أخبار قطع الحاسوب وأسعارها في أسواق الأردن

[MOSAHADIDI]

المعالج : Intel i5 3550 بسعر 180 دينار من السيتي سنتر
البورد : Asus P8Z77-V m بسعر 125 دينار من السيتي سنتر
الرامات : 1600 Kingston Hyper X 4GB*2 بسعر 50 دينار من السيتي سنتر
كرت الشاشة : Asus GTX 570 DCII 1280MB DDR5 بسعر 335 دينار من السيتي سنتر
الهارد : Western Digital Caviar Black 500 GB SATA III بسعر 80 دينار من السيتي سنتر
الباور : XFX ProSeries 650W Bronze بسعر 70 دينار من السيتي سنتر
الكيس : Antec One-Gaming بسعر 50 دينار من السيتي سنتر
الشاشة :



عموماً المجموع حالياً بدون شاشة : 890 دينار

لو بدك شاشة ممتازة الميزانية رح تزيد عن الـ 1000 دينار , لكن بصراحة ممكن الشباب يفيدوك أكثر من بالنسبة للشاشات .

بالنسبة لسماعات الرأس يفضل تجيبهم من amazon.com أفضل والخيارات أكثر والسعر أرخص .
تجميعه محترمه ما شاء الله....
بس لو اخذ كرت 560ti او 7850 رح يكفي ويجيب بالفرق ssd لانه مهم بالمبرامج التصميميه ولا شو رايكو؟؟؟

[alayoubi]

حمزة
ذبحت الزلمة خليت عالكرت الأول gtx560 ti , الميزانية يدوب مكفيه .

ترى أبو العز (mask_of_fear) معزوم , جهز حالك .

ابو العز جيب الرشاش معك بدنا نحتفل الليلة :ah26:

[hamzeh.mal]

حمزة
ذبحت الزلمة خليت عالكرت الأول gtx560 ti , الميزانية يدوب مكفيه .

ترى أبو العز (mask_of_fear) معزوم , جهز حالك .

ابو العز جيب الرشاش معك بدنا نحتفل الليلة :ah26:

:D


طيب معلش هذه التجميعة لا تقل بالأداء عن الأولى إلا قليلاً ولكن يوجد فرق بالسعر :


المعالج : Intel i5 3550 بسعر 180 دينار من السيتي سنتر
البورد : Asus P8Z77-V m بسعر 125 دينار من السيتي سنتر
الرامات : 1600 Kingston Hyper X 4GB*2 بسعر 50 دينار من السيتي سنتر
كرت الشاشة : Asus Raedon 7850 DCII 2GB DDR5 بسعر 260 دينار من السيتي سنتر
الهارد : Western Digital Caviar Black 500 GB SATA III بسعر 80 دينار من السيتي سنتر
الباور : XFX ProSeries 650W Bronze بسعر 70 دينار من السيتي سنتر
الكيس : Antec One-Gaming بسعر 50 دينار من السيتي سنتر
الشاشة :


وفعلاً كما قال الأخ iboy الـ 7850 لا يقل أدائه عن 570 كثيراً ويوجد فرق كبير بالسعر وخيار أفضل من الـ 570 لدعمه الـ PCI3 وإمكانية كسر سرعته وجعله مشابه للـ 7870 وبصراحة أنا ما عندي خبرة في الـ AMD و الـ ATI عشان هيك الآراء الأخرى مطلوبة من الإخوة خاصة في كروت الشاشة .

المجموع الآن : 815 دينار

والتجميعة الآن مثالية إن شاء الله

[loai abuali]

التجميعة ممتازة بس انا توقعت المعالج يكون I7 مش I5
و انا ما بفهم كتير بهاي الشغلات بس بعرف انو ال I7 احسن
و بخصوص كرت الشاشة محتاج فيه نصيحة لاني ما بعرف انو احسن بس بسمع انو النفيديا اقوى بس رح اوخد بالنصيحة منكم لانكم بتعرفو اكتر مني

[alayoubi]

^^^
له يا حمزة , الزلمة بعد ما يستلم الجهاز ييجي ينزل ويندوز ما يلاقيش DVD-RW
بدنا موديل مرتب من Liteon أو sony nec أو Samsung

------

شو أخبار بوردات z77 من MSI مش متوفرة حاليا ؟؟
بدنا بورد ATX

[loai abuali]

ههههههههه والله انا كمان ما انتبهت لل DVD-RW

[hamzeh.mal]

