رجاء شديد للمشرفين مسح الموضوع المحبط للأخ vangouver نظراً لسخافته

[egy_semooo]

يا أخ vangouver اتقي الله فينا ثبت عنه صلى الله عليه وسلم أنه كان يعجبه الفأل، والفأل هو الكلمة الطيبة فاختر كلامك أولاً ثم قله وإذا كنت أنت محبط فلا تحبط الآخرين اترك الناس تحاول ولكل مجتهد نصيب أرجو من المشرفين مسح هذا الموضوع المحبط

[anti_world2007]

ياريت تضع رابط الموضوع لانى لم اطلع علية حتى اقرر ان كان محبط ام لا.............

[egy_semooo]

هذا هو الرابط يا أخي لافاضل https://www.arabhardware.net/forum/showthread.php?t=115107

[GHOSTEID0]

و الله العظيم انا كنت ناوى اعمل الموضوع ده و اطلب من المشرفين غلق الموضوع

على الفكره الاخ vangouver اكتر مواضيعه محبطه و حتى كمان الردود على الاعضاء الجداد بطريقه مش كويسه انا مش عارف ليه

[GHOSTEID0]

على فكره المفروض ما نبحثش عن الشهادات المفروض نقعد فى بيوتنا و بابا و ماما يصرفوا علينا اصل المجتمع وحش اوى


و ده الرد بتاعى فى موضوعه



سبحان الله

لسه فيه ناسى بتلف المنتديات الاخرى علشان تنقل مواضيع كلها احباط و قرف و نرفزه

يا اخى
بدل ما تنقل مواضيع احباط انقل مواضيع تعليميه مفيده

انا مش عارف ايه اللى بيحصل هل وصل الحال الى هذه الدرجه كل اما نتقدم خطوه يطلع لنا اكتر من عضوه بكلمه او موضوع سخيف

كله احباط

ياريت الناس اللى بتكتب المواضيع المحبطه دى ياريت تقرا قصص نجاح عظماء المنتدى ده

علشان يعرفوا ان اللى بيتعب بيلاقى و ربنا بيكرمه

مش بيقلوله عدى علينا بكره
ارجو من المشرفين اغلاق الموضوع و يجب منع تداول تلك المواضيع فى المنتدى مثل منع تداول الامتحانات
مع العلم ان تداول الامتحانات تجعل الطلاب كل اعتمادهم على الامتحانات

اما هذه المواضيع المحبطه فهى نهايه البدايه للطلاب
و ضياع احلام و مستقبل الطلاب


الواحد كل يوم بيستنى فيديو ينزل من شرح االاساتذه الكرام علشان اذاكره

و فى الاخر نقرا الكلام المحبط ده

ربنا يسامحكم



و ده كمان كان طلب لاحد الاخوه الجداد فى المنتدى عن شهادة mcse
انظروا كيف رد عليه الاخ


ايه يا جدعان هي الناس بتتكلم صعيدي - مع احترامي طبعا للصعايدة - :) :)


كل واحد يعمل أكونت جديد على المنتدى يقول نفس الكلام

( أنا مبتدئ وعايز حد يوجهني )

يا أخي اعتمد على نفسك أولا ثم أستعين بكلام أخوانك


وبعدين دور في المنتديات هتلاقي كل اللي نفسك فيه وزيادة


وعموما أنت لازملك تشتغل عملي علشان تتعلم صح وأفضلك وديه نصيحتي أنك تدخل مركز


والسلام ختام


و الله الواحد لو عضو جديد و شفت الرد ده و الله ما هدخل المنتدى تانى

[egy_semooo]

يا جماعة لازم نشجع بعض مش نحبط بعض ياجماعة أنا بقالي قترة من غير شغل ورغم كدة بجتهد وباخد شهادات لأن لكل مجتهد نصيب لابد وأن نأخذ بالأسباب ونعتمد على أنفسنا عشان كدة لازم المواضيع إللي زي دي تغلق تماماً وجزاكم الله خيرأ

[المارق]

