اخبار الشغل ايه في مصر

[mohamed80]

السلام عليكم ...

دي اول مشاركة لي بالمنتدي ولي فيها استفسار ....من مهندسين الشبكات الشغالين بمصر

انا Network Enginner مصري معاي شهادات في سيسكو CCNA & CCNP & CCVP بس معنديش خبرة بالفويس لسة مخلصهccvp من شهر واحد . شغال باحدي الشركات بالسعودية . ولكن تعبت من الغربة ....والضغوط هنا ...وبعدين سايب مراتي وابني بمصر ...المهم
عاوز ارجع مصر استقر واشتغل ببلدي . اخبار سوق العمل و IT . يعني انا بشهاداتي وخبرتي هل بسهولة الاقي شغل في مصر وبراتب معقول ...

[predatorrrr]

وانا كمان منتظر الاجابة

[Nightspy]

وانا فاضلى كام يوم واتخرج و عايز اعرف برضوة الرد

[ahab]

السلام عليكم ...

دي اول مشاركة لي بالمنتدي ولي فيها استفسار ....من مهندسين الشبكات الشغالين بمصر

انا Network Enginner مصري معاي شهادات في سيسكو CCNA & CCNP & CCVP بس معنديش خبرة بالفويس لسة مخلصهccvp من شهر واحد . شغال باحدي الشركات بالسعودية . ولكن تعبت من الغربة ....والضغوط هنا ...وبعدين سايب مراتي وابني بمصر ...المهم
عاوز ارجع مصر استقر واشتغل ببلدي . اخبار سوق العمل و IT . يعني انا بشهاداتي وخبرتي هل بسهولة الاقي شغل في مصر وبراتب معقول ...

أخي الكريم :

هذا القرار أصعب قرار

الرواتب في مصر لن تكون مثل السعودية

‘نت بشهاداتك ممكن تحصل في السعودية راتب على 10000 ريال وأكثر

لكن في مصر هتحصل من 3000 إذا لقيت شغل

عندك حلول وسط
ليه مش بتعمل استقدام لزوجتك وأولادك


على العموم
أفضل شيء في هذا الموضوع

إنك تصلي صلاة الاستخارة
واللي ترتاحله نفسك إعمله


المهم إذا أخذت القرار
فضع في بالك جميع الاحتمالات مثل أنك قد تظل عاطل لفترة ما أو غيرها من الاحتمالات
وأنك لن تندم على قرارك

الله يعينك

[ahmed magdy]

ليه كده يا ريس ايهاب , انا كنت متفائل لكن دلوقتي هرجع للاحباط تاني:(

[warior10]

الى معاه الشهادات دية كلها ومعاه ربنا ميخافش من حاجة
والى معاه ربنا برده من غير الشهادات دية برده ميخافش من حاجة
وربنا بيقول فى الححديث القدسي
يا بن ادم لا خف من فوات الرزق مادامت خزائني مملؤة لا تنفذ
والى بيرزق هنا بيرزق برده في مصر
بس المقارنة العادلة ان اقصى راتب هتحصل عليه فى مصر لن يتجاوز نصف راتب اقل مهندس هنا
وزي المهندس ايهاب ما قال ممكن تلاقى ب 10000 على الاقل ان ماكانش الضعف

[هندسه العاشر]

احب اضيف شئ بسيط للاخوه بلا اي احباط ولا غيره
الموضوع مش موضوع شهادات الشركه مش هتعين فلان ولا علان عشان شهادته
قلما حدث هذا
وقد يحدث عشان الPartner Ship للشركه
لذلك فموضوع خبرتك العمليه هو اللي يميزك
وبعدين ابعت السي في بتاعك لكل الشركات بمصر وانزل اجازه اعمل انترفيو عجبتك الدنيا وكله تمام
خير وبركه
معجبتكشي تقدر تكمل حياتك بالسعوديه
بالتوفيق يا شباب
صدقوني عندما ترو الحياه العمليه ستعلمون جيدا ان الفرق كبير بين الدراسه الاكاديميه والشهادات
فالشهاده هي مجرد انك تقدر علي فعل ذلك ولكن ليست الدليل القوي
ولكن في حاله انك فعلا خبير من العمل
هذا هو دليل انك تمتلك اقوي من الف شهاده
تحياتي وبالتوفيق

