ما اسم المعالج من شركةamd الذى يساوى قوة معالج intel core 2 due 2.6

[ahmedyotu]

أريد لوحة أم amd و معالج amd

تساوى فى قوتها

لوحة intel الــ p31 مع المعالج core 2 due 2.66

أقصد إنى أبحث عن هذه الكفاءة ولكن بسعر أرخص كما علمت عن amd ؟؟

و جزاكم الله خيراً

[ahmedyotu]

ملحوظة

راجعت الموضوع المثبت بالقسم عن المقارنة

و لم أفهم شىء

عذراً على الغلاسة

[Amd Owner]

ولا يهمك

:p

phenom x3 8xxx

=

core 2 duo 7xxx - 8xxx

[ahmedyotu]

شكراً يا ريس

أنا حاولت أبحث بنفسى دلوقت على جوجل لاقيت مقارنات تانية عكس دى مش عارف أصدق مين ولا مين

و كلهم مختلفين

و معلش أول مرة مكنتش باصص للصورة صح فمفهمتش المقارنة بس دلوقتى فهمتها

برضه ما كملتليش إجابة سؤالى

دة يشتغل عليه لوحة أم من أى نوع ؟؟؟؟؟

[Amd Owner]

انا عندى ايه ام دى جبته انهارده على مازر msi

ادخل موقع msi


و اختار المازر الداعمه للamd

و وشف اسماهم و شوف سعرهم و مواصفاتها

و خليه ماشى على نظريه اداء مقابل سعر

[ahmedyotu]

شكراً مرة تانية لإنك الوحيد اللى رد على

و علشان كدة ناوى أغلس عليك للأخر

أنا عايز أعرف السعر فى مصر للوحة تدعم

phenom x3 8xxx

مش عارف اتعامل مع الموقع

أقولك ( معلش مفيش غيرك )

من قائمة الأسعار اللى فى العدد التاسع أيه أنسب حاجة لى و خصوصاً إنى هشترى جهاز للألعاب و الأفلام عالية الجودة و هركب ati raedon hd 4670

[Amd Owner]

طيب انت اشتريت كرت الشاشه خلاص؟؟؟

على العموم فى اكتر من مازر هتشغل phenom x3 8xxx

عشان كده حدد ميزانيتك؟

[ahmedyotu]

كل القطع محسومة ما عدا البروسيسور و الماذربورد

و لقيت بعد بحث إن phenom x3 8xxx أفضل من due 2 core

و ميزانية الماذربورد بالمعالج لا تتعدى 700 أو ازيد شوية بالعافية

وانا طول عمرى شغال على ال intel فمهمش ايه معنى ارقام لوحة الأم amd

و شكراً جداً على متابعتك و إجابتك

و ربنا يجعله فى ميزان حسناتك

[ahmedyotu]

معلش أرجو توضيح الفروق بين لوحات الأم من نوع amd

[Amd Owner]

باشا انت ممكن تاخد ماذر + بودر = 745

مازر: GA-MA74GM-S2 = 320

معالج:athlon x2 7750 = 425

و دى صفحه المازر

https://www.gigabyte.com.tw/Products/Motherboard/Products_Overview.aspx?ProductID=2813

و ياريت تستنى كمان رائ بقيت الاعضاء لانى مش عارف كل انواع المازر

[Amd Owner]

الفرق بقى بين لوحات الام

ان ممكن واحده تدعم

hyber cross fire

و واحده لا

يعنى اختلاف فى المواصفات الداخليه

[ahmedyotu]

مشكور يا ريس لتعاونك

أنا إن شاء الله قررت الماذر دى لحين إشعار أخر بس برضه هضطر أجيب phenom x3

لإنه أقل حاجة تشغل لعبة جتا الجديدة

أنا بصيت فى صفحة المازر لقيتها كويسة

و ربنا يعيننا فى الفلوس بقى

صحيح معاكش 5 جنيه سلف

:D

[Amd Owner]

