رأيكم في acer Aspire 6930 ?

[young coder]

ياريت لو حد جرب لابتوبات acer و خصوصاً اللي بمعالج core 2 due يقولي رأيه فيها لان الكثير يقولوا بطيئ و ضعيف حتى لو امكانياته عالية

و ايه رأيكم في الجهاز ده
acer Aspire 6930
https://images.danatev.com/publishedcreatives/logtav2/promotions/3b884388-1f6d-4463-8c0e-7ee20d32c6b4.jpg

Intel® Centrino Core 2 Duo processor /T5900 with up to 6 MB L2 Cache, supporting Intel 64 architecture
4GB Ram using dual soDIMM modules
Sata HDD 500GB
16" WUXGA (Full HD), high-brightness
NVIDIA® GeForce® 9600M GT with up to 2303 MB of TurboCache
2X Blu-ray Disc DVD-Super Multi double-layer drive
Dolby®-optimized surround sound system with two built-in stereo speakers and one subwoofer
TV-tuner
Optional Acer Xpress VoIP phone
Intel® Wireless WiFi Link 5100/5300
Bluetooth
WEb Cam Acer Crystal Eye
5-in-1 card reader
Genuine Windows Vista

و السعر 4777 جنيه
https://www.logta.com/ar/PromotedItem.aspx?locid=7&itemid=8917&catid=307

[D N A]

الجهاز جيد سيقوم Vista بأخد جزء من الرام ليرفع حجم كرت الشاشه وزياده ادائه وهذا لا ضرر منه نظراً لحجم الرام الجيد

الجهاز جيد بالنسبه للسعر

[VancouverEG]

أنا مش فاهم ، هي السرعة الآن تتوقف على النوع !!!!!!!!!!

أنت تقول هو core 2 due كيف يكون بطيء !!!!!!؟

و 4GB Ram ، هل بعد ذلك يكون بطيء !!!؟

خلاص اذكر لنا السريع علشان نشتريه

[young coder]

اخي VancouverEG (https://arabhardware.net/forum/member.php?u=11134313) هدي نفسك شوية :)

انا بسأل علشان في ناس بتقول الايسر بطئ و على العموم انا دورت لاقيت ان في موديلات فعلاً فيها خاصية كده بتبطئ المعالج ( تخليه اقل من 2Ghz بتوصل ل800 ) و ده علشان تبرد المعالج بس الحمد لله مش موجودة في 6930 و ليها حل ببرامج و ممكن تشوف الموضوع ده
https://forum.notebookreview.com/showthread.php?t=392507

[VancouverEG]

اخي VancouverEG (https://www.arabhardware.net/forum/member.php?u=11134313) هدي نفسك شوية :)
ما حاجة تجنن يا جدع .....
أصل في ناس عندها تخلف - وأنت لست منهم - عندهم قياسات عجيبة ، يقسيون سرعة اللاب بنوعه ، أو ممكن يكون جهاز امكنياته عالية جدا ، ويقوم يقولك ( أصل مافهوش كاميرا ، لا لا ده يبقى وحش ) !!!!!
وخد من ده كتير .

عموما ربنا يوفقك في شراء لاب جيد :)

[young coder]

هو انا كنت عايز اعرف لو حد واجه المشكلة دي في الموديل ده مش و انا قولت

لان الكثير يقولوا بطيئ و ضعيف حتى لو امكانياته عالية فأنا مستعجب من كده شوية و عاوز اتأكد و انه ضعيف اقصد ان جودة الصنع بتاعه اي كلام يعني ممكن يبوظ بسرعة او فيه مشاكل كتير ...الخ


و شكراً ليك على المرور

و لو حضرتك تعرف سعره دلوقتي كام ياريت تقولي
انا لاقيت appliance نزلت السعر في موقعها الى 3999
https://appliance-eg.com/wwwroot/viewdetails.asp?item_id=2032

و متهيئلي ده سعر قليل جداً للاب توب في الامكانيات دي
فكنت خايف يكون في إن ولا حاجة بس لما دروت لاقيت الناس اللي جربت الايسر بتشكر فيه و اللي مش عاجبهم مجربهوش اصلاً و كله بيقول و خلاص من غير ما يجرب و كل واحد يقول اصلي سمعتهم بيقولوا انه وحش !!!!!!!!!!!!

