ارجو المساعدة في شراء كارت 9600 GT

[Elmokadim]

السلام عليكم اريد شراء كارت شاشة جديد 9600 GT

لاكن ارد معرفة الفرق بين

XFX 9600 GT

GIGABYTE 9600 GT

من حيث السعر في مصر و ايهما الافضل

وايضا اريد تغير الباور صبلاي ليتناسب مع الكارت

[moatez]

كارت 9600GT سعره 720 جنيه من جيجابايت رائى انك تزود شويه صغيرين و تجيب ال Sapphire HD 4830 FanSink 1GB GDDR3 سعره 800 جنيه و اداؤه احسن من 9600GT و يستاهل فرق السعر البسيط ده :)

[Elmokadim]

يا غالي انا الكارت الحالي بتاعي ATI HD3650 1GB DDR2 PowerColor

بس انا عاوز ارجع للنيفيدا تاني الصراحة بستريح اكتر فا معلش يا جماعة انا عاوز اعرف هل الاحسن اجيب الكارت من XFX ولا جيجا بايت

وهل بيتكسر سرعته و كمان ارجمو معرفة محتاج باور صبلاي علي الاقل كام

شكرا

[Elmokadim]

الكارت يا غالي اللي انت كاتبه دا انا مش لاقي ليه اي صور علي النت حتي

ياريت حتي وريني شكله و ياريت لو معلومات عنه وارجو برضه حد يحط لينا معلومات علي الكارت دا

Gigabyte 9600GT 512MB GDDR3

شكرا

[moatez]

الكارت يا غالي اللي انت كاتبه دا انا مش لاقي ليه اي صور علي النت حتي

ياريت حتي وريني شكله و ياريت لو معلومات عنه وارجو برضه حد يحط لينا معلومات علي الكارت دا

Gigabyte 9600GT 512MB GDDR3

شكرا

كارت ال HD4830 هو اللى فى الرابط ده :
https://www.sapphiretech.com/us/products/products_overview.php?gpid=261&grp=3

و ده ريفيو لاحد الاخوه الاعزاء عامله عليه :
https://www.arabhardware.net/forum/showthread.php?t=110090

اما مسالة ان حضرتك بترتاح لنيفيديا اكثر انا مش متفق معاك فى هذا الكلام المفروض حضرتك تبقى مع اللى هيعطيك اداء اعلى بسعر اقل سواء من نيفيديا او ATI كارت زى ال HD4830 بيساوى فى الاداء 9800GT ابو 1100جنيه اكيد حضرتك تسمع عنه و الاثنين اداؤهم اعلى من 9600GT :)

[شلاع العتر]

اما مسالة ان حضرتك بترتاح لنيفيديا اكثر انا مش متفق معاك فى هذا الكلام المفروض حضرتك تبقى مع اللى هيعطيك اداء اعلى بسعر اقل سواء من نيفيديا او ATI كارت زى ال HD4830 بيساوى فى الاداء 9800GT ابو 1100جنيه اكيد حضرتك تسمع عنه و الاثنين اداؤهم اعلى من 9600GT :)

كلام سليم ...

أأيدك تماما أخي معتز .

[Ballack]

انا كنت زيك عاوز أشتري ال 9600GT لكن فعلا لقيت كروت ATI في نفس الفئة السعرية أفضل منه بمراحل

كارت ATI HD4830 في المقارنات بتلاقيه بينافس ال 9800GTX اللي أعلى من 9600GT

لو ملاقيتهوش اتجه ل HD4850 الأفضل من الاتنين

شوف الاختبارات من الموقع ده

https://www.neoseeker.com/Articles/Hardware/Reviews/msi9800gt/13.html

[alayoubi]

شباب ياريت ما نبالغ في المقارنات بين الكروت الأخ بيسأل عن كرت 9600GT , ومع كسر سرعته بيدي أداء قريب من 9800GT أو HD4830 وأحيانا بيتساوى معهم فركزوا على الكرت المطروح بالسؤال .

