المساعد الشخصي الرقمي

مشاهدة النسخة كاملة : برجاء المساعدة فى فهم الـ Static Route


hunter___hhh
10-04-2009, 21:29
اخوانى كبار هذا المنتدى الكريم
برجاء التكرم لى وتوضيح شرح وافى ومبسط لموضوع الـ Static Route
وكيفيه إعداد الـ Configuration بينهما مع التوضيح بمثال بسيط
وشكرا لكم
المستعصم بالله
10-04-2009, 23:44
الاخ المهندس محمد سمير شرح الموضوع ده باستفاضة ياريت تراجع الحلقات دى
hunter___hhh
11-04-2009, 00:37
جزاك الله خيرا يا مستر ماك
elmuslim
11-04-2009, 15:43
السلام عليكم ورحمة الله وبركاته يا أخى

أنا طبعاً مش من كبار أعضاء هذا المنتدى الرائع بس حبيت أشارك وأوضح الفكرة

موضوع ال static route ده اسهل ما يمكن وأقرب مثال ليه هو القطار

القطار ليه سكة واحدة بس يمشى منها ما ينفعش يعدى على القضيب التانى هو طريق واحد بس يعنى لو الطريق ده وقف او اتزحم القطار كمان هيقف ومش هيدور على طريق تناى فاضى

كذلك ال static route انا بقول لراوتر لو عايز تروح للشبكة اكس مثلاً هتخرج من الأنترفيس F0/0 حتى لو الراوتر يقدر يوصل للشبكة اكس دى من انترفيس F1/1 مش هيخرج منه حتى لو كان هو اقرب واسرع ولو لقدر الله الأنترفيس f0/0 وقع مش هتعرف تروح للشبكة اكس خالص مع انك متوصل بيها بأنترفيس تانى ألا وهو F1/1 بس الراوتر مالوش دعوة انت الى قولتله لو عايز ترووح للشبكة اكس روح من انترفيس F0/0

و ال static route ليه استخدماته هو مش وحش يعنى مثلاً لو انا راوتر فى ISP وفى راوتر تانى فى البيت عند حضرتك وانت عندك شبكة واحدة بس فمش مستهلة اشغل routing protocol بينا علشان اعرف الشبكة الى عندك لأ هعملها static route عندى واقوله عايز تروح للشبكة دى اخرج من هنا وخلاص

او ممكن استخدمه فى حالة لو النتيتورك بتاعتى Hup and spoke

معلش طولت عليك فى الشرح

اما حكاية ال dynamic routing فدى اقرب مثال ليها العربية وهى ماشية على الطريق لو لقت الحارة اليمين فاضية هتمشى فيها لو الشمال هى الى فاضية هتروح تمشى فيها بمعنى انها بتدور على اسرع واقصر الطرق للوصول الى الهدف

وكذلك ال dynamic routing كل بروتوكول فيها ليه Algorithm معين بيحدد بيه انهى طريق اسرع واقصر ويختاره ودى بتبقى مسؤلية الراوتر

وبردوا ال dynamic routing ليه استخدماته يعنى هو مش حلو على طول
بستخدمه لو انا معرفش عناوين النيتورك الى عندى فى الشبكة أو لو انا عايز أريح دماغى واسيب الروترات تتصرف مع بعضها أو لو انا تهمنى ان الباكت توصل فى اسرع وقت ومن اقصر طريق بس غالباً لازم انت تتدخل علشان تحدد انهى احسن طريق انت عايزه

أرجو ان انا اكون وفقت فى الشرح وتوصي المعلومة واى استفسار انا تحت امرك

اللهم اغفر للمسلمين والمسلمات والمؤمنين والمؤمنات الأحياء منهم والموات
hunter___hhh
11-04-2009, 18:16
مشكور وجزاك الله خيرا يا elmuslim
mohammedsn
12-04-2009, 08:39
اخوانى كبار هذا المنتدى الكريم
برجاء التكرم لى وتوضيح شرح وافى ومبسط لموضوع الـ Static Route
وكيفيه إعداد الـ Configuration بينهما مع التوضيح بمثال بسيط
وشكرا لكم

الحمد لله تم شرح هذه الجزئية باستفاضة في شرح كورس ال CCNA علي المنتدي يمكن مراجعته ثانية و لو في شئ غامض راجعني فيه
hunter___hhh
12-04-2009, 10:33
جزاك الله خيرا يا بشمهندس محمد انا عندى الكورس كامل فعلا وان شاء الله هراجع الموضوع بتاعك دة