أخبار قطع الحاسوب وأسعارها في أسواق الأردن

[MOSAHADIDI]

كونك مشرف قسم الخدمات التجارية شوف مواضيع الشباب في التجميعات
انا نزلت موضوع اسبوع ونص ما حد رد في مشرف مصري رد على الموضوع
واعطاني تجميعة ب255 دينار وطلع سعرها 450 دينار في الاردن
وارجو انك ما تزعل مني على النقاش :)
انت ابصر شو مالك على قتيبه؟؟؟:D

[MOSAHADIDI]

طيب اذا الكل حاب يساعد انصحوني
اجيب z68 مع 2500k
ولا h67 مع 2600k
وشو الفرق بين z68 و hxx
على الالعاب واداء الجهاز
اذا استخدامك فوق ال 60%العاب جيب 2500k مع z68
بالنسبه للفرق الفرق هو الشريحه كامله....
ال z68 و ال p67 تستطيع كسر السرعه بكل راحه طالما انك جايب معالج مخصص لكسر السرعه مثل 2500k و 2600k
وفي فروق كثيره مثل تبريد اللوحه وعدد متحكمات الساتا وشريحه الصوت احيانا وغيرها الكثير....
ببساطه اذا ناوي تجيب 2500k او 2600k خذ p67 ويفضل z68
وان شاء الله نكون افدناك عشان ما تزعل:cdcd:

[الحوت]

اتصلت بتكنولوجيا الزم وقلي سعر كرت الشاشه ATi 7970 بس 450 دينار :D:D:D:D:D:D:D:D:D:D:D

[Eng-Eyhab]

السلام عليكم ورحمة الله وبركاته
اخواني الاعزاء اغلب المحلات والشركات في الاردن اسعارهم غاليه اتقول عايشين في المريخ يعني اذا كان سعر القطعه 5 دنانير لازم تصير ب 15 دينار الا من رحم ربي وهذه الحقيقه اكتشفتها بعد ان اشتغلت في اكثر من شركه ومحل

[eagle1975]

السلام عليكم ورحمة الله وبركاته
اخواني الاعزاء اغلب المحلات والشركات في الاردن اسعارهم غاليه اتقول عايشين في المريخ يعني اذا كان سعر القطعه 5 دنانير لازم تصير ب 15 دينار الا من رحم ربي وهذه الحقيقه اكتشفتها بعد ان اشتغلت في اكثر من شركه ومحل




نعم صحيح

الاسباب الطمع طبعا عند التجار

ثانيا جهل المستهلك وهذا السبب اهم

[hamzeh.mal]

طيب اذا الكل حاب يساعد انصحوني
اجيب z68 مع 2500k
ولا h67 مع 2600k
وشو الفرق بين z68 و hxx
على الالعاب واداء الجهاز




اذا استخدامك فوق ال 60%العاب جيب 2500k مع z68
بالنسبه للفرق الفرق هو الشريحه كامله....
ال z68 و ال p67 تستطيع كسر السرعه بكل راحه طالما انك جايب معالج مخصص لكسر السرعه مثل 2500k و 2600k
وفي فروق كثيره مثل تبريد اللوحه وعدد متحكمات الساتا وشريحه الصوت احيانا وغيرها الكثير....
ببساطه اذا ناوي تجيب 2500k او 2600k خذ p67 ويفضل z68
وان شاء الله نكون افدناك عشان ما تزعل:cdcd:



فعلاً مثل ما قال الأخ "mosahadidi" الشرائح : P67 + Z68 مخصصة لكسر السرعة يعني عشان تستفيد من هذا الخيار لازم تجيب 2500K أو 2600K وهذا الإشي بفيدك بالألعاب بشكل كبير خاصة مستقبلاً يعني من هون لسنتين ثلاث سنين ما رح تضطر تغير جهازك لو عندك كرت شاشة قوي .

والفرق بين Z68 و P67

الـ Z68 : طبعاً أحدث وفيها خصائص للتحكم في الـ: SSD اسمها SSD caching ( على الأغلب ما راح تستخدمه ) وعدد المنافذ أكثر وخيارات لكسر السرعة وموجود بها كرت شاشة داخلي .

الـ P67 : أيضاً خيارات كسر السرعة موجودة وممكن تجد لوحات فيها عدد منافذ كبير لكن الفرق الأساسي إنو ما فيها كرت شاشة داخلي .

الخلاصة والرد على سؤالك : أنا رأيي بالنسبة لأسعار البلد واستخدامك للجهاز في الألعاب إنك تجيب لوحة احترافية بتبريد كويس بشريحة P67 مع 2500k مش رح تفرق معك في الأداء خاصة لو كسرت سرعة المعالج .