التجميعة ممتازة بس انا توقعت المعالج يكون I7 مش I5
و انا ما بفهم كتير بهاي الشغلات بس بعرف انو ال I7 احسن
و بخصوص كرت الشاشة محتاج فيه نصيحة لاني ما بعرف انو احسن بس بسمع انو النفيديا اقوى بس رح اوخد بالنصيحة منكم لانكم بتعرفو اكتر مني


أكيد الـ i7 أفضل من الـ i5 بشكل عام , لكن فعلياً الفرق بينهم لو كانوا نفس التردد هو خاصية داخل الـ i7 إنو متكون من أربع أنوية لكن يعاملوا كإنهم 8 يعني 4 أنوية حقيقية و 4 أنوية تخيلية بينما الـ i5 ما فيه هاي التقنية فقط متكون من 4 أنوية حقيقية

وحالياً ما في ألعاب بتستفيد من التقنية اللي ذكرتها والموجودة في الـ i7 لذلك لو كان استخدامك في الألعاب يفضل إنك تجيب الـ i5 وفرق السعر تستغله في كرت الشاشة مثل ما صار بتجميعتك .

والمعالج المذكور في التجميعة معالج قوي بمعمارية حديثة وتردد 3.3GHz ومع التيربو بوست بوصل 3.7GHz

انا فهمت انو ميزانيتك ممكن تكون أكثر من 1000 لو صحيح كم بالضبط ممكن تكون ؟

بالنسبة للكرت فالكرت الموجود بالتجميعة جداً ممتاز ولا يقل عن النفيديا GTX 570 إلا بـ 5% لصالح النفيديا في الأداء ومع هيك السعر بفرق 75 دينار !!

وبشكل عام ما بتقدر تحكي إنو الإنفيديا أفضل من الـ ATI أو العكس في منتجات عند الإنفيديا أفضل من الـ ATI لنفس الفئة السعرية وفي منتجات عند الـ ATI أفضل في نفس الفئة السعرية من النفيديا .

الكرت المقترح إلك أفضل بفارق ملحوظ من الـ GTX 560 ti ولكن أقل بشيء بسيط من الـ GTX 570 .


عشان ما يزعل الأيوبي :D جيب DVD نوع Samsung أو MSI بـ 20 دينار من تكنلوجيا الزمن .

بحاول اليوم أروح على وكالة Samsung في الجاردنز عشان أعرف أسعار الشاشات ورح أجيب الأسعار بالجملة ;) كما تباع للتجار لكن إن شاء الله يكونوا فاتحين إذا مسكرين بنروح بكرة .






شو أخبار بوردات z77 من MSI مش متوفرة حاليا ؟؟
بدنا بورد ATX


للأسف موجود بورد واحد بشريحة Z77 من MSI موديلها : Z77MA-G45 بسعر 110 دينار لكن للأسف لا ترتقي للمستوى المطلوب
مثل البوردات : Z77A-G45 و بورد Z77A-GD65 اللي متفوقة على أغلب بوردات Z77 وبسعر جداً معقول .

وبدهم من شهرين لحد 3 شهور لحد ما يجيبوا تكنلوجيا الزمن بضاعة جديدة وممكن ما يجيبوهم لو ما اقتنع فيهم مدير المبيعات !!!


يعني حالياً تراجع من تكنلوجيا الزمن وتقدم السيتي سنتر بجدارة من حيث توفير القطع الحديثة ( السعر خليه على جنب ) .

[GTX460]

قررت أشتري القطع من الاردن لذلك أبغى كيسه جبارة
الميزانية : 5000 ريال سعودي

+ واحد ميزانيتة 500 ريال سعودي
هو يريد معالج بهذا السعر
ماهو المعالج عطوني اسمه + سعره

[MOSAHADIDI]

قررت أشتري القطع من الاردن لذلك أبغى كيسه جبارة
الميزانية : 5000 ريال سعودي

+ واحد ميزانيتة 500 ريال سعودي
هو يريد معالج بهذا السعر
ماهو المعالج عطوني اسمه + سعره
اخي...القطع عنا في الاردن غاليه جدااا ولا تقارن بالسعوديه....اشتري من هناك افضل

[re madrid al]

السلام عليكم
تحيه طيبه للجميع واخص بالذكر
استاذا ومعلمنا الايوبي
وصديقنا وحبيبنا الاخ حمزه

بالنسبه للشاشات انا بنصح اخونا يجيب شاشه سامسونج p2370h فيه ممتازه بكل المقاييس وخاصه للالعاب والتصميم سعرها 220 دينار بعد الخصم
العنوان
شارع الجاردنز - مجمع البكري التجاري الطابق الارضي
تلفون : 5500190
بالتوفيق

[iboy]

