تسجيل الدخول

مشاهدة النسخة كاملة : بالنسبه لأسعار شهادات سيسكو


waleedwanees2
11-03-2009, 09:38
السلام عليكم ورحمة الله وبركاته
بعد إذنكم عايز أسأل سؤال
هل لو أنا أخدت شهادات ccna ويليها ccnp هلاقي فرصه عمل في مصر وبراتب كويس أصل بصراحه أنا نويت اني أخدهم بس نزلت أسأل عن أسعارهم بقيتهم في العالي قوي
ccna
288 ساعه في ب 4000 جنيه و لقيت ب 12 ألف جنيه طبعا كل لما السعر زاد كل لما كان التجهيز أفضل والانستركتور أفضل ده علي لسان الناس اللي جربوا وخدوا الشهادات
وطبعا ال ccnp
ب 14 ألف و 16 ألف هي و mcse من مايكروسوفت

أنا عايز أعرف ليه الأسعار غاليه أوي كده
أنا بحب مجال الشبكات ونفسي أتعمق في أكتر لكن بهذه الأسعار كرهتها أو بمعني أخص جالي إحباط
ولو أنا دفعت الفلوس دي كلها وخدت الشهادات ياتري هلاقي وظيفه في مصر براتب عالي حتي أقدر أعوض بيه اللي انا دفعته علما اني لسه بكون مستقبلي وفي نفس الوقت نفسي أتعمق وأشتغل في الشبكات
ياريت تجاوبوني علشان انا في حيره الأيام دي خصوصا اني بسمع من ناس كتير كلام يقولولي ما تخدش حاجه هاتدفع كتير أوي وفي الاخر مش هاتشتغل غير ب 1500 جنيه أو 2000 بالكتير
ahab
11-03-2009, 09:58
أخي الكريم:
بالنسبة للرواتب دي أرزاق
فيه ناس شغالة في مصر ب 1500 وفي ناس شغالة 4500

طيب انت بتحب الشبكات ، ومش عايز تدفع فلوس كتير ؟؟

عندك المنتدى هذا فيه قسم ال ccna
تقدر تذاكر وهتفهم منه أحسن من أي معهد

ممكن تقولي أنا عايز أطبق عملي؟
أنا عن نفسي أنصح أي شخص جديد إنه يأخذ ال ccna عملي علشان يحس بالأجهزة وبعد كده يكمل المشوار مذاكرة مع نفسه

هتقولي أسعار الدورات غالية وكلما زاد السعر يعني إن التجهيزات أحسن؟؟

هقولك مش صحيح

في معاهد مشهورة بطبيعة الحال أي دورة فيها هتلاقيها غالية حتى لو رحت تدرس عندهم word .

لو انت من القاهرة اسأل في الجامعات زي القاهرة وعين شمس هتلاقي سعر ال ccna لا يتعدى 1500 جنيه

وفيه أستاذ كويس جدًا اسمه أحمد نبيل موجود في القاهرة ، ناس كتير بتشكر فيه جدًا وعنده اللاب دا رقم تليفونه 0122453660

وخلي عندك حسن ظن بالله
يعني اعمل اللي عليك وربنا هيوفقك
waleedallam
11-03-2009, 11:08
والله يا اخى لو عاوز تستفيد صح خليها self study هتطلع اقوى كتير من المراكز وهتتعلم اكتر لانك مش هتفوت حاجة ومش هتعتمد على انستراكتور عاوز يخلص منهج زى مدرس الابتدائى اللى مستنى الموجة يشوف الدفتر بتاعة

وكدة كدة هتشوف الروتر مرة او مرتيين وهتشتغل علية زيهم وهتلاقية زى الباكت تريسر ولو عرفت تشتغل على الدينامبز يكون
تمام التمام

والمنتدى مليان شروحات فيديو من محمد سمير لياسر وبوو (جيريمى العرب ) ودكتور عزت

والمفاجاة اخوك وحيد الشوق مخلص الكورس العملى حاجة روعة ربنا يباركلهم كلهم

وبعد كدة ابقى ادعى ربنا يوفقك فى حياتك لانها فى الاول وفى الاخر توفيق الهى

تحياتى
هندسه العاشر
11-03-2009, 11:42
اخي العزيز الاسعار التي قيلت لك هي اسعار سيسكو اكاديمي والغالي من مركزها كمان
يوجد اسعار اقل من كدا بكتيييييييييييييير
في مليون مكان
عندك
احمد نبيل
يات
نيو هوريزون
وغيرهم كثيرون
المهم وفي نهايه الموضوع الكورس الCCNA اخرك هتدفع فيه 2000 جنيه يوم ميبقي غالي يعني
والانستراكتور لا يفرق بسعر المكان
لان من الاخر الانستراكتور بتحاسب بالساعه يعني هذا لا يعني اي شئ موضوع تمن الكورس ! ! !
وتجهيزات اللاب ؟؟؟
فالعديد من اماكن بلابات محترمه واسعرها كويسه لانه بتدور علي تجميع اشخاص اكثر وليس دفع فلوس اكثر
وعموما الموضوع كويس وممكن تتابع كمان من نقابه المهندسين
واي خدمه انا تحت امرك
™ ThE GeNiUs
12-03-2009, 05:20
الأخوك أفادك بشكل كبير جداً

وبخصوص الراتب دى ارزاق

ولو على كلامك وأخدت الكورس فى تلات شهور

وراتب 2000 جنيه

تخيل انك جبت تمن الكورس فى أول شهر أو أول شهرين تلاته من الشغل .


السؤال بقى ياترى ده أفضل أنك تدرس حاجه فى تلات أو اربع شهور حتى لو بعشرة الالاف جنيه وتجيب راتبها فى سنه

ولا تقعد تذاكر أربع سنين جامعه وفى الاخر مش تلاقى شغل ولو لقيتك يا أما بالغلط ياأما بالصدفه

وغالباً للى بالصدفه مش بيكون فى مجالك

ده على فرض أنك بتلاقى شغل فى الناحيتين

توكل على الله وربنا ييسر عليك وعلينا
waleedwanees2
12-03-2009, 17:09
ياسلام كلام مقنع ميه في الميه
وربنا يقدرني ان شاء الله واقدر اذاكر واكمل الكورسات
شكرا ليكوا جميعا