الهارد الماليزى أو التايلندى ؟

[ThirdYear]

هو سؤال يتبادر إلى الذهن بين الحين والأخر .. أيهما أفضل ولماذا الهارد الماليزى أو التايلندى ؟


والرجاء أن تكون الأجابة عن علم وبموضوعية وليست أهواء شخصية ..



فى المنتديات الأجنبية يقولون لافرق فالأثنان شركة ويسترن ديجيتال والعربية البعض يفضل

الماليزى والأخرون يرون أنه لافرق .. أين الأجابة الصحيحة ..


قد جربت الأثنين ولكن الفرق الملاحظ بالنسبة لى هو صوت بسيط جدا يصدر عن التايلندى عند

التحميل عليه أو تشغبل البرامج الثقيلة ..


اين ا لأجابة الصحيحة ..

[alayoubi]

كله بيطلع أصوات .. لكن في حاجه أخف من حاجة .

[ThirdYear]

وايه هى الأصوات دى وهل ده دليل جودة الهارد ؟

[khalid engineer]

الصوت هو علامة سيئة في الهارد
كلما زاد الصوت معناها ان حياة الهارد تقترب من النهاية :(

[ThirdYear]

لا طبيعى أن الهارد التايلندى بيطلع صوت أعلى من

الماليزى والحكاية ملهاش علاقة انه بيقترب من النهاية

[ahmed506]

بصراحة والله العظيم اخى انا جربة الاتى
كله تايلاندى
هرد ويسترن ديجتال 40 جيجا تيلندى وباظ فية البوردة
هرد ديسك ويسترن ديجتال 200 جيجا و البوردة بتعلق وتفصل بور اثناء التشغيل
هرد ديسك ويسترن ديجتال 500 جيجا وباظ من غير ما يوقع او يستخدم فى النقل باظ فية مديا
وكلهم تايلاندى
وجربة هرد
segate
افضل بمراحل من الويسترن على الاقل علية ضمان 5 سنين وللعلم كل الهردات دية باظة فى استخدام بالكتير سنة ونص
من الاخر هردات الويسترن ديجتال زباله ومنتهى الزباله بتبوظ بسرعة

[adham15]

والله جميع أنواع الهاردات سيئة ولا أثق بها فلقد ضاعت آلاف الملفات بسبب الثقة بها

[ahmed506]

والله جميع أنواع الهاردات سيئة ولا أثق بها فلقد ضاعت آلاف الملفات بسبب الثقة بها
اخى اسوئ هردات وعن تجربة
western digital
الافضل
segat
maxtor
و السامسونج
ودة الية بسمعة وجربت فقط
western digital زباله
segate ممتاز
يعنى انت لو مكانى وباظ منك اربع هردات western digtal هتعمل اية ؟ هتسمع برضة كلام الناس ؟

[BlacK ShaDoW]

انا عندي هارد وسترن 250 تايلاندي من 3 سنين و شغال زي الفل مبسمعلوش صوت نهائي

[ThirdYear]

المراد بالصوت ليس صوتا عاليا ولكن ااى صوت بسيط عادى جدا

[ahmed hero]

لية ياجماعة انا شغال على هارد ويسترن صينى بقالة 3 سنين زى الفل
وجبت واحد تانى 320 جيجا صينى بردة زى الفل
وبعدينمش معنى ان هارد باظ يبقى كل النوع بايظ

[ThirdYear]

بعد بحث وتمحيص كتيير أوى

موضوع الهاردات دى أعمار بجد بمعنى انت بتاخد بالأسباب وتحافظ على الهارد لكن مش معنى هارد باظ كله يبقى كدا


لكن فى الأول أو الأخر كله شبه بعضه


مثلا لقيت فى الفروق بين الهاردات

يقولك

1 - الهارد الويسترن الأخضر : يحافظ على البيئة يستهلك كهرباء أقل و اقلهم صوتا وأبطئهم !

2 - الأزرق هو الأستاندر

3 - الأسود الأسرع والأقوى والأكثر أحنمالا وطبعا الأكثر ضوضاءا والأغلى !


