أريد شراء لابتوب وأريد نصيحتكم

[medo_1988]

السلام عليكم ورحمة الله وبركاته .. إخوانى الأعزاء أريد شراء لابتوب وفى استطاعتى دفع ما فى حدود 3500 جنيه مصرى .. وأريد سؤالكم عن بعض النقاط أرجو الإفادة:

1- ما الفرق بين معالج Celeron, Atom, CoreDue , Core2Due من إنتل وما أخبار معالج AMD وأيهما أفضل .. وهل الفروق فى الأداء تستحق الفروق فى الأسعار .. علما بان استخدامى لهذا اللابتوب قد يتضمن بعض البرامج التى تحتاج لمواضفات عالية ..

2- هل من الممكن شراء RAM لاحقا وإضافتها للابتوب ..؟؟

وجزاكم الله خيرا كثيرا ..

[bigboss_215]

أولا ألف مبروك و ان شــاء الله تجيب حاجه كويسه
بص الترتيب للمعالجات اللي ذكرتها
clereron
core due
core 2 due
انا بصراحة مش عارف ايه نظام Atom بس هو لل Mini لل NetBook يعني ماليكش فيه
و في كمان ال Dual Core و أظن هو ده اللي تقدر تحصل عليه بالسعر ده
و الرام عادي جدا بتتغير
اما AMD فأنا باشاركك السؤال أيه أخباره في اللاب توب ؟
و ان شاء الله الأخوة هافيدوك

[VancouverEG]

اما AMD فأنا باشاركك السؤال أيه أخباره في اللاب توب ؟في ناس كتير تقولك ال AMD بيسخن ؟
طيب ، و ما المشكلة في ذلك ، مدام أنه لايؤثر على الأداء فلا مشكلة ، هو عموما مثله مثل ال AMD بتاع الكمبيوتر العادي ، لافرق .
ال AMD أختصت بها فئة tablet من ماركة hp فشركة hp لا تصدر لاب توب tablet إلا أن يكون AMD( ديه معلومة فقط )

لكني صراحة أُفضِل إنتل .

أما السعر الذي كتبته ، فأنا أنصحك إنك تزود كمان 500 وتشتري dell vostro 1310 فهو جهاز ( حيوان ) وهو جهازي الحبيب والمفضل
إمكانياته :
Core 2 Duo T5870 2/2
ram :1GB
hd:160GB
LCD Size:13.3TL
VGA :GMA X3100
Notes & features
Fingerprint , 2MP Camera , Dual Mic , Magnisum Alloy casing , Wifi catcher , hyper connect with 3 antenas , Free Fall Sensor , Gigabit LAN (10/100/1000) , Slot Loading DVD/RW , HD Audio , NO FAX MODEM , 3 YEARS WARRANTY
ويوجد منه كذلك 15 بوصة ، بنفس السعر تقريبا ، لكن بدون Fingerprint

[medo_1988]

جزاكم الله خيرا يا شباب على الاهتمام ..

لكن أهم ما سألت عنه ولم ألق رد .. هل الفرق فى الآداء بين ال Core Due وال Core2Due يستحق الفرق فى السعر ..؟؟ والفرق يبقى كام ..؟؟

وهناك من يقول ابعد تماما عن ال Acer هل هذا صحيح ولا مجرد إشاعة ان عمره قصير ..؟

أرجو الإفادة يا شباب وجزاكم الله خيرا ..

[medo_1988]

ايه يا جماعة موضوعى اتنسى ليه بس كدة ..:eek:

[الفجر القادم]

لم يمضي عليه 24 ساعه بعد !
و لو انك بحثت في المنتدى عن انواع المعالجات ، لما اضطررت للانتظار .

[hani2008]

نعم يستحق الفرق لان اشوف الcore duo نفس dual core
و core2duo افضل شيئ

[medo_1988]

جزاكم الله كل خير يا إخوة ..

سؤال أخير .. الآن معروض عليا الآتى:
Acer Aspire Dore2Duo/2MB Cache
2 GB RAM
360GB HDD
Vista Home
والباقى عادى زى بقيت الأجهزة

السعر: 3750 جنيه ..
وممكن أشيل الهارد وأحط واحد تانى 160 جيجا والسعر ينزل 200 جنيه .. وأنا مش محتاج الهارد الكبير يعنى 160 يقضى معايا بس هخسر نسخة الويندوز .. أشترى بالسعر والمواصفات دى ..؟

[VancouverEG]

جزاكم الله كل خير يا إخوة ..

سؤال أخير .. الآن معروض عليا الآتى:
Acer Aspire Dore2Duo/2MB Cache
2 GB RAM
360GB HDD
Vista Home
والباقى عادى زى بقيت الأجهزة

السعر: 3750 جنيه ..
وممكن أشيل الهارد وأحط واحد تانى 160 جيجا والسعر ينزل 200 جنيه .. وأنا مش محتاج الهارد الكبير يعنى 160 يقضى معايا بس هخسر نسخة الويندوز .. أشترى بالسعر والمواصفات دى ..؟

هل الجهاز ده جديد ؟ وبالضمان ؟

[medo_1988]

جدبد أه .. لكن الضمان مسألتش لكن أكيد عليه ضمان ..

[VancouverEG]

اذكر الموديل

لو جديد ، وبالضمان اشتريه

لكن اعرف أولا من ضامنه ( الوكيل )

[medo_1988]

الموديل Acer Aspire 5735Z ..

وسأتأكد من موضوع الضمان ده برضو ..

بس مقلتش رأيك ف موضوع الهارد اللى عاوز اشيله واركب واحد تانى أصغر وأوفر الفرق .. بس الراجل بيقولى هتخسر نسخة الويندوز الفيستا اللى جايه معاه .. هل ده يفرق ..؟؟ وهل تفرق ان الجهاز يتفتح ويتغير له هارد (يعنى هل ده زى الموبايل لما يقولك الجهاز ده اتفتح قبل كدة ..؟؟؟)

وشكرا يا عزيزى على اهتمامك ..

[VancouverEG]

بالنسبة لنسخة الويندوز فيستا ال Home ، فهي حقيرة وعقيمة ومتخلفة ، وانت عاجلا أم آجلا هتمسحها بنفسك ، أصدقائي كتير اشتروا اجهزة وفرمته الهارد وسطبوا ULIMATE طبعا هتلاقي واحد يقولك ،ديه نسخة أصلية وممكن تعملها UPDATE ، كل ده كلام فاضي وسيبك منه .

وبناء على الكلام السابق انت حر بالنسبة للهارد انت أعلم باحتياجاتك وبموقفك من الفلوس.

وبالنسبة لفتح الجهاز لتغيير الهارد أو الرامات ، فلا يخرجه من الضمان ، ولا ينقص من ثمنه ، لأنهم أصلا عاملينله فاتحة لوحده

[medo_1988]

تسلم تسلم تسلم يا باشا على المعلومات الجميلة دى وجزاك الله ألف خير ..:D

[Code: Deneb]

السلام عليكم

اول شيء ابتعد عن معالجات Core Duo or Dual Core كلها من سلسة P4

Core2Due في منه انوع وافضلها فئة P9xxx و P8xxx لكنها غالية
لديك معالجات T6xxx و T7xxx هذه ايضا ممتازة

[medo_1988]

مشكور يا اخى الكريم وبالفعل أنا فى الطريق لشراء هذا اللاب وهو يحتوى على Inter Core2Duo بالفعل ..

[VancouverEG]

مبروك عليك الجهاز ، وأسأل الله أن ينفعك به :)