و انا عرفت حاجة في الموقع الاجنبي ان عندهم ممكن يرقوا كارت الشاشة او المعالج من الضمان عادي فهل ده موجود في مصر ؟

[VancouverEG]

نصيحة أخ...... لا تشريه ( اهرب بجلدك ) :ah38:
أما الكلام عن جودة التصنيع فهي واضحة من سعره ، ولعل هذه الموديلات هي economic ( اقتصادية ) فهم يجعلون امكانيات اللاب عالية لكن من مواد تصنيع ليست بذاك ،وهي مثل موديلات 550 في ال hp فهذه العائلة اللاب ال Core 2 Duo فيها بـ3400 جنيه :ah26:
أنا بصراحة مش عارف عاملينها من إيه !!!!؟
ده الموبايل دلوقتي بهذه الأسعار !!!

شوف أنت محدد فلوس أد ايه ، أو عايز امكانيات ايه ، وأنا إن شاء الله أحاول أساعدك :)

تقبل مروري

[young coder]

انا على العموم عاوز لاب توب ابن ناس محترم كده يقدر يشغل العاب حديثة ( كارت الشاشة 512 يعني :D ) و ميكنش مدمج
و يكون core 2 due او ما يقابله من amd

و يكون سعره 4500 او 5000 بالكتير :)

و شكراً ليك مقدماً :)

[VancouverEG]

مدام قولت ابن حلال ايه رأيك في sony ممكن يعمله بالمواصفات اللي أنت عايزها حوالي 7000 بس ده ابن حرام :D
ممكن تشوف ده Pavilion dv2-1015ee (https://ngc.com.eg/index.php?page=shop.product_details&category_id=38&flypage=shop.flypage&product_id=191&option=com_virtuemart&Itemid=26)
AMD Athlon Neo MV40 1.6GHz/512
ram :2GB
hd:250GB
12.1BV LED inch
ATI Radeon HD 3410
up to1278MB
مميزات أخرى
Camera & Mic, Remote Control, Altec Lansing Speakers, Lightscribe DVDRW, VGA 512MB dedicated, HDMI, High-Definition AG Display with infinity BrightView.

سعره حوالي 4450 ، أو أقل
----------------------------------------------

أو hp 6735b
AMD Turion X2 RM-70 2GHz /1MB
ram:2GB
hd:250GB
15.4 hnch
ATI Radeon HD3200
up to 1470MB
مميزات أخرى

Fingerprint, Camera & Dual-MIC, Light Scribe DVD, HP Carry Case, Gigabit Lan (10/100/1000), 320MB dedicated VRAM , Serial Port, Media Touch Buttons, XP Professional Recovery DVDs , 3 yearrs Warranty … PROMOTION … PAY EGP 5,560 & TAKE Extra Battery, Privacy Filter & Hp Optical USB Mouse

سعره حوالي 4800 أو أزيد قليلا

وكلاهما مرفق معه فيستا على الجهاز ، ما عدا الأخير معه اسطوانة فيستا ، واسطوانة إكس بي

وبالتوفيق :)

[young coder]

بس الفرق بينهم و بين الايثر جامد

يعنى متهيئلي ان معالجتهم اقل من الكور تو ديو ,, صح ولا انا غلطان ؟

هو في الـPavilion DV6-1105ee (https://www.logta.com/ar/PromotedItem.aspx?locid=7&itemid=7969&bid=152) اغلى شوية بس احسن بـ5400 -5200 سعره مختلف في المحلات ايه رأيك فيه ؟

ان شاء الله لو قدرت اجمع 5200 كده هشتريه بس المشكلة ان الفرق 1200-1400 يعني مش حاجة قليلة :D

[VancouverEG]

1105 جهاز جامد جدا ، وجديد ، لكن لا تنسى أنه 15.6 بوصة ، يعني حجمه كبير ( بحد نسبي ) و وزنه ثقيل أيضا .

