المساعد الشخصي الرقمي

مشاهدة النسخة كاملة : ساعدوني في تحديد مصيري في الشبكات بالله عليكم @@@@


mohaworld
16-02-2009, 00:52
السلام عليكم اخواني

انا اخوكم محمد من مصر
مشكلتي بأختصار اني طالب في كليه تجاره قسم جمارك سنه 3 طبعا دخلت القسم ده لظروف خاصه
مشكلتي اني حابب مجال الشبكات جدا واتعلقت بيه اوي بعد ما تابعت دروس الاخ لومارك ودروس الاخ احمد جوده
ولما فكرت ادخل مواقع التوظيف العربيه لقيت كل الوظائف تشترط ان يكون المتقدم خريج هندسه كومبيوتر او اي كليه لها علاقه بالحاسب الالي
وده لا ينطبق عليا
فهل كده احلامي اني ابقي حاجه مرموقه ف الشبكات اتبخرت يعني انسي موضوعه الشبكات ده خالص؟؟
وهل يوجد اي طريقه او معادله اصبح بيها مساوي في ال cv لطالب الهندسه او الحاسب الالي ؟؟

ارجوكم افيدوني لاني والله اتصدمت وحسيت ان مستقبلي انتهي لان قسم جمارك اللي انا دخلته لا يوجد له فرص عمل بالمره
منتظر الردود يا اخوتي ف الله
ستموني
16-02-2009, 06:40
أخي الكريم

أنا وأعوذ بالله من كلمة أنا أعتقد أن بكلوريوس حاسب آلي مش من الضرورة أن تثبت وجودها بالتوظيف وانا أعتقد أنك إذا احببت شي فأنت سوف تبدع فيه ولو كنت مقتنع وحابب الشبكات فأنا بعتقد إنك ممكن تبدأ المشوار في هذا العالم الكبير ولا تنسى في شهادات تدعم معرفتك وخبرتك في هذا المجال Microsoft cisco ....إلخ
نصيحة : أكمل دراستك في كلية التجارة
وإعتبر الشبكات هواية مارسها وتعلمها وأبدع فيها وحالو تحصل على شهادات الشركات وتابع شروحات الأساتذة الكبار في المنتدى العظيم

وتمنياتي لك بالتوفيق

وجهة نظر لا تغني عن أراء الأخوة في هذا المنتدى العظيم
مناضل
16-02-2009, 08:01
لااله الا الله يامحمد هو في حاجه في الدنيا دي تستاهل التشاؤم ده سيبها لله ودرس واجتهد وانشاء الله ربنا سبحانه وتعالي هيرضيك وهيجبلك احسن وظيفه انشاء الله وهتكون انشاء الله مهندس شبكات كويس
waleedallam
16-02-2009, 08:50
يا اخويا انت لسة صغير على الكلام دا لية شايل الهم تقف نفسك فى مجال الشبكات ومتنساش الكلية والمستقبل بايدى الله بس انت اعمل اللى عليك ولكل مجتهد نصيب
yassir1248
16-02-2009, 08:55
اعتقد ان شهادة حاسبات مهمه لكن فى المقام الأول شهادت ميكروسوفت وسيسكو والأهم من كده خالص هو خبرتك العملية ومدى معلوماتك وإطلاعك فى هذا المجال

كان لى صديق درس شيء لا علاقة له ابدا بمجال الشبكات لكنه درس كورسات ميكروسوفت وتدرب فى شركة صغيرة وهو الأن يعمل فى شركة كبيره جدا تعمل فى مجال الأتصالات - وكل هذا وهو لم يكن خريج حاسب آلى

وأخيرا اقول لك اجتهد وأن الله لا يضيع أجر من أحسن عملا - ان الله وعد ولن يخلف وعده ابداً
توكل الله والله ولى التوفيق
ahmedhalo
16-02-2009, 09:08
شوف يا اخي العزيز محمد الي بيجتهد بيلاقي صدقني انا حقولك على اد خبريتي المتواضعة جدا المجال حاليا عامل ازاي المجال يا سيدي الفاضل معتمد بالدرجة الاولى والاخيرة في مصر على 3حاجات
1- مدى ثقتك في الله اولا وفي نفسك وشخصيتك ومدى طموحك وصبرك
2- انك تكون معاك الشهادات اذا امكن
3- انك تكون مذاكر ومطبق كويس واساسك اهم حاجة جيد جدا

