في حد بيعاني من المشكله ده

[mustafa811]

المشكله اللي عندي تكمن في تشغيل اي ملف فيديو باي صيغه,
حيث يظهر خط رفيع جدا على حواف الفيديو (اي بين المنطقه السوداء
و منطقة عرض الفيديو), انا هارفعلكم الصور في الاخر..
و الخطوط ده دايما تعكس الوان الجهه المقابله من الشاشه..

انا نظام التشغيل عندي vista 32 ultimate, في الاول كنت معتقد ده
مشكلة كودكس, بس مع محاولات تغيير الكودكس المستمره لم تحل المشكله,
حتى مع استخدام برنامج vlc media player اللي مابيستخدمش كودكس خارجيه,
كمان جربت معظم الmedia players دون فائده..

الwindows عاملها الupdates كلها برده مفيش فائده..
كده ماكانش قدامي الا كارت الشاشه, نزلت معظم التعريفات دون حل المشكله,
انا احترت و من الاخر رحت بعت ايميل لشركة سافير و منتظر الرد, بقالي بتاع اسبوع اهوه ..

لو حد يعرف الحل يقولي او المشكله لو بتحصل عند حد تاني يقول, انا كنت باعمل حل مؤقت
و هو اني اعمل zoom للفيديو و ده بيطلع الحواف خارج الاطار بتاع الشاشه بحيث انك ماتشوفهاش
لكن زهقت و اريد حلا...

و على فكره المشكله ده لاحظتها على ال4670 برده و كنت فاكر ساعتها انها كودكس
منتظر ارائكم (بس ارجو ان الاراء تكون بخصوص الvista 32 علشان انا ماجربتش الxp)
يعني المشكله لو بتحصل عند حد , يديني فكره عن جهازه, نظام التشغيل,كارت الشاشه
و الدرايفر بتاعه

https://img7.imageshack.us/img7/282/59067660.th.jpg (https://img7.imageshack.us/my.php?image=59067660.jpg)

https://img7.imageshack.us/img7/2932/64157323.th.jpg (https://img7.imageshack.us/my.php?image=64157323.jpg)

https://img7.imageshack.us/img7/655/70919789.th.jpg (https://img7.imageshack.us/my.php?image=70919789.jpg)

[mustafa811]

صدق او لا تصدق

انا بعد ما عملت البوست ده .. لعبت في دماغي فكره جامده اوي
و خصوصا اني قريت لاحد الاعضاء على النت في منتدى اجنبي و
عنده نفس المشكله انه قدر يحلها مع vlc media player عبر تغيير
نوع الoutput في قائمة الفيديو و خلاه opengl و فعلا الخطوط راحت
لكن الquality بتاعة الفيديو اصبحت سيئه جدا

طب ايه هي الفكره الجامده ؟ الفكره تكمن ان في حاجه متعلقه بالoutput
زي ما يكون direct x acceleration او حاجه كده ... و احترت اطفيها ازاي

و دلوقتي و انا باكتب الpost جالي هاجس (مش اسمه كده برده) اني اطفي
الaero interface و كل الvisual effects من الsystem properties

و كانت المفاجأه ان الخطوط اختفت و سلملي على سافير
و على فكره انا بادور لحل للقصه ده بقالي 4 اشهر دون ان اجد اي حلول على النت
يعني حل حصري للمنتدى هنا فقط

ارجو ان الافاده تعم ... و انا هاحاول احدد انهي option بالظبط هو اللي بيؤدي للمشكله و ابلغكم بيه
بدل ما نلغي كل الvisual effects

[mustafa811]

قدرت احدد الoption
control panel--sytem--advanced system settings--advanced--performance--visual effects
عطل enable desktop composition
بس للاسف الoption ده خاص بميزة الشفافيه ... يعني لازم تختار ما بين الشفافيه او عدم ظهور الخطوط

بس اللي انا مستغربه ان مش ناس كتير بتشتكي من القصه ده ؟؟ طب ليه ؟؟
يا ترا هيا موجوده و قليل اللي بياخد باله .. و لا هي موجوده في اجهزه معينه