[crashplant]

الاخ الكريم

من كلام حضرتك انك عارف مواصافات الكارتين و عارف حدود كل واحده بس عاوز تعرف مين احسن ؟
انا بصراحه جربت xfx كتير وفعلا تعتبر اقوي شركه كروت شاشه حتي الان لانها و بكل بساطه عمرها ماخذلتني في اي شيئ بدايه بأداء الكارته نهايه بخدمه ما بعد البيع وتوافر مراكز الصيانه كما انها مريحه في السوق بمعني انه يوجد عليها طلب ولكن جيجا بايت تتفوق عليها دائما في وسيله التبريد و في المقاومات الخاصه بالشريحه فمقاومتها صلبه يابانيه الصنع لذا فعمرها الافتراضي اطول علي عكس xfx فهي تهتم بالمظهر عن الاهتمام بالمكونات الداخليه و هذا يفسر سبب ارتفاع سعر الجيجابايت عن xfx .

وملحوظه ممكن تفيدك ولكنها خارج الموضوع انا اشتريت كارت ati readon hd4870 1 gb وندمت فلا تكرر خظئي !!

[crashplant]

و بالنسبه للباور سبلاي 350 وات مناسب جدا

[Ballack]

وملحوظه ممكن تفيدك ولكنها خارج الموضوع انا اشتريت كارت ati readon hd4870 1 gb وندمت فلا تكرر خظئي !!

ايه سبب ندمك من شراء الكارت ده ده كارت رهيب ؟

[moatez]

شباب ياريت ما نبالغ في المقارنات بين الكروت الأخ بيسأل عن كرت 9600GT , ومع كسر سرعته بيدي أداء قريب من 9800GT أو HD4830 وأحيانا بيتساوى معهم فركزوا على الكرت المطروح بالسؤال .

كلامك سليم اخى الايوبى بس مش كل الناس بتحب توجع دمغاها بموضوع كسر السرعه غير كدا انه لو جاب hd4830 وكسر سرعته هيبقى اداؤه مماثل لكارت hd4850 :)

[crashplant]

سبب ندمي هايعرفه كل واحد اشتري الكارته و حاول يشغلها علي ويندوز اكس بي!!!

[RED HAWK]

سبب ندمي هايعرفه كل واحد اشتري الكارته و حاول يشغلها علي ويندوز اكس بي!!!




???????????????????????????????????????????????

يا ريت توضيح اكتر

[| Fusion |]

وملحوظه ممكن تفيدك ولكنها خارج الموضوع انا اشتريت كارت ati readon hd4870 1 gb وندمت فلا تكرر خظئي !!

سبب ندمي هايعرفه كل واحد اشتري الكارته و حاول يشغلها علي ويندوز اكس بي!!!
ارجو توضيح النقطة دي و ذكر تجربتك مع الكارت!!

ردك دا هيضلل ناس كتير بتقرا بدون اي سبب..

منتظر ردك!

[SeeNoEvil]

بص انا عندي الكرت ده

لكن انا لما اشتريته وقتها مكنش لسه فئة ال4XXX نزلت من ATI
ولو كانت نزلت ساعتها كنت جبت ال4670 او 4850 فورا

تصدق اني شاري ال9600 ب 1100 جنيه في وقتها
وقت ماكانت ثورة ال8800GT وكان ب1500 جنيه
طبعا انا لقيت وقتها ان الفرق بين 9600 و 8800 مش كبير فجبت ال9600


لكن دلوقتي الوضع اختلف عندك كرت زي ال4670 مساوي ليه تقريبا وبنص السعر!!

بس للاسف مكانش الخيار ده قدامي وقتها
لكن الحمدلله على كل شئ



باختصار اسمع نصيحه اخوانك هنا
وهات 4850
او استنى شويه لما تشوف نزول الاسعار بتاعت ATI عندنا هنا
وساعتها ممكن تجيب ال4870 وتبقى امتلكت كرت جبار جدا


لكن ازاي تفكر باي شكل من الاشكال انك تجيب كرت ضعيف زي ده دلوقتي
وفيه ال4850 الي اقوى منه بكتير
وبنفس السعر!!


