أخبار قطع الحاسوب وأسعارها في أسواق الأردن

[Fast Taker]

اها انا رااح اغيرها مش مشكله المذربورد
بس انا الان جد محتااار بين الكواد وال i3
واذا عندك خبره بالمعالجات تحكيلي اياها افضل
بينهم
والمذربورد يلي جبتها تدعم ال ddr2 و ddr3 بس اخوي انا حاليا موقفه معي على المعالج يعني اذا نويت على معالج يكون منيح راح اغير المذربورد عشان i3 وانا ندمت لانو بلشت اشتري بكرت الشاشه والرامات واخرت المعالج
انا كنت حاط ببالي i7 بس العجله هي المشكله
الان شو بتنصحني بالكواد ام بال i3 :ah42::ah42::ah42:

شوف بصراحة انصحك ب ال i3 رغم انه متكون من نواتين لكن هو اقوى من الكور 2 كواد 8xxx لكن اضعف بنسبة قليلة من 9xxx وهذا كلام المراجعات على الانترنت

وايضا لما تشتري Core I3 مع بورد خاصة فيه بامكانك بالمستقبل تغير ل Core I5 or I7

[Fast Taker]

قائمة اسعار قطع الكمبيوتر من تايبيه كمبيوتر
الأسعار شامله ضريبة المبيعات 16%


اخيرا

تسلم وان شاء الله تكون اسعار كويسة
+
ما في خصومات خاصة لاعضاء عرب هاردوير :D

[TAIPEI COMPUTER]

الباقي

[المظفر بالله]

الصحيح الي بتابع الموضوع من فترة بدون تدخل
لكن اريد ان ادخل على الخط بعد اذنكم

للاخوة الذين يتناقشون حول i3 و Core 2 Quad ...
هنالك نقاط اريد توضيحها..
1. ليس شرطاً أن تكون التقنية الحديثة هي الافضل ولا تقاس المعالجات بايهم احدث, بل بقدرة المعالج نفسه.
2. بشكل عام معظم Core 2 Quad سلسلة 8xxx و 9xxx أفضل من معالجات i3 ... :)

هذا ما اعرفه من تقارير شاهدتها ومن تجربتي الشخصية, حيث قيمت معالج Core 2 Duo T8700 ومعالج i3 نسيت رقمه , نتيجة المعالج T8700 حقق نتائج وكفاءة تقترب من ضعفي نتائج i3 , فكيف بالـ Core 2 Quad ! , لوك ياكون دقيقاً فانا جربت معالجات اللابتوبات وليس البي سي :)

اذا اردت ان تبحث عن معالج يعطيك كفاءة وقوة ويسمى معالج حاسب وليس معالج آلة حاسبة في معالجات انتل سلسلة iX فابحث في سلاسل i5 و i7 , والا ارجع للـ Core 2 Duo و Core 2 Quad ....

واجزم ان i3 سيتسبب بما يسمى عنق الزجاجة مع كرت شاشة قوي مثل كرت 480 ...

هذا ما اعرفه, اذا كان لدى احد ملاحظة فلينبهني :)



شوف بصراحة انصحك ب ال i3 رغم انه متكون من نواتين لكن هو اقوى من الكور 2 كواد 8xxx لكن اضعف بنسبة قليلة من 9xxx وهذا كلام المراجعات على الانترنتاطلعت على مراجعات على عدة مواقع وكانت سلسلة 8xxx اخص 8300 و 8400 تتفوق, لكن كانت قابلية i3 لكسر السرعة اكبر عند كسرها لمستويات قياسية احترافية حتى تفوق بهذا على 8300 ...


وايضا لما تشتري Core I3 مع بورد خاصة فيه بامكانك بالمستقبل تغير ل Core I5 or I7 في هذه النقطة معك, في حال يفكر بالتطوير مستقبلا (على المدى القريب) الى معالجات i5 و i7 فهذا ما انصحه به, ان يأخذ i3 ويمكن مع كسر السرعة ان يحصل على اداء جيد.

---------------------------
بخصوص اسعار تايبيه, الصحيح توقعت انه الاسعار رح تنخفض بشكل ملحوظ وبنسب اكبر, لكن وجدت انها محبطة نوعاً ما, عموما الله يفرجها :) , هسع خلنا نشوف شو رح يصير بالبندورة :D ...

