المساعد الشخصي الرقمي

مشاهدة النسخة كاملة : iPod classic 120GB ام Zune 120GB


الصفحات : [1] 2
mr_zezo
06-04-2009, 05:59
اولا اهلا بكل الاعضاء والمشرفين

انا محتار بين جهازين

الجهاز الاول iPod classic 120GB

https://img407.imageshack.us/img407/6729/2747.png

طبعا من انتاج شركة ابل

مواصفاته

https://www.apple.com/ipodclassic/specs.html

سعره في التوكيل 1900 جنيه

https://www.tradelinestores.com/html/ipod_classic.php?ProductUniID=138

الجهاز التاني Zune 120GB


https://www.tnateesh.net/vb/imgcache/2748.imgcache

من انتاج شركة مايكروسوفت

مواصفاته

https://www.zune.net/en-us/mp3players/zune120/specs.htm

سعره في كمبيومي 1.555 جنيه

https://compume.com/index.php?target=products&product_id=30979
_______________________________________

طبعا انا محتار بين المودلين دول بالذات لانهم نفس السعة التخزينية 120 جيجا

واكيد في اجهزة زي الايبود تاتش وغيره حاجة خيالية بس عيب الاجهزة دي السعة التخزينية اللي مش هتبقى مناسبة معايا

المهم طبعا انا كنت بقارن بين الجهازين ووصلت لــ الاتي

مميزات zune :- الزون افضل من ناحية مساحة الشاشة 3.2 بوصة وبيمتاز على الايبود ان فيه بلت ان راديو fm وفيه وايرلس لمشاركة الملفات ( يعني مش تصفح انترنت زي الايبود تاتش ) وطبعا سعره هنا كويس جدا مقارنة بالايبود كلاسيك ( فرق 400 جنيه تقريبا )

عيوبه :- اولا ملهوش وكيل هنا ودي حاجة تقلق لان الجهاز موجود رسمي بس في كندا وامريكا و مدة عرض الفديوهات والميوزك اقل من الايبود كلاسيك ( احتمال علشان موضوع الشاشة الاكبر ) شكله اقل مقارنة بالايبود كلاسيك وبالرغم من ان شاشته كبيرة لكن الريزليوشن بتاعها متوسط بالاضافة ان في اخبار ان مايكروسفت مش مهتمة بيه من ناحية التطوير والسوفت وير لانه عامل خساير معاهم

مميزات الايبود كلاسيك :- طبعا الجودة العالية في التصنيع والشعبية الاعلى في العالم وجود وكيل محلي في مصر ( شركة tradeline ) الشكل والحجم ممتازين

العيوب :- الشاشة صغيرة ومش مناسبة قوي لعرض الفيديو من وجهة نظري ( وطبعا دي نقطة في صالح الزون ) وسعر الجهاز مبالغ فيه شوية ومفيهوش بلت ان راديو

_____________________________________________

انا اهم حاجة بالنسبالي جودة الصوت والفيديو واكيد كمان جودة التصنيع

انا شفت مقارنات كتير ناس بتقول الزون اعلى في الجودة وناس تانية بتقول الايبود (طبعا بالنسبة للصوت والاداء الافضل)

والحقيقة الواحد محتار ... فايه رايكم يا جماعة ... وهل في حد جرب الزون ؟؟

ياريت اللي عنده معلومة يفدنا بيها
spidermohmd1
06-04-2009, 21:04
اية رأيك تستني للأصدار الجديد زي مانا حعمل :D
Iraq IT
06-04-2009, 21:12
هل الـ iPOD ممكن تشغيل كل الـ audio extenuations ؟
mr_zezo
07-04-2009, 09:36
اية رأيك تستني للأصدار الجديد زي مانا حعمل :D

اصدار جديد من ايه الزون ولا الايبود ؟؟ ممكن لينك طيب ؟؟ ولو عندك فكرة هينزل امتى ؟؟
mr_zezo
07-04-2009, 09:39
هل الـ iPOD ممكن تشغيل كل الـ audio extenuations ؟

لا

AAC (16 to 320 Kbps), Protected AAC (from iTunes Store), MP3 (16 to 320 Kbps), MP3 VBR, Audible (formats 2, 3, and 4), Apple Lossless, WAV, and AIFF

ولو في حاجة غير كده عادي بتحولها لــ mp3 مثلا :)
Iraq IT
07-04-2009, 09:47
لا

AAC (16 to 320 Kbps), Protected AAC (from iTunes Store), MP3 (16 to 320 Kbps), MP3 VBR, Audible (formats 2, 3, and 4), Apple Lossless, WAV, and AIFF

ولو في حاجة غير كده عادي بتحولها لــ mp3 مثلا :)

نعم صح التحويل وارد لكن المهم MP3 يشغل وليس فقط itune

انا مع شراء iPOD لكون جودة الصوت افضل لكن السعر عالي.
mr_zezo
07-04-2009, 11:58
نعم صح التحويل وارد لكن المهم MP3 يشغل وليس فقط itune

انا مع شراء iPOD لكون جودة الصوت افضل لكن السعر عالي.