[م/ أحمد بخيت]

انا رأيي ان 3000 جنيه في مصر
احسن بكتييير من 10000 ريال ف السعودية
بصراحة العمل في مصر له متعته برضه

[amiramohamed]

والله انا رايي فعلا زي الاخ ايهاب ما قال انك تصلي استخارة
وتحط في اعتبارك فرق الرواتب ...........بس قصادها الاستقرار النفسي لما تكون وسظ اهلك وزوجتك

بالتوفيق وربنا ييسر امرك

[mohamed80]

شكرا يا شباب علي ردودكم وحياكم الله وطبتم وطاب ممشاكم وتبوأتم من الجنة منزلا
انه ولي ذلك والقادر عليها ..


[quote=هندسه العاشر;880677]وبعدين ابعت السي في بتاعك لكل الشركات بمصر وانزل اجازه اعمل انترفيو عجبتك الدنيا وكله تمام
خير وبركه
معجبتكشي تقدر تكمل حياتك بالسعوديه


ممكن من الاخ هندسة العاشر يوضح ما هي الشركات اللي ممكن ابعتلها السي في . وما هو ايميلها وارقام التليفونات والموقع الالكتروني الخاص بها .مفيش تجميعة لكل الشركات IT في مصر . الشركات الكبيرة .....
امثال TE Data و Raya .....................

[blackbird]

سلام عليكم
والله انا شايف ان فى مصر دلوقتى فرص كبيرة فى ال network و ال IT احنا عندنا دلوقتى شركات كتيرة و كبيرة سواء ISP او Operator او تشتغل IT فى اى شركة كبيرة و المجال دلوقتى بيكبر و بالتاكيد بيحتاجو ناس بس طبعا على فترات و طبعا المرتبات هنا مش زى السعودية خالص .

واحسن حاجة فعلا قدم ال CV واعمل انترفيوهات وربنا يوفقك ان شاء الله.

[ahab]

ليه كده يا ريس ايهاب , انا كنت متفائل لكن دلوقتي هرجع للاحباط تاني:(

لا يا ريس عايزين معناوياتك تبقى فوووووووووووووووق ،

وبعدين انت عايز تاخذ أكثر من 3 وانت لسه جديد ولا إيه :D

شكلك بتفكر في راتب كبير ؟؟

مبلغ ال 3000 في مصر جيدين لأي مبتدئ (ابدأ ب 3000 وخد خبرة وانت هتلاقي راتبك بيزيد لحاله )

لكن مش جيدين للشخص اللي عاش في السعودية وخاصة إذا كان راتبه عالي لأنه بيدخل في دوامة المقارنة
لكن راحة البال لا تقدر بثمن

ربنا يعينك

[mohammedsn]

أخي الكريم السوق في مصر حاليا واسع جدا
3000 الف ايه بس اللي هيشتغل بيها
أخي الكريم لو معاك خبرة حلوة بالكلام ده يعني مش مجرد شهادات و خصوصا لو انت كنت شغال في شركة حلوة و معاك خبرة كام سنة كده
و جيت و أدولك عشر الاف جنيه يبقوي اضحك عليك كمان لحد لما توصل
مصر في الفترة الاخيرة دخلت في تكنولوجيا المعلومات بشكل قوي جدا