طبعا أن أشتريت هارد ويسترن 640 جيجا الأخضر وهو تايلاندى وربنا يوفق مش هتفرق

معايا كتير لأنى مبلعبش اى نوع من الألعاب او جرافيك او برامج تقيلة غير بس بحتاج مساحة

تخزينية عالية لآنى بخزن محاضرات طبية وطبعا وجدت فى الهارد 640 أما موضوع تايلندى أو ماليزى

فكله اراء و ملقتش اجابة علمية و طبعا لو عرفت اكيد هقولكم ..

[ramy]

الماليزي أفضل حسب تجارب الأعضاء..
ما يقولونه في المنتديات الأجنبيّة ربّمايعود لكونهم يتلقّون أقراص من فئة Class A فمعها ربّما تكون الأقراص التّايلانديّة جيّدة كالماليزيّة، على عكس ما يحدث في أسواقنا العربيّة و هو أنّنا نتلقّى أقراص من فئة Class B

[ThirdYear]

سيدى الفاضل


أنا مش بتكلم عن التجارب أنا بسال علشان كلنا نستفيد بس .. ايهما افضل ولماذا الهارد التيلندى ام الماليزى


واللى يجاوبنا واحد متخصص وعارف مثلا يقول دايرة الباورر افضل فى الماليزى او الميديا افضل


.. المطلوب اجابة علمية بس .. انا مش متحيز لحاجة معينة بس مجرد سؤال ..


انا مثلا بجرب الهارد 640 الجديد وهو تايلندى وهو من النوع الجرين وجه واحد اقنعنى بان النوع الأسود منه


أفضل لكون اسرع و بيستحمل واقتنعت و وعلشان كدا بطرح السؤال ده ..

[tondyrien2]

وسترن ديجيطال هو احسن و افضل قرص صلب من جميع النواحي

السرعة caviar black و الجودة
افضل من جميع الماركات الاخرى

[ThirdYear]

طيب بمناسبة تجارب الأعضاء هنعمل موضوع أعتقد أته مهم

كل واحد يقول أى أنواع الهاردات أشتغل عليها أنضف وليه ..

وكل واحد يقول خبرته ...

[ahmed amin]

وسترن ديجيطال هو احسن و افضل قرص صلب من جميع النواحي

السرعة caviar black و الجودة
افضل من جميع الماركات الاخرى
مش للدرجادى كل اللى انا شايفة في الويسترن ميزة انة لو باظ ممكن يتصلح تانى سواء باظت فية بوردة او مديا ...........ومعنى كلامى دة انة بيبوظ بسرعة............:D:D:D

[ahmed amin]

طيب بمناسبة تجارب الأعضاء هنعمل موضوع أعتقد أته مهم

كل واحد يقول أى أنواع الهاردات أشتغل عليها أنضف وليه ..

وكل واحد يقول خبرته ...
انا ارى ان maxestor ,و segate هم الافضل ثم western d. .................ولكن لى تجربة سيئة مع samsung:ah42::ah42::ah42:

[tondyrien2]

maxtor هو seagate و seagate هو maxtor تختلف فقط الورقة الملسقة عليه و الاسم طبعا

لان seagate اشترت maxtor

اما WD فقد احتلت هده السنة المرتبة 1 من حيث عدد الجودة حيت حصلت على اقل نسبة ارجاع متبوعة ب seagate

[ahmed hero]

ممكن يكون الويسترن اسرع بس السيجاتعملى اكتر منة وعن تجربة

[tondyrien2]

لكل نوع او موديل مزايا ثم انه لا يمكن الحكم على ماركة من طرف مستعمل واحد من بين مئات الملاين في العالم حصل لع مشكل مع الهارد او الماركة الفلانية او ربما يكون هو من اساء استعمال الهارد

[ThirdYear]

لكل نوع او موديل مزايا ثم انه لا يمكن الحكم على ماركة من طرف مستعمل واحد من بين مئات الملاين في العالم حصل لع مشكل مع الهارد او الماركة الفلانية او ربما يكون هو من اساء استعمال الهارد



كلام جميل ومعقول بس لو قلنا مثلا الناس بتفضل الهاردات الماليزى اكيد فيه سبب


لو قلنا الويسترن اسرع و السيجيت اقوى يبقى برده فيه سبب

[midoo55]