لا اكيد بيشغل اي مقطع mp3 بس طبعا اي مقطع لازم بتنزله من خلال برنامج itune يعني هو الوسيط ما بين الكمبيوتر والـ ipod ومش معنى كده ان الواحد لازم يشتري كل حاجة بيسمعها لا ممكن تنزل اي شئ من جهازك عادي جدا

بس موضوع جودة الصوت ده في كلام كتير يعني ناس كتير بتقول الزون اعلى في الجودة وطبعا ميزة الشاشة والراديو البلت ان هي اللي محيرة الواحد بصراحة
M_HaFeZ
07-04-2009, 12:49
موضوع جوده الصوت ده ملاقيتش اى حد بيقول ان الايبود افضل الا علشان هو مجربش الزون
كل اللى جرب الاتنين قال ان الزون افضل + السماعه اللى معاه افضل من الايبود + انها خفيفه على الودن ومش هتتعبك زى الايبود

بالنسبه للسعر .... من المرات النادره تشترى حاجه من مصر بالظبط زى تمنها فى امريكا + 10% ضرائب
مع العلم ان الاتنين سعرهم واحد
والجمارك والضرائب على الايبود تقريبا فى حدود 30 - 40%
يعنى لو اشتريت الاتنين من بره هتدفع اكتر فى الزون .. من لما تجيبه هنا من مصر ....

بالنسبه للدعم معاك ان الزون اقل من الايبود اللى ابل ماكلاه للناس ومشرباه

التميز ... اكيد الزون

الجوده فى الصوت الزون
M_HaFeZ
07-04-2009, 12:54
على فكره بالنسبه لوقت العرض
الاتنين 30 ساعه ميوزيك
مش فاكر بالظبط كام فى الفيديو ...
ولازم يكون وقت الفيديو اقل فى الزون علشان الشاشه
بس مش السبب اللى يخليك تدفع 400 جنيه زياده فى شاشه اصغر + دعم الفيديو اكبر فى الزون لانه بيدعم لحد ال 1.5 ميجا wmv
mr_zezo
07-04-2009, 13:02
شكرا يا باشا لرايك

بس موضوع الوكيل ده مشكلة وكمان موضوع ريزليوشن الشاشة في الزون ايه رايك فيه ؟؟ وكمان موضوع جودة تصنيع الجهاز

يعني بصراحة الايبود شكله تحس انه جامد وخصوصا الجزء المعدني اللي ورا ( طبعا هو اكتر حاجة بتتخدش :mad: ) والخامات اللي مصنوع منها

يعني لما تشوف الجهازين تحس ان الزون معمول من خامات مش قوي :eek:

بالنسبة لزمن التشغيل

الزون

Music, up to 30 hours (wireless off); video, up to 4 hours

الايبود

Music playback time: Up to 36 hours when fully charged
Video playback time: Up to 6 hours when fully charged
M_HaFeZ
07-04-2009, 13:15
بص الزون خاماته مش وحشه خالص
بالعكس ده مضاد للخدش
مش عارف اشبهولك بايه بالظبط زيه ...
بس لا جوده التصنيع فيه مش وحشه خالص.... جيده جدا
+ فى مزايا فى السوفتوير بتاع الزون عن الايبود منها مثلا (انا مش خبير فى الايبود على فكره)

انك ممكن تاخد الاغانى اللى على الزون وتنزله على جهاز جديد (حسب ماقريت الكلام ده مش فى الايبود)
كمان ممكن تزود اغانى معينه او مغنى معين حتى لو مش على جهازك
لان تقريبا الايبود لو هتزود اغانى ومش من نفس الجهاز اللى بدأت منه هيشيل القديم ويحط الجديد ( برضو اللى معاه ايبود يقدر يفيد اكتر)

بالنسبه لجوده الفيديو ... الاتنين على مأتذكر نفس ريزوليشن بتاعه الشاشه فطبيعى ان الاصغر صورته احلى + ان شاشه الايبود بيضاء فهتحس ان الاضاءه اقوى