طبعا الموضوع دة تافة والى كاتبة فاشل انا حيت انوا كل العالم نازلين علماء واحنا الى مستويات الغباء معدية

[internetworld]

طبعا الموضوع دة تافة والى كاتبة فاشل انا حيت انوا كل العالم نازلين علماء واحنا الى مستويات الغباء معدية

طبعا انا هرد بس الاول على الكلام المكتوب دا وبعدين ارد على صاحب الموضوع
بالنسبه للاخ المارق ان كنت مصيب في رايك او معتقد كدا فدا مش معناه انك تحكم على غيرك وتعتدى عليه بمثل هذه الالفاظ هذا لا يليق ابدا ابدا بمبدا التحاور واحترام اراء الاخرين
ودا اقل كلام يتقال على رايك
اما بالنسبه لصاحب الموضوع انت عملت موضوع كامل عشان تطلب مسح موضوع انا شايف ان حضررتك وكل المؤيدين لرايك بيحاولوا يفرضوا رايهم حضرتك شايف انت وغيرك ان الموضوع سخيف ومحبط خلاص رد عليه وبين وجهه نظرك بكل موضوعيه ودا طبعا يكون فى نفس الموضوع
اما انك تعمل موضوع علشان تطالب بقفل موضوع تانى ويستغل غيرك الموضوع ويتكلم كلام على صاحب الموضوع وعلى ارائه ويتهكم وتصل المرحله لوصفه بالتافه والفاشل يعنى تسب شخصه لمجرد رايك الخاص وتطالب بان الكل يوافق رايك سواء حضرتك او غيرك من اللى شاركوا فالموضوع فدا وان دل انما يدل على جهل عميق باداب الحوار واحترام راى الاخر
واخيرا غلق موضوع او تركه بيكون من حق الاداره وحدها وهى اللى تقيم مدى موضوعيه وفعاليه الموضوع المطروح يعنى مش من حق اى عضو يطالب بغلق موضوع طالما ان الموضوع لا يخالف قوانين المنتدى
يعنى غلق الموضوع مش مطلب شعبي ولا محتاج ثوره عشان نتعامل مع الاراء بمثل هذا الاسلوب
تقبل مرورى
وفائق احترامى

[شلاع العتر]

يا أخ vangouver اتقي الله فينا ثبت عنه صلى الله عليه وسلم أنه كان يعجبه الفأل، والفأل هو الكلمة الطيبة فاختر كلامك أولاً ثم قله وإذا كنت أنت محبط فلا تحبط الآخرين اترك الناس تحاول ولكل مجتهد نصيب أرجو من المشرفين مسح هذا الموضوع المحبط

لم يكن هناك داع لهذا الموضوع ... وان كنت ترى ان الموضوع مخالف فتوجه الى قسم الشكاوى , او استعمل تبليغ بمشاركة سيئة ...

[egy_semooo]

اقتباس:
المشاركة الأصلية كتبت بواسطة internetworld

اما بالنسبه لصاحب الموضوع انت عملت موضوع كامل عشان تطلب مسح موضوع انا شايف ان حضررتك وكل المؤيدين لرايك بيحاولوا يفرضوا رايهم حضرتك شايف انت وغيرك ان الموضوع سخيف ومحبط خلاص رد عليه وبين وجهه نظرك بكل موضوعيه ودا طبعا يكون فى نفس الموضوع
اما انك تعمل موضوع علشان تطالب بقفل موضوع تانى ويستغل غيرك الموضوع ويتكلم كلام على صاحب الموضوع وعلى ارائه ويتهكم وتصل المرحله لوصفه بالتافه والفاشل يعنى تسب شخصه لمجرد رايك الخاص وتطالب بان الكل يوافق رايك سواء حضرتك او غيرك من اللى شاركوا فالموضوع فدا وان دل انما يدل على جهل عميق باداب الحوار واحترام راى الاخر
واخيرا غلق موضوع او تركه بيكون من حق الاداره وحدها وهى اللى تقيم مدى موضوعيه وفعاليه الموضوع المطروح يعنى مش من حق اى عضو يطالب بغلق موضوع طالما ان الموضوع لا يخالف قوانين المنتدى
يعنى غلق الموضوع مش مطلب شعبي ولا محتاج ثوره عشان نتعامل مع الاراء بمثل هذا الاسلوب
تقبل مرورى
وفائق احترامى

