا طبعا ً - ولو تاخدوا بالكوا ان دلوئتي تمنه يفرق عن تمنه بره 150 جنيه بس شاملة الضرايب والجمارك والنقل وكل حاجة - .

انا برضه بقترح لو نعمل برضه مثلا ً جروب علي الـ Facebook علشان نوسع دايرة الناس المشتركة معانا في الاضراب دة - كل دة في حالة لو ان اقتراحي لاقي قبول عن حضراتكوا طبعا ً - .

بس خلاص.

مستني ردودكوا و ارائكوا في الاقتراح دة

سلام عليكم ورحمة الله وبركاته.

Dr.a7med
09-02-2009, 04:05
ربنا يوفقك و يوفقنا و يارب الناس فعلا تعمل كده
أنا واحد من الناس اللي كنت ححدث جهازي في الاجازة لكن بعد اللي شوفتة من الاسعار مش محدث خالص دلوقتي الا لما الاسعار تتعدل مع اني حموت و اغير الجهاز لكن لازم استحمل شوية و لازم كلنا نستحمل شوية

Mezoxin
09-02-2009, 05:43
علشان نبقي عادلين بس , معظم أسعار الhardware هنا كويسة جداً ، مقارنةً بالخليج أو حتى في أوروبا ، أكيد في منتجات هنا سعرها بيبقي خيالي مقارنةً بسعرها بالخارج ذي ال-Q9650 لكن السبب في كدة انها بتبقي قطعة واحدة أو التاجر مستوردها بنفسه ، لاكن عندك مثلاً ال-Q6600 و ال-E8400 كان فيه فترة اسعارهم هنا كانت أقل من سعرها بال USA

الشاشة ال-benq ال-t2200HD سعرها بالخارج في حدود 240 $ يعني 1320 LE و سعرها هنا بيتراوح مابين 980 و 1100 LE
https://www.getprice.com.au/BenQ-T2200HD-21inch-LCD-Monitor.htm.htm

https://www.newegg.com/Product/Product.aspx?Item=N82E16814127359
ال-hd4850 سعره بالخارج 150$ يعني 825LE و هنا سعره وصل 850-900 و دة سعر كويس جدا

https://www.newegg.com/Product/Product.aspx?Item=N82E16822136218
الهارد ال-WD6400AAKS ب 75$ يعني 413LE و هو هنا ب-370 LE

الحاجات الواحيدة إلي شايف إن اسعارها مبالغ فيها هي منتجات gamma وHEC بيغلوها براحتهم عشان مفيش منافس في السوق تماماً إلا الحاجات العالية أوي

zo0omaa
09-02-2009, 07:37
ربنا يوفقك و يوفقنا و يارب الناس فعلا تعمل كده
أنا واحد من الناس اللي كنت ححدث جهازي في الاجازة لكن بعد اللي شوفتة من الاسعار مش محدث خالص دلوقتي الا لما الاسعار تتعدل مع اني حموت و اغير الجهاز لكن لازم استحمل شوية و لازم كلنا نستحمل شوية

انا علي فكرة زيك بالظبط والله انا هاموت واحدث الجهاز بتاعي وكنت فعلا ً هاحدثه في الاجازة لكن بعد الاسعار اللي شوفتها قولت لا مش محدث إلا لما الاسعار تتظبط

zo0omaa
09-02-2009, 07:43
وبالنسبة لـMH علي فكرة الاسعار عندهم حاجات وحاجات يعني مثلا ً الرامات الـ DDR3 الـ A-DATA سعرها علي النت 135 $ وبتتباع عندهم وعند غير هم بـ 1300 جنيه ، هل دة عدل بقة ؟!!
وادي اللينك بتاعها علي النت:
https://www.newegg.com/Product/Product.aspx?Item=N82E16820211367

TheInfernal
09-02-2009, 11:42
الحاجات اللي ليها توكيلات أسعارها كويسة.
الحاجات اللي مش منتشرة و ملهاش توكيل (أو لسه منزلتش عنده زي الi7) هيبقى سعرها على مزاج التاجر.

الأسعار في أمريكا أحسن من أي دولة تانية فمينفعش نقارن نفسنا بيها. مفروض نقارن نفسنا بأوروبا أو الدول المجاورة لنا.

رأيي متكبروش الموضوع. أنا شايف ان الأسعار بشكل عام معقولة.

شلاع العتر
09-02-2009, 16:47
بصراحة الاخوة في مصر يتمتعون بأسعار ممتازة ... صحيح بعض المنتجات أسعارها مرتفعة بشكل اكثر من اللازم ولكن بعد اطلاعي على الاسعار لديكم ومن خلال الموضوع المثبت للاخ محمد wmgc ... أقول لكم ان الاسعار لديكم بشكل عام أرخص من الاسعار التي تتوفر عند اليهود رغم كل ما نسمعه عن التطور الحاصل لديهم ... (طبعا هذه المقارنة بسبب اطلاعي على الاسعار لدى الجهتين ...

مثال : معالج أثلون X2 5200 ... سعر لدينا قريب 400 شيقل (100$)
بينما المعالج يباع لديكم بسعر 355 جنيه فقط .

VOICEY2010
10-02-2009, 23:41
انتوا عارفين ليه الحاجات سعرها اقل من بره او سعرها مضبوط زى بره لان معلهاش اقبال كبير فالبتالى هما عايزين يبوعها فمنزلين سعرها AMD ملوش سوق فى مصر (سوقه ضعيف جدا) بالنسبة للهاردات فابيتباع منها كميات خيالية فمكسب التاجر من البيع كتير منها مش من رفع سعرها خالص وفعلا كل المصريين متضررين من الارتفاع الغير مبرر فى اسعار الهاردوير لان لو اتسكت عليها هتبقى فى كل الهاردوير وتبقى مهزلة بعد كدا فلازم فعلا ولو لمدة شهر واحد محدش يشترى حاجة خالص عشان نكون افضل من بره حتى ايه المشكلة يعنى فى الاسعار وبعدين حاجة يبقى سعرها 1000 جنيه بعديها باسبوع يبقى سعرها 1200 وسعرها ثابت بره ليه؟؟؟ ايه السبب يعنى لا جمارك ولا حاجة طمع بس وجهل من المشترى
وياريت يبقى فى الحملة دى عدد مشتركين كبير لحد مالاسعار تتزبط تانى لو ماتخدش موقف يبقى التجار بقوا يغلوا زى ماهما عايزين من الناس بتشترى فى اوضع بقى ياريت الناس تتفاعل اكتر مع الحملة