مشكور يا ريس لتعاونك

أنا إن شاء الله قررت الماذر دى لحين إشعار أخر بس برضه هضطر أجيب phenom x3

لإنه أقل حاجة تشغل لعبة جتا الجديدة

أنا بصيت فى صفحة المازر لقيتها كويسة

و ربنا يعيننا فى الفلوس بقى

صحيح معاكش 5 جنيه سلف

:D


يا باشا اقل مواصفات لتشغيل جاتا

athlon x2 مش x3

المواصفات العاليه مطلوب phenom x3 8450

لكن المعظم قال ان athlon x2 7750 احسن من 8450 فى الجيمز

و انا اظن ان اللعب بتطلب حاجات اعلى من المواصفات بتاعها

عشان تعمل ترويج للشركه

و شكرا

[OSAMA1712]

انا عندى amd x2 7750 على مازر GA 780 بصراحه الاداء روعه والبروسيسور دا سريع جدا فى الالعاب عن تجربة سعر البروسيسور حوالى 380والمازر حوالى 490 بس المواصفات دى تستاهل كل قرش فيها

[Salem AL Fituri]

المعالج المقابل لمعالج إنتل بتردد 2.6GHz واعتقد انك تقصد E7300 هو Phenom II 710 (https://www.newegg.com/Product/Product.aspx?Item=N82E16819103648&Tpk=Phenom%20II%20710)وهو افضل منه بكثير وهو افضل من معالج E7500 في الكثير من الاختبارات وبسعر اقل بكثير 100$ فقط :eek:

[أبو فوفو]

أخي الكريم:


إذا أردنا أن نضع المقارنات على كيفنا رح تصير الشغلة شوربة .

حاليا لا يوجد أي معالج من amd ينافس معالج cor2duo e7300 من أنتل يوجد ما هو أقوى منه ويوجد ما هو أضعف منه .
وخاصة في مجال الألعاب وقوة الأداء عليها .و هذا الكلام من واقع تجريبي عملي يدوي شخصي .
أما معالج ahtlonx2 7750 فهو منافس بالأداء معالج E5200 وهو قوي وجيد أيضا على الالعاب .
أما معالج الفينوم X3 8450 فلا أنصحك به أبدا وخاصة بالألعاب لانه ضعيف جدا والX2 7750 أقوى منه وبمراحل بالألعاب
والآن سأخبرك عن معالج قريب بالأداء قليلا لكنه أضعف منه بقليل وهو COR2DUO E7200 الذي ينافسه ويكون أدائه قريب منه هو معالج Ahtlonx2 6400 . لكنه أضعف بقليل أيضا . نعم ياسيدي وكل من سيقرأ هذا الكلام سيستغرب لكن مو غريب إلا الشيطان .التجارب الشخصية تثبت لك كل شيئ ببساطة معالج x2 6400 يتفوق بالأداء في الألعاب على معالج x2 7750 والتجارب أكبر برهان .
يا صديقي : الألعاب تعتمد بالأداء والقوة بالشكل الأول والرئيسي على قوة أرتفاع ( MHZ ) وبعدها على حجم الذاكرة للمعالج
الكاش .
وأما إذا أردت أن تأخذ معالج متعدد الأنوية لكن (MHZ) منخفض سيكون الأداء سيئ وللغاية .

وهناك حقيقة يجب أن تؤخذ بالحسبان دائما إذا أردنا أن نأخذ معالج من انتل وما ينافسه من AMD يجب علينا أن نختزل دائما (500 إلى 600 MHZ) حين نقارنهم ببعضهم . بغض النظر عن حجم الذاكرة لانه موضوع آخر . هذا طبعا ليس قانون ثابت بس قريب من الواقع العملي جدا . يعني معالج الأنتل ( دول كور 2500 MHZ) ما ينافسه هو AMD ( دول كور 3000 -3100 MHZ)فما بالك إذا أخذنا معالج من AMD بتردد 2200 أو 2300 MHZ فكيف سيكون الأداء ...........
______________________________

[serial007]

انا عندى amd x2 7750 على مازر GA 780 بصراحه الاداء روعه والبروسيسور دا سريع جدا فى الالعاب عن تجربة سعر البروسيسور حوالى 380والمازر حوالى 490 بس المواصفات دى تستاهل كل قرش فيها




انت عندك كارت خارجي و لا بتلعب بالكارت الداخلي

gta 4 تشتغل عندك