المساعد الشخصي الرقمي

مشاهدة النسخة كاملة : السلام عليكم ممكن مساعدة من نجوم arabhardware



mahmodabas
26-04-2009, 07:38
ياجماعة انا عاوز اجيب بروسيسور للالعاب وامكانياتى فى حدود 500 --- 600 جنية مصرى وياريت الافضل فى الاداء دايما يعنى Core 2 Duo ولا Dual Core ولا Athlon ولا Phenom علشان انا عندى Games شديدة زى crysis - far cry 2 وكدة يعنة اوك وشكر على كل :ah26:

max zoom
26-04-2009, 11:23
باشا ممكن اعرف نوع اللوحة الام وهل هى انتل والا اى ام دى حتى اقدار اقوم بالمساعده

Extreme2
26-04-2009, 11:47
وكرت الشاشة اللي عندك ؟
ماهو ؟

mahmodabas
26-04-2009, 12:45
يلجماعة انا البوردة اللى عندى gateway بس انا هاغيرها واجيب واحدة giga byte g31 علشان يركب عليها اى بروسيسور وقولولى اى رايكو فيها اما كارت الشاشة فده هايكون معاد تحديثه بعد شهرين تقريبا كدة ان شاء الله

max zoom
26-04-2009, 14:23
اولا ياباشا g31 تشغل بروسيسور انتل فقط ومن دالك معلومات انى giga byte g31 يتركب عليه اى بروسيسور انتل او اى ام دى فهذا الكلام خطا 100 × 100 لان بروسيسور انتل لهو لوحة الام خاصا والبروسيسور الى ام دى لهو لوحة الام خاصا برضوه بص ممكن تدانى اجمالى المبلغ للبروسيسور والوحة الام او للكيسة كاملة وان شاء الله يتم الاختيار المناسب

mahmodabas
26-04-2009, 14:42
انا معاية 800 ـــ 850 جنية وياريت يكون البروسيسور لو amd يبقى معالجات AMD المصنعة بتقنية التصنيع 45nm

vmidov
26-04-2009, 17:46
انا معاية 800 ـــ 850 جنية وياريت يكون البروسيسور لو amd يبقى معالجات AMD المصنعة بتقنية التصنيع 45nm


لو ليك فى كسر السرعه جامد هات الPhenomII X3 720 Black Edition سعره 850 قدرته أكبر على كسر السرعه لكن كسر السرعه عادى او مبتعملوش اساسا هات الPhenom II X3 710 سعره 750 جنيه والباقى وفره للبورده
ومتنساش انك لازم تغير البورده لبورده AMD وحكايه 45nm ده موضوع مفروغ منه تقريب االسوق كله مبقاش فيه حاجه 65nm
تحياتى

mahmodabas
26-04-2009, 18:25
لو ليك فى كسر السرعه جامد هات الPhenomII X3 720 Black Edition سعره 850 قدرته أكبر على كسر السرعه لكن كسر السرعه عادى او مبتعملوش اساسا هات الPhenom II X3 710 سعره 750 جنيه والباقى وفره للبورده
ومتنساش انك لازم تغير البورده لبورده AMD وحكايه 45nm ده موضوع مفروغ منه تقريب االسوق كله مبقاش فيه حاجه 65nm
تحياتى

يااستاذ vmidov انا مش قصدى بالتحديد AMD انا بس عاوز الافضل يعنى لو موجود Core 2 Duo افضل يبقى Core 2 Duo وموضوع الفلوس انا بقولك من ناحية البروسيسور بس من 500 ل600 جنيه وغير كده ياريت تحديد نوع البوردة الافضل المناسب للبرويسيور مع مراعاة انى انا كل اللى معاية دلوقتى 800 الى 850

vmidov
26-04-2009, 18:45
[/size]

يااستاذ vmidov انا مش قصدى بالتحديد AMD انا بس عاوز الافضل وموضوع الفلوس انا بقولك من ناحية البروسيسور بس من 500 ل600 جنيه وغير كده ياريت تحديد نوع البوردة الافضل المناسب للبرويسيور مع مراعاة انى انا كل اللى معاية دلوقتى 800 الى 850