DreAmO
12-02-2009, 08:11
انا مش هكلم و اقول الاسعار هنا عالية او عادية ... لا يا سيدي

انا هعتبرها اسعار زي برا .. مثلاً

طيب .. هل انت دخلك .. زي دخل الراجل الامريكي ولا الفرنسي ولا الاسباني .. الخ

عندنا فى مصر الدولار = 5.5 جنيه .. يعني لو حاجة برا سعرها 100 دولار .. عندنا هتساوي 550 جنيه .. لو اتباعت هنا بنفس سعر برا


ما بالك بقى هي اصلا بتبقى اغلى من برا كمان


المفروض الحاجة برا سعرها 100 دولار .. عندنا تبقى سعرها اقل من 100 دولار مش اكتر .. علشان احنا مش اغنية يعني

لأن الكمبيوتر 90% تقريبا بيستخدموه فى الترفيه و اللعب .. يعني مش شىء اساسي بالنسبالهم .. و اي جهاز هيشغل نت و افلام واغاني


ويا عيني في شباب بتشوف صور وافلام الالعاب .. بتتحمس وبتبقى عايزة تجيب امكانيات عالية عشان تلعب

والواحد صعبان عليه والله الشباب دي ..

الواحد بيقول يارب استرها .. ودي ناس محسسني انهم ملياردرات .. وهما اغلبهم عاطل واللي بيدرس .. واللي ابوه بيطلع من صباحية ربنا يرجع بالليل عشان يصرف على البيت


اللي بيتعب فى القرش وعارف قيمته صحيح .. مش هيرميه فى الارض كدة

خاصة ان الجهاز اللي هتجمعه النهاردة ب 5000 جنيه بعد سنة هتبقى عايز ترميه وتجمع غيره ..

التطور سريع جدااا فى الكمبيوتر الفترة دي .. غير زمان .. كان ممكن تقعد على الجهاز سنين

دلوقت الجهاز كبيره سنة .. وتحس انه ملوش لازمة .. لأنك باصص للجديد ديماً .. ومش راضي وقنوع وبتقول الحمد لله ان عندك كمبيوتر اصلاً

ولاحظوا ان دي سلعة مستهلكة .. والطلب عليها كتير .. يعني الربح والمال داير في سوق الكمبيوتر .. والتجار بيكسبوا حلو اوي من وراكم


فمش لازم يعني التاجر .. يبني العمارة فى سنة .. مافهاش حاجة لو بناها فى سنتين


من الاخر .. المفروض اسعار الكبيموتر تبقى فى الارض .. عشان نتحمس نرمي فلوسنا فيه .. غير كدة مايلزمانش


الواحد منكم ..

ما نفسكش يبقى عندك شقة خاصة بك ؟

مانفسكش يبقى عندك عربية بدل بهدلتك فى المواصلات ؟

ما نفسكش يبقى عندك رصيد فى البنك تأمن بيه مستقلبلك للظروف والطوارىء لا قدر الله ؟

مانفسكش تجوز ؟


ممكن تحقق كل اللي فات دة و اكتر .. لو حكمت عقلك


بالتوفيق لكم جميعاً .. و شكرا لصاحب الموضوع جدا

arteta
14-02-2009, 13:03
على فكره يا جماعه والله التجار ما ليهم ذنب انا واحد
والله انتا بتصحى الصبح بتلاقى الوكيل رفع السعر لوحده وهو يرد يقلك ده عرض وطلب مش عايز متشتريش
وبعدين الاسعار مش اغلى بكتير جدا اوى عن بره منبص على اسعار العربيات او الموبيلاات اشمعنى اوى مركزين على اسعار الكمبيوتر وشكرا وارجوا ان محدش يزعل

VOICEY2010
14-02-2009, 14:24
على فكره يا جماعه والله التجار ما ليهم ذنب


فعلا الذنب هوب المشترى لما ميشتريش انتو هتعالجو مشاكلو مع بعض مش تصدروا مشاكلكو للمستهلك والطلب هيقل فالتاجر مش هيقلك عرض وطلب هيبقى عرض بس ومفيش طلب وبعدين التجار بيبقووا مصممين على مكسب معين رغم انه لو باع بسعر اقل هيكسب بردوا بس هنعمل ايهاحنا ميهمناش السبب ايه المهم النتيجة

واحنا مش هنبص على اسعار حاجة تانية خالص ان هنبص بس على اسعار الهاردوير والحملة مستمرة

hamada_hotline
14-02-2009, 14:55
الله ينور على الموضوع رائع علشان كده الواحد بيشجع اصدقاؤه على تحديث الاجهزه الى عندهم وبقائها فى الخدمه على الاقل كمان سنه بدال مايرمى جهازه القديم ويجيب جديد فى ظل الاسعار المتغيره بطريقه عجيبه ده وخلينا صابرين لما نشوف اخرتها فى الاسعار عامة فى البلد ده

thunder_eagle
14-02-2009, 15:57
واديكوا مثال تاني البروسيسور Q9650 اول مانزل كان هنا بـ 3700 جنيه والسعر دة في المجلة (في شهر 11) وكان تمنه علي النت بـ 350 $ (يعني بـ 1925 جنيه - يعني قول يا سيدي 2000 جنيه ) ودلؤتي سعره بقة 2150 جنيه مع ان سعره برة زي ماهو والجمارك والضرايب والشحن برضه زي ماهما ، يبقي الفرق في السعر دة راح فين ؟! :confused: في جيب التجار برضه ، لان اكيد لو اللي كان مغليه و مخلي تمنه 3700 جنيه الضرايب او الجمارك كان هايفضل تمنه ثابت علي كدة ، ويعني هم لما رخصوه كل دة بيخسروا ؟ لا طبعا ً - ولو تاخدوا بالكوا ان دلوئتي تمنه يفرق عن تمنه بره 150 جنيه بس شاملة الضرايب والجمارك والنقل وكل حاجة - .
.
معلومات حضرتك ‎غلط فالنقطه دي , 3700 جنيه في شهر 11 كان سعر بره ‎525$ أما ‎325$ ده بعد تخفيض أسعار Intel في شهر يناير و علشان كدة بقى 2150 جنيه

zo0omaa
18-02-2009, 03:02
علشان نبقي عادلين بس , معظم أسعار الhardware هنا كويسة جداً ، مقارنةً بالخليج أو حتى في أوروبا ، أكيد في منتجات هنا سعرها بيبقي خيالي مقارنةً بسعرها بالخارج ذي ال-Q9650 لكن السبب في كدة انها بتبقي قطعة واحدة أو التاجر مستوردها بنفسه ، لاكن عندك مثلاً ال-Q6600 و ال-E8400 كان فيه فترة اسعارهم هنا كانت أقل من سعرها بال USA