هو يمكن سؤالك في خلال أزمة اقتصادية بتمر بالعالم كله

لكن اخي راسل الشركات و انت في السعودية و أول ما تلاقي فرصة تعالي
و خلي بالك الف مصري أو الفين أحسن من 10000 سعودي
و أنا بقولك انك ممكن تاخد 10000 مصري لو معاك الشهادات ديت و عندك خبرة
+ من يعوض أهلك برهم اللي ربوك و زوجك وولدك مش كل حاجة الفلوس
انا ع نفسي طول عمري أقول لن اترك بري باهلي و لو اتعرض علي ملايينالدنيا بعيد عنهم

[ahab]

الله يطمنك يا باشمهندس / محمد

طيب واللي معاه الشهادات ومش معاه خبرة فيها لكن معاه خبرة في حاجات تانية ، ايه هيكون الوضع ؟؟؟

أنا عن نفسي على استعداد أنزل مصر آخر السنة لو في شغل على 3000 وبشرط يكون في مجال سيسكوا
لكن كيفية مراسلة الشركات هي المشكلة


أول مرة أشوف التوقيع الجديد بتاعك

مبارك عليك المولودة وربنا يباركلك فيها ويجعلها من الذرية الصالحة

اسمها على نفس اسم بنتي الوسطى

[tamer hassan]

اولا سلامى لكل المشاركين .......مبدئيا موضوع المرتب دى بتوقف علة نوع الشركة اللى هتشتغل فيها ,لان فى ناس كتير بيشتغلو شغل كبير كطبيعة عمل بس فى شركات مش كبيرة ,عشان كدة مرتباتهم مش كبيرة يعنى فى حدود 2500 و 3000 ,اما الشركات الكبيرة لو انت عندك الخبرة الكويسة بلس الشهادات مرتبك مش هيكون اقل من 6000 و طالع ....وفيه شركات كتيرة جدا فى مصر بتدى المرتبات دى ,وعلى فكرة اللى بيخدو 2500 و 3000 بيقى عندهم خبرة من 3 - 4 سنوات ...وباردو مش مقياس ......انا شخصيا اعرف ناس مرتباتهم 4000 وعندهم خبرة 3 سنوات فقط....بس فيه مشكله الا وهى اللغة.....اللغة الانجليزية مهمة جدا وبيفرق فعلا فى المرتب ونوعية الشركة اللى عايز تشتغل فيها...المهم يا باشمهندس أستخير ربنا وان شاء الله ربنا يوفقك.....

[StrangerInMoscow]

انتوا بتتكلموا على مصر بتاعتنا ولا مصر تانية

انا اول مرة اعرف ان بدايات مرتبات ال IT في مصر من 3000 جنية , طبعا المبلغ بالنسبة للدول الغربية لايذكر لكن بالنسبة لمصر شئ رائع بجد , انتوا اكيد بتهذروا لان الكلام دة لو صحيح يبقى افضل من 10000 في السعودية او اي مكان تاني , الغربة دي ذل والله

بس عندي سؤال ازاي تثبت الخبرة اللي بتكتبها في ال CV خصوصا لو شغال برة مصر وكمان ياريت حد يجيب قايمة بشركات ال IT في مصر خصوصا الدولية ومتعددة الجنسيات

سؤال تاني معلش , عدد ساعات العمل كام ساعة والشغل كام يوم في الاسبوع :confused:

[ahmed magdy]

لا يا ريس عايزين معناوياتك تبقى فوووووووووووووووق ،

وبعدين انت عايز تاخذ أكثر من 3 وانت لسه جديد ولا إيه :D

شكلك بتفكر في راتب كبير ؟؟

مبلغ ال 3000 في مصر جيدين لأي مبتدئ (ابدأ ب 3000 وخد خبرة وانت هتلاقي راتبك بيزيد لحاله )

لكن مش جيدين للشخص اللي عاش في السعودية وخاصة إذا كان راتبه عالي لأنه بيدخل في دوامة المقارنة
لكن راحة البال لا تقدر بثمن

ربنا يعينك






واله يا ريس ايهاب انا اللي احبطني شئ, ان اخونا اللي سأل بيقول معاه CCNA, CCNP , CCVP ولو جه مصر على كلامكو هياخد 3000 او 4000, يبقى انا ياللي معايا بس CCNA , CCVP و لسه متخرج هاخد ربع جنيه:)

[takiadeen]

هاخد ربع جنيه:)

اخي احمد ماجدي :D ربع جنيه كثير.

