المساعد الشخصي الرقمي

مشاهدة النسخة كاملة : ما هو افضل انواع الروترات ..


eslam mo7amed
20-03-2009, 20:43
السلام عليكم

بختصار عايز اعرف ما هي افضل انواع الروترات

يكون فيهاخاصيه لقفل الدون لود والاب لود

لاني زهقت من المشتركين ولو كان غالى بردو هشتريه بأذن الله

بس يكون فيه هذه الخاصيه
moatez
21-03-2009, 04:41
انا عندى TP-LINK 8840T وده 4 بورت وسعره فى حدود 140 جنيه ممتاز بس مش عارف ايه ظروفه مع الخواص اللى بتقول عليها ده
waleedallam
21-03-2009, 06:23
اى مودم يا اخى مش هيمنع الدون لود الا لو كان سيسكو وتعمل عليه اكسس لست وبرضة هيمنع مواقع معينة ممكن تمل نفس المنع فى المودم اللى عندك وتقفل مثلا البورت بتاع التورنت وتخلى البورتات المفتوحة بس بتاع المسنجر مثلا بتاع الويب وهكذا
خد الموقع دا لعلة يفيدك فى ارقام البورتات
www.portforwording.com (https://www.portforwording.com)
nilo
21-03-2009, 08:21
السلام عليكم

اخي هناك انواع مختلفة من الراوترز , و سوف اشرح لك كل نوع و اين يستخدم , بس مشكلتك حلها انك تعمل منع للخدمة بواسطة عملية Extended ACL و فيها تحدد الخدمة التي لا تريدها ان تصل للمستخدمين.

انواع الراوتر:
1- Access layer Router و يستخدم في المكاتب الصغيرة و المنزل , و يسمى ايضا Desktop Router , مشكلته انه اذا تعطل فيه شئ لا يمكن اصلاحه fixed router. و تبدأ ارقامه من (800 الى 2500) تسمى serial Distribution layer Router -2
و يستخدم في الشركات المحلية local ISP company , و ميزته يوجد به ما يسمى بslot يعني اذا تعطل شئ تقدر تروح السوق و تشتري قطعة بديلة للمعطله و تركبها في الslot يسمى modular router , و تبدأ ارقامه من(2600 الى 3600).
3- Core layer Router
ويستخدم في الشركات الضخمة و العالمية International ISP company , و هو modular router , و ارقامه تبدأ من(3700 الى 12000 ).



و شكرا
__eRa__
21-03-2009, 14:21
السلام عليكم

بختصار عايز اعرف ما هي افضل انواع الروترات

يكون فيهاخاصيه لقفل الدون لود والاب لود

لاني زهقت من المشتركين ولو كان غالى بردو هشتريه بأذن الله

بس يكون فيه هذه الخاصيه



إمكانياتك في الدفع لحد كام؟
eslam mo7amed
21-03-2009, 17:27
بارك الله فيكم يا شباب


إمكانياتك في الدفع لحد كام؟


قولي السعر وانا اقولك فى مقدرتي ولا لأ

وحتي لو لأ اعرف اذا كنت ممكن اتصرف لو الفرق بسيط

قولي فى حدود كم .......


>>
eslam mo7amed
22-03-2009, 16:20
__eRa__ (https://www.arabhardware.net/forum/member.php?u=107192) https://www.arabhardware.net/forum/images/visioncollison/statusicon/user_online.gif

رغم انك متواجد لاكن لم ترد ...

اوكي حبيبي هنزل اسأل ما فى ادني مشكلة
__eRa__
22-03-2009, 16:30
نعم كنت متواجد من ربع ساعة

المهم

250 ثمن نسخة ميكروتك
250 ثمن جهاز كمبيوتر قديم بنتيوم 2 أو 3

يمكنك باستخدامهما التحكم في كل ما تريد .... وفقك الله
EsLaMxBoSS
22-03-2009, 17:04
مفيش روتر بيقفل الدون لود او الاب لود
عندي اسبيد تاتش 585
memoragaa
22-03-2009, 21:32
مفيش روتر بيقفل الدون لود او الاب لود
عندي اسبيد تاتش 585


أخى الكريم يرجى توضيح المعلومة ؟؟

حيث انه توجد راوترات تستطيع منها غلق الداونلود واى برامج تريد ان تغلقها عن طريق بعض الاوامر التى تدعمها يمكنك غلق البورت الخاص ب FTP Emule Torrent واعتقد ان الإخوان وضحوا المعلومة اعلاه


اخى صاحب الموضوع يمكنك الأعتماد على سرفرات ال Mikrotik فهى بحق ممتازة فى التحكم والتعامل ولا توجد بها مشكلة وتوجد عندى نسخة مكسورة إذا كنت تريدها يمكننى إرسالها إليك وكده تكون وفرت ال 250 جنيه الأولى وربنا يعينك على ال 250 جنيه التانية
waleedallam
22-03-2009, 22:07
مظبوط انا مع وجهة نظر الميكروتك وهتلاقى نسخ كتير مكسورة على النت وممكن الاخ الكريم memoragaa يبعتهالك