انا مش متعصب لاي شركه من الاتنين
بس انت بتشوف الاداء مقابل السعر ودي اهم حاجه
وحاليا اعتقد ATI تكسب في معظم الفئات ان ماكنش كلها!!

[mahmoudnt11]

اخى العزيز كارت 9600gt كارت من الكروت القديمه و لكن يعطى امكانيات لسعرة حاليا انا لسه جيبها ب 690 النسخة 512 و اداءها فى الالعاب مرضى و على دقة كويس مع انى كنت ممكن ازود و اجيب 4830 او 4850 بس بصرحه الاعضاء هنا كل يوم فى وادى و تعصبات هتلقى تكتتلات و حاجات تقرف بجد ريح دماغك و شوف امكانيتك و ممكن تدفع كم و شوف مقارنات الكروت بس نصيحه بعيد عن مواضيع الاعضاء هنا

[crashplant]

الاخوه الكرام
بالنسبه لكروت Ati المكسوره السرعه فهي تعتبر فشل ذريع و عار علي الشركه واسمها لان لما الواحد يدفع 2000 جنيه في كارت شاشه (يعني تمن جهاز كمبيوتر متوسط الاداء ) و يطلع فيه مشاكل زي انك لازم تقلل من سرعه المعالج الخاص بالكارت والا الشاشه هاتفضل تعملك حاجه زي ريفريش كل 3 - 10 ثواني فيبقي كده احنا معملناش حاجه لما الكارت ياخد في تقييم المواقع 10 من 10 و هو في مشاكل كتيره في الجرافيك يبقي معناه ايه ؟!! طبعا الكل هايقول المشكله مشكله درايفر او نوع المصنع بتاع الكارته !! اقوم انا ارد واقول تعملوا ايه لو عرفتوا ان نوع الكارت عندي كان powercolor وغيرته بجيجا بايت و الدرايفر اتغير بدايه من 8.1 الي 9.2 والمشاكل لسه موجوده !! يبقي ده معني ايه طبعا انا لو عايش في امريكا كنت رفعت قضيه من زمان وخدتلي كام مليون لاني ببساطه اتعرضت لعمليه نصب او غش تجاري و اكيد كتير منكم عنده الكارت ده وحاول يشغله علي نظام اكس بي و اكيد طلعتله مشكله الشاشه الي بتعمل ريفريش لوحدها دي و علي العموم دي قائمه بالالعاب و الاخطاء الموجوده فيها في الجرافيكس بأستخدام الكارت ده الي هو ATIREADON HD4870 1GB
ASSASSINS CREED علي دايركت اكس عشره (النظام المستخدم ويندوز VISTA SP1 )
الاخطاء .: عند النظر للجنود برتبه ظابط من بعيد تجد ان وجه ظاهر من تحت القناع !!!
عند السير فوق اسطح المنازل تجد ان قدم الشخصيه ظاهره من تحت الحذاء !!
احيانا عند القاء شخص من فوق سطح منزل تجد ان الجثه تحولت الي شيء جرافيكي غريب (حاجه عامله زي الجيلي )!!!
CRYSIS WARHEAD :عند ضرب اي جندي بالصواريخ او بالقنابل يطير الجندي الميت في الهواء كأنه بالون تم وخزه بأبره !!!
COMPANY OF HEROES : Opposing fronts:طبعا عند استخدام دايريكت اكس عشره يتم فتح وابشن جديده وهي خاصيه dxd10 داخل اوبشن الجرافيك في اللعبه و النتيجه عند فتحها عندما تقترب بالماوس من الارض والحشائش الموجوده تجده ذات جوده عاليه ابتعد بالماوس قليلا فتجد ان الحشائش تحولت الي شيئ اخضر بدون اي تفاصيل !!!
GTA IV :في هذه اللعبه توجد ثلاث مشاكل ان الشاشه بتعمل ريفريش داخل اللعبه ولكن كل 15 ثانيه وليس 3 ثواني مثل الديسك توب هذه اول مشكله الثانيه هي عندما يلبس اليطل اي ملابس بيضاء تتحول وكأنها قرص الشمس نفسه فهي تضيء بدرجه غريبه لدرجه ان عيني بتصاب بزغلله عند النظر طويلا الي الشخصيه وهذا ليس في الملابس وحده بل في وجهه ايضا هناك هاله بيضاء تحيط به كأنه ملاك قادم من الجنه!!!! و العيب الثالث المياه في اللعبه محدده بخط ابيض شفاف لا تلاحظه الا اذا كنت قد جربت اللعبه علي جهاز اخر !
The Lord of The Rings: Conquest :نصف المهمات لا يمكنني اجتياز اي باب كل الابواب عليها حائط وهمي لا يمكنني اختراقه !!!
بالاضافه الي قائمه اللعب التي لا تعمل بدون انفيديا physx مثل لعبه ميرور ايدج وانفيرنل و باك تو ايرث ..... الخ مع كل هذا ولا تريدوني ان اكره هذا الكارت الميزه الوحيده في هذا الكارت هو سرعته فهو سريع جدا في كل الالعاب لكن كا جرافيجك فاستعد لملايين الاخطاء وعلي العموم هذه كانت تجربه قاسيه لي و الحمد لله تعلمت الدرس و كما يقول المثل المصري الشهير من فات قديمه تاه !!!
وشكرا علي اهتمامكم