أخيراً City Center جاب رامات Corsair Vengeance لكن أسعارهم نار !
65 دينار - 1600mhz
70 دينار - 1866mhz
:mad:

[alsheyabsaddam]

أخيراً City Center جاب رامات Corsair Vengeance لكن أسعارهم نار !
65 دينار - 1600mhz
70 دينار - 1866mhz
:mad:


يا اخي السيتي سنتر عنجد مذهلين بادائهم وتفوقهم حتى باسعارهم في كثير اشياء ارخص من امريكا او مساوي الها مثل الهاردات وهيك اشياء

[iboy]

^^^
لكن الرامات غالية للأسف
سعرها على أمازون 50 دولار يعني 35 دينار و هم يبيعوها ب65 دينار :(

[embraer]

سؤال اذا سمحتم ..

بقدر اركب رام CORSAIR 4G 1600 مع رامات kingston عادية 1333 بحيث يصير عندي 8G ؟ ولى لازم نفس النوع والتردد

[MOSAHADIDI]

سؤال اذا سمحتم ..

بقدر اركب رام CORSAIR 4G 1600 مع رامات kingston عادية 1333 بحيث يصير عندي 8G ؟ ولى لازم نفس النوع والتردد
طبعااا بتقدر بس بتوقع بصيرو كلهم يشتغلو على التردد الاقل الي هو 1333 والله اعلم

[embraer]

شكراً لك اذا هيك ما استفدت اشي

[alsheyabsaddam]

طبعااا بتقدر بس بتوقع بصيرو كلهم يشتغلو على التردد الاقل الي هو 1333 والله اعلم
اها طبعاً بيشتغلوا على التردد الاقل الا اذا عملت اوفركلوك للرام القديمة ويعني ما بنصحك فيه مع انه بجوز تزبط

[loai abuali]

طيب يعني هيك كل التجميعة شو صارت ازا في مجال تكتبلي اياها مع الشاشة و ال DVD و كرت الشاشة حسب نصيحتكم و شو سعر التجمية كلها حتى لو زاد عن ال 1000 دينار
و اخي حمزة في واحد صاحبي بدو ييجي على الاردن اسبوع مشان يشتري عدسات للكاميرا الي عندو و هوي شاف القطع على الامازون و بدو يعرف من بعد ما يطلبهن منك كم بدهن وقت لحد ما يوصلن و شو الرسوم الي انت رح توخدها و المشكلة فش معاه الا اسبوع واحد يا ريت تزودني بالمعلومات و انا رح اوخد منو روابط المنتوجات الي بدو يجيبهن و نشوف شو السعر الي رح يكلفو

[الحوت]

قد يبدو سؤالي غبي
بس ايش الي رح تقدمه crosdair كرامات ومتقدر تقدمه kinston ?

[alsheyabsaddam]

قد يبدو سؤالي غبي
بس ايش الي رح تقدمه crosdair كرامات ومتقدر تقدمه kinston ?
الفكرة بجودة القطع وقدرتها على العمل بمواصفاتها وقابليتها لكسر السرعات ايضاً هيك بتوقع انا

[DBZ-Lover]

السلام عليكم
اخواني الكرام ما ارخص Wi-Fi Repeter
عنا في البلد ولوين المدى تبعه؟

[MOSAHADIDI]

قد يبدو سؤالي غبي
بس ايش الي رح تقدمه crosdair كرامات ومتقدر تقدمه kinston ?
من المعروف ان كسر سرعه المعالج يرافقه زياده في تردد الرامات....
فكلما كانت نوعيه الرامات افضل قل الفولت المستخدم...وفولت الرامات يؤثر بشكل كبير بعمليه كسر السرعه وحراره المعالج ففولت 1.65 يعتبر عالي 1.5 افضل و 1.35 افضل وهكذا
فالرامات مثل كروت الشاشه يوجد تبريد احترافي وغير احترافي ويساعد للوصول لسرعات عاليه للمعالج والرامات ايضاااا

[hamzeh.mal]

طيب يعني هيك كل التجميعة شو صارت ازا في مجال تكتبلي اياها مع الشاشة و ال DVD و كرت الشاشة حسب نصيحتكم و شو سعر التجمية كلها حتى لو زاد عن ال 1000 دينار
و اخي حمزة في واحد صاحبي بدو ييجي على الاردن اسبوع مشان يشتري عدسات للكاميرا الي عندو و هوي شاف القطع على الامازون و بدو يعرف من بعد ما يطلبهن منك كم بدهن وقت لحد ما يوصلن و شو الرسوم الي انت رح توخدها و المشكلة فش معاه الا اسبوع واحد يا ريت تزودني بالمعلومات و انا رح اوخد منو روابط المنتوجات الي بدو يجيبهن و نشوف شو السعر الي رح يكلفو


