مشاهدة النسخة كاملة : أخبار قطع الحاسوب وأسعارها في أسواق الأردن
alayoubi
16-01-2010, 13:05
لكن اخوي مش قطع الكمبيوتر معفية من الجمارك ...
تغيير مسمى فقط .. بدل جمرك صارت ضريبة مبيعات والنتيجة واحدة هي الدفع والنسبة غير واضحة . ولا تستغرب اذا طلبت قطعة كمبيوتر وانحسبت انها قطعة الكترونية أو كهربائية بسبب جهل موظف الجمرك .
rayzouqash
16-01-2010, 16:22
الرجاء ممن يعرف أسماء مواقع شركات الكمبيوتر في الأردن على الإنترنت التي تزود وتبيع قطع الكمبيوتر ، حتى نستطيع متابعة الأسعار ، فيما يلي المواقع التي استطعت الحصول عليها :
www.darajo.com (https://www.darajo.com)
www.pczonejo.com (https://www.pczonejo.com)
www.pricejo.com (https://www.pricejo.com)
www.ttc-jo.com (https://www.ttc-jo.com)
www.fundirectoryjo.com (https://www.fundirectoryjo.com)
(https://www.citycenter-jo.com)
وليد النبابتة
16-01-2010, 22:20
الرجاء ممن يعرف أسماء مواقع شركات الكمبيوتر في الأردن على الإنترنت التي تزود وتبيع قطع الكمبيوتر ، حتى نستطيع متابعة الأسعار ، فيما يلي المواقع التي استطعت الحصول عليها :
www.darajo.com (https://www.darajo.com)
www.pczonejo.com (https://www.pczonejo.com)
www.pricejo.com (https://www.pricejo.com)
www.ttc-jo.com (https://www.ttc-jo.com)
www.fundirectoryjo.com (https://www.fundirectoryjo.com)
www.citycenter-jo.com
شكراً لك اخي على المواقع :ah4:
السلام عليكم جميعا.
والله انا اتوقعت انا نطلع بنتيجة من هالموضوع الرائع (لانه صارلي زمان ما تابعته:))ولكن للاسف الاسعار كل ما فيها بترتفع والتجار ارباحهم
بتزيد... :D.
والقطع القديمة صارت اغلى من الجديدة والمحل الي بتقوول عنه صارت اسعاره معقولة بفاجئك باسعار خيالية :eek:
والقطع الجديدة بطلعو روحك عشان يجيبوها :D ..... وراحت على الي بدو يطور جهازو هالايام ... مع اني سمعت متل ما تفضلو الاخوان انه الجمرك اتلغى على قطع الحاسوب.... والظاهر انه حكي فاضي مثل ما اتفضل الاخ (الايوبي) :ah7: .
معلش عارف اني قززتكو بس الوضع طول وصار لازم نعمل شي :mad:
والله يعينا جميعا على هالوضع .... بس سؤال احنا الوحيدين الي هيك ولا في بلدان اخرى؟؟؟؟
واعذروني .. والسلام عليكم (حاس حالي في خطبة الجمعة :D :D)
الرجاء ممن يعرف أسماء مواقع شركات الكمبيوتر في الأردن على الإنترنت التي تزود وتبيع قطع الكمبيوتر ، حتى نستطيع متابعة الأسعار ، فيما يلي المواقع التي استطعت الحصول عليها :
www.darajo.com
www.pczonejo.com
www.pricejo.com
www.ttc-jo.com
www.fundirectoryjo.com
www.citycenter-jo.com
مشكووور على المواقع:)
شلاع العتر
16-01-2010, 22:52
من متابعتي للأسعار في مصر والسعودية وسوريا ... أرى ان الوضع في الاردن من أسواء ما يكون في مجال عتاد الحواسيب وما يتعلق به من أمور .... :)
وتكمل الطامة إن كنت ترغب بالحصول على تجميعة تعتمد AMD ...