كلام جميل ومعقول بس لو قلنا مثلا الناس بتفضل الهاردات الماليزى اكيد فيه سبب


لو قلنا الويسترن اسرع و السيجيت اقوى يبقى برده فيه سبب

اخي خلاص الويسترن اسرع و السيجيت اقوى , احب اني اوضحلك شيء صغير و هو ان مفهوم الشيء الجيد او الشيء السريع يختلف مستواه من فرد الى اخر فلا تقارن من يقوم باعمال مكتبية و يقول لك الكمبيوتر سريع و من يقوم بمهام تستهلك 100% من طاقة الجهاز و يقولك الجهاز عندي سريع ايضا ,

انا من تجربتي السيجيت من اول مرة استعملته و هو جيد جدا و لم اجد فيه و الحمد لله اي عيب فعندي واحد 160 جيجا و الاخر 320 جيجا , اخي لو عاوز تعرف ايه السبب اتصل على الشركة و كلمهم و اساسلهم ايه السبب , طبيعي جدا كل شركة مختلفة عن الاخرى من حيث الجودة و السعر بشيء من القرب بينهم و اختار الي يناسبك منهم و الي ينصحك فيه الناس , و اعتقد ان اكثر الي ردوا عليك نصحوك بالسيجيت , لو لم تكن مقتنع به فاشتري ما يحلوا لك من انواع الهاردات فيوجد اكثر من ماركة , اذا كنت تبحث عن السبب فممكن يكون من نوع الخامات المستخدمة او التصميم الهندسي للهارد و هذه اشياء يعني اعتقد حتى لو عرفتها مش راح تفيدك في اعتقادي الا لو كنت مختص بمجال التصنيع و متخصص فيبه , الافضل هو معرفة النوع الجيد و المجرب من قبل الناس حتى تستطيع العمل بشكل جيد على الجهاز دون مشاكل

انا الصراحة ناوي اشتري هارد جديد بس اكيد مش راح يكون westrn-digital لاني بصراحة لا اثق بها مثل ماركة segeat لان الاخيرة انا لم اختارها شخصيا بل من اول ما نزلت هاردات الساتا تقريبا كنت اجمع كمبيوتر مكتبي و قد اختار لي مهندس الكمبيوتر هارد سيجيت 160 جيجا و لم يختر لي النوع الاخر مع اني كنت لما اشتري من عنده الهاردات قبل ظهور الساتا كنت اشتري الويسترن دائما و لكن هاردات زمان لا تقارن باليوم , و على فكرة هذا الكمبيوتر و هذه الهاردات و المهندس من الامارات

و على فكرة انا شفت موضوع او موضوعين هنا في المنتدى يشتكوا من الهاردات الويسترن 500 جيجا من فترة و هم لم يعرفوا السبب و انا وقتها كنت رايح اشتريه و لكن غيرت رايي تماما بسبب شكاوي الناس او ممكن يكونوا اشتري النوع الاخضر البطيء و لم يدروا بذلك فهناك اكثر من احتمال

نهاية الموضوع اختر ما يناسبك من الماركات و افضلها و خذ براي الناس المجربين فعليا و الذين يعملون ما يقارب 24 ساعة على الجهاز 7 ايام في الاسبوع :cool: , اطلع على المواضيع في المواقع الاخبارية و المقارنات للمواقع الاخرى فاكيد راح تجد موضوع عن احسن الهاردات او مقارنة بين انواع الهاردات فيما يخص الكتابة و القراءة و التحمل و الحرارة و ما الى ذلك حتى تستطيع اذا كنت تريد ان تحكم من واقع تجربة فعلية و ليس مجرد كلام تبني عليه رايك
الفعلي , حتى لا ترجع تندم بعد الشراء

انا بالنسبة لي اشتري ماركة ال segeat و انا مغمض مع اني لم اجرب ال westrn-digital في هاردات الساتا و لكن السيجيت من تجربتي الشخصية فهي هاردات جيدة ولم اجدها اي عيب مع العلم اني اعمل دائما ما يقارب 12 ساعة في اليوم على برامج التصميم الثلاثي الابعاد و اشياء عديدة اخرى الحمد لله زاءد الالعاب ايضا , انا لا امدح فيها و لست متحيز لاني ايضا اريد شيء جيد اعمل عليه و لست طرفا من الشركة اعلن عنها و اتكسب من خلالها