وهتلاقى شروحات وكتب كتير بخصوص الميكروتك وهتحس انك مزبط سيرفر صح
__eRa__
22-03-2009, 23:39
بخصوص الميكروتك أنا جربت النسخة المتكركة عندي لكن مظبطتش معايا

مش عارف ده عيب فيها ولا في الهاردوير بتاعي لأنها كانت بتفصل النت كل 15 دقيقة لمدة دقيقة وبعدين يرجع تاني
لكن أعرف إن في ناس شغالين بيها وبيشكرو فيها جدا

بالنسبة لي أنا شغال على سيرفر لينوكس والحمد لله كل شيء متظبط وتمام قوي عليه

بخصوص اقتراح قفل البورت : فيه برامج بتشتغل على بورتات عشوائية ومش بينجح معاها قفل بورت معين مثل معظم برامج ال P2P
eslam mo7amed
15-04-2009, 22:54
اخى صاحب الموضوع يمكنك الأعتماد على سرفرات ال Mikrotik فهى بحق ممتازة فى التحكم والتعامل ولا توجد بها مشكلة وتوجد عندى نسخة مكسورة إذا كنت تريدها يمكننى إرسالها إليك وكده تكون وفرت ال 250 جنيه الأولى وربنا يعينك على ال 250 جنيه التانية

اخي الكريم ياريت تبعتلي نسخة Mikrotik وياريت اى شرح لخصائها وكيفية استخدمها انا فى انتظارك من الأن
tagwar
16-04-2009, 08:47
اخي الكريم
علشان تقفل البورتات بتاعة الداون لود فانته بتكلم في فايروول مش راوتر

لان فيه معلومه في الاجهزه الكبيره بتقول

ان الراوتر بتكون فيه كل حاجه مفتوحه والفايروول بتكون فيه كل حاجه مقفوله
بس ده بينطبق علي المنتجات الكبيره زي سيسكو وحينبر وخلافه
فانته متقدرش تعتمد علي الراوتر لوحده

يا اما زي ما الاخوان اقترحو عليك يا تستخد سيرفر ميكروتيك " معرفش عنه اي حاجه"
او تستخدم الايزا واعتقد انه بيعمل نفس الشئ لانه فايروول بس سوفت وير

اما بخصوص الاسعار بتاعة الراوترات والموديمات الكبيره فدي انته بتكلم علي حاجات اساعارها بالدولار واقل حاجه فيها علي ما اعتقد الي هو الراوتر السيسكو 1800 ده بيتباع علي النت بحوالي 1000 دولار لانه متصمم للشبكات الصغيره
لانه حاجه كده بيسموها ALL IN ONE
ahmedstar244918
18-04-2009, 10:54
ممكن تشترى جهاز firewall وتعمل عليه الى انت عاوزه
VancouverEG
18-04-2009, 17:36
أسعار الرواتر من عائلة 1800 تبتدئ من 5000 تقريبا

والأخ صاحب نصيحة الفاير وول فنصيحتك مكلفة جدا علشان الفاير وول asa ب30000 تقريبا
eslam mo7amed
19-04-2009, 17:48
السلام عليكم ورحكه الله
انا عندى نفس مشكلتك بس الحمد الله لاقتلها حل ورخييص ومش هيكلفك كتيييييييييييير
انا هنفذه ان شاء الله النهارده عشان لسه الانستركتر بتاعى متينى الحل ده امبارح ان شاء الله لما هخلص هكتبه وابعتهولك
باذن الله


'طيب قولى الحل اى فكرة عنه
eslam mo7amed
19-04-2009, 18:04
عموما فى أنتظارك اخي الكريم
__eRa__
19-04-2009, 18:41
الانستركتر بتاعى متينى الحل


تجيب كارت لان تانى وتحته فى جهازك يباء عندك كارتين لان


والتانى توصله بالسيوتش الى فيه الناس


وانت كده هتباء الجدواى بتاعهم


انت هتستعيب ببعض البرامج

اقلب الكيبورد عربي يا أخ صاصا
sasa1987
20-04-2009, 00:15
عشان تستريح يا استاذ eRa
__eRa__
20-04-2009, 00:42
السلام عليكم

أخ sasa1987 ربنا يهديك

طبعا أنا مستاء جدا من رسائل حضرتك المهذبة ليا على الخاص

ومع ذلك هقولك ربنا يهديك وينورلك الطريق الصح

حضرتك قبل ما تتعلم أي شيء

ياريت تتعلم لغتك على الأقل علشان تقرا القرآن كويس

علقت على أخطائك الفادحة المقززة في اللغة ولم أعلق على شخصك أو معرفتك التقنية فأرجو تقبل الموضوع بصدر رحب
VancouverEG
20-04-2009, 15:15
أخي الحبيب eRa أشكرك وأحييك وارفع لك الكاب والشماغ والطاقية - وكل ما يرفع- ههههه