أخي الفاضل internetworld أنا لم أجبر أحد لدخول الموضوع وقراءاته أو قول رأي ولم أضع في أعتباري ان يوافقني أحد في الرأي أو يخالفني ولاكن لاحظ انك حكمت علي دون أن تتعامل معي وأعتقد أني امتثلت لأدب الحوار فلم أتجاوز في كلمة واحدة وهدفي الأول والأخير من هذا الموضوع هو عدم فرض التجارب الشخصية على المنتدى زلاكن كان يمكن كتابة هذا الموضوع بصياغة أفضل من ذلك يا أخي الفاضل إذا كانت الكلمة في جوفك فهي ملكك وإذا خرجت من فمك فهي ملك الآخرين وحرية الرأي مكفولة للجميع فاسأل نفسك انت أولاً لماذا دخلت إلى الموضوع الخاص بي إذا كان لا يمثل لك أي أهمية ولماذا قلت رأيك هل فرض عليك أحد ذلك فكما قلت من حق أي عضو إضافة أي موضوع أو التعبير عن رأيه أم بالنسبة لطلبي بغلق الموضوع فما هي المشكلة فلقد رأيت بنفسك أن معظم من قال رأيه أوصى بغلق الموضوع وللمرة الأخيرة أنا لم أجبر أحد على قول رأيه أو الدخول للتعليق والرد فأنا لم أجبرك أنت شخصياً أسأل الله لك التوفيق والسداد والهداية ولكل المسلمين وجزاك الله خيراً

[GHOSTEID0]

كل الحق معك اخى egy

و باذن الله يغلق الموضوع لانه تدمير لطلاب

[__eRa__]

السلام عليكم

الإخوة الكرام

نفتقد في معظم الاحيان لسياسة الرأي والرأي الآخر
فنحن لا نقبل ما يقوله الآخرون لو كان فيه معارضة لما نقول أو نؤمن به

لماذا؟

كاتب الموضوع الذي أثار كل هذه الضجة ذكر أنه ناقله
وواجب علينا جميعا افتراض حسن النية فيه
الموضوع كله تشاؤمي ومحبط للجميع ولا جدال في ذلك والسبب هو طريقة العرض التي لا يلام عليها ناقل الموضوع

موضوعات أخرى هنا وهناك فيها تفاؤل ودافع للأمل والعمل
لا تتخذوا هذا الموضوع مثال أوحد
فهو مجرد رؤية خاصة بصاحبها الذي لا نعلم من هو ولا مقصده الحقيقي من وراء كتابة المقال

قصص نجاح متعددة تجدونها في المنتدى
سائلون كثيرون عن أسئلة في مقابلات شخصية للاستعداد لها أو لأنهم بالفعل قد تحددت لهم المقابلة
أناس منا أكرمهم الله وفاض بكرمه إلينا فصرنا نرى شروحات متميزة ومجانية متعددة التخصصات
قدوة حسنة ويد ممدودة بالمساعدة نجدها في العديد من الأمثلة في المنتدى

إذا لماذا الهجوم على هذا الموضوع؟
موضوع أحبطكم وهناك 100 أخرى تبعث على التفاؤول وتساعدكم جميعا فلماذا التذمر؟

خذوا الموضوع على أنه نصيحة من الرجل إليكم بعدم الانسياق الأعمى وراء جني الشهادات دون اكتساب الخبرة العملية

كل موضوع كتب على صفحات المنتدى هو للكافة
لكافة الناس والمشتركين بالمنتدى أن يعبرو عن رأيهم فيه
وهناك قوانين تسري على الجميع
إذا أردت الشكوى من موضوع فاتبع الطرق المشروعة لذلك