الزون تحس انه اغمق شويه ... بس مش اسود يعنى فى الخلفيات
انما فى الفيديو والصور ... شايف انه كويس ويكفى اوى
Iraq IT
07-04-2009, 14:18
تقييم zune على amazon (https://www.amazon.com/Zune-120-Video-Player-Black/dp/B001EQ0HAW%3FSubscriptionId%3D15HRV3AZSMPK0GXTY102 %26tag%3Die8suggestion-20%26linkCode%3Dxm2%26camp%3D2025%26creative%3D165 953%26creativeASIN%3DB001EQ0HAW)

تقييم iPOD (https://www.amazon.com/Apple-iPod-classic-Black-Generation/dp/B001F7AHXM/ref=sr_1_1?ie=UTF8&s=electronics&qid=1239106632&sr=8-1)

تقييم ipod اعلى
mr_zezo
07-04-2009, 15:27
تقييم zune على amazon (https://www.amazon.com/Zune-120-Video-Player-Black/dp/B001EQ0HAW%3FSubscriptionId%3D15HRV3AZSMPK0GXTY102 %26tag%3Die8suggestion-20%26linkCode%3Dxm2%26camp%3D2025%26creative%3D165 953%26creativeASIN%3DB001EQ0HAW)

تقييم iPOD (https://www.amazon.com/Apple-iPod-classic-Black-Generation/dp/B001F7AHXM/ref=sr_1_1?ie=UTF8&s=electronics&qid=1239106632&sr=8-1)

تقييم ipod اعلى

شكرا على التقييم الخاص بالمستخدمين بس التقييم الصح ان يكون حد بيقارن بين الجهازين وبيقول ايه الافضل فيهم ويكون فعلا معاه الجهازين

في تقييم حلو جدا انا شفته

https://reviews.cnet.com/4370-6490_7-706-101.html?tag=mid_container;pf_left_nav

والزون كسب بفرق 0.1 :)

شوفوا الفيديو ده كمان

https://www.youtube.com/watch?v=ifjyQF5Erto
M_HaFeZ
07-04-2009, 16:32
بالنسبه لتقييم الناس على امازون مش مقياس اوى لسبب بسيط جدا
الايبود منتشر اد ايه والزون اد ايه ؟؟؟

كانك جايب واحد ماشى فى الشارع كده تقوله اركبك مايباخ ولا مرسيدس ؟؟
تفتكر هيقولك ايه ؟
mr_zezo
07-04-2009, 16:55
بالنسبه لتقييم الناس على امازون مش مقياس اوى لسبب بسيط جدا
الايبود منتشر اد ايه والزون اد ايه ؟؟؟

كانك جايب واحد ماشى فى الشارع كده تقوله اركبك مايباخ ولا مرسيدس ؟؟
تفتكر هيقولك ايه ؟

صح كده الله ينور عليك يا باشا :)

بس شكلك كده يا باشا معاك zune صح ولا لأ ؟؟ :p
M_HaFeZ
07-04-2009, 23:17
تمام ...
انا مشتريه من حوالى شهر دلوقتى ومقتنع بالاختيار الحمد لله
mr_zezo
08-04-2009, 06:54
تمام ...
انا مشتريه من حوالى شهر دلوقتى ومقتنع بالاختيار الحمد لله

طيب انت اشتريته منين يا باشا .. وكلفك كام ؟؟

وهل اخدت ضمان عليه لو كنت اشتريته من هنا
M_HaFeZ
08-04-2009, 07:15
اشتريته من كمبيو مى ب 1555 وضمان سنه
التمن كان شامل 10% ضريبه
mr_zezo
08-04-2009, 07:58
اشتريته من كمبيو مى ب 1555 وضمان سنه
التمن كان شامل 10% ضريبه

تمام جدا يا باشا طيب هل هما عندهم الاكسسوارات بتاعته زي الادبتور مثلا اللي بيخليك تشحن الجهاز بدون pc

وايه اخبار الراديو FM ادائه كويس والصوت جامد ولا فيه شوشرة

وياريت كمان تقولي يا باشا الفيلم مثلا الــ 700 ميجا بيخاد وقت تقريبا قد ايه في تحويله

اكيد اكتر حاجة بتخنق موضوع تحويل الافلام :( خصوصا لو عندك مكتبة حلوة ;)