هذا الامر لا ينفي وجود بعض الشذوذات مثل توفر بطاقة 5870 بسعر 400 دينار وبعد فترة قصيرة من طرحها عالميا ....
في الاردن اللي بدو يجمع جهاز بتروح عليه في بعض العروض ممكن تكون كويسة بس عروض مجمعة وجاهزه
رحت على محل بالجاردنز طلع سعر الكيسة لحالحها 700 دينار:eek:
مع العلم انو ممكن اجيب احسن منها ب 500 بس من السعودية
انا الحمدلله نازل عالدمام بهاليومين ورح اجيب جهازمن هناك :D
rayzouqash
17-01-2010, 17:40
مين بعرف سعر كرت الشاشة GeForce GTX 260 مش مشكلة البورد شو نوعه XFX أو MSI أو Gigabyte أو Elitegroup المهم شو أرخص سعر بقدر أحصلو لهاد الكرت ، لإني بفكر أشتريه، ووين بلاقيه ؟
alayoubi
17-01-2010, 19:47
مين بعرف سعر كرت الشاشة GeForce GTX 260 مش مشكلة البورد شو نوعه XFX أو MSI أو Gigabyte أو Elitegroup المهم شو أرخص سعر بقدر أحصلو لهاد الكرت ، لإني بفكر أشتريه، ووين بلاقيه ؟
عند تكنولوجيا الزمن موجود بشارع الجاردنز , لكن وين أرخص سعر لا أعلم ان شاء الله الاخوة يفيدوك .
yazan soft
17-01-2010, 19:51
مين بعرف سعر كرت الشاشة GeForce GTX 260 مش مشكلة البورد شو نوعه XFX أو MSI أو Gigabyte أو Elitegroup المهم شو أرخص سعر بقدر أحصلو لهاد الكرت ، لإني بفكر أشتريه، ووين بلاقيه ؟
MSI GTX 260 216SP مزود بتبريد Twin OCFrozr سعره 220 - 230 دينار عند تكنولوجيا الزمن, و MSI GTX275 Twin OCFrozr سعره 265 - 275دينار.
rayzouqash
17-01-2010, 23:58
شكرا جزيلا
اخ rayzouqash لو سمحت..
بدي اسالك عن اداء كرتك ECS 9600GT 512MB هل هو ضعيف جدا متل ما بسمع عنه؟؟؟؟
rayzouqash
18-01-2010, 17:49
شوف بالنسبة لسعرو فهو جيد جدا ، أنا اشتريتو من حوالي سنة من محل إسمو إمارات في الجاردنز بمبلغ 110 دنانير ، وللآن كل الألعاب اللي عم بلعبها بتشتغل منيح عليه على Resolution 1280x720 أو 1600x900 مع تشغيل كل الsettings في اللعبة على high و very high والألعاب اللي بتشتغل عليها منيح ومجربها هي:
Need4Speed Shift and undercover and prostreet
Farcry 2
Call of Duty world at war and modern warfare
Gears of War
Dirt
Grid
Left 4 Dead
Red Alert 3
Medal of Honor Airborne
Rainbow six Vegas
BATMAN: ARKHAM ASYLUM
Doom 3
Juiced 2
Soldier of Fortune : Pay Back
Prince of Persia : the Two Thrones
FiFa 2007
pro soccer evolution 2009
بس لعبتين كان فيهم بطء هما:
Crysis and Grand Theft Auto IV
بس لا تنسى إنو الCPU والرامات والبورد بحسنو الأداء كمان
My Hardware:
CPU : Intel core 2 quad q9300 2.5Ghz/6MB/13333
Board Intel dg43nb
Ram: 4Gb kingston ddr2 800Mhz bus
أخوي عندو نفس الكرت بس مواصفات جهازو أقل فالألعاب بتشتغل أبطأ عندو
شكرا على الرد. :)
وبالنسبة للسعر مقابل الاداء فهو جيد ولقيتو عند تكنولوجيا العصر ECS 9600 1GB GDDR3 بـ 95 دينار.