لكن أن تكتب موضوعا عاما في المنتدى ويصير "عزبة" فهذا أمر لا يقبله أحد
لست أنت من تقول من يرد عليك ومن لا يرد
لست أنت من تقول من له الحق في زيارة الموضوع ومن ليس له الحق
الحق للجميع في ابداء أي رأي يشاء طالما التزم بآداب وقوانين المنتدى
حتى ولو خالف رده هواك

وهذا ما ينتهي إليه 100% من نقاشاتنا
تبدأ تقنية وتنتهي بمشاحنات شخصية
ويتعدى البعض حدود الأدب في الحوار مما يضطر الإدارة لغلق الموضوع
لا لشيء إلا لتخطي الأعضاء حدود الادب

اللي كان بيذاكر يكمل مذاكرة واللي بيدور على شغل يكمل بحث
الدنيا موقفتش بسبب الموضوع ده

[GHOSTEID0]

السلام عليكم

خذوا الموضوع على أنه نصيحة من الرجل إليكم


بالله عليك يا اخى
هل وجدت فى الموضوع اى نصيحه

[egy_semooo]

ياسيدي الفاضل أنا لو كنت قرأت أي نصائح في الموضوع لم أكن لأطالب بغلقه وكوني أعمل موضوع خاص أطالب فيه بغلق هذا الموضوع فهذا حق لأي فرد في المنتدى وأنا في عنوان الرسالة وجهتها للأخوة المشرفين وأرجو من أي حد رأيه مخالف لرأينا يشرح وجهة نظره بس يجب عليه أن يقرأ معظم الردود في الموضوع الأساسي سيرى أنا معظم الأعضاء متفقين معي والله أعلم شركاً أخي الفاضل ghost

[internetworld]

أخي الفاضل internetworld أنا لم أجبر أحد لدخول الموضوع وقراءاته أو قول رأي ولم أضع في أعتباري ان يوافقني أحد في الرأي أو يخالفني ولاكن لاحظ انك حكمت علي دون أن تتعامل معي وأعتقد أني امتثلت لأدب الحوار فلم أتجاوز في كلمة واحدة وهدفي الأول والأخير من هذا الموضوع هو عدم فرض التجارب الشخصية على المنتدى زلاكن كان يمكن كتابة هذا الموضوع بصياغة أفضل من ذلك يا أخي الفاضل إذا كانت الكلمة في جوفك فهي ملكك وإذا خرجت من فمك فهي ملك الآخرين وحرية الرأي مكفولة للجميع فاسأل نفسك انت أولاً لماذا دخلت إلى الموضوع الخاص بي إذا كان لا يمثل لك أي أهمية ولماذا قلت رأيك هل فرض عليك أحد ذلك فكما قلت من حق أي عضو إضافة أي موضوع أو التعبير عن رأيه أم بالنسبة لطلبي بغلق الموضوع فما هي المشكلة فلقد رأيت بنفسك أن معظم من قال رأيه أوصى بغلق الموضوع وللمرة الأخيرة أنا لم أجبر أحد على قول رأيه أو الدخول للتعليق والرد فأنا لم أجبرك أنت شخصياً أسأل الله لك التوفيق والسداد والهداية ولكل المسلمين وجزاك الله خيراً [/quote]