الشاشة ال-benq ال-t2200HD سعرها بالخارج في حدود 240 $ يعني 1320 LE و سعرها هنا بيتراوح مابين 980 و 1100 LE
https://www.getprice.com.au/BenQ-T2200HD-21inch-LCD-Monitor.htm.htm

https://www.newegg.com/Product/Product.aspx?Item=N82E16814127359
ال-hd4850 سعره بالخارج 150$ يعني 825LE و هنا سعره وصل 850-900 و دة سعر كويس جدا

https://www.newegg.com/Product/Product.aspx?Item=N82E16822136218
الهارد ال-WD6400AAKS ب 75$ يعني 413LE و هو هنا ب-370 LE

الحاجات الواحيدة إلي شايف إن اسعارها مبالغ فيها هي منتجات gamma وHEC بيغلوها براحتهم عشان مفيش منافس في السوق تماماً إلا الحاجات العالية أوي

اولا ً بلاش تجيب سيرة الخليج خالص لان انا كل قرايبي هناك وبيقولولي ان الاسعار هناك رهيبة ، انا لسه جايب من هناك موبايل NOKIA 5800 بـ 1400 ريال سعودي (وتمنه في الامارات 1300 درهم) وتمنه هنا 2500 جنيه !!!!

ثانيا ً الامثلة اللي انت قايلها دي تدين التجار مش يبرأهم اولا ً: الجمارك والضرائب والشحن بالشكل دة يساوي (0) ، ومكسب التاجر اكيد قليل جدا ً (لكن هو بيعوضه لما بيبيع كتيييييير) ، طيب اشمعنه بقي في حاجات تانية بتبقي اسعارها اغلي من برة و التجار بيتحججوا بـ السحن والجمارك ؟؟؟؟ !!! ;) ، يبقي اكيد دي كلها حجج واهية مالهاش اي اساس من الصحة وكل الفرق دة مكسب في جيب التاجر ...... لان في حاجات اهو زي مابتقول بتتباع بنفس تمن برة (او اقل كمان) دة بعد الجمارك والضرايب والشحن ، وعلي فكرة دة برضه دليل ان التاجر بيجيب بسعر اقل كتير من سعر التجزئة اللي احنا بنشوفه علي النت ، لان كل المواقع اللي احنا بنشوفها دي زي Newegg مثلا ً بيبيع بسعر التجزئة مش سعر الجملة اللي التاجر بيشتري بيه لانه بيشتري وبيدفع جمارك وشحن و ... وكمان بيكسب والحاجة تمنها ارخص من سعر التجزئة اللي برة ، يبقي دة معناه ايه ؟ - معناه ان السعر اللي هو بيشتري بيه اقل كتيييييييييير من سعر التجزئة اللي احنا بنشوفه علي النت .


وانا يا سيدي الفاضل كل اللي انا عايزه بس ان كل الحاجات تبقي اسعراها زي الامثلة اللي انت ذكرتها دي مش اكتر من كدة ، لكن زي مافي حاجات سعرها حلو في حاجات تانية كتير اوي سعرها وحش جدا ً ، لكن لو كل الاسعار حلوة كدة كنت انا عملت موضوع زي دة ؟؟ !!!

Mezoxin
18-02-2009, 13:53
اولا ً بلاش تجيب سيرة الخليج خالص لان انا كل قرايبي هناك وبيقولولي ان الاسعار هناك رهيبة ، انا لسه جايب من هناك موبايل NOKIA 5800 بـ 1400 ريال سعودي (وتمنه في الامارات 1300 درهم) وتمنه هنا 2500 جنيه !!!!

ثانيا ً الامثلة اللي انت قايلها دي تدين التجار مش يبرأهم اولا ً: الجمارك والضرائب والشحن بالشكل دة يساوي (0) ، ومكسب التاجر اكيد قليل جدا ً (لكن هو بيعوضه لما بيبيع كتيييييير) ، طيب اشمعنه بقي في حاجات تانية بتبقي اسعارها اغلي من برة و التجار بيتحججوا بـ السحن والجمارك ؟؟؟؟ !!! ;) ، يبقي اكيد دي كلها حجج واهية مالهاش اي اساس من الصحة وكل الفرق دة مكسب في جيب التاجر ...... لان في حاجات اهو زي مابتقول بتتباع بنفس تمن برة (او اقل كمان) دة بعد الجمارك والضرايب والشحن ، وعلي فكرة دة برضه دليل ان التاجر بيجيب بسعر اقل كتير من سعر التجزئة اللي احنا بنشوفه علي النت ، لان كل المواقع اللي احنا بنشوفها دي زي Newegg مثلا ً بيبيع بسعر التجزئة مش سعر الجملة اللي التاجر بيشتري بيه لانه بيشتري وبيدفع جمارك وشحن و ... وكمان بيكسب والحاجة تمنها ارخص من سعر التجزئة اللي برة ، يبقي دة معناه ايه ؟ - معناه ان السعر اللي هو بيشتري بيه اقل كتيييييييييير من سعر التجزئة اللي احنا بنشوفه علي النت .


وانا يا سيدي الفاضل كل اللي انا عايزه بس ان كل الحاجات تبقي اسعراها زي الامثلة اللي انت ذكرتها دي مش اكتر من كدة ، لكن زي مافي حاجات سعرها حلو في حاجات تانية كتير اوي سعرها وحش جدا ً ، لكن لو كل الاسعار حلوة كدة كنت انا عملت موضوع زي دة ؟؟ !!!