[| Fusion |]

الكثير من الأعضاء هنا في المنتدى عندهم ال HD 4870 و اول مرة اسمع كمية المشاكل الرهيبة و الغريبة دي !!

تفتكر انه مشاكل زي دي لو كانت من كارت الفيجا نفسه او في النسخ مكسورة السرعة منه كان المستخدمين على مستوى العالم سكتوا؟

كانت مواقع الاختبارات كلها سكتت؟

طبعا لأ, كنت هتلاقي الشكاوي مالية المنتديات + ال User Reviews في مواقع البيع العالمية كانت هتتملي شكاوي,
و طبعا مواقع الاختبارات ايضا, على الأقل واحد منهم كان هيقول اي عيب من اللي ذكرتهم, و دا محصلش!

و انت مجبتش اي دليل على كلامك دا, و لا صور و لا فيديو يوضح المشكلة بالظبط, و انا استأذنك تحطلنا ادلة !

+ انت قلت:

سبب ندمي هايعرفه كل واحد اشتري الكارته و حاول يشغلها علي ويندوز اكس بي!!! و دلوقتي بتقول:

ASSASSINS CREED علي دايركت اكس عشره (النظام المستخدم ويندوز VISTA SP1 )

COMPANY OF HEROES : Opposing fronts:طبعا عند استخدام دايريكت اكس عشره يتم فتح وابشن جديده وهي خاصيه dxd10
!!!

يمكن المشاكل الوحيدة اللي سمعتها كانت في BIOS نسخ ال PowerColor و دي اتصلحت خلاص من فترة..

[crashplant]

الاخ الكريم
يرجي الانتباه اني مش هافضل شغال علي اكس بي بوجود مشكله الريفريش كل 3 ثواني لانك اكيد هتفقد نظرك بعد اسبوع:ah26: !!
وبعدين مشكلات الالعاب المذكوره موجوده علي النظامين اكس بي و فيستا وانا ذكرت الاتنين لاني بتكلم في عيوب الجرافيك وبالنسبه لحكايه المواقع ده يبقي عيب عندك او انت مبدورش صح ودي ياسيدي عينه من المواقع الي فيها مشكلتي :

https://www.tomshardware.com/forum/258589-33-powercolor-radeon-hd4870-flickering
https://forums.guru3d.com/showthread.php?t=287209
(https://www.tigerdirect.com/applicati...&Sku=P450-4870
https://www.hardforum.com/showthread.php?p=1033822651
https://forums.amd.com/game/messageview.cfm?catid=260&threadid=103679 (ركز من قلب موقع amd )
https://www.powercolor.com/Global/products_features.asp?ProductID=5160 ( من قلب موقع power color اقرأ كويس لان المكتوب مش مجرد مواصفات )
ارجو التمعن جيدا في المواقع والقرأه بدقه علشان انا مابتكلمش من مفيش انا بتكلم عن تجربه يعني واقع انا عايشه غير اي حد تاني بيتكلم عن سمع و مجرد قرأه و بالنسبه لحكايه الدليل (فيديو فهيكون صعب شويه لاني معرفش ازاي اسجل من لعبه وهي شغاله ممكن صور بس اكيد كله هيقول متفبركه علشان كده لو في طريقه ممكن تقولهالي اسجل بيها من اللعب قولهالي و انا مش هاتأخر عليك )

