استفسار عن mcse security

[festek692]

انا معايا الحمدلله academy ccna وكنت بزاكر من فيديوهات الاستاذ محمد سمير مع انها compress بس مفيدة جدا جدا
وكنت عاوز ازاكر الفترة اللى جاية لميكروسوفت اخترت mcse security

بس كنت عاوز اعرف الpath اللى المفروض امشى علية الترتيب بتاعهم ياعنى انا حاطط ال path دة
70-270,
70-290,
70-291,
70-293,
70-294,
70-298-
299-70
-70-350
انا مش عارف الدراسة عبارة عن اية ياعنى المفروض ابتدى ب اية وبعد كدة اخش على اية عشان بس مخدش حاجة تكون مشروحة فى اللى قبلها فتكون صعبة عليا وانا بزاكرها
زى سيسكو مثلا مينفعش اخش np قبل م افهم na
وشكرا للمنتدى الرائع جدا جدا عرب هاردوير

[festek692]

:confused:

[internetworld]

التريب مش مهم انت مش عايز بس يكون في كورس مترتب على التانى امشي على الترتيب بتاعك عادى
بس هو مطلوب منك mcse ولا دا باختيارك
لو كان باختيارك افضل خد mcitp server admin طالما لسه هتبدا
وبخصوص الكورس mcse استبدل الاتى
كورس 270-70 ب 620-70 ويندوز فيستا
وكورس 350-70 ب 351-70 ايزا سيرفر 2006 لانه به امكانيات اكتر من 2004 ولما تاخد الاحدث هتعرف تشتغل على النسخه الاقدم طبعا
ويبقى معاك مميزات الاحدث اضافيه يبقي انت جمعت بين الاتنين
اتمنى لك التوفيق باذن الله

[VancouverEG]

كما قلت لك موفق - ما شاء الله - :o

[festek692]

بسم الله الرحمن الرحيم

شكرا على الاجابة الجميلة الوافية دى ^_^
internetworld (https://www.arabhardware.net/forum/member.php?u=162711)

لا هوا دا ب اختيارى انا بصراحة قريت موضوع فى المنتدى على انهى كورس احسن mcse ولا mcitp وكان فى اراء كتير مع دة ومع دة انا قلت لان الشغل هيبئة اكيد فية سيرفر 2003 عشان الناس فى مصر مش بتجدد بسهولة فقلت ابتدى بالمضمون

بس امبارح واحد صحبى عقدنى :( وقلى ال mcse security مش مطلوبة فى مصر وانا محتار دلوقتى :'( انا باخد كورسات بردو عشان اشتغل فى الاخر مش عشان الائى نفسى فى حتة تانية غير اللى الناس ماشية فيها

وشكرا ع المرور الكريم

VancouverEG (https://www.arabhardware.net/forum/member.php?u=11134313)

[internetworld]