ولا تشتريه أكثر من 5100 هذا هو سعره غير ذلك يكون غـــــــــــــالي

[young coder]

و صحيح كنت عاوز اعرف رأيك في التوشيبا
كويس ولا زي الايسر كده مشاكله كتير ؟ لان اسعاره اققل شوية من الـHP

يعني في حاجة زي توشيبا Satellite A300-20P (https://eu.computers.toshiba-europe.com/innovation/product/Satellite-A300-20P/1061563/) بحوالي 5000 او اقل

و اكيد انا قبل ما اشتري هاخد لفه كده في السخاوي و اشوف الموديلات و الاسعار بس عاوز اعرف الشركات المحترمة و الشركات الاي كلام لان ممكن تكون المواصفات خادعة :D

[VancouverEG]

و صحيح كنت عاوز اعرف رأيك في التوشيبا
كويس ولا زي الايسر كده مشاكله كتير ؟صراحة لاأحب التفضيل المبهم بين الشركات ، فكل الشركات تتنافس ، فـ إيسر مثلا أصدرت لاب اسمهAspire Time Line فإمكانيات هذا الجهاز غير موجودة في توشيبا ولا اتش بي ، بطارية هذا الجهاز تظل 8 ساعات شغل :eek: ، المهم فأنا أرى - من خبرتي المتواضعة - أن التفضيل يكون بين الموديلات لا الشركات ، يعني نقول الموديل ده ... من نوع كذا، أفضل من الموديل ده ...من نوع كذا ، وإلا فكل الشركات لها منتجات جيدة وأنا لو أتيحت لي الفرصة لشراء الإيسر الذي ذكرته لك سأشتريه بلا تردد ، لكنه غالي شوية .:o

عاوز اعرف الشركات المحترمةسؤال ذكي من شخص أذكى ، فلابد أن تأخذ في اعتبارك وتسأل من هو الوكيل لهذا المنتج ، وقد يتوقف شرائك للمنتج بناء على وكيله في مصر ، عندك مثلا منتجات ASUS هي منتجات جبارة سواء كان ذلك لاب توب أو مازربود ، لكن للأسف الوكيل بتاعها في مصر سيء للغاية وهي شركة اسمها IBS .

لي أصدقاء كُثُر يعملون في شركات كبيرة تبيع لاب توب حدد المنتج وأنا أقولك تشتري منين ، وطبعا انت هتلف برده علشان متجيش تفضحني في المنتدى وتقول VancouverEG (https://www.arabhardware.net/forum/member.php?u=11134313)
دبسني و ورطني ، الله يخرب بيته :D

[young coder]

هههههههههههههههههههه

لا ان شاء الله مش هفضحك

على العموم لو تقدر تجيب السعر النهائي لـPavilion DV6-1105ee بس النهائي من الاخر خالص :D اكون شاكر لك

[VancouverEG]

اصبر علي يومين

[young coder]

اوكي ماشي

انا كده كده مش هشتري اي حاجة قبل يوم 7 ,,, كويس ولا استنى اكتر ؟

و شكراً ليك يا باشا

[VancouverEG]

كويس
جــدا

[yasserseleem]

بص يا باشا الجهاز دة ممتاز و فمنة كمان دلوقتي ب HDD 1 Tera ممكن تشوفو علي الموقع دة
www.qitegypt.com (https://www.qitegypt.com/shop)
أو علي اللينك دة
https://www.qitegypt.com/shop/products?page=shop.product_details&flypage=flypage.tpl&product_id=193&category_id=37 (https://www.qitegypt.com/shop/products?page=shop.product_details&flypage=flypage.tpl&product_id=193&category_id=37)

بس أكيد Dell or HP هيكون أحسن بس أغلي طبعا لكن مش معنا كدة إن Acer و حش الفرق في الجودة زي مثلا العربية ال Hunday و BMW أكيد ال BMW أحسن بكتير بس شوف دة بكام و دة بكام بس بردة Hyundai هتقدي الغرض و هتعيش زي الفل لو حافظت عليها

[VancouverEG]

الموقع اللي أنت وضعت اللينك بتاعه غــــــــالي جدا، في كل لاب على الأقل 250جنيه

[yasserseleem]

مظبوط يا باش بس لو إتصلت بيهم غالبا بينزلة في السعر

[VancouverEG]