أسعار الموبايلات حاجة و أسعار حاجات ال-pc حاجة ثانية صدقني
و لسة واحد صاحبي بردو شاريه في أبوظبي ب-1350 DHMS :D

ثانياً الحاجات هنا إلي سعرها غالي هي القطع ال-high end , و برضه غلو معقول , و أكيد احنا كبلد ماينفعش تبقي اسعارنا زي أمريكا , مفيش بلد اسعارها زي أمريكا , ياريت نبقي واقعيين , شوف أسعار أمريكا في كل حاجة و الأسعار هنا في مصر حتلاقي إن حاجات ال-pc هي الحاجات اللي الفارق فيها مش كبير , كون إن احنا قريبين منها دة شيء كويس :D , أنا معاك اننا نقاطع الحاجات اللي بيستهبلو في اسعارها ، زي ما قاطعنا توكيل XFX قبل كدة لم كانت أسعار منتجاته غريبة .

mramzi
19-02-2009, 16:07
أسعار الموبايلات حاجة و أسعار حاجات ال-pc حاجة ثانية صدقني
و لسة واحد صاحبي بردو شاريه في أبوظبي ب-1350 DHMS :D

ثانياً الحاجات هنا إلي سعرها غالي هي القطع ال-high end , و برضه غلو معقول , و أكيد احنا كبلد ماينفعش تبقي اسعارنا زي أمريكا , مفيش بلد اسعارها زي أمريكا , ياريت نبقي واقعيين , شوف أسعار أمريكا في كل حاجة و الأسعار هنا في مصر حتلاقي إن حاجات ال-pc هي الحاجات اللي الفارق فيها مش كبير , كون إن احنا قريبين منها دة شيء كويس :D , أنا معاك اننا نقاطع الحاجات اللي بيستهبلو في اسعارها ، زي ما قاطعنا توكيل XFX قبل كدة لم كانت أسعار منتجاته غريبة .

طيب ايه رأيك بقى ان التجار في الشرق الاوسط بياخدو سعر اقل من بقية العالم في اي سلعة (بمعنى اصح كل دول العالم الثالث)

وكمان الضرائب والشحن اكثر بكتير في امريكا منها لمصر .

شوف واحد زي كارفور مثلا لما فتح في مصر ضرب تجار الاجهزة كلهم وخلي التوكيلات والمصانع تنزل الاسعار بتاعت اجهزتها علشان تنافسه او تبيع زيه .

طيب كارفور مش بيدفع جمارك وشحن و و و اكيد بيدفع .

طيب ازاي يبيع شاشة 24 optiquiest ب 1350 وهيا في كل المولات ب 2000 جنيه .

الراجل بيتصدق على الشعب المصري وبيخسر علشانهم ، طبعا لا بيكسب مكس حلو كمان (الله يبارك له) .

فاكر لما اللانسر الخليجي كانت بتتباع ارخص من المصري (وكان مدفوع عليها نفس الجمارك ومكسب اكتر كمان للمعرض الي جابها من برة )

العريبة الكورولا الخليجي ارخص من المصري الى الان وموجودة عند المعارض كلها.

باور جيجا ب 1200 جنيه وبرة ماركة افضل واحسن منه بالسعر ده ، وكمان التجار والتوكيلات بيدخلو الى على مزاجهم ، يعني انت ملزم باختيارات محدودة حتى لو هتدفع الى همت عايزينوا كمان .

ومش في الكمبيوتر بس في حاجات كتير . وللاسف احنا الي بتشجعهم على كدة بقينا شعب مستهلك لاقصى درجة الدنيا توقع ولا فرقا معانا .

لو عايز تتأكد ابعنلي على الخاص وانا ابعتلك لستة بالاجهزة الاويجنال والابتوب فيها الاسعار الي بياخدو بيها وشوف مكسبهم كام .

الف شكر لصاحب الموضوع وياريت فعلا الناس تقاطع لمدة 30 يوم بس الدنيا مش هتطير ومش هتحتاجوا حقنة جيمز :ah50:

دمتم بالف خير

VOICEY2010
19-02-2009, 19:59
, و أكيد احنا كبلد ماينفعش تبقي اسعارنا زي أمريكا


مين قال الكلام دا على اساس ايه امال ايه اتفاقيات التجارة الحرة والجات والا سعار اللى بتزلها الشركات على المواقع والسعر اللى بتوصى بيه مثلا ATI لاسعار كوتها recommened price دا لاى حد غير مصر ولا ايه ولا هو ل نيو ايج بس التجار هنا ناس ف البطيخ بيكسبوا الملا يين والنا بتدفع الملايين بتاعتهم ويقولوا دا احنا غلابة وبعدين اسعار الصرف لما قلت حد حس بفرق فى اسعار الهاردوير لا طبعا ليه لان الفرق كله مكسب للتاجر وبعدين انت عايز تقنعنى ان اللى بيدافع على التجار دا وبيقول اسعارنا كويسة دا مستهلك عادى !!!!!!!!!!!!!!!!!!!
لا يمكن انا حد يبقى عارف انه بيسضحك عليه ويقول كمااااااااااااااااااااااان

انما التجار بس هما اللى بيقولوا كمان ومبيشبعوش ابدا


والحملة مستمرة

zo0omaa
19-02-2009, 21:21
الهارد WD1001FALS ( اللي هو الـ 1000G Black ) تمنه علي النت 130 $ ( يعني 714 جنيه )وآخر سعر ليه هنا هو 740 جنيه (من غير فصال) - ( وطبعا ً كلنا عارفين ان تمنه كان 700 جنيه من شهر) يعني فرق بين تمنه بره وتمنه هنا علي اساس السعر الغالي 26 جنيه