مع احترامى الشديد جدا جدا لصحبك اسمح لى اقولك هو صاحبك قالك ان mcse security مش مطلوبه فمصر دا على اى اساس
كل الحكايه ان العمل فالسيكيورتى فمصر مش مرغوب فيه لدى العاملين فى مجال السيكورتى مش لانه مش مطلوب لا
لان الرواتب فيه اقل بكتير من الخارج وفالغالب بيكون اللى معاه سيكيورتى بيكون مهاراته ومواهبه اعلى من الشغل وان كانت مش اعلى من الوظيفه بيكون الراتب غير مكافيء لقدراته
علشان كدا اغلب العاملين بمجال السيكورتى بيشتغلوا برا ودا لان الشغل بيكون مستواه اعلى وكمان الراتب اعلى يعنى علميا وماديا انت بتزيد
اما بالنسبه لكلامك عن ايهما افضل mcse ولا mcitp فدا بقي لينا فيها وقفه وانا هقولك ليه :
بص ياسيدي الفاضل اللى بيقول ان mcse افضل بيكون مبرره الاسباب الاتيه
اولا توافر الشروحات والكتب والاسطوانات التعليميه وكمان الشرح بالعربي فالمنتدى هنا اكتر من رائع -وربنا يزيد ويبارك -
ثانيا لو حتى فكرت انك تاخدها فسنتر بتكون اقل تكلفه من 2008 ودى هنتكلم عليها بس اكملك 2003 للاخر
ثالثا حضرتك بكل بساطه ممكن تزاكر 2003 لوحدك ومش هتحتاج غير رسوم الامتحان بس ودا طبعا فحد ذاته بيقلل من التكلفه عليك جدا
رابعا ان اغلب السنتر والانستراكتورز زى ماتقول كدا من كتر الشغل على 2003 حفظوه صم يقدروا يسمعولك كل نقطه من حتى جهاز يشتغلوا عليه
خامسا ان حضرتك ممكن تعمل تحديث لشهاده 2008 ودا بامتحان واحد وهو 649-70 يعنى تقدر تجمع بين الاتنين فماده واحده زياده
سادسا اغلب الشركات فى مصر شغاله 2003 وفى ناس شغاله ب 2000 فانت مش هتنزل العمل وتتصدم يعنى الشغل هيبقي بالنسبه ليك مالوف
خلاص كدا تمام بالنسبه ل 2003
اما بالنسبه ل 2008
شهاده قويه جدا
في مميزات تكنولوجيه عاليه وكمان هى احدث شهاده بالنسبه لمجال مايكروسوفت فالشبكات
بس في مشاكل بقي بالنسبه لمصر
اولا لسه بدرى عشان الشركات تحدث ل 2008 يعنى هتاخد وقت لغايه ما الشركات تحدث ل2008 ويجربوا المنتج ويتاكدوا ان مفيش اى عيوب به او خلل لان اى حاجه جديده لازم التجربه وكمان التاكد من فعاليه قرار التحديث وكل شركه وظروفها (وطبعا مصر معروف الحال فيها)
تانى حاجه مفيش انستراكتور هيشرح الكورس بكفاءه عاليه زى 2003 هيقولك ماهو 2003 زى 2008 بس الفرق فالمميزات الجديده
يعنى الاساس واحد اقولك انا لكن الفرق بالنسبه للمدرب ان المميزات دى مش بيكون ملم بيها لدرجه انه يوصل لاحترافيه الشروحات الاجنبيه زى cbt nuggets وغيرها
تالت حاجه ودى الاهم ان التكلفه للدراسه مغالى فيها جدا جدا جدا فبعض المراكز بيوصل ل 15000 جنيه
طيب مانت هتقولى اومال ليه انا قولتلك انك تدرس 2008
ببساطه مش هطول عليك اكتر من كدا
انت اللى تحدد امكانياتك يعنى لو انت قوى فالانجليزي وتقدر تزاكر 2008 لوحدك اكيد هيكون دا افضل لانك تقتدر فالحاله دى تشتغل الاتنين وخصوصا ان الشروحات الاجنبيه والاسطوانات متوفره والحمد لله
اما اذا كنت مش هتقدر يبقي ابدا ب 2003 ومش تسمع كلام اى حد يقولك مفيش شغل ومش مطلوب
انت عليك انك تاذكر وتجتهد وتحترف المعلومه اللى تاخدها وتطبقا كويس جدا
ولما تخلص ابقى اسال عن الشغل وربك كبير عمر ما هيضيع تعبك هدر ابدا ابدا
توكل على الله وابدا اللى يناسبك مش شرط اللى يناسبك انت هيناسب غيرك دى عمليه نسبيه بتخلتف من واحد للتانى حسب ظروفه
ملحوظه صغيره بس وانت بتسمع فيديو او تذاكر من كتاب اوعى تعدى كلمه عليك مرور الكرام اى كلمه بيكون ليها مغزى او معنى حتى لو كان متطور عن الكورس بلاش تعتمد على المدرب وبس لا دور وراه وابحث واتاكد من المعلومات مفيش حد بيديك كل حاجه
مهمه المدرب انه يعرفك وظيفه كل امر ومهمتك انت انك تستخدم كل امر لتنفيذ اهدافك حسب احتياجاتك فلازم تعرف كل حاجه بالتفصيل مش مجرد شهاده والسلام
اسف انى طولت عليك اتمنى لك دوام التوفيق
تقبل مرورى