وحتى لو كان مش قصدك AMD تحديدا انا حطيت البروسيسور ده عشان الافضل فى مقابل المبلغ المحدد وحتى لو حضرتك طلبت بروسيسور انتل فى الحدود دى كنت هكتبلك ال710 لأنه أفضل من أى بروسيسور من انتل فى حدود المبلغ ده واعلى شويه كمان وهو أفضل من Q8200 و Q6600
ونصيحه بلاش دلوقتى خالص بما ان الفلوس معاك مزنقه كده لأنك عشان تجيب حاجه بالسعر ده من انتل
E7300+ASUS P5KPL-AM = 680+280 = 960 EGP
والاتنين لا يستحقوا السعر العالى ده وحتى لو جبت الE5200 وسعره 400 جنيه لا يستحق سعره ولو جبت من AMD
phenom X3 8450 + A780GM-A = 485+400 = 885 EGP
وبرده مينفعش تشتريهم لان ده مبقاش زمنهم خلاص فمن رأيى أستنى شويه وجمع مبلغ كويس على الاقل 1000-1200 جنيه وأشترى

mahmodabas
27-04-2009, 10:02
اخى بخصوص البوردة اللى عندى Jetway 945GCDMS-6H Bus Type Intel GTL+ = jetway عليها بروسيسور LGA 775 Intel Celeron D فهل ممكن يركب عليها بروسيسور Cor 2 Duo وعلى فكرة انا ماعرفش اعرف المعلومة دى ازاى من الموقع انما اى معلومات عن البوردة قولى وانا اجيبها

max zoom
27-04-2009, 11:32
ياباشا ينفاع بس للاسف تدعم فقط معالجات Intel المصنعة بتقنية التصنيع 65nm ولا تدعم الا الفئة الضعيفة التى لا تنفع حاليا وانصحك تصبر شواية تكون الاسعار نزلت شواية وتكون جمعت مبلغ محترم وكويس لحجا كويسة وقويا ومحترمة

mahmodabas
27-04-2009, 18:10
وحتى لو كان مش قصدك AMD تحديدا انا حطيت البروسيسور ده عشان الافضل فى مقابل المبلغ المحدد وحتى لو حضرتك طلبت بروسيسور انتل فى الحدود دى كنت هكتبلك ال710 لأنه أفضل من أى بروسيسور من انتل فى حدود المبلغ ده واعلى شويه كمان وهو أفضل من Q8200 و Q6600
ونصيحه بلاش دلوقتى خالص بما ان الفلوس معاك مزنقه كده لأنك عشان تجيب حاجه بالسعر ده من انتل
E7300+ASUS P5KPL-AM = 680+280 = 960 EGP
والاتنين لا يستحقوا السعر العالى ده وحتى لو جبت الE5200 وسعره 400 جنيه لا يستحق سعره ولو جبت من AMD
phenom X3 8450 + A780GM-A = 485+400 = 885 EGP
وبرده مينفعش تشتريهم لان ده مبقاش زمنهم خلاص فمن رأيى أستنى شويه وجمع مبلغ كويس على الاقل 1000-1200 جنيه وأشترى



كلامكم على العين والراس وخلاص نويت باذن الله اجيب مع Phenom II X3 710 مع بوردة A780GM-A والفلوس ربنا فرجها والحمد لله والف شكر يااجدع ناس وقولولى اية رايكو كده
وكمان ياريت حد يعرفنى معجون التبريد وكيفية وضعة على البروسيسور

mahmodabas
28-04-2009, 08:24
ياباشا ينفاع بس للاسف تدعم فقط معالجات Intel المصنعة بتقنية التصنيع 65nm ولا تدعم الا الفئة الضعيفة التى لا تنفع حاليا وانصحك تصبر شواية تكون الاسعار نزلت شواية وتكون جمعت مبلغ محترم وكويس لحجا كويسة وقويا ومحترمة


كلامكم على العين والراس وخلاص نويت باذن الله اجيب مع Phenom II X3 710 مع بوردة A780GM-A والفلوس ربنا فرجها والحمد لله والف شكر يااجدع ناس وقولولى اية رايكو كده
وكمان ياريت حد يعرفنى معجون التبريد وكيفية وضعة على البروسيسور

mahmodabas
28-04-2009, 11:38
ايه ياجماعة انا اسف ان كنت تقلت عليكم

بس حتى حد يقولى البوردة دى تنفع للبروسيسور دة ولا لا

max zoom
28-04-2009, 12:07
مبروك ياباشا طب ممكن تدانى اجمالى المبلغ الجديد

mahmodabas
28-04-2009, 12:26
الله يبارك فيك بس عاوز اعرف البوردة ESC A780GM-A بتقبل البروسيسور دة (دة يعنى Phenom II X3 710 ) ولا في بوردة معينة لية

max zoom
28-04-2009, 13:01
الله يبارك فيك بس عاوز اعرف البوردة ESC A780GM-Aبتقبل البروسيسور دة (دة يعنى Phenom II X3 710) ولا في بوردة معينة لية