[Prince_Saad]

يعني لو راح يجيب core 2 quad مع احسن كرت شاشه 480GTX ومع افشل بورد G41 ( وبتحكيلي عنق زجاجه ) :)

اما لو كان core i3 مع كرت 480GTX مع بورد P55 بيكون في عدل :rolleyes:

الشغله نسبة وتناسب :D

وكل الشكر لتايبيه على طرح الاسعار :ah1:

[الامير الذباح]

قائمة اسعار قطع الكمبيوتر من تايبيه كمبيوتر
الأسعار شامله ضريبة المبيعات 16%

طيب اخوي ممكن سعر core 2 quad 8300

[Prince_Saad]

https://www.pcgameshardware.de/screenshots/medium/2009/12/Benchmark-Core-i3-530-3.jpg

https://www.pcgameshardware.de/screenshots/medium/2009/12/Benchmark-Core-i3-530-2.jpg

https://www.pcgameshardware.de/screenshots/medium/2009/12/Benchmark-Core-i3-530-8.jpg

[DBZ-Lover]

من قال ان معالج I3 اقوى من معالجات كواد؟؟؟
اولا الواحد ما ياخذ كل شيء بالمعمارية هل نسيتم ان معظم التطبيقات للابع انوية
وليس لاثنتان؟
المهم الكواد افضل

[Prince_Saad]

المظفر بالله بالنسبة للبندوره اليوم الكيلو 85 قرش ( في ارتفاع )

[Prince_Saad]

من قال ان معالج I3 اقوى من معالجات كواد؟؟؟
اولا الواحد ما ياخذ كل شيء بالمعمارية هل نسيتم ان معظم التطبيقات للابع انوية
وليس لاثنتان؟
المهم الكواد افضل


احنا ما حكينا انه core i3 اقوى لكن هو قوي بالنسبه لسعره + المذربورد اللي بتركب عليه افضل بكثييير من بورد G41 وبالنسبه للمستقبل بورد P55/H55 بيركب عليها معالج core I7 :rolleyes:

[المظفر بالله]

المظفر بالله بالنسبة للبندوره اليوم الكيلو 85 قرش ( في ارتفاع )


لا والله في انخفاض :D
وصل للدينار وشوي وبتقلي ارتفاع , مليح اذا 85 قرش ........ (خلينا نقلب الموضوع عن البندورة وكيف ممكن كسر جمجمتها :D :D :D :D )

عموما نرجع للموضوع :


يعني لو راح يجيب core 2 quad مع احسن كرت شاشه 480GTX ومع افشل بورد G41 ( وبتحكيلي عنق زجاجه ) :)

اما لو كان core i3 مع كرت 480GTX مع بورد P55 بيكون في عدل :rolleyes:

الشغله نسبة وتناسب :D

وكل الشكر لتايبيه على طرح الاسعار :ah1:


اخي لاحظ ما الذي قلته


في هذه النقطة معك, في حال يفكر بالتطوير مستقبلا (على المدى القريب) الى معالجات i5 و i7 فهذا ما انصحه به, ان يأخذ i3 ويمكن مع كسر السرعة ان يحصل على اداء جيد.

ضمنياً انا قلت انه يأتي بلوحة تقبل i5 و i7 اذا اراد التطوير مستقبلاً !!!!!

ثم انا اصلا استغرب نقطة انه يركب i3 على Socket LGA 775 !!
اصلا الـ i3 لا يركب الا على Socket LGA 1156 !!

وحتى بالنسبة لنظرية النسبة والتناسب, Core 2 Quad بالوضع الطبيعي اقوى وافضل من i3 حتى لو معمارية i3 احدث, اذا اردت الحصول على اداء Core 2 Quad او افضل عليك بـ i5 فما فوق ...

باختصار , وبمقارنة Core 2 Quad و i3 ..
انصح بـ Core 2 Quad اذا كنت من الفئة التالي:
1. الذي يبحث عن قوة وكفاءة افضل مقارنة بالـ i3 .
2. واذا كان ليس لديك رغبة ف يالتطوير على المستقبل القريب, وفي هذه الحالة انصح ايضا بجلب اقوى معالج من هذه الفئة على حسب القدرة.
3. اذا كنت من "هواة" كسر السرعة يمكنك زيادة اداءه بنسبة لا بأس بها.

وانصح بـ i3 :
1. اذا رغبت على المستقبل القريب جلب معالج i5 او i7 .
2. اذا كنت "محترف" كسر سرعة وترغب في نسبة كسر سرعة افضل ونسبة استقرار افضل عندها يمكنك التغلب نوعا ما على قوة Core 2 Quad من فئات 8xxx ...
3. اذا كنت تبحث عن الاحدث لا عن الافضل !!!!
4. اذا كنت تبحث عن افضل اداء مقابل السعر.

طبعا اذا اخترت Core 2 Quad فلوحة G41 او G45 مناسبة.
وهذا رابط للمعالجات المدعومة من لوحة الكومبو GA-G41M-Combo
https://www.gigabyte.com/support-downloads/cpu-support-popup.aspx?pid=3505

اما اذا اخترت i3 فلا مجال اصلا ليركب على G41 السوكيت مختلف تماماً, فعندها عليك بلوحات H/P 55/57 !