اه صحيح الجهاز بيجي متبرشم زي الايبود كده علشان تضمن انك اول واحد يلمسه ولا مفتوح
M_HaFeZ
08-04-2009, 09:53
بالنسبه للاكسسوارات مش عارف الصراحه
بس لو الدنيا خربت اوى اوى يعنى .... هنجيب من بره وهتبقى فى المعقول مش كتير
صوت الراديو انا شايف انه كويس ...
مجربتوش كتير بس كان كويس مش مشوشر يعنى

بالنسبه للتحويلات دى اساسى على البروسيسور عندك
واضح ان عندك كور تو ديو فهتلاقى العمليه معقوله شويه
ممكن باى برنامج تحول ل Mp4 - WMV او ببرنامج الزون نفسه
اعتقد انه كان متبرشم بما فيه الكفايه ..
انا مشفتش برشمه الايبود ... بس ده كان متقفل وصعب انه يكون اتفتح

فى نقطه تانيه نسيت اقولهالك
واحد صاحبى كان معاه ايبود ولما سمع الزون اعجب بيه وقالى ان الصوت افضل والسماعات افضل وخفيفه اوى على الودن
مش ربع ساعه ولا نص ساعه وتلاقى ودنك تعباك
فى موضوع جوده الصوت دى ... صدقنى ملاقيتش حد بيقول جرب الاتنين وقال ان الايبود افضل

اتوكل على الله وهاته وان شاء الله نتعاون مع بعض فى اى معلومات

خد بالك بقى من نقطه مهمه اوى اوى اوى اوى من اى حد بيقولك ايبود وخلاص

ميكروسوفت بتنزل اى تحديث جديد مجانى لاى نسخه قديمه عكس ابل اللى بتخليك تشترى التحديث ده
انا اول مانزلت البرنامج بتاعه
حولى النسخه لنسخه احدث وزود لى كذا لعبه على الجهاز
الموضوع ده مهم جدا الا اذا كنت حابب تشترى السوفتوير الجديد لو نزل من ابل
mr_zezo
08-04-2009, 10:05
ربنا يخليك يا باشا ..

ربنا يسهل والف شكر على المعلومات الجامدة دي

بالنسبة للتغليف ممكن تشوف unboxing ده

https://www.youtube.com/watch?v=d5sX-7lECZE

ولاحظ ان البوكس متغلف وكمان الجهاز نفسه عليه بلاستيك من جوه حاجة تمام بصراحة

يعني فعلا حاجة تخلي الواحد مطمئن :ah4:
M_HaFeZ
08-04-2009, 11:05
هو للاسف مش هاقدر اشوف الفيديو
بس فعلا زى مانت بتوصف الجهاز بيكون جاى متغلف كويس

بص لو هتقارنه كشكل بالايبود ... هو مش زيه مختلف
بس شيك وحجمه معقول اوى ...
عارف اختلاف الشكل مش لازم يبقى ده احلى من ده

ومفيش اى مشاكل اسأل براحتك خالص ولو قدرت افيدك هاجاوبك ان شاء الله
انا دورت فتره على النت وخصوصا التجارب هنا فى مصر او فى الخليج ملاقتش كتير
دورت بره ولاقيت اللى يطمنى ان شاء الله
عايزين نعمل قاعده :)
A-Bomb
08-04-2009, 20:51
مستر زيزو
الحمد لله النت رجع النهاردة بس لسة بطئ و بظبت فيه
المهم, انت المفروض عارف رأيي, اكيد الzune من غير تفكير طالما الجهاز المنافس في حالتك هو الipod
شاشة اكبر, دعم الي حد ما احسن, حتي لو الجهاز قدم فلسة ليه دعم(zune 30 لو كنت تسمع عنه) اول zune شغال زي اخر واحد.
اما السماعات فتمام جدا, هو يمكن Infernal كانت قابلته مشكلة مع radioshack لكن الحمد لله محصلش معايا حاجة و هي حاليا احسن حاجة ممكن تجيبها من مصر.
اسف لو معرفتش اتابع باسمرار بس ان شاء الله هاحاول اتبع معاك قد ما اقدر
mr_zezo
08-04-2009, 23:06
ages_devil شكرا على المشاركة معانا في الموضوع

اه طبعا انا عارف رايك خصوصا في موضوع الايبود ;)

وعارف انك من مشجعين الزون بس كنت عاوز اعرف يعني لو ليك اي ملاحظة سلبية عنه

وطبعا سمعت على الفريم وير 3.0 بس دلوقتي كمان في 3.1 بتاريخ 11 / 2008 لينك (https://zuneinsider.com/archive/2008/11/18/zune-3-1-update-your-zune.aspx)

بس هو كان ناقصه موضوع browse للنت مش مجرد sharing للملفات بس :(

والحمد لله ان السماعات كويسة معاك ...

