أخبار قطع الحاسوب وأسعارها في أسواق الأردن

[embraer]

اخواني بدي رايكم بهذا الكرت قبل ما اشتريه

zotac gts 250 1g ddr3

model : zt-20103-10p

مستعمل بسعر 120 دينار

او كرت

xfx gts 250 1g

كم سعرهم جديد وهل السعر معقول ولى لأ

مع العلم عندي كرت nvidia 9400 gt وحاب اغيرة

[embraer]

واللوحة intel dg31pr

[sami lafe]

شكرا لك اخي لوفر

[Fast Taker]

شو نوع البروسيسور عزيزي
عشان ما بحدث عنق زجاجة

[embraer]

عندي معالج core 2 duo e7400 @ 2.8

[Fast Taker]

انا شايف انه سعره غالية بالنسبة لمستعمل

[embraer]

اممممم شكراً على التبيه فعلاً شكله غالي لان الجديد 150 دينار
ما بعرف اذا بــ 110 انا شاري

[المظفر بالله]

شو نوع البروسيسور عزيزي
عشان ما بحدث عنق زجاجة

+ الباور سبلاي نوعه وقدرته ؟

[Fast Taker]

^^^^^^^^
+!

[khaled-95]

طيب نصيحة لو بدك تغير لقطع جديدة يفضل انك تشتري باور ماركة محترمه

خوفا على القطع رغم انه ممكن الباور الي عندك يزود الجهاز ب 400-500 واط وهو كافي طبعا

لكن الباورات التجارية فيها مشكلة عدم انتظام مسار التيار الكهربائي يعني

كمية الواط من فترة لفترة بتختلف مما يؤدي لحررق القطع

طيب ايش في باور ماركة محترمة سعره 40 دينار ؟

[TAIPEI COMPUTER]

طيب ايش في باور ماركة محترمة سعره 40 دينار ؟
-----------------------------
مرحبا خالد
Gigabyte Superb 400-460 watt
وسعره 37 دينار
مكفول 12 شهر

[TAIPEI COMPUTER]

اممممم شكراً على التبيه فعلاً شكله غالي لان الجديد 150 دينار
ما بعرف اذا بــ 110 انا شاري
-----------------------------------------------------

مرحبا embraer

ZOTAC 1GB GDDR3 250 GTS
سعره 125 ديتار بعد العيد ان شاء الله
مكفول 24 شهر

[TAIPEI COMPUTER]

ga-g41m-combo

سعرها 50 دينار تقريبا

تدعم ddr2 او ddr3 معا

بشكل مؤقت
---------------------------------------
مرحبا Fast Taker
ga-g41m-combo
سعرها 54 دينار
مكفوله 36 شهر

[TAIPEI COMPUTER]

على طول Gigabyte Superb 550W ويمكن سعره بحدوج 50 الى 60 دينار من عند تكنولوجيا الزمن اول الجاردنز قريب من السيفوي وتحت الجسر من الجهة المقابلة لمحل SmartBuy
----------------------------------
مرحباDBZ-Lover

او عند تايبيه كمبيوتر بسعر 50 دينار

:)
مكفول 12 شهر

[TAIPEI COMPUTER]

هل core i5 750

أرخص من العالجات من AMD ؟

كم سعره مع الشكر ؟
---------------------------------------

مرحبا VIBRA

core i5 760 متوفر وسعره 185 دينار BOX
مكفول 36 شهر

[Fast Taker]

طيب ايش في باور ماركة محترمة سعره 40 دينار ؟

مثل ما قال DBZ-LOVER

gigabyte superb 550w = 50 jd from taipei 1 year waranty

كويس خصيصا للمستقبل لو حبيت تغير الكرت لاقوى


مرحبا embraer

ZOTAC 1GB GDDR3 250 GTS
سعره 125 ديتار بعد العيد ان شاء الله
مكفول 24 شهر

شوفت embraer يفضل تشتريه جديد مكفول احسن من مستعمل

ما بتعرف شو صار فيه وما بتضمن عمره ويمكن يكون فيه مشكلة



مرحبا Fast Taker
ga-g41m-combo
سعرها 54 دينار
مكفوله 36 شهر

اهلا حسني بس اكيد بتحسبوها اله بــ 50 دينار :)

بس يا استاذ حسني يفضل عمل الاقتباس المتعدد افضل من عمل محموعة كبيرة من الردود

[TAIPEI COMPUTER]

مرحبا شباب وكل عام وانتم بالف خير وان شاء الله هالمنتدى اللي بجمعنا على الخير دايما بالف خير وتطور

انا كنت متردد اجاوب على موضوع الأسعار في الأردن بسبب شدة الأنتقاد اللي ممكن الواحد يتعرض له والقصف العشوائي اللي ممكن الواحد يتعرض له وبيحاول دايما يتفاداه :)

بس هذا بعني انه الواحد ما يواجه مسؤولياته ويدفن راسه في الرمل زي النعام

ارجو ان يتسع صدركم لملاحظاتي

ياجماعه سوق الكمبيوتر في الأردن زي ما في كل محل بالعالم بيعتمد على معادله رئيسيه وهي العرض والطلب

