المساعد الشخصي الرقمي

مشاهدة النسخة كاملة : أي مشكله متعلقه بجهاز الكمبيوتر هاردوير أاو سوفت وير


waelgharaam
31-05-2009, 19:46
السلام عليكم ورحمة الله وبركاته

أخواني أنا المهندس وائل محمد متخصص في مجال صيانه اجهزة الكمبيوتر هارد وير وسوفت وير

هافيدكو وهاتفيدوني

وده رقم الموبيل بتاعي 0122966775
للمش عايز يراسلني علي المنتدي او صادفت معاه ومش لاقي والنيت ماكنش شغال او مستعجل علي الرد وخلي بالكو مجانا لعيون عرب هاردوير واي مشكله مش عارفين تحلوها أنا في خدمتكم
والله بحبكم في الله

والله ولي التوفيق
nedal2007
02-06-2009, 09:27
السلام عليكم
جزاك الله خيرا اخى الكريم وربنا يجعله فى ميزان حسناتك
waelgharaam
02-06-2009, 16:51
اللهم أمين وانا أحبك في الله يا أخ Nedal2007

أخوك وائل محمد
bhbh_77
02-06-2009, 18:05
عندى جهازى بيشتغل cpu عادى لكن الشاشة لا تشتغل نهائى مع انى جربتها عند واحد صاحبى شغالة وجربت كارت شاشة عندى تانى بردة مااشتغلت دة حصل كدة بعد ماحطيت كريمة عالبروسيسور العجيب ان شايف cpu شغال عادى جدا ياريت تدلونى
waelgharaam
02-06-2009, 18:32
أخي العزيز

المشكله دي علي طووووووووول تشك في خمسه حاجات
1- الرامه RAM فكها ونظف مكانها ونظفها خفيف وركبها بطريقه سليمه
2- كارت الشاشه أعمل نفس النظام
3- البروسيسور طالما انت فكيتو واشتغلت فيه ممكن تحصل المشكله دي عادي جداا فأتاكد أن البروسيسور راكب كويس وانت قولت انه راكب كويس أذن فك الفانه بتعتو وركبها بطريقه صحيحه
4- لو مفيش حاجه من كل الحاجات دي شغلت جهازك فك كابلات الدادا من المازر بورد لأنها أحيانا تسبب عدم فتح الجهاز
5- والاخيره ممكن المازر بورد بتعتك عايزه شحن بيوس BIOS"Basic input output system"



كل دي الحلول الصعبه ولكن الحلول السهله هنا ايه يا عم الحج
أقوللك من المفترض انك في سماعه واصله بالـ CPU والسماعه شغاله طبعا عشان ماتقولش انا مش سامع حاجه وتلاقي السماعه مش شغاله


حالة جهازك عند سماع هذه الصفارات


1- الجهاز طبيعي جدا انك بعد ما تضغط علي زر power الجهاز يشتغل وتسمع صوت صفاره واحده فقط ده كده طبيعي
لو سمعتها والشاشه ما أضاءتش وأشتغلت أعرف ان في مشكله في كارت الشاشه او الشاشه نفسها


2-سمعت صوت صفاره طويله وصفارتين قصيرتين كده العيب من كارت الشاشه علي طووول تفكوا وتنظفه وتنظف مكانه وتركبه وانشاء الله هايشتغل لو ما اشتغلش يبقي في مشكله في الذاكره الالكترونيه الخاصه بكارت الشاشه


3- سمعت صوت صفاره عاليه ومستمره أذن لازم تتأكد من الرامه RAM بتعتك فكها ونظفها كويس وخلي بالك تنظف المشط النحاسي الخاص بالرامه فقط مش الرامه كلها وتنظيفها يعني تمسح علي الجزء النحاسي بشويش
وممكن يكون المشكله في لوحه المفاتيح تبقي افصلها وشغل الجهاز