المعالج : Intel i5 3550 بسعر 180 دينار من السيتي سنتر
البورد : Asus P8Z77-V m بسعر 125 دينار من السيتي سنتر
الرامات : 1600 Kingston Hyper X 4GB*2 بسعر 50 دينار من السيتي سنتر
كرت الشاشة : Asus Raedon 7850 DCII 2GB DDR5 بسعر 260 دينار من السيتي سنتر
الهارد : Western Digital Caviar Black 500 GB SATA III بسعر 80 دينار من السيتي سنتر
الباور : XFX ProSeries 650W Bronze بسعر 70 دينار من السيتي سنتر
الكيس : Antec One-Gaming بسعر 50 دينار من السيتي سنتر
ديفيدي : أي نوع متوفر لكن غير الـ LG من السيتي سنتر بـ 20 دينار
الشاشة : Samsung P2370HD بسعر 225 دينار


المجموع : 1060 دينار




بالنسبة لصاحبك اللي بدو يجي عشان العدسات أولاً الجمارك فالعدسة رح يعتبروها إلكترونيات فرح يكون عليها الجمرك 30 - 50 % من قيمة القطعة من أمازون + 16% ضريبة مبيعات + 15 دينار تخليص جمركي .

يعني لو كانت العدسة بـ 500 دولار وكان الشحن عليها مثلاً 34 دينار فالزيادة رح تكون :

جمرك : 118.2 - 197 دينار , ضريبة مبيعات : 81.952 - 94.56 دينار , تخليص جمركي : 15 دينار

والسعر الإجمالي : 609.152 - 700.56 دينار هذا في حال كان سعر السلعة من أمازون 500 دولار !!

وأنا شخصياً ما باخذ عمولة أبداً , ثاني شغلة لازم يكون عنده فيزا انترنت أو يدبر فيزا بنفسه لإنو الفيزا اللي عندي لها لمت ولا يكفي للمبالغ الكبيرة .

إذا نوا الشراء لازم يعمل الفيزا ثم يشتري قبل بفترة لإنو عملية الشحن في حالة كان في جمرك بستغرق من 8 أيام - 10 أيام , ولو شراها قبل بكون أفضل وبخليها عندي مثلاً لحتى يوصل الأردن .




السلام عليكم
اخواني الكرام ما ارخص Wi-Fi Repeter
عنا في البلد ولوين المدى تبعه؟


وعليكم السلام هلا أخوي

ممكن تشوف الأنظمة الذكية بالجاردنز أظن شفتها عندهم قبل فترة

تلفونهم لو بتحب تتأكد قبل ما تروح موجود على الصفحة الأولى لهذا الموضوع

[loai abuali]

خلص انا رح احكي معا و اخبرو عن كل اشي و اجيب اسعار القطع كمان و بردلك خبر

[Thunder Dark]

السلام عليكم
اخواني الكرام ما ارخص Wi-Fi Repeter
عنا في البلد ولوين المدى تبعه؟

مش رح تحتاج ريبيتر

في عندك راوتر TP-LINK 740N بيشتغل راوتر + ريبيتـر +سويتش. طبعا حسب ما بتبرمجه انت. انا برمجته كـ ريبيتر وشغال فل الفل . وسعره بحدود 16.5-19 دينار تقريبا، انا جبته قبل فترة بـ 17 دينار.

وفي عندك يا سيدي راوترات TENDA بتشتغل كمان ريبيتر وبرمجتها اسهل من التي بي لينك.

وبتقدر مثلا تحول راوتر TP-LINK 740N وبعض الانواع لنظام DDWRT وبتصير تعمل يلي بدك اياه بالراوتر لأنه بيعتمد على كيرنال اللينكس المفتوح المصدر ، وهو نظام قوي جدا وخياراته كثيرة.

[Thunder Dark]

السلام عليكم

اخواني في عندي سؤال

مبارح فصلت خط النت من اورانج لأنه انتهت مدة العقد وما بدي اجدد، على العموم انا شفت عرض أمنية الايفو 3 جي. واجبت الفلاشة ووضعها كويس لغاية الان. لكن الشبكة كعادتها بتروح وبتيجي :ah32: ومش غريبة على امنية :ah50:

بعد ما جبتها لقيت واحد صاحبي حكالي انه فلاشة زين فيها داونلود مجاني من 12-8 !

ممكن يلي بيستخدموا فلاشة زين انهم يكتبوا اسعار الشحن ، طبعا الخطوط المدفوعة مسبقا مش الاشتراك.