غالبا ايه ده الvostro 1310 عندكم - أو عندهم - t5870 بـ 4550 ، وهو أصلا بـ 4000

[VancouverEG]

هو أنت شغال معاهم ؟؟؟؟؟

[young coder]

اسعار الشركة qitegypt دي غالية فعلاً

يعني شوف الـhp Pavilion dv6-1105ee
في الشركة دي بـ5,777 لكن في كومبيو مي ( اللي معروف انها اغلى من باقي المحلات ) بـ5,399


- VancouverEG-

عرفت ان كارفور عاملة معرض كده للالكترونيات في خصومات جامدة من يوم 1 الى يوم 10
https://www.logta.com/ar/PromoNewsItem.aspx?locid=7&pnid=943&ncat=295


ايه رأيك لو لاقيت عرض كويس اشتري ولا استنى شوية كمان ؟

[VancouverEG]

اشتري ، لو كان رخيص

إن شاء الله اليوم سأحصل لك على أفضل سعر في الـ 1105

وأشكرك على ثقتك في :o

[young coder]

اشتري ، لو كان رخيص

إن شاء الله اليوم سأحصل لك على أفضل سعر في الـ 1105

وأشكرك على ثقتك في :o

و الله انت شكلك فاهم و محل ثقة :)

ان شاء الله انا ناوي على الـ1105 بس يارب يطلع سعره حنين كده :)

الايسر سعره مغري جداااااااااااااااا 4000 جنيه :D

[VancouverEG]

بص يا جميل .....

أحسن سعر لاقيته في 1105 هو 4950 وده مش هتلاقيه خاااااااااااااالص ، بضمان راية .

بس أنا قولتلك : أسأل الأول على سعره ، علشان متفضحنيش في المنتدى ، وإنت قولت مش هفضحك ، على العموم انت حر ، بس طول ما انت معايا هتروح في داهية ، يعني هتروح في داهية

[young coder]

طيب بقولك ايه

يعني الايسر مفيش امل منه خالص ؟ حتى لو حافظت عليه جدا ؟
شوف كارفور منزلة AS6930G
المعالج T6400 - كور تو ديو 2GHz - كاش 2 ميجا
كارت الشاشة نيفادا 1 جيجا
رامات 3 جيجا
الهارد 320 جيجا

و بـ4200 جنيه

و صحيح انا الهارد مساحته كده عادي لان عندي كمبيوتر عادي يعني ممكن مأحطش كل حاجة على اللاب توب مش فارقة معايا يعني 300 جيجا ولا 500

و انا لاقيت الشاشة 16 بوصة احسن مع الافلام اللي جودتها عالية

فأيه رأيك ,,, في أمل ؟ :D

و صحيح هو الايسر اللي في مصر زي الايسر اللي بره ( امريكا - بريطانيا) نفس الجودة يعني ,,, هو اصلاً هنا اغلا من بره بس انا اقصد نفس الجودة ولا لأ لان بره الايسر بيقولوا اتحسن جداً في السنين اللي فاتت و الناس بتشكر فيه ... متعرفش موضوع الجودة ده ولا لأ ؟

[VancouverEG]

أيه رأيك ,,, في أمل ؟

والله......الأمل في ربنا كبير ، وإحنا مضطريين نضحي بالإيسر علشان ال hp يعيش .

انت تريد شراء ال acer علشان سعره فقط ، ولا علشان امكانياته ؟

[young coder]

والله......الأمل في ربنا كبير ، وإحنا مضطريين نضحي بالإيسر علشان ال hp يعيش .

انت تريد شراء ال acer علشان سعره فقط ، ولا علشان امكانياته ؟

الاتنين

انت شايف سعره كويس جداً و مناسب جداً و مميزاته حلوة جداً و انا حبيته جداً بس قلقان منه جداً :D


فأنت شايف ايه :)

[VancouverEG]

لو معاك فلوس ال HP اشتريه بلا تردد ، ولو الفلوس مش مكمله اشتري الإيسر وأمرك إلى الله ، وأنصحك ...إستخير الأول ، وتوكل على الله .

يعني هي موته ولا أكتر :D