طيب ما اسعارنا اهو زي امريكا ، لا ماتقولش ان مافيش بلد اسعارها زي امريكا ، احنا في حاجات بتبقي اسعارنا زي امريكا وارخص كمان ، وفي حاجات تانية بتبقي اسعارنا زبالههههههه بسبب سرقة التجار

zo0omaa
19-02-2009, 21:28
, و أكيد احنا كبلد ماينفعش تبقي اسعارنا زي أمريكا


مين قال الكلام دا على اساس ايه امال ايه اتفاقيات التجارة الحرة والجات والا سعار اللى بتزلها الشركات على المواقع والسعر اللى بتوصى بيه مثلا ATI لاسعار كوتها recommened price دا لاى حد غير مصر ولا ايه ولا هو ل نيو ايج بس التجار هنا ناس ف البطيخ بيكسبوا الملا يين والنا بتدفع الملايين بتاعتهم ويقولوا دا احنا غلابة وبعدين اسعار الصرف لما قلت حد حس بفرق فى اسعار الهاردوير لا طبعا ليه لان الفرق كله مكسب للتاجر وبعدين انت عايز تقنعنى ان اللى بيدافع على التجار دا وبيقول اسعارنا كويسة دا مستهلك عادى !!!!!!!!!!!!!!!!!!!
لا يمكن انا حد يبقى عارف انه بيسضحك عليه ويقول كمااااااااااااااااااااااان

انما التجار بس هما اللى بيقولوا كمان ومبيشبعوش ابدا


والحملة مستمرة

الله عليك يا باشا! :D
اصل انا ماقولتش كلمة عن الموضوع الاضراب دة قبل كدة سواء في الموضوع دة او في الموضوع بتاع اسعار الهاردوير في السوق المصرية إلا ولقيت ناس بتحبط فيا وبتقولي الاسعار حلوة اوي وان احنا لا يمكن نكون زي امريكا ومش عارف ايه بس انا مبسوط اني لقيت حد معايا في المنتدي دة
والحملة مستمرة طبعا ً يا معلم وكلنا لاوم نبقي ايد واحدة علشان يبقي لينا تأثير

zo0omaa
19-02-2009, 21:41
طيب ايه رأيك بقى ان التجار في الشرق الاوسط بياخدو سعر اقل من بقية العالم في اي سلعة (بمعنى اصح كل دول العالم الثالث)

وكمان الضرائب والشحن اكثر بكتير في امريكا منها لمصر .

شوف واحد زي كارفور مثلا لما فتح في مصر ضرب تجار الاجهزة كلهم وخلي التوكيلات والمصانع تنزل الاسعار بتاعت اجهزتها علشان تنافسه او تبيع زيه .

طيب كارفور مش بيدفع جمارك وشحن و و و اكيد بيدفع .

طيب ازاي يبيع شاشة 24 optiquiest ب 1350 وهيا في كل المولات ب 2000 جنيه .

الراجل بيتصدق على الشعب المصري وبيخسر علشانهم ، طبعا لا بيكسب مكس حلو كمان (الله يبارك له) .

فاكر لما اللانسر الخليجي كانت بتتباع ارخص من المصري (وكان مدفوع عليها نفس الجمارك ومكسب اكتر كمان للمعرض الي جابها من برة )

العريبة الكورولا الخليجي ارخص من المصري الى الان وموجودة عند المعارض كلها.

باور جيجا ب 1200 جنيه وبرة ماركة افضل واحسن منه بالسعر ده ، وكمان التجار والتوكيلات بيدخلو الى على مزاجهم ، يعني انت ملزم باختيارات محدودة حتى لو هتدفع الى همت عايزينوا كمان .

ومش في الكمبيوتر بس في حاجات كتير . وللاسف احنا الي بتشجعهم على كدة بقينا شعب مستهلك لاقصى درجة الدنيا توقع ولا فرقا معانا .

لو عايز تتأكد ابعنلي على الخاص وانا ابعتلك لستة بالاجهزة الاويجنال والابتوب فيها الاسعار الي بياخدو بيها وشوف مكسبهم كام .

الف شكر لصاحب الموضوع وياريت فعلا الناس تقاطع لمدة 30 يوم بس الدنيا مش هتطير ومش هتحتاجوا حقنة جيمز :ah50:

دمتم بالف خير

الف الف شكر علي مشاركتك القيمة وانا معاك في كل كلمة قولتها واتمني انك تساعدني او بمعني اصح نساعد بعض كلنا يعني كل واحد يقول لأصحابه وقرايبه وكدة ونوسع دايرة الاضراب وهنشوف النتيجة (والله هاتبقي نتيجة ممتازة ممتازة ممتازة)

Dr.a7med
19-02-2009, 22:39
اللي يغيظ و يكيد أكتر هو ان السعر كل شوية عمال يترقص حبة فوق و حبة تحت بلا رقيب و كأننا في سوق خضار -بل بالفعل احنا في سوق خضار -و علي الرغم من ثبات السعر الاصلي للسلعه بالخارج يعني من الاخر كلو بمزاج التاجر

zo0omaa
19-02-2009, 23:25
ايوة والله كلامك كله صح يا scorpion9003

Mezoxin
19-02-2009, 23:26
أنا بتكلم عن أسعار ال-hardware لل-PC زي ال-cpu والرام و كدة

mr.ramzi ال-psu الجيجابيت odin gt 800w سعره برة كان 180-200$ يعني من 1000-1100 , و أسعار ال laptops هنا أنا عارف انها سخيفة ، و ماقلتش انها كويسة

و عاوزك تحول أسعار المعالجات و البوردات في مصر للدولار و شوف الفرق ، و متقارنش الحاجات العالية قوي زي ال-corei7 و كدة

بالنسبة VOICEY2010 اقنعني ازاي بلد زينا اقتصادها في الأرض و بتستورد كل حاجة تبقي اسعارها في أحسن من أوروبا ؟؟ و قولي إيه في مصر هنا اسعاره كويسة أصلاً ؟؟


و أنا مش بدافع عن حاجة ، أنا بحب أبقي واقعي ، و ياريت أسلوب النقاش يفضل كويس بدون متتهمني بشيء ، و لو تقدر تقنعني بوجهة نظرك اقنعني

VOICEY2010
20-02-2009, 00:35
بالنسبة VOICEY2010 اقنعني ازاي بلد زينا اقتصادها في الأرض و بتستورد كل حاجة تبقي اسعارها في أحسن من أوروبا ؟؟ و قولي إيه في مصر هنا اسعاره كويسة أصلاً ؟؟