أيضا :المشكلة انه شغلي بيتطلب انه افتح بورتات احيانا والفلاشة ما بتوفر فيها هاي الخاصية ، هل في طريقة لفتح البورتات غير طريقة التورنت !!!!


أيضا بالنسبة للأبلود ؛ كيف يتم حسابه ؟؟؟؟ . يعني بيخصموا من سعة التحميل ولا شو

[DBZ-Lover]

مش رح تحتاج ريبيتر

في عندك راوتر TP-LINK 740N بيشتغل راوتر + ريبيتـر +سويتش. طبعا حسب ما بتبرمجه انت. انا برمجته كـ ريبيتر وشغال فل الفل . وسعره بحدود 16.5-19 دينار تقريبا، انا جبته قبل فترة بـ 17 دينار.

وفي عندك يا سيدي راوترات TENDA بتشتغل كمان ريبيتر وبرمجتها اسهل من التي بي لينك.

وبتقدر مثلا تحول راوتر TP-LINK 740N وبعض الانواع لنظام DDWRT وبتصير تعمل يلي بدك اياه بالراوتر لأنه بيعتمد على كيرنال اللينكس المفتوح المصدر ، وهو نظام قوي جدا وخياراته كثيرة.
مشكور اخي لكن لو غيرت روتر اورنج عادي ما فيه مشاكل يعني؟
ولا كيف ممكن شوية شرح واعذرني لاني اعرف اشياء بسيطة بخصوص الشبكات

[Thunder Dark]

مشكور اخي لكن لو غيرت روتر اورنج عادي ما فيه مشاكل يعني؟
ولا كيف ممكن شوية شرح واعذرني لاني اعرف اشياء بسيطة بخصوص الشبكات

راوتر اورانج زبالة بكل معنى الكلمة،

لكن اذا عندك راوتر اورانج الوايرليس في قدامك طريقتين:
الاولى : تجيب راوتر تي بي لينك وتبرمجه على ستاتيك أي بي : يعني سويتش واشبكه بالاورانج عن طريق كيبل ايثرنت. وهيك الوضع بكون تمام.
الثانية: تبرمج الراوتر ريبيتر بحيث انه يلتقط اشارة مودم الاورانج الوايرليس ، وهيك بصير يبث اشارة وكمان بتقدر توخذ منه عن طريق الايثرنت.

طبعا ممكن تواجه صعوبات في الطريقة الثانية لأنه رواترات الاورانج من أسوأ الموديلات.

[TECHNO0O]

السلام عليكم

اخواني في عندي سؤال

مبارح فصلت خط النت من اورانج لأنه انتهت مدة العقد وما بدي اجدد، على العموم انا شفت عرض أمنية الايفو 3 جي. واجبت الفلاشة ووضعها كويس لغاية الان. لكن الشبكة كعادتها بتروح وبتيجي :ah32: ومش غريبة على امنية :ah50:

بعد ما جبتها لقيت واحد صاحبي حكالي انه فلاشة زين فيها داونلود مجاني من 12-8 !

ممكن يلي بيستخدموا فلاشة زين انهم يكتبوا اسعار الشحن ، طبعا الخطوط المدفوعة مسبقا مش الاشتراك.

أيضا :المشكلة انه شغلي بيتطلب انه افتح بورتات احيانا والفلاشة ما بتوفر فيها هاي الخاصية ، هل في طريقة لفتح البورتات غير طريقة التورنت !!!!


أيضا بالنسبة للأبلود ؛ كيف يتم حسابه ؟؟؟؟ . يعني بيخصموا من سعة التحميل ولا شو






اخي الكريم فلاشات النت من رين عندهم العروض التاليه
الاشتراكات المدفوعه مسبقا نفس فئات البطاقات
6
10
18
وعندك كمان
عروض الاشتراكات الشهريه
وافضلهم زين كونكت2.5gbمضاعفه مدى الحياه
وتحميل مجاني على كل العروض الجديده سواء كانت بطاقات مدفوعه مسبقا او اشتراكات شهريه
من الساعه 12:00 لغايه الساعه 08:00 صباحا مع تحديد كميه الاستخدام او التنزيل العادل اللي هو 3.333GB

[TECHNO0O]

ممكن اعمل هذا الشي بفلاشه الزين لاانو البرج قريب على البيت تقريبا بحدود 200 متر بس او اقل 150 متر وبالليل الشبكه بتصير ضعيفه مرات بتقوى بقدر اسحب السيقنال من البرج عن طريق راوتر معين او ريبيتر ياريت المساعده