حقيقة ان المجال في طلب الوظائف يشترط شهادة هندسة او كمبيوتر وخلافة بس انا اقولك الي انا شايفة بص يا ابن الحلال اطمنك انا اديت كورسات لناس كتير جدا
معظمهم مش خريجي هندسة وكمبيوتر اهم حاجة انك تكون تعليم عالي لازم الشركات في اعلاناتها تطلب كده بس هذا لا يمنع بتاتا من انك تقدم فيها ازا كنت شايف انك كويس
ممكن اي حد يقولك كلام محبط او تشوف ان الشركات مش طالبه الا كده بس انا اقولك الواقع ناس كتير بتشتغل في المجال ومعهمش هندسة وكده كن على يقين من كده صحيح
في حاجة اسمها واسطه بس الرزق برضه موجود وخلي بالك الرزق بيجيب رزق والمهم اول طلعة او الطريق يعني ده اصعب شيء بص ولله الحمد اطمن جدا ان في شغل في مصر في مصر بالذات ومتستغربش من كلامي عارف ليه لان مصر فيها مبدا الحمد لله متميزة بيه يمكن عن بلدان تانيه موجود في المجال جدا هو مبدا (الفهلوة) اه والله
لازم تبقى فهلوي شويه وكلمنجي وواثق من نفسك وناصح وكده صدقني حتسلك بقولك كده علشان والله
يا بن الحلال من الي شوفته ده في ناس لا معاها شهادادت اساسا ولا شهادة هندسة وبتشتغل كويس
ربنا يوفق الجميع يا رب يعني في جميع الاحوال اطمن بس اجتهد عارف يا محمد لو عايز نصيحة اخ
بجد اعمل حاجة واحده بس حب العلم ده واتبحر فيه ابني اساس قوي واصبر N+ A+ وبعد كده
Cisco كهاردوير للشبكات وبعد كده microsoft كسوفتوير استبحر واستمتع بالعلم ونفض للدنيا وكلام الحبطين وخليك واثق في نفسك واسهر اليالي واصرف فلوس وهات كتب وطبق واقرى مقالات في المنتدى
وشوف شروحات المهندسين حتفيدك وبعد ما تحس انك بقيت كويس جدا حاول تمتحن ويكون معاك الشهادات
واعملك سي في محترم كده وحط لوجو الشهادات في الاول والكليه اخر حاجة (انا عامل كده :)) وقدم وربنا باذن الله حيوفقك

عموما اياك تحبط كل هدفي اني ابشرك لا في ناس كتييير وفي شركات كبيره كمان بيشتغلو من غير شهادة الهندسة والكمبيوتر المهم اعمل الي عليك والجتهد وربنا باذن الله حيكرمك واتمنالك التوفيق من القلب
تلميذ شبكات
16-02-2009, 09:27
السلام عليكم ورحمه الله وبركاته

انا خريج كليه تجاره

واعمل فى مجال الشبكات منذ سيتن وفى صحابى كتير كده واغلب اللى ومش شرط ومش لازم

لكن

لازم يكون عندك خبره كويسه

واخد شهادات فى المجال واشتغلبت بأيدك من مجرد امتحنت وبس

ويكون الانجليزى بتاعك كويس

ادامك فرصه انت لسه فى سنه تالته فى خلال السنتني اللى جيين دول

ابدأ خد كورسات وحاول تنزل تدرب فى شركه حتى لو ببلاش بس تاخد خبره

وان شاء الله ربنا هيوفقك
Nightspy
16-02-2009, 10:37
انصحك بMCSE الاول لو عايز تشتغل بسرعة ان شاء الله

وديما شغل السرفرات زى مثلا مايكروسوفت او لينوكس مش محتاج هندسة
anamashgool
17-02-2009, 14:33
أخي العزيز لقد تكلم الشباب بما فية الكفاية ولكن حبيت اقل لك شئ بيسط
لاتنسى ان معظم العباقرة والخترعين لم يكونوا متخصصين في ذات المجال الذي ابدعوا فية ولكن كانت هواياتهم هي التي اوصلتهم الى تلك الانجازات فتوكل على الله وأكمل ما بدأت بة ولاتجعل حكاية التخصص تأثر عليك كثيراً وخذ الشبكات كهواية ومتعة وربنا يوفقك
AhmadAllRise
17-02-2009, 14:51
ال IT manager في قسم ال IT الذي اعمل به خريج هندسة ميكانيك !!!