هذا ما لدي, واتمنى من الخبراء في هذا المجال افادتنا.

[الامير الذباح]

لا والله في انخفاض :D
وصل للدينار وشوي وبتقلي ارتفاع , مليح اذا 85 قرش ........ (خلينا نقلب الموضوع عن البندورة وكيف ممكن كسر جمجمتها :D :D :D :D )

عموما نرجع للموضوع :


اخي لاحظ ما الذي قلته



ضمنياً انا قلت انه يأتي بلوحة تقبل i5 و i7 اذا اراد التطوير مستقبلاً !!!!!

ثم انا اصلا استغرب نقطة انه يركب i3 على Socket LGA 775 !!
اصلا الـ i3 لا يركب الا على Socket LGA 1156 !!

وحتى بالنسبة لنظرية النسبة والتناسب, Core 2 Quad بالوضع الطبيعي اقوى وافضل من i3 حتى لو معمارية i3 احدث, اذا اردت الحصول على اداء Core 2 Quad او افضل عليك بـ i5 فما فوق ...

باختصار , وبمقارنة Core 2 Quad و i3 ..
انصح بـ Core 2 Quad اذا كنت من الفئة التالي:
1. الذي يبحث عن قوة وكفاءة افضل مقارنة بالـ i3 .
2. واذا كان ليس لديك رغبة ف يالتطوير على المستقبل القريب, وفي هذه الحالة انصح ايضا بجلب اقوى معالج من هذه الفئة على حسب القدرة.
3. اذا كنت من "هواة" كسر السرعة يمكنك زيادة اداءه بنسبة لا بأس بها.

وانصح بـ i3 :
1. اذا رغبت على المستقبل القريب جلب معالج i5 او i7 .
2. اذا كنت "محترف" كسر سرعة وترغب في نسبة كسر سرعة افضل ونسبة استقرار افضل عندها يمكنك التغلب نوعا ما على قوة Core 2 Quad من فئات 8xxx ...
3. اذا كنت تبحث عن الاحدث لا عن الافضل !!!!
4. اذا كنت تبحث عن افضل اداء مقابل السعر.

طبعا اذا اخترت Core 2 Quad فلوحة G41 او G45 مناسبة.
وهذا رابط للمعالجات المدعومة من لوحة الكومبو GA-G41M-Combo
https://www.gigabyte.com/support-downloads/cpu-support-popup.aspx?pid=3505

اما اذا اخترت i3 فلا مجال اصلا ليركب على G41 السوكيت مختلف تماماً, فعندها عليك بلوحات H/P 55/57 !

هذا ما لدي, واتمنى من الخبراء في هذا المجال افادتنا.

مشكووور اخوي
انا بعرف انو الi3 بدها لوحه ثانيه
بس انا مو من هواة كسر السرعه وما بعرف كيف اكسر السرعه
انا بدي معالج يكون قوي للالعااب
وانا كنت محتار بين الكواد و ال i3 وخلص قررت على الكواد

[herodvic]

ياريت بس تشتريه من اربد تحط سعره

[herodvic]

لاني ناوي اشتري واحد

[الامير الذباح]

لاني ناوي اشتري واحد

ولا يهمك اخوي بكره انا بدي اجيب وحده وان شاء الله احكيلك السعر

[herodvic]

يسلموا يا طيب , ولاتنسى اسم المحل ومكانه . انت من اربد صح؟

[الامير الذباح]

يسلموا يا طيب , ولاتنسى اسم المحل ومكانه . انت من اربد صح؟

ولا يهمك
انا من اربد

[Prince_Saad]

لا والله في انخفاض
وصل للدينار وشوي وبتقلي ارتفاع , مليح اذا 85 قرش ........ (خلينا نقلب الموضوع عن البندورة وكيف ممكن كسر جمجمتها )

هينا بنحاول جاهدين لتخفيض درجة حرارة البندوره لتصبح طبيعيه اكثر ( مش لأشي بس مشان ما يسير عنق زجاجه ) :D :D


ثم انا اصلا استغرب نقطة انه يركب i3 على Socket LGA 775 !!