[festek692]

بجد شكرا اوى على النصايح الغالية دى واللى هاخدها بعين الاعتبار

انا عاوز ائولك انت حببتنى فى الmcse security وشوقتنى لل server 2008 :D

بس كدة لو هاخد mcse security هيبئة فرصتى برة احسن وادام هنطلع برة يبئة ناخد 2008 بئة انا بزاكر على فكرة من cbt nuggets زاكرت ال ccna منها مع فيديوهات الاستاذ محمد سمير بارك الله فية بس بصراحة كنت معتمد اكتر على cbt مع اللابات اللى كنت باخدها فى المركز
معلش بئة طلب اخير ممكن ارقام الامتحانات بتاعت ser 2008 وانا هحاول اجيب اسطوانتهم وابتدى فيهم والله الموفق ان شاء الله اة وعلى فكرة صحبى اللى قالى كدة دة انستركتور :mcse D وممكن هوا رشحلى اللى هوا شيفو سهل علية

[internetworld]

العفو يا اخى دا واجب عليا والحمد لله انك استفدت ولو بكلمه واحده من كلامى وارجو من الله ان ينفعك بها وان يوفقك ويرزقك العلا فالدنيا والاخره وسائر اعضاء المنتدى الكريم
اما بالنسبه لارقام الامنتحانات لشهاده 2008
https://www.microsoft.com/learning/mcp/mcitp/windowsserver/2008/enterprise/default.mspx
https://www.microsoft.com/learning/mcp/mcitp/windowsserver/2008/server/default.mspx
ودا كلام من المصدر عشان مش حدد يشكك فيه
اما بالنسبه للتحميل وموضع التحديث من 2003 الى 2008
في فتوقيعى رابطين واحد فورشير والتانى الموقع هنا
على الفورشير كل ما يخص 2008 و2003 من اسطوانات وكتب هتلاقيه ففولدر 2008 على الموقع
وكل التحميل تورنت لكل الشركات
اما بالنسبه لرابط الموجود على الموقع هتلاقى موضوع التحديث شارحه بالتفصيل فى موضوع عنوانه upgrade mcse 2003 to MCITP 2008
كل ارقام الامتحانات وكل شهاده ومتطلباتها هتلاقيه فالموضوع
اتمنى لك دوام التوفيق واى استفسار كلنا موجودين فالخدمه وانا اولهم

[festek692]

شكرااااا ع التورنت الجميل

[one-zero]

مجهود رائع اخي
internetworld (https://www.arabhardware.net/forum/member.php?u=162711)

بارك الله فيك

[internetworld]

مجهود رائع اخي
internetworld (https://www.arabhardware.net/forum/member.php?u=162711)

بارك الله فيك

جزاك الله عنا كل خير وبارك الله فيك ووفقك الى ما يحبه ويرضاه
اسال الله العظيم رب العرش الكريم ان يرزقك العلا والرفعه فالدنيا والاخره وان يبسط عليك من فائض علمه وكرمه
وان يبارك لك فى علمك ووقتك وعملك واعضاء المنتدى الحبيب وسائر المسلمين

مرورك هو الاروع استاذى الكريم WOBOOO لك منى فائق الحب والاحترام
دمت بخير

[خالد شبابيك]

كل دقيقه الواحد بيتعلم حاجه جديده حتى الملاحظات الصغيره
بجد ماحدش بيبخل بمعلومه ابدا هنا
وربنا يزيدكم علم ويبارك فيكم