وعلى ما اعتقد راح يكون ادائه اعلى شوي من الـ 512 9600 على نفس المواصفات الي عندك وانا رح اجمعه لصديقي على:
CPU : Q 9400 2.6 / 6MB / 1333
M.B : MSI P45 NEO 3
RAM : 4 GB DDR2 800 Mhz
وتصدق اني لقيتو عند واحد من المحلات الفرط بسعر خيالي قبل 5 شهوور تقريبا بسعر 210 دنانير :eek:
ولما قلت للتاجر انه سعره اقل بـ 60 70 دينار على الاقل حلف يمين انه ربحان فيه 10دنانير :p
وبالصدفة بعد شهر واحد كنت في الجاردنز عند الامارات وشفت الكرت نفسه وعلى ما اعتقد كان وقتها هو الموزع لل ECS
وسألته عنه فقال لي 140 دينار وقلت له عن المحل وعرفه وقال انه ميخدو من عندو باقل من نص السعر الي عرضه (210)
شايف كيف النصب على اصوله ... وفي الاخر بطلع واحد بقول : التجار مساكين وربحهم قليل ومش عارف شو كمان ..!!!
... مشكوور مرة اخرى ;)
rayzouqash
19-01-2010, 19:14
اليوم حكيت تلفون مع Time Technology في الجاردنز وسألتهم عن كرت MSI 275GTX واللي رد علي كان ما بدو يحكي السعر ، كان متردد ، وحكالي إنو اتفضل عنا عشان تعرف السعر ، بس أنا اقنعتو إني مش تاجر وإني فعلا ناوي أشتريه بس بدي أعرف عشان أحسب حسابي بالمبلغ ، فحكالي إنو سعرو 250 دينار شامل الضريبة . إذا بدي أقارنو مع PCZONE فأسعارو أرخص ، لإنو سعر كرت XFX 260GTX مش 270GTX عندهم 290 دينار , على فكرة PCZONE أسعارو جدا غالية .
أحلى إشي مريت على تايبيه قبل حوالي 3 أو 4 أشهر ، سألتهم عن كروت شاشة ، فحكولي عن XFX 7950 واتخيلو شو كان سعرو ؟!!!!!
300 وشوي ، ناسي بالضبط السعر ، بس إنو أكتر من 300 دينار ، طيب مهو كرت ال9600GT أحسن منو في الأداء وسعرو أقل من نص السعر اللي طلبو في هاد الكرت اللي أنا متأكد إنو إلو أكتر من 3 سنين عندهم ومش مبيوع ، مشكلة محلات الكمبيوتر في هاد البلد ، إنهم بجيبو البضاعة مثلا بسعر 200 أو 300 وبتقعد عندهم سنين ما بتنباع ، وبتيجي بتسألهم عن سعرها بحكيلك نفس السعر اللي كان إلها قبل 3 سنين، بضاعة قديمة لازم سعرها ينزل كل 3 أشهر ، حتى لو التاجر بلش يخسر فيها ، بس هيك طول عمرو البيع والشرا في كل العالم ، إلا في هالبلد ، بحكيلك بلكي إجى واحد غشيم وشاف كرت الشاشة غالي واشتراه وهو ما بعرف إنو عمرو سنتين أو 3 سنين ، ومرة سألت fundirectory عن سماعات Creative 5.1 فحكالي برضو أكتر من 300 دينار وطبعا هاد الموديل إلو أكتر من 3 سنين طالع وصار سعرو عالنت أقل من 100 دينار .