[MiDoEMaD]

انا افضل الماليزى طبعا
انا جربت 5 هاردات تايلندى 160 و 160 و 160 و 8 و 320
كلهم ليهم اصوات غير طبيعية ومزعجبة جدا

انما الهاردات الماليزى ممتازة جدا ومش ليها صوت خالص الا اذا بتنقل حجات كتير اوى مع بعض وصوت بيكون خفيف كمان

طبعا عن بكلم عن تجارب شخصية عن الويسترن

[ThirdYear]

معاك الحق التايلندى بيعمل صوت احيانا مزعج


بس الهاردات الجديدة كلها تايلندى

[yehia2amer]

الويستيرن شركة لها باع طويل مع الهاردات وانا كل هارداتي ويسترن فعشان مده مش حقدر احكم

[amn535]

السلام عليكم

أنا بفضل السيجيت لأنه أقوى و مفيش هارد جبته من النوعية دي ضرب

بس في خطأ الناس بتقع فيه و هو ان مش المشكلة انه ماليزي و لا تيالندي ولا سيجيت أو عفريت أزرق المشكلة أن اليومين دول في هاردات بتنزل بسعات كبيرة و الناس بتشتري علطول أول ما بينزل وده خطأ لإن الهاردات دي أولا بتبقى مش فرذ أول و ثانيا لسة موديلات جديدة يعني الشركة لسه مإتبعتلهاش مرتجع منها علشان تعرف الأخطاء ة و تعالجها و الكلام ده عن تجربة لإن كنت اشتريت هارد 160 ويسترن أول مانزل إلي هو كان كله أسود و كان ماليزي ويدوبك قعد شهرين و من غير ما يتنقل وبقى عامل زي الكراكة فإضطريت أرجه و خسرت 25 جنيه و جبيت هاردات 80 و الله ما شاء الله عاملة ذي الصخر

بس دلوقتي نزل الفضي منه (البلاك و البلو و الجرين) و لو اشتريت هارد 160 و هبدته في الحيطة هيرجها و يقولك كمااااااااان

والكلام ده على 200 و 250 و 120 و 100 و 80 لأنها موديلات قديمة فبقى نسبة الخطأ فيها صغيرة جدا

[ThirdYear]

كلام جميل وعلى منستنى نكون الهاردات الكبيرة جدا 3 تيرا طلعت


تعرف لو يرخصوا النت التحميل هيزيد وطبعا الهاردات هتضيق ..!

[المحــــــار]

Seagte
تركز على النوعية Quality

WD
تركز على التسويق Marketing

كلاهما يعطي رخص لشركات التصنيع بالتصنيع
وهنا يحدث الفرق
فشركات التصنيع تختلف من بلد لآخر
مثل جوالات نوكيا فيها
Finland
Germany
Hungary
UAE
........

ولكن من خلال تجاربي و الزبائن الذين مروا علي في عملي بمحلات الكمبيوتر استطيع اجمال الآتي
على مستوى التصنيع في الهاردسكات و غيرها أرتب الدول حسب الآتي
Japan
Singaphore & USA
Malaysia
Taiwan
Philippen
China
Thillend
Indonesia in some devices

وعلى مستوى التحمل من خلال تجاربي الخاصة وجدت انه
الماليزي افضل من التايلندي بكثييييييييييييييييير
والسنغافوري افضل منهما ولكنه نادر جدا ومحدود الكمية

ودرجة تحمل السيجيت الصيني اقوى من الويسترن الماليزي (من ناحية المشاكل الفيزيكال)
كما انه من المهم الاخذ بعين الاعتبار العمر الافتراضي للهاردسك عن طريق برنامج
HDD Life
وحماية الهاردسك من
فرق الكهرباء
تحريك الجهاز وهو يعمل
الحرارة الزائدة

حاول دائما ان تعمل باك اب مضغوط لبياناتك المهمة كل ربع سنة يعني كل فصل
فلا تستطيع التنبؤ بما سيحدث

@@تحياتــــــي@@