احنا بنتكلم فى نقطة صغيرة ان التاجر سواء هنا او بره بيشترى البضاعة بنفس السعر من المصدر بره بيحط ربح مثلا فى القطعة 20 جنيه او 50 جنيه فى الرنج دا هنا بيستورد بنفس السعر وبيحط 500جنيه مكسب واحيان ضعف السعر مكسب وعشان احنا بنستورد بنفس السعر من المصدر بقولك ان لازم الاسعار تبقى زى بره على الاقل انما تبقى سمك لبن تمر هندى

وعدين هقولك حاجة تانى يوم الصبح التاجر والمحلات رفعو q6600 مثلا بقى 1500 مين هيكلمه دا ولا ايه هيوقفه عند حده مش بعيد زى دلوقتى والناس تطلع فى المنتديات تدافع عنه وتلاقى حد يقلك ان السعر بره غلى دولار فالدولار دا بقة بحسبة التاجر =100 جنيه + ان فيه ضرائب وجمارك زادت على الدولار دا والتاجر غلبان المستورد هو اللى ظالمه والناس تشترى عادى
وبعدين مثلا Core2Quad Q9550 نزل مصر ب 3400 تقريبا او حاجة كدا بعد شهرين بقى ب 1700 ولسا هينزل متقوليش عشان لسا نازل والكلام دا لان اكيد فيه ناس اشترته بالسعر دا واللتاجر كسب حوالى 2000 جنيه مكسب فى بروسيسور ذنبه ايه اللى اشترى دا يرمى 1700 جنيه فى الارض ولما رخص بره طبعا مرخص نصف ثمنه لانه نازل بسعره الحقيقى من الاول انما هنا نازل بمزاج التاجر تخيل انت اشتريب حاجة وخسرت نصف ثمنها بعد شهر ولا شهرين طبعا انا مشتريتش ولا انت اكيد بس لو اى حد مش عارف ان الاسعار دى كلام فاضى واشترى بالسعر دا يبقى دا اسمه ايه ياريت اى حد يسميه اى اسم هو عاوزه الكارت 4670 نزل اول مانزل ب700 جنيه وحذرنا من عدم شرؤاه بالسعر دا وقلنا انه سعره لازم يكون اقل من 500 نزل بعديها بشهر 100 جنيه بقى ب600 بقى ب500 و 460 كمان بعد كدا بقى الواحد جيجا ب 570 طب الناس اللى بتشترى دى بالاسعار الوهمية دى ذنبها ايه بسبب ناس بتالف وفاكرين انها شطارة والسعر اللى يزيد 10 فى 20 فى 30 واحيانا 100 جنيه بدون سبب وبعدين شوف لو انت جمعت جهاز هتخس كام فيه بالطريقة دى والمحلات هتكسب كام

و أنا مش بدافع عن حاجة ، أنا بحب أبقي واقعي ، و ياريت أسلوب النقاش يفضل كويس بدون متتهمني بشيء ، و لو تقدر تقنعني بوجهة نظرك اقنعني

اعتقد اسلوب النقاش كويس والناس كلها شايفة وبعدين انا اتهمتك بايه بس خلينا منطقيين كدا انت لو مستهلك عادى هيضرك ان الاسعار تنزل وتبقى زى اسعار بره الوحيد اللى هيضره كدا هما التجار او اللى شغالين فى المحلات فقط لو ليك راى غير كدا ياريت تقوله يمكن فايدة المستهلك فى غلو الاسعار اكتر من رخصها وحتى لو انت تاجر دى مش تهمة ولا حاجة الا لو انت شايف غير كدا!!!!!!!!

mramzi
20-02-2009, 00:58
أنا بتكلم عن أسعار ال-hardware لل-PC زي ال-cpu والرام و كدة

mr.ramzi ال-psu الجيجابيت odin gt 800w سعره برة كان 180-200$ يعني من 1000-1100 , و أسعار ال laptops هنا أنا عارف انها سخيفة ، و ماقلتش انها كويسة

و عاوزك تحول أسعار المعالجات و البوردات في مصر للدولار و شوف الفرق ، و متقارنش الحاجات العالية قوي زي ال-corei7 و كدة

بالنسبة VOICEY2010 اقنعني ازاي بلد زينا اقتصادها في الأرض و بتستورد كل حاجة تبقي اسعارها في أحسن من أوروبا ؟؟ و قولي إيه في مصر هنا اسعاره كويسة أصلاً ؟؟


و أنا مش بدافع عن حاجة ، أنا بحب أبقي واقعي ، و ياريت أسلوب النقاش يفضل كويس بدون متتهمني بشيء ، و لو تقدر تقنعني بوجهة نظرك اقنعني


رجعنا تاني لنقطة شوف بالدولار وامريكا

باسيدي الفاضل التوكيلات هنا بتاخد سعر ارخص من الي بياخدوا التاجر في امريكا من بدل المنشأ

الجمارك في امريكا بتوصل احيانا لنسبة 100 % ، والجمارك في مصر موصلتش ليها ، اوعى تحسب ان التجار بيدفعو جمارك والكلام ده اصلا (امال الشاي لزومه ايه) واسأل يا عم في المينا عندكم (انا بقول الكلام ده وواثق مليون في المية وعن تجربة شخصية سواء في المينا البحري او المطار) .

امريكا في ضرائب للبلد وضرائب للولاية الى التجار فاتح فيها (قولي بقى عمرك اخدت من شركة كمبيوتر فاتورة ضربيبة صحيحة) كله بيان اسعار وورقه حتى مش بتكون مختومة بختم الشركة الاصلي ؟!!!!!!!!!! لو قلتلو هات فاتورة مظبوطة يقولك ادفع الضرائب 15% على سعر السلعة؟؟؟؟؟؟؟؟؟؟؟؟

انا مش بقارن بامريكا لا ، المفروض نبقى ارخص كمان

واوعى تقارن نفسك باوروبا خالص وخصوصا انجلترا ، انت لما تقارن بتقارن بامريكا لان تشبههم في النظام الجمركي شوية ده لو صحت المقارنة .

ومتنساش ان المصانع في الصين ودول شرق اسيا واحنا بنتعامل مباشرة من هناك حتى لو فيه محل بيبجب قطعة او قطعتين برضة ولا جمارك ولا ضرائب لانها متهربة اصلا .