والعرض والطلب بيعتمد على الأمكانيات المتوفره عند طرفي المعادله اللي هم البائع والشاري
خلينا نعترف اولا انه الشاري في الأردن مختلف نوعا وكما عن عموم منطقتنا بسبب التقدم العلمي والثقافي اللي بيتمتع فيه معظم الزباين وايضا الأنفتاح القديم العهد نسبيا على الأسواق العالميه سواء من خلال الأسواق الأعتياديه او الألكترونيه

ونعترف ايضا بتخلف البائع او شركات الكمبيوتر(بشكل عام ) في ملاحقة ومواكبة التطورات في السوق داخليا و خارجيا وهذا مرده بالدرجه الأولى لعدم مراعاة الثقافه المتخصصه بالمجال والتركيز على الربحيه دون اي اعتبار لأي عوامل اخرى ...

وللحديث بقيه ... مضطر اتركو شوي :)

[khaled-95]

تايبيه بورد ga-p55-usb3 نهايتها 155 دينار ؟

[embraer]

السلام عليكم يعطيكم العافية

الصراحة اتصلت مع الشب صاحب الكرت وقال انة سعرة مستعمل مرتفع شوي لانة وارد امريكا ( حسب ما يقول )

لكن فعلاً اخواني الواحد ما بضمن لذلك قررت اشترية جديد ووصيت علية ان شاءالله بكرة بجيبة

نوع XFX 250 Gts 1G سعرة 150 دينار

[AMD TECH]

اخ حسني صحاب المحلات ليس متخلفين .. وهم على دراية بما يحدث بالسوق .. بس مفكرين المواطن غشيم وما بعرف بالقطع .. يعني مثلا بدخل واحد بسأل بدو يجمع كمبيوتر ببلش صاحب المحل بحكيلو معالج P4 ورام 1GB وكرت شاشة GEFORCE قوي وبعد الحسبة بطلع هالمبلغ طبعا الشخص إللي بدو يشتري ما بعرف هالقصص (اغلبهم) .. وهو السبب اللي بخلي صحاب المحلات يجيبو القطع الرخيصة من برا ويبيعوها بسعر عالي ...!!

[TAIPEI COMPUTER]

السلام عليكم يعطيكم العافية

الصراحة اتصلت مع الشب صاحب الكرت وقال انة سعرة مستعمل مرتفع شوي لانة وارد امريكا ( حسب ما يقول )

لكن فعلاً اخواني الواحد ما بضمن لذلك قررت اشترية جديد ووصيت علية ان شاءالله بكرة بجيبة

نوع XFX 250 Gts 1G سعرة 150 دينار
-------------------------------------------------------

اصبر لبعد العيد واشتري gigabyte بنقس السعر
150 دينار
مكقول 36 شهر

[TAIPEI COMPUTER]

اخ حسني صحاب المحلات ليس متخلفين .. وهم على دراية بما يحدث بالسوق .. بس مفكرين المواطن غشيم وما بعرف بالقطع .. يعني مثلا بدخل واحد بسأل بدو يجمع كمبيوتر ببلش صاحب المحل بحكيلو معالج P4 ورام 1GB وكرت شاشة GEFORCE قوي وبعد الحسبة بطلع هالمبلغ طبعا الشخص إللي بدو يشتري ما بعرف هالقصص (اغلبهم) .. وهو السبب اللي بخلي صحاب المحلات يجيبو القطع الرخيصة من برا ويبيعوها بسعر عالي ...!!
---------------
يا استاذي ليس القصد انهم متخلفين بالمعنى العقلي وانما القصد هو عدم المواكبه واعتذر ان كانت فهمت خطا

[TAIPEI COMPUTER]

تايبيه بورد ga-p55-usb3 نهايتها 155 دينار ؟
-------------------------------------------------------
148 دينار وكل سنه وانت سالم

[AMD TECH]

---------------
يا استاذي ليس القصد انهم متخلفين بالمعنى العقلي وانما القصد هو عدم المواكبه واعتذر ان كانت فهمت خطا

فاهم عليك .. وانا قصدي انه عدم المواكبة هو عن قصد ..!

[Fast Taker]

مرحبا شباب وكل عام وانتم بالف خير وان شاء الله هالمنتدى اللي بجمعنا على الخير دايما بالف خير وتطور

انا كنت متردد اجاوب على موضوع الأسعار في الأردن بسبب شدة الأنتقاد اللي ممكن الواحد يتعرض له والقصف العشوائي اللي ممكن الواحد يتعرض له وبيحاول دايما يتفاداه :)

بس هذا بعني انه الواحد ما يواجه مسؤولياته ويدفن راسه في الرمل زي النعام

ارجو ان يتسع صدركم لملاحظاتي

ياجماعه سوق الكمبيوتر في الأردن زي ما في كل محل بالعالم بيعتمد على معادله رئيسيه وهي العرض والطلب

والعرض والطلب بيعتمد على الأمكانيات المتوفره عند طرفي المعادله اللي هم البائع والشاري
خلينا نعترف اولا انه الشاري في الأردن مختلف نوعا وكما عن عموم منطقتنا بسبب التقدم العلمي والثقافي اللي بيتمتع فيه معظم الزباين وايضا الأنفتاح القديم العهد نسبيا على الأسواق العالميه سواء من خلال الأسواق الأعتياديه او الألكترونيه

ونعترف ايضا بتخلف البائع او شركات الكمبيوتر(بشكل عام ) في ملاحقة ومواكبة التطورات في السوق داخليا و خارجيا وهذا مرده بالدرجه الأولى لعدم مراعاة الثقافه المتخصصه بالمجال والتركيز على الربحيه دون اي اعتبار لأي عوامل اخرى ...