هههههههههههههههه
تعرف انا مريت على تايبية قبليك بـ شهر او اتنين ولقيت هاد الكرت نفسه واحزر كم حكولي السعر ؟؟؟؟؟؟؟
اقسم بالله 500 دينار فانا انصدمت وصرت احكيلهم شو هاد ... 500 سعر الكرت .. وخد هاي التكتة : صرت احكي في عقلي بروح على PC ZONE وبشتري كرت 8800 بـ 350 دينار (ملاحظة : لحد الان معروض هاد الكرت عندهم على الرف بنفس السعر) ولا لما روحت شفت الكرت على النت (7950) لقيته منتهية مدته فقلت خليني احكي معهم اتاكد من السعر ... وللاسف ما حد فادني .. شكلهم فكروني تاجر زي ما صار معك ... حتى بتذكر ردت علي بنت وطلعت روحي بدها تعرف اسمي الكامل وانا ساعة بقنع فيها اني مش تاجر....:rolleyes:
وبالنسبة لـ pc zone بنصحك لا تصلو هالايام بلاش تشوف كرت ati sapphire hd 4870 512 GDDR5 (صرلو سنتين)ويغملى عليك لما تشوووف السعر :D
احزر كم على الرف ؟؟؟؟؟؟ ... بلاش تنصدم
تحياتي الك :)
alayoubi
19-01-2010, 23:19
السلام عليكم
منذ فترة عرض علي صديق كوبونات شراء من موقع أمازون بمجموع 240$ وأنا على اعتبار اني مشترك بخدمة شوب أند شيب من أرامكس فوافقت على أخذ هذه الكوبونات بشرط دفع مبلغ 140$ فقط مقابل هذه الكوبونات ( تحسبا للطواريء والجمارك وخلافه من مفاجآت لا يعلم بها الا الله) فوافق صديقي وتم كل شيء على خير .
وفي 1-1-2010 دخلت على موقع أمازون وقمت بطلب عدة أغراض منها نظام التبريد المائي Corsair H50 ومعجون التبريد Arctic Cooling MX-2 وأمور أخرى وصرفت كامل قيمة الكوبونات (العمر واحد) :) ووصلت أرض المطار بـ عمان بعد اسبوعين تقريبا وعلمت بذلك عن طريق رسالة قصيرة تفيد بأن طرود الشحن بالأرقام الفلانية خاصتي وصلت وهي موقوفة الآن في الجمرك :eek: :mad: الحقيقة هذا كان شيء متوقع بالنسبة لي فاتصلت بأرامكس فقالوا لي نعم ما زال بالجمرك وبانتظار تخمين موظف الجمرك :) بعد يومين وصلتي رسالة أخرى تفيد أن الطرود خرجت من أرض المطار وهي باتجاهها لمكاتب أرامكس :D وهذا بالنسبة لي يعني أن لا جمرك على الطرود فاتصلت بالشركة لأتأكد من الموضوع فقالوا نعم وهي في طريقها اليك خلال يومين وعندها تنفست الصعداء .
واليوم 19-1-2010 وصلني الطرد ومر كل شيء على خير والحمد لله دائما وأبد وهذه بعض الصور :
البوكس القادم كما هو من أمازون
https://i47.tinypic.com/x40m.jpg
وتلاحظون الورقة المرفقة هي عبارة عن تصريح خروج من وزارة المالية - دائرة الجمارك وتسمى بوليصة الشحنة أيضا ..
صورة للأغراض التي طلبتها
https://i47.tinypic.com/ok654x.jpg
https://i46.tinypic.com/2nutw6f.jpg
صورة للنظام المائي من الداخل
https://i47.tinypic.com/2ngfluc.jpg
أسعار الأغراض كالتالي :
Corsair H50 = 78$
Arctic Cooling MX-2 = 8$
أما الشحن من أمريكا الى باب المنزل بعمان = 19.5 دينار للوزن كيلو و 600 جرام يعني تقريبا 1.5Kg ..
ملاحظة هامة..
شباب كما ذكرت سابقا لا أستبعد ان طلبت أنا أو أي أحد غيري نفس الأغراض مرة أخرى أن يتم حجزها ودفع جمرك وطلب استبيان وتخليص جمرك ,الخ .. فالعملية كلها انت وحظك يا بتصيب يا بتخيب وانت المسؤول الأول والأخير عن ما تطلب من الخارج .