استبشر خيراً في البدايه هتكون صعبه ، ولكن عندما تبني لك اسم في السوق والشركات تتنافس من اجل خدماتك.

حينها ربع مليون هتكون قليله ;).

[elmak13]

استاذنا محمد بورك لك في الوهوب وشكرت الواهب ورزقت بره وبلغ أشده نبارك عليك يا اب هاجر

[ahab]

واله يا ريس ايهاب انا اللي احبطني شئ, ان اخونا اللي سأل بيقول معاه CCNA, CCNP , CCVP ولو جه مصر على كلامكو هياخد 3000 او 4000, يبقى انا ياللي معايا بس CCNA , CCVP و لسه متخرج هاخد ربع جنيه:)

ياباشا مش مهم معاي إيه ، المهم خبرتك فيهم عامله إيه

لأني ممكن أكون معاي كل الشهادات دي ولكن الشركة اللي شغال فيها شغلها بسيط ومش بطبق اللي أنا أخذته

في هذه الحالة هيكون شهاداتك كلها عبارة عن مدخل للوظيفة ( تضعك على أول الطريق )

ودا اللي هيحصل معايا ، بإذن الله خلال شهرين هكون انتهيت من ccvp ومعاي ال ccna و ccnp
ومش متوقع راتب عالي لأن مفيش خبرة

لكن صدقني الوضع بيختلف لو طبقت مشروع واحد فقط وعرفت الدنيا ماشية ازاي
ساعتها هتتكلم بقلب جامد وتقول عندي خبرة

لي صديق في مصر اشتغل ب ccna و ccnp على راتب 3000 وبعد حوالي 4 شهور أصبح راتبه 4500 ربنا يزيده

المهم شد حيلك وخلص وربك ييسر الحال


على فكرة أعرف واحد في مصر لسه متخرج ومش معاه غير شوية أوامر في sql وشغال ب 3000 جنيه

فمثل ما ذكر أحد الأعضاء ترجع لنوع الشركة

[Nightspy]

على فكرة أعرف واحد في مصر لسه متخرج ومش معاه غير شوية أوامر في sql وشغال ب 3000 جنيه

فمثل ما ذكر أحد الأعضاء ترجع لنوع الشركة



طيب اية رائيك انى عندى معرفة كويسة بالMS SQL وكمان بالASP.net دا غير سيسكو و لينوكس ولو جالى المرتب دة بعد لما اتخرج "بعد كام شهر ان شاء الله " ممكن تجيلى سكتة قلبية

يا جماعة ان فوضت امرى الى الله و ايقنت ان دا رزق فى ناس معاها شهادات كثير ومرتبتها على قدها وفى ناس بيكسبوا دهب من لا شيء

[ahmed magdy]

السلام عليكم,

الواحد يعمل اللي عليه و بعد كده كله على ربنا, و اكيد ربنا مش هيضيع تعبنا .

[ahmed magdy]

اخي احمد ماجدي :D ربع جنيه كثير.

استبشر خيراً في البدايه هتكون صعبه ، ولكن عندما تبني لك اسم في السوق والشركات تتنافس من اجل خدماتك.

حينها ربع مليون هتكون قليله ;).



الخوف والله يا باشمهندس على ما توصل لمبلغ الربع مليون جنيه, يكون كيلو اللحمه ب 10000 جنيه و يعملو ال 100 جنيه المعدن :)

[aaron]

والله دى مصيبه سودا
انا اخويا بيدرس سيسكو و خلص ccna و حاليا خلص الجزء الاول من ال ccnp
و متخيل انه لما يخلص ال ccnp الشركات هتخطفه و هيتخانقوا عليه
يعنى بعد المصاريف دى كلها و ممكن ميلقيش شغل و لو حصل شغل هيكون ب3000 جنيه
المصيبه ان اخويا وكل اللى معاه فى الكورس متخيلين ان الشركات هتتحايل عليهم و هيترجوهم عشان يشتغلوا
و احتمال الشركات تسألهم عن الراتب اللى يرضيهم
والسبب فى كده الراجل المحترم اللى بيشرح الكورس لانه اوهمهم بحاجات غير واقعيه

[أحمد المنصور]

ههههههههههه.........ربنا يعينهم


زمان كان الكلام ده ممكن لكن دلوقتي ما اعتقدش

هيسألوهم عن الخبرة!!!!!!!!!! وهما أصلا لسه عايزين يقولوا يا هادي في الشغل!!!!!!!!

خليه يشيل فكرة إنهم هيتحيلوا عليهم دي.....ولا يفقد الأمل ويدور وإن شاء الله ربنا هيوفقه ولازم ياخد شهادة جنب الـ CCNP

ويحاول يكتسب خبرة حتى لو ينزل شغل كمتدرب وبدون مقابل أعتقد ممكن تمشي في مصر الحكاية دي....


...

[mohamed80]

واله يا ريس ايهاب انا اللي احبطني شئ, ان اخونا اللي سأل بيقول معاه CCNA, CCNP , CCVP ولو جه مصر على كلامكو هياخد 3000 او 4000, يبقى انا ياللي معايا بس CCNA , CCVP و لسه متخرج هاخد ربع جنيه:)

===============================================
حبيبي ربنا يوفقك وبعد ما تخلص تاخد 10000000 جنيه ده مش موضوعنا .......
===============================================

انا طرحت استفسار من مهندسين الشبكات المحترفين اللي شغالين بمصر عن سوق العمل
وعاوز منهم عناوين او ايميلات الشركات المحترمة بمصر

multi national companies وعاوز رد عن الاستفسار ده بس ......

شكرا مقدما

[DDOS]

ههههههههه ... فكرتونى بصاحبى معاه ccna , ccnp وكانت الشركة عارضة عليه 1200

[amiramohamed]

السلام عليكم شباب
اخونا طارح موضوع حيوي وعاوز النصيحة من الناس اللي شغالين بمصر
اللي يقدر يقدم النصيحة يتفضل وبلاش موجة الاحباط من بعض الاغضاء الذين لا يمتلكون لا خبرة ولا علم انما يمتلكون اساليب للاحباط والفشل
=====================================
انا عن نفسي قبل ما سافر كنت شغال بمصر وذي الفل و 14 ..............
ومكنتش لسة اخدت كورسات ولا حاجة .............رغم اني كان في ناس دفعتي ومش عارفين يشتغلوا واللي كان علي لسانهم مفيش شغل البلد واقعة ......ومن الكلامدا كتير

انا اول ما اشتغلت قبضت 500 بعد 2شهر وصل راتبي 1300 من 4 سنين
وساعتها لا كان معاي CCNA ولا CCNP

مصر فيها شغل بس اللي يدور ويتابع الاعلانات ويبعت سي في




ههههههههه ... فكرتونى بصاحبى معاه ccna , ccnp وكانت الشركة عارضة عليه 1200

[memoragaa]

اخى الكريم صاحب الموضوع ادخل على موقع https://www.140online.com/Sites_dir/SiteListByCat.aspx?Cat_Id=6&MainCat_Id=21&RTId=0 ومنه اختار الشركات وسوف تج الإيميلات الخاصة بهم وتابع معهم ارسال سيرتك الذاتية وياحبذا لو فيه تليفون فى مصر حطه فى السى فى بتاعتك علشان يبقى الإتصال سهل والإيميل كمان ومش هتخسر حاجة انا نازل مصر اخر سهر 6 الجاى ان شاء الله تعالى بعد غربة ليست كبيرة ( سنتين ) فى الكويت ولكن عديت عليا كانها الف سنة والله يعلم بالحال 2000 جنيه فى مصر فيها بركة عن 350 دينار فى الكويت وكفاية انك جنب زوجتك وعيالك ( نفس الوضع معى ) ربنا يكرمك وييسرلك الحال على فكرة انا نازل على شغل بس فى اسيوط بس المهم فى مصر جنب اهلى وناسى والله المستعان