وللحديث بقيه ... مضطر اتركو شوي :)

اخ حسني انتا بتقول سوق الكمبيوتر معتمد على العرض والطلب

لكن معنى العرض والطلب انه كل ما قل الطلب على سلعة معينة برخص سعرها واذا زاد الطلب بزداد سعرها طبعا احنا هيك بنحكي عن سلعة عمرها قصير جدا كحد اقصى شهر مثل الخضار والفواكه لذلك فان الخضار والفواكه معتمدة على العرض والطلب

لكن اذا فرضنا انه انت بتعتمد على العرض والطلب معناته انتا راح تبيع بسعر الجملة يعني مثل ما اشتريت راح تبيع يعني بدون 1% مربح لييش؟؟

لانه معروف عن الاردن انه الطلب على high end hardware منخفض بنسبة حادة جدا مما يؤدي الا انك تبيع بسر منخفض - طبعا لاعتمادك على مبدأ العرض والطلب -

وفي النهاية لا احد يحق له ان يلومك او يشكوا لاي احد بارتفاع اسعارك لان المحل محلك والبضاعة بضاعتك وانتا لك الحرية في البيع بالسعر الذي تريده


اخ حسني صحاب المحلات ليس متخلفين .. وهم على دراية بما يحدث بالسوق .. بس مفكرين المواطن غشيم وما بعرف بالقطع .. يعني مثلا بدخل واحد بسأل بدو يجمع كمبيوتر ببلش صاحب المحل بحكيلو معالج P4 ورام 1GB وكرت شاشة GEFORCE قوي وبعد الحسبة بطلع هالمبلغ طبعا الشخص إللي بدو يشتري ما بعرف هالقصص (اغلبهم) .. وهو السبب اللي بخلي صحاب المحلات يجيبو القطع الرخيصة من برا ويبيعوها بسعر عالي ...!!

عزيزي الاخ حسني لايقصد الاساءة لأصحاب المحلات لا بل يقصد بكلمة "تخلف" وهو تأخر اصحاب المحلات في استيراد ما هو جديد

وفعلا كلامك صحيح لا غبار عليه

[embraer]

-------------------------------------------------------

اصبر لبعد العيد واشتري gigabyte بنقس السعر
150 دينار
مكقول 36 شهر



اخي XFX متخصصة ومن شركات الصف الأول في كروت nVidia

موجود gigabyte وبنفس السعر لكن انا افضل XFX على Gagbyte

ما بعرف شو رايك بالكرت

[TAIPEI COMPUTER]

فاهم عليك .. وانا قصدي انه عدم المواكبة هو عن قصد ..!
------------------------
نسبة الناس اللي بتشتري جهاز كمبيوتر بدون استشارة صديق او زميل او قريب قليله جدا فبالتالي اساءة الأختيار او الشراء الغير موفق يقع عاتقه على الشاري الغافل بالدرجه الأولى والبائع المتصيد بالدرحه الثانيه
اما السعر فهو خاضع للسوق وجودة القطع وخدمة ما بعد البيع اللتي توفرها الشركه الباثعه

[AMD TECH]

عزيزي الاخ حسني لايقصد الاساءة لأصحاب المحلات لا بل يقصد بكلمة "تخلف" وهو تأخر اصحاب المحلات في استيراد ما هو جديد


اخ Fast Taker .. انا فهمت ماذا كان يقصد الاخ حسني .. ولكن انا حكيت انه تأخرهم على مواكبة السوق هو عن قصد .. !!

[TAIPEI COMPUTER]

اخي XFX متخصصة ومن شركات الصف الأول في كروت nVidia

موجود gigabyte وبنفس السعر لكن انا افضل XFX على Gagbyte

ما بعرف شو رايك بالكرت

--------------------------------------
نعم XFX شركه ممتازه
بالتوفيق اخي

[Fast Taker]

اخي XFX متخصصة ومن شركات الصف الأول في كروت nVidia

موجود gigabyte وبنفس السعر لكن انا افضل XFX على Gagbyte

ما بعرف شو رايك بالكرت



عزيزي انا من خبرتي المتواضعة وجدت انه ما في فرق ملحوظ يظهر بين الشركات المصنعة لا بالقوة ولا حتى التبريد

طبعا هذا الكلام على النسخ العادية

اما في الكروت ال reference وهي التي يتم عمل منها نسخ مكسورة السرعة مصنعيا هنا يظهر الفرق بين الشركات في قوة الكسر وايضا قوة التبريد بشكل ملحوظ جدا