طبعا هو فهمان في ال IT وعنده خبرة جيدة و دورات عديدة في مجال الدعم الفني و الشبكات .. الخ


ادرس و اجتهد اخوي .. الشركات الخاصة اهم شيء عندها الخبرة و تكون فهمان .. و موضوع التخصص

الجامعي لا اهمية له بنظري الا ما ندر .

بالتوفيق .
anti_world2007
17-02-2009, 16:02
اخى انا ايضا فى كلية تجارة وانهيت كورس ccna وعى وشك انهاء ال ccnpوبعد كدا هدخل عى ا mcse ...احنا بنعمل الى علينا والباقى على ربنا... من خلال تجربتى مع ناس كتير شغاين فى المجال ده وجدت ان كتير منهم خريجى كليات اخرى غير هندسة مثل تجارة وكلهم شغالين فى شركات كبيرة...لا تدع احد يحطمك وتنجنب قطاع الطريق وتوكل عى الله....اهم حاجة فى الشبكات هو الشهادات من الشركات العالمية مثل cisco ,microsoft.....ومدى الخبرة العملية...
ستموني
17-02-2009, 18:59
ال IT manager في قسم ال IT الذي اعمل به خريج هندسة ميكانيك !!!


طبعا هو فهمان في ال IT وعنده خبرة جيدة و دورات عديدة في مجال الدعم الفني و الشبكات .. الخ


ادرس و اجتهد اخوي .. الشركات الخاصة اهم شيء عندها الخبرة و تكون فهمان .. و موضوع التخصص

الجامعي لا اهمية له بنظري الا ما ندر .

بالتوفيق .


والله يا احمد فينا شي مشترك الفارق إنو It manager عندي مهندس كهرباء ولا شهادة It شوية كلام للمدير العام نظري ومتابعة بس وكل الشغل على روسنا فلا تزعل يا اخي وشد حيلك وربنا بيوفقك
mohaworld
17-02-2009, 19:03
اخواني جزاكم الله خيرا جميعا نويت ولله الحمد الاستمرار في الشبكات والفضل يعود لله اولا ثم اليكم سواء من تشجيع او ابداء اراء او حتي شروحات
متشكر مره اخري وحعمل بنصيحه الاخ ahmedhalo (https://www.arabhardware.net/forum/member.php?u=19691) اللي بتوجهله بشكر خاص وحبدأ ف CCNA لاني خلصت A+ , N بفضل الله
جزاكم الله خيرا
رمح الاسلام
17-02-2009, 20:56
اخي العزيز في حل كويس جدا احسن 1000 مرة
اية رايك لو تتعب شوية وتعمل دبلومة في علوم الحاسب هي مدتها سنة وكدة تبقى انت احسن من اللي معة شهادة عليا في قسم الحاسب
هي في معهد الاحصاء هتبدء التقديم شهر 6 او 8 تقريبا مش شرط علشان تلتحق بيها تكون دارس حاسب او هندسة
وكدة يبقى احسن كتير وياريت يبقى معاك شهادة دولية
mohaworld
18-02-2009, 02:33
اخي العزيز في حل كويس جدا احسن 1000 مرة
اية رايك لو تتعب شوية وتعمل دبلومة في علوم الحاسب هي مدتها سنة وكدة تبقى انت احسن من اللي معة شهادة عليا في قسم الحاسب
هي في معهد الاحصاء هتبدء التقديم شهر 6 او 8 تقريبا مش شرط علشان تلتحق بيها تكون دارس حاسب او هندسة
وكدة يبقى احسن كتير وياريت يبقى معاك شهادة دولية

طيب ممكن حضرتك تكمل جميلك وتقولي مكانها فين وتكاليف الدبلومه دي ايه وايه شروطها
وربنا يكرمك يارب من حيث لاتدري ولا تحتسب
ramyali0
18-02-2009, 03:10
اخى العزيز احسن مثال على كلام الاخوة هوة المهندس أحمد جودة خريج تجارة طبعا تابعت شرحة وتمكنه فى المجال ده وهو خريج تجارة فى حاجه اسمها إرادة ولاجتهاد والنتيجة سبها الى الله وخلى عندك ثقة فى نفسك