المساعد الشخصي الرقمي

مشاهدة النسخة كاملة : حد يقولى ليه اسعار ماكسميم اغلى من السوق



PEPO5555
26-04-2009, 18:11
السلام عليكم يا احلى منتدى انا اول مره اشارك بس كان لازم
انا امبارح كنت بجمع جهاز وكل الكلام ان انا هشترى من ماكسميم
بس لقيت اسعرهم اغلى من السوق
انا دلوقتى اعمل ايه

رجاء افيدونى

vmidov
26-04-2009, 18:50
السلام عليكم يا احلى منتدى انا اول مره اشارك بس كان لازم
انا امبارح كنت بجمع جهاز وكل الكلام ان انا هشترى من ماكسميم
بس لقيت اسعرهم اغلى من السوق
انا دلوقتى اعمل ايه

رجاء افيدونى

وعليكم السلام ورحمه الله وبركاته
بص يا أخى مش كل حاجه عندهم أغلى من السوق فى حاجات أغلى وحاجات متساويه مع أسعار السوق عندك حل من الاثنين
اما انك تعرف أيه الحاجه الغاليه عندهم
تشوف سعرها بره
تفاصل معاهم فيها وتنزلها لنفس السعر
الحل التانى
برده تعمل جوله تعرف فيها الاسعار لكل حاجه عايز تجيبها قبل ماتروحلهم
وفى الاخر تروح عندهم
اللى سعره متساوى بره او أقل هاته من عندهم
اللى سعره أغلى من بره سيبك منهم وهاته من المحل الارخص
بس حاول فى موضوع الفصال أكتر عشان يبقى كل من مكان واحد
بالتوفيق ان شاء الله

DreAmO
27-04-2009, 05:59
في مولات كتير

وكل مول في محلات كتير

سيبك منهم .. واشتري من المكان اللي سعره ارخص ..

لاحظ انك ممكن تفاصل كمان فى المحل اللي فيه الحاجة ارخص


لكن ماكسميم .. شغالة على حس الناس هنا ..