كما قال لي ذلك أحد الأخوة الأفاضل

على اهتمامك باللغة العربية ( لغتنا الجميلة )

لكن أقول لك كلمة خالد بن صفوان

عندما اجتمع مع أحد الجهلة المتنطعين المتعالمين في الحمام ؛ والحمام قديما مكان يذهب له

الناس للاستحمام بالبخار - كما كان الحال في مصر لزمن قريب - وكان مع هذا الجاهل أبنه فقال

الوالد - متنطعا يا بني أبدء بيداك ورجلاك!!!:eek::eek:

قال هذا ليلفت نظر خالد بن صفوان ويريه أنه لغوي - بفتح اللام -ههههه

ثم التفت لخالد وقال له متهكما هذا كلام قد ذهب أهله!!

فقال له خالد: هذا كلام لم يخلق الله له أهل . هههههههههه

وقد كتب أحدهم في هذا المنتدى عند مكان دولته ( مصر أم الدنية)!!!!!!:eek::ah46:

فعلام تحزن يا أخي

وأنت ذكرتني برد قد ردته عل أحد الأفاضل ( المهندسين ) وكانت نيتي حسنة والله

فانهال علي أعضاء المنتدى بالسخرية والتقبيح والنقد غير البناء وكان أحدهم - غير المردود عليه

يرد مرة وأتنين وثلاثة و رموني بما ليس في - والله حسبي - حتى أضطر الأخ الفاضل الفجر القادم

لحذف الموضوع

وأن أؤيده في ذلك لكن كنت أود غلقه فقط دون حذفه ؛ لكن الحمد لله

وفعلا يا أخي أخطاء مقززة ههههههههه

و والله هينسو الواحد لغته من الزخم المكتوب في هذه المنتديات ؛ هم يجيدون باحتراف القراءة

والكتابة بغير لغتهم ؛ ولا يجيدون الكتابة والقراءة باللغة اللتي تعبدهم الله بها سبحان الله !!!!!

لقد أصبحنا فعلا يا اخي أمة بلا لغة

وأصبحت لغتنا - الجميلة - لغة بلا أمة

وهذا عنوان كتاب للدكتور الرائع حبيب قلبي فتحي جمعة ؛ وأنصح الكل بشراء هذا الكتاب

وهو مقرر في كلية دار العلوم والشيخ يدرسه بنفسه

والله المستعان

وأخيرا أود أشكرك ليس على ردك على الأخ صاصا ولكن على تقديرك لهذه اللغة العظيمة

التي والله لو عرفوها ما تركوها

وكما قيل إذا قال الناس بأنك مخطئ فقد خطوت خطوة للأمام

لكننا سبي العدو فهل ترى نعود لأوطاننا و نسلم
__eRa__
20-04-2009, 16:34
أخطاء اللغة أنواع
منها ما يمكن التغاضي عنه ولا يعتبر خطأ فادحا
ومنها ما أجده "وجع بطن"
جميعنا نخطيء سواء خطأ غير مقصود أو خطأ عن جهل باللغة وأنا نفسي أغلط كثيرا وعن جهل باللغة
لكن لا يصل بي الحد إلى أن أبدو كالجاهل بأبسط البسيط منها
ما أقرؤه هنا يؤثر علي فأحيانا أجد نفسي ميال للكتابة بنفس هذا الأسلوب ثم أحتقر نفسي على هذه الغلطة
أول مرة أقابل أخطاء مثل هذه وكأن الكيبورد نفسها خنفاء وهذا ما أغاظني بصراحة
VancouverEG
20-04-2009, 16:58
لا لا يا أخي هون عليك

ولا تغطاظ (متتغصش)ههههههه

أنت عندنا بالدنيا (الدنية)

و حلوة (خنفاء) (مقززة)هههههه:ah7:
sasa1987
20-04-2009, 17:13
السلام عليكم ورحمة الله وبركاته

انا اسف يا استاذ eRa على الى حصل منى معلش سمحنى انا فهمت وجهة نظر حضرتك غلط
وياريد تكون فهمت وجهة نظرى انا كتبت بالعربى ليه

انا اسف سمحنى :ah41::ah41::ah41::ah41::ah41:
__eRa__
20-04-2009, 17:41
وياريد تكون فهمت وجهة نظرى انا كتبت بالعربى ليه


يا ريت (وأصلها يا ليت) حضرتك تفهمنا كتبت بالعربي ليه؟
sasa1987
20-04-2009, 22:00
تانى هههههههههههههههه
على العموم انا اسف لحضرتك
ويارب تسامحنى
والسلام عليكم ورحمة الله وبركاته
VancouverEG
20-04-2009, 22:29
أضحك الله سنك يا صاصا أنت و eRa :ah38: