المساعد الشخصي الرقمي

مشاهدة النسخة كاملة : تجميع جهاز مخصص للالعاب ارجو الاهتمام


Black-Edition
25-02-2009, 21:59
السسلام عليكم
انا اريد تجميع هذا الجهاز المخصص للالعاب القويه
وهى دي مواصفاته ولكن اريد ان اعرف المجموع الاجمالى لثمنها

Cases : 3D AURORA 570
Motherboards: GIGABYTE GA-MA790GP-UD4H
Processors : AMD Phenom II 940 Black Edition
Hard Disk : Western Digital 640GB AAKS 16M Cache SATAII
Power Supplies : Hec 600w
RAM : Kingston HyperX 2X2GB 1066MTs CL7
VGA CARD : Sapphire HD 4870 TOXIC 1GB GDDR5

ارجوكم ياجماعه عاوز اعرف الجهاز ده هيجيب كام ولا اريد تغير شئ فيه
الا اذا كان للافضل
وعاوز اعرف ثمنه المتوقع بعد مرور شهرين
ارجو سرعه الرد والافادة
اخوكم محمد
:ah4:
vmidov
25-02-2009, 22:19
لمعرفه الاسعار عليك زياره هذا الرابط
https://www.arabhardware.net/forum/showthread.php?t=57861
ولى ملحوظه على الرامات لديك ارى انه الافضل ان تشترى 800Mhz بدل من هذه لانها لن تنفعك إلا فى حاله كسر السرعه ببساطه فرق الاداء لايذكر
اما اذا لم تكن تنوى على كسر للسرعه ومصر على هذه الرامات فهذه حريتك الشخصيه
Black-Edition
25-02-2009, 22:29
لمعرفه الاسعار عليك زياره هذا الرابط
https://www.arabhardware.net/forum/showthread.php?t=57861
ولى ملحوظه على الرامات لديك ارى انه الافضل ان تشترى 800Mhz بدل من هذه لانها لن تنفعك إلا فى حاله كسر السرعه ببساطه فرق الاداء لايذكر
اما اذا لم تكن تنوى على كسر للسرعه ومصر على هذه الرامات فهذه حريتك الشخصيه



شكرا لك اخى على ردك
انا فعلا ناوي اكسر السرعه بس فى المستقبل مش دلوقتى
بس انا عاوز رامات جامده جدا طبعا للالعاب
ومش عارف تنصحنى بايه
انا من الاخر عاوز افضل حاجة علشان تعيش معايا
ولاداء ممتاز
vmidov
25-02-2009, 23:14
شكرا لك اخى على ردك
انا فعلا ناوي اكسر السرعه بس فى المستقبل مش دلوقتى
بس انا عاوز رامات جامده جدا طبعا للالعاب
ومش عارف تنصحنى بايه
انا من الاخر عاوز افضل حاجة علشان تعيش معايا
ولاداء ممتاز

اخى العزيز ابو حميد كأداء ال1066 متفرقش كتير عن 800
لكن مع كسر السرعه هتساعدك فى ايه
انك لما تكسر سرعه البروسيسور تردد الرامات بيعلى وانت بالرامات العاديه لازم تقلل التردد تانى عشان ميبقاش اقوى من التردد الاصلى لأن ده ممكن يدمر الرامه وخصوصا انها اضعف من البروسيسور
لكن مع تردد عالى زى الرامات 1066 هيريحك فى الكسر
لان اللى انا فهمته بخصوص كسر السرعه ان النسبه بين تردد المعالج وتردد الرمات لازم تكون متساويه او تردد الرمات يكون اعلى مينفعش يبقى اقل وان شاء الله سواء دى او دى الاداء هيبقى ممتاز ويعيش معاك ويظبطك فى الالعاب وشوف باقى الاراء واى حاجه تانيه انا موجود
Black-Edition
26-02-2009, 14:39
شكرا لك اخى الكير
على تعاونك معى وربنا يخليك
لكن معلش سؤال اخير وربنا يوفقك
انا طبعا من محافظة دمياط مش من مصر
ومش عارف مكان المحلات والمولات الى فى مصر ومعرفش مين الى بيبع قطع الهاردوير بسعر كويس فى السوق
لكن بعد لما سألت عرفت ان محل السخاوي ممتاز فياريت تحددلى العنوان بالتفصيل الممل
ومعلش انا تعبتك معايا والله ولك جزيل الشكر
;);)
vmidov
26-02-2009, 15:13
شكرا لك اخى الكير
على تعاونك معى وربنا يخليك
لكن معلش سؤال اخير وربنا يوفقك
انا طبعا من محافظة دمياط مش من مصر
ومش عارف مكان المحلات والمولات الى فى مصر ومعرفش مين الى بيبع قطع الهاردوير بسعر كويس فى السوق
لكن بعد لما سألت عرفت ان محل السخاوي ممتاز فياريت تحددلى العنوان بالتفصيل الممل
ومعلش انا تعبتك معايا والله ولك جزيل الشكر
;);)



الله يكرمك يا جميل
بس يا سيدى انت عشان تروح مول السخاوى على فكره مش محل هتعمل الاتى
اول حاجه اعتقد من اى محافظه لما حد يجى القاهره بينزل على رمسيس
هتنزل هناك تدور على محطه الترام مش مترو الانفاق
هتركب اللى رايح مصر الجديده يبقى مكتوب عليه الميرغنى ولما تركب تسأل برده بيعدى على كليه تربيه عشان تتأكد :confused:
المهم هتنزل محطه كليه التربيه متنزلش محطه جامعه عين شمس
لما تنزل هناك أسال على مول السخاوى الف واحد هايدلك عليه هو 5 دقائق مشى من المحطه
هتروح هناك هتلاقى مولين اللى على يمينك الاسيوطى وعلى شمالك السخاوى وتسأل على مول سوق العصر ده على الشارع الرئيسى جنبهم برده
حاول تنزل من بدرى عشان تعمل Tour وتلف كويس على الحاجات والاسعار ;)
وبالنسبه لحاجات AMD روح محل اسمه كمبيونيل فى سوق العصر الدور التانى تقريبا مش فاكر بالظبط لأن ده التوكيل بتاع AMD بس طبعا تروحله بعد ماتلف كويس على الاسعار برده عشان تعرف تفاصل معاهم لو ناوى تشترى من عندهم او عجبتك اسعارهم واهم حاجه الفصاااااااااااااااال
وشوف برده الموضوع ده حتى لو هتشترى من محل واحد خد بالك من الملاحظات اللى فيه
https://www.arabhardware.net/forum/showthread.php?t=108806
وخد معاك شويه برامج اختبارات حراره وظغط على الجهاز وكده على فلاشه عشان تكشف على الجهاز وانت وراحتك برده
وبالتوفيق يا باشا ان شاء الله ومبروك مقدما وربنا يكرمك فيه
ومفيش اى تعب اطلاقا انت زى اخويا برده وابقى طمننا لما ترجع ان شاء الله ومتنساش الاسعار;)
Black-Edition
26-02-2009, 15:34
شكرا ليك والله وربنا يكرمك
وعلى فكرة اسم العضوية بتاعتى هو اسم الايميل بتاعى على الياهو
اتمنى ان انا اكلم حضرتك فى اقرب فرصه
ااااااااااااالف شكر
:D:D:D