[| Fusion |]

في مشاركتي اللي فاتت قلت:

يمكن المشاكل الوحيدة اللي سمعتها كانت في BIOS نسخ ال PowerColor و دي اتصلحت خلاص من فترة.. و اربع مواضيع من اللي انت ضيفتهم بيتكلموا عن ال HD 4870 من PowerColor و واحد عن النسخة ال XFX
و المشكلة دي حلها معروف و بسيط انك تعمل Update لآخر نسخة من ال BIOS بتاعت الكارت..

المشكلة برضو في كروت PowerColor ان بعضها مع كسر السرعة مصنعيا للكارت ادى لعمل
مشاكل زي ال Flickering اللي انت اشرت اليها, و دا عيب في "بعض" الكروت ال HD 4870 من PowerColor
كنا اتكلمنا عنه قبل كدا مش عيب من ATI


نوع الكارت عندي كان powercolor وغيرته بجيجا بايت و الدرايفر اتغير بدايه من 8.1 الي 9.2 والمشاكل لسه موجوده !!انت جبت انهي نسخة من Gigabyte بالتحديد؟ لاني مسمعتش قبل كدا انها عاملة مشاكل عكس باوركالر!


ممكن صور بس اكيد كله هيقول متفبركه
!!!

منتظر منك الصور + احنا عايزين نساعدك :)

[crashplant]

الاخ الكريم
انا ذكرت في موضوع تاني ان الكارت الجيجا بايت مش بتاعي ده بتاع واحد صاحبي بيعاني من نفس المشاكل و الكارت اسمه بالظبط ATI READON GV-R487D5-1GD وهو من تصنيع شركه جيجابايت وسعره اغلي من كارتي بس فيه نفس المشاكل flickering+graphic issues و لما قلتله هو قالي ان نفس العيوب عنده بس هو قال ممكن علشان المذر بورد بتاعته سولت PCI الخاص به 1 مش 2 فعلشان كده ممكن يكون فيه مشاكل فاقلتله طيب تعاله جربها عندي لاني بتاعي PCI 2 وشيلت الدرايفر بتاعي وركبت الكارته عندي و ثبت اخر درايفر 9.2 بس النتيجه كانت هي هي كارتتي مفيش اختلاف غير ان عيوب الجرافيك في لعبه GTA IV بس لما رجعت وركبت كارتي لقيت العيوب لسه موجوده ! وبالنسبه لطريقه تغيير البايوس ان سمعت ان فيه ناس عملتها بس الكارت مشتغلش تاني !!!! و اظن بعد كل ده يبقي ليه الحق في ان اهاجم الكارت ولا لأ ؟! وعلي فكره مش كل و احد يقول انا عندي hd4870 وشغاله تمام و مفيهاش مشاكل يبقي صادق لان الكارت ده بالذات ليه حاجه بتتعمل في الاكس بي اول ماينزل ولو كل واحد قال عليها يبقي صادق انما لو قالك انا ثبت ويندوز وثبت درايفر الكارت كده علطول اعرف انه كداب 100% !!! اه وفي حاجه كمان غريبه حصلت انا اول ما اشتريت الكارت كان عندي ويندوز فيستا لما حطيته الكارت اشتغل 100% ومكانش فيه مشكله فليكر او اي حاجه كان شويه اخطاء في الجرافيك في العاب بتشتغل من باتش دايركت اكس عشره وخلاص فقلت في بالي ده يمكن عيب ويندوز وغيرته بأكس بي و لقيت كل المشاكل ظهرت فغيرت تاني لويندوز فيستا فحصل حاجه غريبه لقيت الفليكر بقه يعمل علي فيستا كمان !!! وايه جوه اللعب ! يعني في اكس بي كان في الانترنت واثناء تشغيل الافلام وعلي الديسك توب بس لكن في الفيستا بقه في كل حته جوه اللعب وبره في كل البرامج فا اضريت اكسر سرعته علشان المشكله تختفي !! وطبعا انا مقدر انك عاوز تساعدني بس المشكله اني غضبان فعلا منهم لاني دفعت 2000 جنيه في كارت شاشه المفروض انه مفيهوش غلطه يبقي ليه اضطر اكسر سرعته والعب فيه ؟! وعايزك تحط نفسك مكاني وانت هاتعذرني لاي حاجه اقولها وبعدين اي حاجه انا بقولها مبقولهاش علشان انا مبحبش شركه ati لا بالعكس انا بقول كده علشان امنع اي حد انه يقع في الغلط الي انا وقعت فيه بس مش اكتر واحذر الناس من منتج بايظ زي ده و بعدين مش ده المفروض الي كل اخ لازم يعمله لاخوه في المنتدي ولا انت ايه رأيك ؟:)