عرض رائع الباندل core i7 ب 5000 وكسر (5000 عفربت لما ...) ده سعره هو نفس سعر ال c2d وفيه بروسيسورات و بورد c2d اغلى كمان .

واحب انه اخيرا ان الموضوع بتاع الاسعار من يوم ما اتفتح في المنتدى وعين التجار عليه وموجودين وسطنا باكثر من عضوية للتأثير على الناس وتحريكهم زي ما هما عاوزين .

مش قصدي عليك يا Mezoxin (انت عضو زينا) ولكن وجب التنويه علشان في ناس لسة مش عارفة

Mezoxin
20-02-2009, 01:02
بالنسبة VOICEY2010 اقنعني ازاي بلد زينا اقتصادها في الأرض و بتستورد كل حاجة تبقي اسعارها في أحسن من أوروبا ؟؟ و قولي إيه في مصر هنا اسعاره كويسة أصلاً ؟؟

احنا بنتكلم فى نقطة صغيرة ان التاجر سواء هنا او بره بيشترى البضاعة بنفس السعر من المصدر بره بيحط ربح مثلا فى القطعة 20 جنيه او 50 جنيه فى الرنج دا هنا بيستورد بنفس السعر وبيحط 500جنيه مكسب واحيان ضعف السعر مكسب وعشان احنا بنستورد بنفس السعر من المصدر بقولك ان لازم الاسعار تبقى زى بره على الاقل انما تبقى سمك لبن تمر هندى

وعدين هقولك حاجة تانى يوم الصبح التاجر والمحلات رفعو q6600 مثلا بقى 1500 مين هيكلمه دا ولا ايه هيوقفه عند حده مش بعيد زى دلوقتى والناس تطلع فى المنتديات تدافع عنه وتلاقى حد يقلك ان السعر بره غلى دولار فالدولار دا بقة بحسبة التاجر =100 جنيه + ان فيه ضرائب وجمارك زادت على الدولار دا والتاجر غلبان المستورد هو اللى ظالمه والناس تشترى عادى
وبعدين مثلا Core2Quad Q9550 نزل مصر ب 3400 تقريبا او حاجة كدا بعد شهرين بقى ب 1700 ولسا هينزل متقوليش عشان لسا نازل والكلام دا لان اكيد فيه ناس اشترته بالسعر دا واللتاجر كسب حوالى 2000 جنيه مكسب فى بروسيسور ذنبه ايه اللى اشترى دا يرمى 1700 جنيه فى الارض ولما رخص بره طبعا مرخص نصف ثمنه لانه نازل بسعره الحقيقى من الاول انما هنا نازل بمزاج التاجر تخيل انت اشتريب حاجة وخسرت نصف ثمنها بعد شهر ولا شهرين طبعا انا مشتريتش ولا انت اكيد بس لو اى حد مش عارف ان الاسعار دى كلام فاضى واشترى بالسعر دا يبقى دا اسمه ايه ياريت اى حد يسميه اى اسم هو عاوزه الكارت 4670 نزل اول مانزل ب700 جنيه وحذرنا من عدم شرؤاه بالسعر دا وقلنا انه سعره لازم يكون اقل من 500 نزل بعديها بشهر 100 جنيه بقى ب600 بقى ب500 و 460 كمان بعد كدا بقى الواحد جيجا ب 570 طب الناس اللى بتشترى دى بالاسعار الوهمية دى ذنبها ايه بسبب ناس بتالف وفاكرين انها شطارة والسعر اللى يزيد 10 فى 20 فى 30 واحيانا 100 جنيه بدون سبب وبعدين شوف لو انت جمعت جهاز هتخس كام فيه بالطريقة دى والمحلات هتكسب كام

و أنا مش بدافع عن حاجة ، أنا بحب أبقي واقعي ، و ياريت أسلوب النقاش يفضل كويس بدون متتهمني بشيء ، و لو تقدر تقنعني بوجهة نظرك اقنعني

اعتقد اسلوب النقاش كويس والناس كلها شايفة وبعدين انا اتهمتك بايه بس خلينا منطقيين كدا انت لو مستهلك عادى هيضرك ان الاسعار تنزل وتبقى زى اسعار بره الوحيد اللى هيضره كدا هما التجار او اللى شغالين فى المحلات فقط لو ليك راى غير كدا ياريت تقوله يمكن فايدة المستهلك فى غلو الاسعار اكتر من رخصها وحتى لو انت تاجر دى مش تهمة ولا حاجة الا لو انت شايف غير كدا!!!!!!!!


الأسعار في مصر

Core2Quad Q6600 = 1120 EGP

Core2Duo E8400 = 980 EGP
Core2Duo E7400 = 720 EGP
Core2Duo E7300 = 680 EGP
Core2Duo E7200 = 630 EGP

Pentium DC E5200 = 425 EGP

الأسعار في أمريكا

1083EGP= Q6600=197$
https://www.newegg.com/Product/Product.aspx?Item=N82E16819115017

E8400 =165$ = 902EGP
https://www.newegg.com/Product/Product.aspx?Item=N82E16819115037

E7400=120$ =660EGP

https://www.newegg.com/Product/Product.aspx?Item=N82E16819115206&Tpk=e7400

E7300=130!!

https://www.newegg.com/Product/Product.aspx?Item=N82E16819115132&Tpk=e7300

73$ =402EGP = e5200


https://www.newegg.com/Product/Product.aspx?Item=N82E16819116072



و فيه حاجات كتير تانية , تقدر إنت تقارن بنفسك , مش فيه حاجات تانية في البلد أولي بالمقاطعة ؟؟

أنا طالب بكلية الصيدلة بالجامعة الألمانية و أنا مش تاجر و مقدرش أحسب التاجر بيجيب الحاجة بكام و بيدفع جمارك كام ، لكن بالعقل كدة لما يبقي فرق السعر بيني و بين أقوي سوق في العالم تحت ال-100LE يبقي دة شيء كويس

و بقالي سنتين هنا مع الإخوة في المنتدي بنساعد بعض و أي حد بيحتاج مساعدة في تجميع جهاز بنساعده بدون مايبقي فيه شيء في المقابل