أحببت أن أطرح تجربتي فقط مع الشركة أرامكس وطبعا بالنسبة لمدة الشحن ان أحببت أن تصل بوقت أسرع فستدفع زيادة خلال عملية الشراء من الموقع المراد الشراء منه .
yazan soft
19-01-2010, 23:25
مبروكين الايوبي ياعمي هي الشريات والا بلاش "الله يطرحلك فيهم البركه" :)
صدقني انه اكثر من 75% من القطع التي تدخل البلد لاتدفع جمرك ولاتدفع ضريبه اكثر من 10%, صحيح منيح ماحكولك شاري قطع سيارات :D
alayoubi
20-01-2010, 00:03
مبروكين الايوبي ياعمي هي الشريات والا بلاش "الله يطرحلك فيهم البركه" :)
صدقني انه اكثر من 75% من القطع التي تدخل البلد لاتدفع جمرك ولاتدفع ضريبه اكثر من 10%, صحيح منيح ماحكولك شاري قطع سيارات :D
الله يسلمك أخي يزن ويبارك فيك :)
بس يا خوفي من الـ 25% الباقيين ما بينخاف عليهم جماعة الجمرك بطلعوا الفرقية :D , فعلا منيح ما قالولي شو الي جايبوه هذا ليكون رودايتر سيارة :ah32: أنا لمى شفت حجم البوكس انخضيت بس هو حجمه وسط :p
A.D.V.I.L
20-01-2010, 13:44
استاذ الايوبي الف الف مبرووك على القطع ، كان واضح من مواضيعك انك ناوي على المشتت يا قاتل يا مقتوول :D
ممكن اجمالي العملية كم كلفك ؟!
صحيح منيح ماحكولك شاري قطع سيارات
منيح ما طلب ال v8 :D
يونس محمد
20-01-2010, 16:05
مبروك اخي الايوبي النظام الرائع
قبل يومين مريت على تكنولوجيا الزمن وكانت اسعار كروت الشاشة كما يلي
hd 4890 cyclone 179jd
hd48501gb 135jd
hd46701gb 80 jd
275gtx hayper frozen 1780m 260 jd
gts250 1gb 150 jd
9800gt 125jd
متمني للجميع الافضل انشاء الله
يونس محمد
20-01-2010, 16:07
والف مليون مليار ترليون مبروك للاخ الايوبي على النظام الرائع
ألف مبروك واختيارات ممتازة :)
وأنا أيضا لاحظت اهتمامك في هذا المشتت ;)
alayoubi
20-01-2010, 19:03
الله يبارك فيكم جميعا .. :)
التكلفة الاجمالية للنظام المائي + المعجون = 80 دينار تقريبا .
---------------------------------------------
في أخبار حلوة لمشتركي أرامكس شوب اند شيب وهي :
أي غرض تطلبه من الخارج اذا كانت تكلفته + تكلفة شحنه للأردن تقل عن 100 دينار فهو معفي من أي جمرك وأي رسوم اضافية .
هذا الخبر عرفته فقط اليوم وهي اتفاقية بين شركة أرامكس وجمرك المطار وعلى الطرفين الالتزام فيها مع العلم أنه ممكن يكون الغرض أكثر من 100 دينار ويمر عادي لكن هذي بتكون صدفة .
طبعا اذا ناوي تطلب أكثر من غرض تكلفتهم فوق ال 100 دينار ببساطة بتقسم الأغراض على أكثر من طرد وبهذه الحالة بتتفادى أي مشاكل ولكن راح تدفع فقط عن أوزان الشحن من أمريكا للأردن عن كل طرد لوحده .