[SeeNoEvil]

كلام عجيب!!!

[arteta]

الكارت ال9600GT 512M ب690 والباور المناسب الHEC ب180

[AlvinGenius]

طبعاً الجيجا بايت افضل ...

زى م قال بعض الاعضاء . لان فية نظام تبريد زلمان ودة نقطة فى صالح جيجا بايت

و XFX اعلى منة ف الامكانيات لكن بنسبة قليلة جداً من 1 الى 3%

بس دة على حساب عمر الكارت ونظام التهوية بتاعتة

وسعر الكارت دلوقتى فى شهر 10 /2009

سعر الكارت الـ 1 جيجا DDr3
Ultra D.2

700 جنية --> انا اشتريت دة :ah4:

و الجيجا ونص بــ 800 جنية

وبالنسبة للبارو : الكارت محتاج باور على الاقل 450 وات ودة الى مكتوب على كارتونة الكارت

والى بيفهم ف الباورات لازم يكون

12v1=24A

ال 12 فولت بيدى 24 امبير

ولو عاوز باور للكارت دة يبقى عليك وعلى :

عندك الـ 500 وات الـ 12فولت بيدى24 امبير بالظبط وسعرة = 375 جنية
عندك الـ 600 وات الـ 12فولت بيدى 30امبير وسعرة 450 جنية --> انا مشترى دة:ah50:

وبالنسبة للكارت ... الكارت رائع جدا جدا

وانا حالياً مشغل علية العاب

Bionic Commando
Burnout(TM) Paradise The Ultimate Box
SAW IV
WheelMan
Prototype

على الـ High

والحمدلله الكارت اداءة رهيب جداً



وبالنسبة لدرجة حرارة الكارت العادية 45

ولما بتشغل لعبة كبيرة زى الى انا كاتبهم دول ممكن توصل لـ 55 درجة

والتبريد فوق الوصف


يعنى اتكل على الله واشترى الكارت

دة صورة من الجيجا بايت
https://www.xiaoyenzi.com/blog/wp-content/uploads/2008/08/vga_productimage_nx-nx96t512h_big.jpg
بس الكارتونة شكلها متغير عن دة


ودة صورة من الـ XFX
https://www.axiz.co.za/axiz/Portals/0/content_imgs/products/geforce-9600gt.jpg

[Kpanii]

انا مش فاهم حاجة يعني الكلام النهائي ايهما افضل 9600 ولا عمو 4xxx والباور ما اظنش انه يكون اعلي من 350 وات زي ما بيقول الأخ AlvinGenius (https://www.arabhardware.net/forum/member.php?u=11165621)

[S@M]

انا رائى ان الكرتين كويسين يا عزيزى ....لو عاوز XFX موجود بكثرة ,ولو عاوز جيجا بايت بردو موجود بكثرة ...اللى ترتاحلة اشترية

والكرتين اقوياء ....:)