4- صفاره متقطعه اذن شوف البروسيسور بتاعك شوف تركيبو كويس وأهم حاجه الفان بتعتك



بس بيني وبينك من غير ما حد يسمع هاقولك أنا بعمل ايه من غير الطرق التقليديه


اول حاجه بفك كل كابلات الدادا من المازر بورد وبفك الرامه وأنظفها كويس وانظف مكانها وأفك كارت الشاشه وانظفها كويس وافصل الكي بورد والماوس بالمره واشغل الجهاز
لو ما شتغلش بعمل clear cmos بيكون في jumper علي المازر بورد اسمه clr cmos وبيكون علي هيئة 3pins هكذا . . . بتلاقي الـ jumper واصل في اتنين منهم وليكن اللي علي الشمال فأنا بشيلو وأحطو في الاتنين اللي علي اليمين وأشغل الجهاز وأحاول افصله مش هايفصل منك فخليك ضاغط علي زر البور شويه وهايفصل ورجع الـ jumper في مكانه وشغل الجهاز


أعتقد مفيش حاجه تاني ممكن يكون العيب منها
وياريت تبلغني أنت عملت ايه
11ta
02-06-2009, 18:42
فى مشكلة فى مازربود Elite group لاتنزل ويندوز فيستا
bhbh_77
02-06-2009, 18:45
لا مفيش صوت بس قبل كدة حصلى ومش عارف قالى حاجة كهربة البروسيسور بس الاحظ البروسيسور من ساعة مابقى مايشتغلش يسخن فجاة
waelgharaam
02-06-2009, 19:17
في قانون في مجال الكمبيوتر بيقول

مفيش حاجه بتركب بالعافيه ومفيش حاجه بتركب مكان غير مكانها

سؤال انت حاولت تركب البروسيسور بطريقه غير صحيحه ؟

أتاكد الاول فك البروسيسور وشوف الـ pins بتعتوا في حاجه ماتنيه لو مفيش حاول تركبوا كويس بدون عنف وأتأكد ان الفانه بتعتك شغاله كويس وسبتها


ولو انت شاكك في البروسيسور علي أساس انت حاسس انك عملت حاجه غلط بدون قصد جربو عند اي حد من أصدقائك


وربنا يوفقك
waelgharaam
02-06-2009, 19:19
أخي BHBH 77

لو البروسيسور بيسخن غير الفانه بتعتك
waelgharaam
02-06-2009, 19:27
أخي العزيز 11 ta
نوعية المازر بورد دي بينزل عليها فيستا ولكن المشاكل بتكون في تعاريف الكروت مثل كارت الشاشه مثلا
ابحث فى موقع الشركة المنتجة لجهازك عن التعريفات الخاصة بفيستا

لو مش بتنزل الفيستا استسمحك تبعتلي بيانات بجهازك كله
النديم
02-06-2009, 21:09
الأخ waelgharaam (https://www.arabhardware.net/forum/member.php?u=153804)،
أنا مضطر لأغلاق هذا الموضوع مع الأسف. أنظر بنفسك لترى الأخ 11ta (https://www.arabhardware.net/forum/member.php?u=11147278) يكتب مشكلته في قسم المشكلات والحلول ويعود ليكتبها هنا !!!
منتدانا يسير وفق نظام يعود بالفائدة على الجميع وليس محطة بانزين.
من جهة أخرى، لولا أنك ذكرتَ بالنص إستعدادك لتقديم المساعدة مجاناً، لكان الحذف مصير الموضوع، تحاشياً لتبعات الأعلان لمنفعة خاصة تحت ما قد يُفهم أنه برعاية من منتدانا.
عليه... أهلاً وسهلاً بكَ أخي فيما تقدمه وفق نظام المنتدى المتبع، أي بالرد على طلبات المساعدة كما ترد على صفحاته، راجياً لك التوفيق فيما تقدمه من جهود في وقتكَ الخاص.
النديم