واصلا مين حكالك انه بيركب على 775 بيركب على 1156 فقط


وبالنسبة للجريده اللي انت كتبتها :D


بس حبيت اضيف على كلامك نقطه ان core i3 530 بتصنيع 32nm يعني درجات حراره قليله جدا وبالتالي كسر سرعه كبير جدا ... وفي موضوع بالمنتدى بيوضح انه تم كسر سرعة core i3 530 ل 5000 على المشتت العادي انتل ( للأسف ناسي وين الموضوع ولا كان خليتك تلقي نظره عليه )

[المظفر بالله]

هينا بنحاول جاهدين لتخفيض درجة حرارة البندوره لتصبح طبيعيه اكثر ( مش لأشي بس مشان ما يسير عنق زجاجه ) :D :D




عشان تبريد البندورة جيب معجون البندورة عشان يزيد التبادل الحراري وتنزل الحرارة, وسف بعدها استقرار الطمطومة :D :D :D :D




واصلا مين حكالك انه بيركب على 775 بيركب على 1156 فقط


والله كان تهيألي واحد هيتش بسولف بس يبدو انه هذا التهيؤ كان نتيجة اكل البندورة هذا الصباح :D, لكن بعد ما راجعت الردود تبين اني ما كنت مجمع :o



وبالنسبة للجريده اللي انت كتبتها :D



بس حبيت اضيف على كلامك نقطه ان core i3 530 بتصنيع 32nm يعني درجات حراره قليله جدا وبالتالي كسر سرعه كبير جدا ... وفي موضوع بالمنتدى بيوضح انه تم كسر سرعة core i3 530 ل 5000 على المشتت العادي انتل ( للأسف ناسي وين الموضوع ولا كان خليتك تلقي نظره عليه )

معك وما فيه داعي تدور على الموضوع لكن كما قلت تحتاج لخبرة لتصل لهذا الرقم مع استقرار, اضف الى ذلك التبريد والخ من مستلزمات الكسر, والاخ ذكر انه لا يريد كسر السرعة :)

[Prince_Saad]

المظفر بالله انتهينا من موضوع البندوره خلينا بالخيار :D
كلامك صحيح 100 % ما علية غبار

[Maxwell]

شو يا شباب بندورة وخيار؟؟ حاس حالي بسوق الخضار :)

عندي سؤال شو ارخص رام ddr3 بقدر اجيبها كينجستون ؟؟ (2GB)

لانو ال ocz انتقلت الى رحمة الله(بعد اقل من سنة) وقررت ما اشتري اشي غالي

[Fast Taker]

شو يا شباب بندورة وخيار؟؟ حاس حالي بسوق الخضار :)

عندي سؤال شو ارخص رام ddr3 بقدر اجيبها كينجستون ؟؟ (2GB)

لانو ال ocz انتقلت الى رحمة الله(بعد اقل من سنة) وقررت ما اشتري اشي غالي

في ENFENOIN DDR3 2GB 1333MHZ

سعرها 38 دينار

بس شو مالها ال OCZ لانها عندي

[Maxwell]

ما بعرف ليش ضربت يمكن سوء استخدام لاني حاولت مرة اكسر السرعة ولعبت بالتواقيت والفولتية الله اعلم عاد المهم مش شغالة

الله بعوض خصوصا اني شاريها من السعودية والضمان هناك

[khaled-95]

السلام عليكم ...
الكيس الي حاطو تايبيه بالقائمه COOLER MASTER CASE ELITE RC-310 بكون معاه بور ولا لا ؟؟

[Fast Taker]

ما بعرف ليش ضربت يمكن سوء استخدام لاني حاولت مرة اكسر السرعة ولعبت بالتواقيت والفولتية الله اعلم عاد المهم مش شغالة

الله بعوض خصوصا اني شاريها من السعودية والضمان هناك

سيدي الله يعوضك باحسن منها



السلام عليكم ...
الكيس الي حاطو تايبيه بالقائمه COOLER MASTER CASE ELITE RC-310 بكون معاه بور ولا لا ؟؟

مهما كان الباور في الكيس فهو ليس جيد

[herodvic]

ارجو المساعدة
شو سعرcore 2 quad q6600 ؟:confused:

[khaled-95]

مهما كان الباور في الكيس فهو ليس جيد

ليش ؟؟؟

[AMD TECH]

اخ herodvic امحي ردودك بسرعة قبل لا يفوت المشرف بلاش توكل مخالفة ..!!

[Fast Taker]

خليه عادي هيك هيك راح تنحذف المشاركات

هذا للاسف طبع بعض الاردنين بحبوش الارقام القليلة بدو يزود مشاركات الفاضي

للاسف اختار المنتدى الخطأ

وتم التبليغ عن المشاركات

[المظفر بالله]

شو يا شباب بندورة وخيار؟؟ حاس حالي بسوق الخضار :)

عندي سؤال شو ارخص رام ddr3 بقدر اجيبها كينجستون ؟؟ (2GB)

لانو ال ocz انتقلت الى رحمة الله(بعد اقل من سنة) وقررت ما اشتري اشي غالي


اذا بدك كينجستون , فموجود Kingston KVR (ValueRAM) PC3-10600 DDR3-1333 MHz
عند التصميم الحديث (او اشي زي هيك) بسعر 41 دينار, ما بعرف اذا فيه ارخص, وكم عند تايبيه او عند الدارة او المخازن الشرقية او تكنولوجيا الزمن :)