الف .. الف مبروك عليك استاذ الايوبي :)
عقبالنا ;)
-------------
مشكووور اخ يونس على الاسعار :)
AMD TECH
20-01-2010, 21:46
مبروك اخ الايوبي على القطع ... والله شجعتني اكثر اني اطلب من بره .... بس انا ناوي على جهاز كامل :confused: ... بس متخوف من هالشغلة اللي يا بتصيب يا بتخيب :mad: .... وذا تكرمت شو هو اشتراك شوب اند شيب :) ..!!
ماجد1993
21-01-2010, 00:06
مبروك القطع
وشو رايك بانك تشتري قطع من الخارج وممكن اتبيعها هون
منها تكسب فينا اجر بدل مالواحد يشتري باسعار خيالية من هون
وتوفر قطع ما ظنيت تتوفر عنا ابدا
السّلام عليكم...
أهلاً إخواني بكم جميعاً , و مبروك أخي الأيّوبي :)
أخي الأيّوبي أنا حاليّاً في الإمارات و موعد رجوعي إلى الأردن تقريباً في 6-4-2010 , إلى ذلك الحين , و عند عودتي إذا أردت شيء أنا جاهز , و اعذروني على قلّة دخولي إذ أنّ المنطقة التي أسكن بها جميع محلات الإنترنت تغلق عند السّاعة 12 ليلاً :( .
مع فائق الاحترام...
السلام عليكم ورحمة
اخواني انا في صدد شراء جهاز لم يبقى سوى الكلمة الاخيره حتى يتم تجميع الجهاز
المواصفات
M.B IntelBLKDP55SB Micro ATX ,
CPU Intel Core I5 2.66GHz 8M 1333 Mhz
H.D.D 1000 GB SATA , Kingston RAM 8G DDR3 1333 Mhz
VGA Card Nvida GF PCI EX-9800 GT 1G ,
ATX Case with Power 550 W High Quality ,
Super DVD Drive, Keyboard M.M , Mouse Optical, Lan Card 10/100 /1000, 2.1 Speaker Samsung 22” LCD 2250B
8G RAM
السعر 1250 دينار اردني ..
... طلبت 16 جيجا رام لكن قال لايوجد في السوق الاردني 16 جيجا لا اعلم هل من اهل الاردن لديه خبره
وهل من اهل الاردن من ينصحني بمحل معيا اسأل عن العروض ..
ارجو النصيحة ولكم جزيل الشكر ..
اتمنى الرد بعجلة كوني سوف اتخذ قراري الليلة
ماجد1993
21-01-2010, 16:31
السلام عليكم ورحمة
اخواني انا في صدد شراء جهاز لم يبقى سوى الكلمة الاخيره حتى يتم تجميع الجهاز
المواصفات
M.B IntelBLKDP55SB Micro ATX ,
CPU Intel Core I5 2.66GHz 8M 1333 Mhz
H.D.D 1000 GB SATA , Kingston RAM 8G DDR3 1333 Mhz
VGA Card Nvida GF PCI EX-9800 GT 1G ,
ATX Case with Power 550 W High Quality ,
Super DVD Drive, Keyboard M.M , Mouse Optical, Lan Card 10/100 /1000, 2.1 Speaker Samsung 22” LCD 2250B
8G RAM
السعر 1250 دينار اردني ..
... طلبت 16 جيجا رام لكن قال لايوجد في السوق الاردني 16 جيجا لا اعلم هل من اهل الاردن لديه خبره
وهل من اهل الاردن من ينصحني بمحل معيا اسأل عن العروض ..
ارجو النصيحة ولكم جزيل الشكر ..
اتمنى الرد بعجلة كوني سوف اتخذ قراري الليلة
كل المواصفات شايفها اكويسة بس المذربورد لو اتجيب نوع غير انتل ممكن ايفيدك اكثر بكسر السرعة
وان شاء الله اني فدتك
Powered by vBulletin® Version 4.2.5 Copyright © 2024 vBulletin Solutions, Inc. All rights reserved, TranZ by Almuhajir