طبعاً أنا كمستهلك عادي في مصلحتي إن الأسعار تنزل ، لكن كون اننا نقاطع المنتجات مع إن فيه تحسن كبير في السوق خصوصاً في الفترة الأخيرة د شيء مش منطقي

و أنا وضحت قبل كدة إن مش كل حاجة سعرها كويس لكن معظم المنتجات إلي معظم الناس بتشتريها سعرها كويس ، في كام واحد في مصر بيشتري جهاز ب-10 الآف عشان نتكلم على أسعار الحاجات العالية ذي ال-corei7 ، و ياريت منتكلمش على سعر منتج أو منتجين محدش حيشتريه و يوجد بديل له و بسببه نعمل مقاطعة

Mezoxin
20-02-2009, 01:14
رجعنا تاني لنقطة شوف بالدولار وامريكا

باسيدي الفاضل التوكيلات هنا بتاخد سعر ارخص من الي بياخدوا التاجر في امريكا من بدل المنشأ

الجمارك في امريكا بتوصل احيانا لنسبة 100 % ، والجمارك في مصر موصلتش ليها ، اوعى تحسب ان التجار بيدفعو جمارك والكلام ده اصلا (امال الشاي لزومه ايه) واسأل يا عم في المينا عندكم (انا بقول الكلام ده وواثق مليون في المية وعن تجربة شخصية سواء في المينا البحري او المطار) .

امريكا في ضرائب للبلد وضرائب للولاية الى التجار فاتح فيها (قولي بقى عمرك اخدت من شركة كمبيوتر فاتورة ضربيبة صحيحة) كله بيان اسعار وورقه حتى مش بتكون مختومة بختم الشركة الاصلي ؟!!!!!!!!!! لو قلتلو هات فاتورة مظبوطة يقولك ادفع الضرائب 15% على سعر السلعة؟؟؟؟؟؟؟؟؟؟؟؟

انا مش بقارن بامريكا لا ، المفروض نبقى ارخص كمان

واوعى تقارن نفسك باوروبا خالص وخصوصا انجلترا ، انت لما تقارن بتقارن بامريكا لان تشبههم في النظام الجمركي شوية ده لو صحت المقارنة .

ومتنساش ان المصانع في الصين ودول شرق اسيا واحنا بنتعامل مباشرة من هناك حتى لو فيه محل بيبجب قطعة او قطعتين برضة ولا جمارك ولا ضرائب لانها متهربة اصلا .

عرض رائع الباندل core i7 ب 5000 وكسر (5000 عفربت لما ...) ده سعره هو نفس سعر ال c2d وفيه بروسيسورات و بورد c2d اغلى كمان .

واحب انه اخيرا ان الموضوع بتاع الاسعار من يوم ما اتفتح في المنتدى وعين التجار عليه وموجودين وسطنا باكثر من عضوية للتأثير على الناس وتحريكهم زي ما هما عاوزين .

مش قصدي عليك يا Mezoxin (انت عضو زينا) ولكن وجب التنويه علشان في ناس لسة مش عارفة


حضرتك أكثر خبرة مني في موضوع الإستيراد و كدة و شكراً على معلوماتك ، طيب قولي شيء واحد هنا بيتباع أرخص من أمريكا ؟ :)
أكيد أنا مش بقول انها أسعار ممتازة لكن مش حاسس انها تستاهل المقاطعة ، لإن كل حاجة في البلد غالية ، و قطعنا قبل كدة توكيل xfx لما كانت اسعاره وحشة و الموضوع جاب نتيجة .

mramzi
20-02-2009, 01:28
حضرتك أكثر خبرة مني في موضوع الإستيراد و كدة و شكراً على معلوماتك ، طيب قولي شيء واحد هنا بيتباع أرخص من أمريكا ؟ :)
أكيد أنا مش بقول انها أسعار ممتازة لكن مش حاسس انها تستاهل المقاطعة ، لإن كل حاجة في البلد غالية ، و قطعنا قبل كدة توكيل xfx لما كانت اسعاره وحشة و الموضوع جاب نتيجة .

الدوااااااااااااااااااااااااااااااااااااء (حقيقة مصر من ارخص البلاد في سعر الدواء)

علشان نعالج بيه الى بيحصلنا من الاسعار والغلاء :ah42:

شكرا لك اخي Mezoxin على تفاعلك وروحك معانا ، ووالله الكلام ده لا اقصد منه شئ وموجه لكل الناس بس علشان يعرفوا

انا شفت تجميعاتك دائما انت ومعتز وبتحاولوا تعملو افضل جدوى اقتصادية للمشتري بافضل المكونات ، فاكيد انا مش بهاجمك اطلاقا

تحياتي ليك

Mezoxin
20-02-2009, 01:29
المشكلة الجامدة اللي موجودة في السوق هي نفس المشكلة اللي موجودة من زمان و هي إن فيه تجار ماعندهمش أمانة و بيستغلوا جهل الناس ، و موضوع الاسعار فالمنتدي هنا بيحارب النقطة دي و بيتبقي عارف سعر الحاجة عشان ما يضحكش عليك ، غير إنك بتبقي عارف إيه أحسن تجميعه ليك في حدود ميزانيتك ، بدل ما التجار يضحكوا علي الواحد و يبيعوا له أي حاجة عندهم عاوزين يخلصوا منها

Mezoxin
20-02-2009, 01:32
الدوااااااااااااااااااااااااااااااااااااء (حقيقة مصر من ارخص البلاد في سعر الدواء)

علشان نعالج بيه الى بيحصلنا من الاسعار والغلاء :ah42:

شكرا لك اخي Mezoxin على تفاعلك وروحك معانا ، ووالله الكلام ده لا اقصد منه شئ وموجه لكل الناس بس علشان يعرفوا

انا شفت تجميعاتك دائما انت ومعتز وبتحاولوا تعملو افضل جدوى اقتصادية للمشتري بافضل المكونات ، فاكيد انا مش بهاجمك اطلاقا

تحياتي ليك

ربنا يخليك ياباشا ، لكن الدواء دة شيء أساسي ، لكن ال-pc د شيء ترفيهي ، إلا لو معندكش مانع إن الدواء يغلي و ال-pc يرخص :p