[tamer hassan]

1
Equant
www.equant.com (https://www.equant.com)
2
Vodafone Egypt Telecommunications
www.vodafone (https://www.vodafone). com.eg
3
Mobinil
www.mobinil (https://www.mobinil). com
4
TE Data
www.tedata.net (https://www.tedata.net)
5
Link Dot Net
www.link.net (https://www.link.net)
6
Nile-online
www.nile-online (https://www.nile-online). com
7
Appnetics
www.appnetics (https://www.appnetics). com
8
EDS Egypt
www.eds.com (https://www.eds.com)
9
Raya Telecom
www.rayatelecom (https://www.rayatelecom). com
10
Telecom Egypt
www.telecomegypt (https://www.telecomegypt). com.eg
11
BTC Networks Egypt
www.btcnetworks (https://www.btcnetworks). com.eg
12
ECC SOLUTIONS
https://www.eccsolut ions.net/
13
Internet Security Systems, Middle East ISS
www.iss.net (https://www.iss.net)
14
IBM
www.ibm.com (https://www.ibm.com). eg
15
HiTeknoFal
https://www.hiteknof al.com/
16
Alcatel
www.alcatel (https://www.alcatel). com
17
Synergy
www.synergyps (https://www.synergyps). org


19
ALKAN Telecom
www.alkantelecom (https://www.alkantelecom). com
20
BarkoTel Communications
www.barkotel (https://www.barkotel). com
21
Egypt Network
www.egyptnetwork (https://www.egyptnetwork). com
22
ENSTINET
www.sti.sci (https://www.sti.sci). eg
23
Flag Telecom
www.flagtelecom (https://www.flagtelecom). com
24
Giza Systems
www.gizasystems (https://www.gizasystems). com
25
HUAWEI Technologies
www.huawei.com (https://www.huawei.com)
26
Juniper Networks
https://www.juniper. net/
27
Online Modern Solutions OMS
www.omsme.com (https://www.omsme.com)
28
Orascom Telecom
www.orascomtelecom (https://www.orascomtelecom). com
29
Prosylab
www.prosylab (https://www.prosylab). com

31
Mercury Communications
www.mercury (https://www.mercury)- com.com
32
EgyNet
www.egynet.com (https://www.egynet.com). eg
33
Noor Advanced Technologies
www.noor.com (https://www.noor.com)
34
Security and Network Services SNS
www.snsegypt (https://www.snsegypt). com
35
NTG Egypt
www.ntgclarity (https://www.ntgclarity). com
36
Silicon 21
www.silicon21 (https://www.silicon21). com.eg
37
Egypt Sat
www.egyptsat (https://www.egyptsat). com
38
Intelligent Soft
www.ismty.com (https://www.ismty.com)
39
Menanet
www.menanet (https://www.menanet). net
40
In Touch
www.intouch (https://www.intouch). com
41
Secure Buisness Infrastructure -SBI, Egypt
www.sbi-secureit (https://www.sbi-secureit). com
42
Information and Decision Support Center IDSC
www.idsc.gov (https://www.idsc.gov). eg
43
Nile Networks
https://www.nilenetw orks.com/



وعندك MagiNet :

7 Abdel Wahab El Qady St.
Nasr City, Cairo

وعندك كمان قطاع البنوك .....CIB,HSBC,AUDA

& seta company ودى فى مصر الجديدة بس فين بقى ؟؟ممكن تجبها من yellow page

وبالتوفيق يا جماعة