نورت الموضوع يا باشا
A-Bomb
09-04-2009, 10:25
مستر زيزو, الحمد لله النت رجع امبارح و شغال:ah4:
شوف يا سيدس, العيب الوحيد في رأيي ان الzune مفيهوش equalizer لكن لو جبتله سماعات كويسة هايشتغل تمام و مش هاتحس بفرق, هو حتي لو كان نزله EQ فدة هايكون softwre مش hardware و طبعا مالوش لازمة في رأيي. موضوع النت دا مالوش لازمة صدقني لو عايزة ممكن تجيب الArchos 5 او 6 , و ليه توكيل في مصر بس مش فاكره.
اما السماعات فجبتها من فرع المعادي شارع 9 لكن افتكر انها كانت اخر واحدة بس اكيد في تاني, و ممكن تشوف فرع المعادي شارع النصر عندهم اكتر من واحدة.
mr_zezo
09-04-2009, 11:12
طب الحمد لله ان النت بقي تمام يا باشا

بالنسبة للــ equalizer يعني معنى كده انه مش هيبقى فيه bass boost :(

لا النت مش فارق معايا انا كمان بس كنت بقول ان افضل بدل الجهاز فيه وايرلس ان يبقى فيه browser علشان يبقى مستغل الامكانية صح

على فكرة لما كنا بنتكلم المرة اللي فاتت من كام شهر على السماعات انا برضوا رحت فرع المعادي شارع 9 ( شفت الصدف بقى :D ) ولقيت عندهم سماعتين بس تحس انهم فيهم حاجة مش مريحة

يعني الكفر بتاعهم الخارجي جربان تحس انها مش جديدة مش زي الحاجات التانية بتبرق وطبعا ده خلى الواحد يفتكر كلام Infernal ويقلق :rolleyes:

بس المهم هل السمعات دي بتعمل عزل لو في اصوات حوليك ؟؟ ولا لأ .. اصلي بحب ابقى في عالم تاني وانفصل عن الواقع تمام لما احب اعيش شوية مع نفسي :p

وعلشان الناس تبقى معانا احنا بنتكلم عن سمعات

Koss KSC75

https://www.headsonic.com.au/images/medium/ksc75_MED.jpg

سعرها في راديو شاك على ما اتذكر 115 جنيه مصري لا غير :ah2:
M_HaFeZ
09-04-2009, 11:13
ازيك يا Ages انت تقصد بالسماعات ال Koss KSC 75 ؟؟؟
انا جربتهم لاقيت هيبقى صوتهم عالى اوى (بمعنى ان اللى جنبى هيسمع نص اللى باسمعه على الاقل )
حقيقه دلوقتى انا مكتفى بالسماعات ال Stock مع الزون وكافيه جدا لى دلوقتى ...
M_HaFeZ
09-04-2009, 11:15
على فكره برضو فى فرع مكرم عبيد كان فى واحده بس وكانت مفتوحه ومستعمله كمان لان السلك مربوط بطريقه تعبانه اوى
الظاهر انها نشيد بقى :)
محمد انفرنال كان جابها من فرعهم فى ميامى وانا شفتها فى مكرم عبيد وانت شوفتها فى المعادى
يعنى عصابه
Core2Quad
09-04-2009, 14:13
خذ ال iPod وانت مرتاح , شريته قبل حوالي نصف سنه , وغير نادم اطلاقا , جهاز رائع جدا
تحس انه ثقيل وذو جودة تصنيع عاليه
الشاشه رائعه ايضا , جميلة جدا لعرض الافلام .
وسلام
A-Bomb
09-04-2009, 16:21
M Hafez باشا, أنا الحمد لله تمام, هي فعلا السماعات دي اللي اقصدها.
شوف ياMr Zezo, السماعات مش عازلة للصوت انت بتسمع كل اللي حواليك , يعني من عيوبها لو كنت في مكان دوشة قوي ممكن ماتسمعش منها كويس الا لو عليت قوي الصوت. لو عايز حاجة عازلة يبقي قدامك في مصر المحروسة حل واحد و هو الin ear canal earphones و أنا بكرهها او لو حظك حلو و لقيت اي سماعة overhead بس عازلة و دا صعب هنا انك تلاقيها.