ياباشا والا معينة و الاحجا والبروسيسور كويس ولكن البوردة من ESC مش كويس فلانصحك به و للعلم لمة تجيب بوردة هات من جيجا بايت وعشان كده قولت ممكن تدانى اجمالى المبلغ الجديد وبص ممكن تدانى اجمالى المبلغ للكيسة كاملة عشان حضرتك اكيد هتجيب رام جديد ولازم كيسة ببور محترم عشان الكروت الجديده محتاجا بور وكيسة محترمين ويرات تكتب اجمالى المبلغ للكيسة كاملة عشان يتم الاختيار المناسب واختيار حجات كويسة جداا بفلوس كويس ولو هتزكر مبلغ للبروسيسور والوحة الام فقط يرات تذكر اسباب عدام زكراك لاجمالى المبلغ للكيسة كاملة

mahmodabas
28-04-2009, 13:29
حبيبى max zoom (https://www.arabhardware.net/forum/member.php?u=11118692) انا لحد دلوقتى قررت انى اجيب البروسيسور Phenom II X3 710 علشان المبلغ اللى معاية هيكفى البروسيسور دة والبورد الجديدة بس اللى انا بتمنى حضرتك او نجم من الاعضاء يكتبلى سعرها والموديل بتاعها ومتزدش عن 400 جنية

علشان اجمالى المبلغ كدة 750+400=1150 اما الرامات فدى بقا بعدين شوية شهر ولا 2 كدة واللى عندى حاليا 1GB KINGSTONE DDR2 و 1GB عادية ودول يمشونى شوية قبل ماجيب الرامات الجديدة كمان شهرين تقريبا وكدة يبقى كله تمام

vmidov
28-04-2009, 14:51
لكن البوردة من ESC مش كويس فلانصحك به و للعلم لمة تجيب بوردة هات من جيجا بايت


تعليق بسيط
لما تجيب بورده هات ASUS لكن لما تجيب بورده AMD من مصر هات الجيجابايت لأنها أفضل الموجودين لكن مش معنى كده ان الECS وحشه هى برده كويسه وناس جربتها وشغلتها تمام وعموما جيجابايت من ECS مفرقتش كتير


حبيبى max zoom (https://www.arabhardware.net/forum/member.php?u=11118692) انا لحد دلوقتى قررت انى اجيب البروسيسور Phenom II X3 710 علشان المبلغ اللى معاية هيكفى البروسيسور دة والبورد الجديدة بس اللى انا بتمنى حضرتك او نجم من الاعضاء يكتبلى سعرها والموديل بتاعها ومتزدش عن 400 جنية
علشان اجمالى المبلغ كدة 750+400=1150 اما الرامات فدى بقا بعدين شوية شهر ولا 2 كدة واللى عندى حاليا 1GB KINGSTONE DDR2 و 1GB عادية ودول يمشونى شوية قبل ماجيب الرامات الجديدة كمان شهرين تقريبا وكدة يبقى كله تمام

إذا كنت مش مستريح للECS هات البورده دى Gigabyte GA-MA78GM-US2H أخر سعر ليها من فتره كان 520 ممكن تلاقيها بحدود 490 أو أقل حاجه بسيطه مع البروسيسور ال710 عادى والرامه اللى عندك تشغل الجهاز عادى لكن متتوقعش أداء عالى إلا لما تجيب على الاقل رامات 2 جيجا
بالتوفيق ان شاء الله ومبروك مقدما

max zoom
28-04-2009, 16:17
باشا دى احسان حاجا ولا انصحك انك تقلل حاجة خالص بس هتزواد 70 او 50 جنية وممكن اقل من كده لان الاسعار كل يوم فى النازال وكمان انتة وشترتك

PROCESSOR AMD Phenom II X3 710 2.6GHz 1.5MB/6MB 4000MT/s = 730 EGP
M.B GIGABYTE GA-MA78GM-US2H = 500 EGP
---------------------------------------------------------------------------------------
TOTAL = 1220 EGP

وكمان احسن حاجة انك تحدد اللى انت عايزه وتنزل تلف انت لان ممكن محل يكون ارخص من التانى لكن فى الفصال ممكن تنزل اكتر

وبتوفيق

mahmodabas
30-04-2009, 11:39
الف شكر ياجماعة على المساعدة وجزاكم الله الف خير وانا خلاص استقريت وهجيب

AMD Phenom II X3 710
ESC A780GM-A