حبيبي فالله
اول شي احب ان اقوله اختيارك للرد او التعليق على موضوع بانك تنشي موضوع خاص للرد دا امر غير مقبول لان الموضوع الاصلى موجود واذا كنت تريد ابداء وجهه نظرك فلما لم تكتبها فالموضوع ذاته وتنتهى القصه هذه واحده
اما النقطه الثانيه وهى بخصوص الاخ ghost يا حبيبي بالله عليك انت اعترضت على الموضوع كم مره كتبت ردود كثيره فى نفس الموضوع وكمان ذهبت للحزب المعارض هههههه فالموضوع التانى وهاجمت فما الداعى من كل هذه الهتافات هل الادراه لاتقرا الردود وتقرا الموضوعات فقط ام ان غضبك تملكك واثر على موضوعيتك ........؟
اما بالنسبه عن قولك بانك لم تجبر احد بدخول موضوعك والرد عليه ولا حتى انا فانا اقول
اذا كنت انشات موضوع للاعتراض على موضوع منشا مسبقا ولا تنتظر من الاخوه اعضاء المنتدى الرد عليه فما فائده انشائك للموضوع ولا هو كلام واعتراض لمجرد انى اقول انا اعترض ...طبعا كلام غير مقبول
بالنسبه لقولك انى لا اعرفك ولا حتى اتعاملت معاك فانا ارد وانت ايضا لاتعرفنى ولا تعرف الاخ صاحب الموضوع الاصلى ولا تعرف من نقله حتى تحكم على الاسلوب بانه سخيف وتضعه فى عنوان موضوعك للاعتراض
كما يقول العرب ( من الافعال تعرف الرجال )
وانشاء موضوع مستقل لابداء رايك فى موضوع منشا وموجود مسبقا امر انت مخطيء فيه
بالنسبه لطلب اغلاقك للموضوع هناك قسم شكاوى مخصص لهذا الغرض كما يوجد ما يسمى بالتبيلغ عن مشاركه سيئه كان من الممكن ان تلجا اليها
اخيرا اشكرك جزيل الشكر على سعه صدرك ودعائك لنا واسال الله العظيم رب العرش الكريم ان يشغلنا بما ينفعنا
وان يوفقا لما هو خير لنا فالدنيا والاخره
تقبل مرورى وفائق احترامى

[7amasa7]

السلام عليكم
رجاء شديد للمشرفين مسح الموضوع المحبط للأخ vangouver نظراً لسخافته

بالله عليكم يا شباب دا عنوان لموضوع يوضع فى قسم الشهادات العلميه دا حتى اسمه قسم الشهادات العلميه يعنى قسم تحت منتدى اكبر يعنى مخصص للمناقشات والمواضيع العلميه فقط وان كان لا يخلو من بعض المواضيع العامه اللى ايضا لازم تكون مرتبطه بالهدف الاساسى للقسم

ياجماعه فى حاجه اسمها قسم الشكاوى والاقتراحات وفى حاجه اسمها الرسائل الخاصه لعرض اى اعتراض او اقتراح اى شيئ

ولماذا يا احبه كل هذه الضجه على الموضوع الاصلى ولماذا الاتهام بالدعوه للاحباط والتكاسل والموضوع مجرد وجهة نظر منقوله ومكتوبه بطريقه ساخره وان كانت لا تخلو من الواقع يعنى بالفعل فيها جزء من الحياه اللى احنا عايشينها وليست كل الواقع يعنى فى الاول وفى الاخر دى وجهة نظر عاشها صاحبها لك ان تقرأها وتعتبر بها او ان تتركها ولا تحجر عليها وتطالب بدفنها

يا جماعه المنتدى معناه ملتقى تشاورى تحاورى للمناقشه وعرض المواضيع والاخبار والاسئله ووجهات النظر يعنى احنا كلنا هنا بنكلم بعض علشان نتعلم من بعض ونفيد بعض مش عشان اقرا موضوع ومعيجبنيش اروح فاتح موضوع اطال بالغائه

للمره الاخيره يا جماعه من فضلكم عايزين نسمع بعض بحسن نيه ولو مش عاجبنى الرأى يبقى مش لازم فرض سوء النيه

وممنوع منعا باتا فتح مثل هذه المواضيع فى القسم وممنوع منعا باتا استخدام الفاظ اتهاميه وومنوع فتح اى موضوع للرد على موضوع تانى

يرجى الالتزام يا جماعة الخير وياريت ما حدش يزعل منى وافترضوا حسن نيتى

بالتوفيق

[egy_semooo]

يا أخواني أنا لما طلبت غلق الموضوع كان الغرض هو الحرص على طل طالب جديد يدخل المنتدى وأنا لم أكن أعلم أن هناك قسم للشكاوى و أنا آسف جداً إذا كنت سببت لأي أحد إزعاج وأنا مازلتعند موقفي من غلق الموضوع لما فيه من أسلوب ركيك