إلا لو وضعك المادي كويس فجيب لوحة احترافية بشريحة : Z68 مع 2500k

الـ 2600k ما بعطيك فرق بالأداء زيادة عن الـ 2500k لو كان استخدامك ألعاب بس لازمك كرت شاشة قوي واحترافي .


بالنسبة للفرق بين H67+61 والـ P67+Z68 هو خيارات كسر السرعة وهذا إشي مهم رح تضطر تعمله بعد فترة من الزمن رح يغنيك عن تطوير جهازك لسنة أو سنتين حتى لقدام بس لازم يكون كرت الشاشة قوي .

يعني خلاصة الكلام هو رد الأخ "mosahadidi" لكن بتمنى أعطيتك فكرة عن الفروقات بين الشرائح .

[qutaibah95]

انت ابصر شو مالك على قتيبه؟؟؟:D
:D:D:D :mad:

[qutaibah95]

اخوي قتيبه استناني اليوم برد عليك بالنسبه لسعر ال s2
لاني بعرف محل اسعاره رخيصه خليني اتاكدلك من سعره
تسلم يا عمري
ابشر باحلى تقييم :D:)

[legend killer]

ياشباب منما طلع الجلاكسي اس 2 وانا بسمع انه في 32 جيجا صح ولا لأ؟

[hamzeh.mal]

أخي " qutaibah95 " سألتلك عن الـ S2 من محل قريب علينا معروف إنو أسعاره كويسة اسم المحل " أنفال " مقابل البوابة الشمالية للجامعة الأردنية جانب مطعم سيفين

( الطريق سهلة ما بتوّه بمواصلة وحدة من عندكم )

المهم سعره 365 بدون أي مفاصلة بالمرة يعني باعتقادي ممكن تجيبه بـ 360 انت وجهدك



_____________________________________



إن شاء الله اخوي بس خليها تطلع من الجمرك هسى صارت
Shipment on hold .. اذا الك مصلحه بالايبود ب 200 دينار حلال عليك
لاني انا اصلن طلبته واستعجلت ، بدي ابيعه واشتريلي كرت

أخوي أنا سألت عليه سعره من محل قريب علي اسمه " أنفال " بـ 190 دينار 8 Giga الأسود أو الأبيض

بس أنا حبيت أعرف كم كلفك بالضبط مع الجمرك حتى أقرر أشتريه من الأردن أو أشتريه من أمازون ويا ريت تحكيلي كم كلفك بالضبط عشان أقدر أقرر الأنسب

وفعلاً بتكون خدمتني فيها , إذا انت فعلاً مش بحاجته بالمرة أنا ممكن أشتريه منك بسعر التكلفة عليك مع إني بفضل أشتري الأسود بس برضو لازم نتعاون مع بعضنا .

[hamzeh.mal]

ممكن تلاقي بس بدون ضمان وكيل
في حين السمارت باي بيعطيك ضمانين
ضمان الوكيل وضمان سمارت باي
بتقدر تاخه لسمارت باي او تودي ع طول للوكاله في حاله اذا احتاج تصليح



عدم المؤاخذة أخوي بس أنا ما بنصح حد يشتري من سمارت باي عن تجربة , إما اشتري من الوكيل نفسه أو من أي محل موثوق مع وجود ضمان الوكيل

وقصة ضمان سمارت باي هاي عبارة عن " خدعة كبيرة " عشان تخليك تشتري منهم وانت مبسوط حتى لو السعر عالي شوي

وبصراحة أنا زمان كنت أشتري كل إشي إلكتروني من عندهم بس لما خرب إشي معي حسيت فيها

شريت قبل سنة تقريباً كاميرا ديجيتال نوع : Olympus المهم العدسة فيها خربت بعد أقل من شهر وديتها لسمارت باي عشان يعملولها صيانة

قالولي بدها أسبوعين قلنا مش مشكلة بنستنى بس تزبط الكاميرا بعد أسبوعين رحت عليهم قالولي لسا ما اجتنا طيب متى بتخلص قالوا هي عند الوكيل

طيب أنا بدي أعرف متى بتجهز لإني كنت بدي أسافر بعدها وأنا مشتري الكاميرا عشان السفرة للأسف كل أسبوع أروح عندهم وما جهزت الكامير

سافرت ولما رجعت من السفرة بعد أسبوع رحت لعندهم عشان أستلم الكاميرا قالوا بدها 40 دينار طيب يا جماعة والكفالة قال لأ الكفالة ما بتغطي الخراب هذا :ah26:

أنا طبعاً مفكرها جاهزة يعني وبندفعه الـ 40 دينار وبناخذها , طلع لأ لازم يوخذوا الـ 40 دينار بعدين بعملولها صيانة طبعاً أنا صرت أشد بشعري :mad:

المهم بعد أسبوعين جهزت الكاميراً بس لما إجيت آخذها قالولي إحنا بدنا نعطيك وحدة جديدة لإنو الصيانة ما عرفوا يزبطوها :confused: أخذنا الكاميرا الجديدة

طبعاً بما إنهم ما عرفوا يصلحوا الكاميرا القديمة فالـ 40 دينار لازم يرجعولي لإنهم ثمن قطعة أنا ما أخذتها ولا استفدت منها بالمرة

قالوا إحنا ما إلنا علاقة هاي بدك تراجع الوكيل فيها فساعيتها قررت ما أشتري من عندهم ولا إشي بالمرة .

والخلاصة إنو الواحد لازم يسأل عن سمعة وكيل الماركة قبل ما يشتري الغرض فحتى لو الماركة مشهورة وممتازة لكن يمكن يكون وكيلها مش كويس ساعيتها شوفلك ماركة ثانية أشرفلك

وأكبر مثال شريت كاميرا من إي مارت نوع كوداك ضد الماء وكيلها شركة صلبشيان لكن حصل إنها وقعت مني على الأرض ولما صورت فيها تحت الماء خربت , أخذتها على إيمارت وشرحتلهم الموقف وبعد أسبوع أعطوني من الوكيل كاميرا جديدة بالكرتونة وبكامل المتعلقات بدون ما ادفع فلس .

[الحوت]

عدم المؤاخذة أخوي بس أنا ما بنصح حد يشتري من سمارت باي عن تجربة , إما اشتري من الوكيل نفسه أو من أي محل موثوق مع وجود ضمان الوكيل

وقصة ضمان سمارت باي هاي عبارة عن " خدعة كبيرة " عشان تخليك تشتري منهم وانت مبسوط حتى لو السعر عالي شوي

وبصراحة أنا زمان كنت أشتري كل إشي إلكتروني من عندهم بس لما خرب إشي معي حسيت فيها

شريت قبل سنة تقريباً كاميرا ديجيتال نوع : Olympus المهم العدسة فيها خربت بعد أقل من شهر وديتها لسمارت باي عشان يعملولها صيانة

قالولي بدها أسبوعين قلنا مش مشكلة بنستنى بس تزبط الكاميرا بعد أسبوعين رحت عليهم قالولي لسا ما اجتنا طيب متى بتخلص قالوا هي عند الوكيل

طيب أنا بدي أعرف متى بتجهز لإني كنت بدي أسافر بعدها وأنا مشتري الكاميرا عشان السفرة للأسف كل أسبوع أروح عندهم وما جهزت الكامير

سافرت ولما رجعت من السفرة بعد أسبوع رحت لعندهم عشان أستلم الكاميرا قالوا بدها 40 دينار طيب يا جماعة والكفالة قال لأ الكفالة ما بتغطي الخراب هذا :ah26:

أنا طبعاً مفكرها جاهزة يعني وبندفعه الـ 40 دينار وبناخذها , طلع لأ لازم يوخذوا الـ 40 دينار بعدين بعملولها صيانة طبعاً أنا صرت أشد بشعري :mad:

المهم بعد أسبوعين جهزت الكاميراً بس لما إجيت آخذها قالولي إحنا بدنا نعطيك وحدة جديدة لإنو الصيانة ما عرفوا يزبطوها :confused: أخذنا الكاميرا الجديدة

طبعاً بما إنهم ما عرفوا يصلحوا الكاميرا القديمة فالـ 40 دينار لازم يرجعولي لإنهم ثمن قطعة أنا ما أخذتها ولا استفدت منها بالمرة

قالوا إحنا ما إلنا علاقة هاي بدك تراجع الوكيل فيها فساعيتها قررت ما أشتري من عندهم ولا إشي بالمرة .

والخلاصة إنو الواحد لازم يسأل عن سمعة وكيل الماركة قبل ما يشتري الغرض فحتى لو الماركة مشهورة وممتازة لكن يمكن يكون وكيلها مش كويس ساعيتها شوفلك ماركة ثانية أشرفلك

وأكبر مثال شريت كاميرا من إي مارت نوع كوداك ضد الماء وكيلها شركة صلبشيان لكن حصل إنها وقعت مني على الأرض ولما صورت فيها تحت الماء خربت , أخذتها على إيمارت وشرحتلهم الموقف وبعد أسبوع أعطوني من الوكيل كاميرا جديدة بالكرتونة وبكامل المتعلقات بدون ما ادفع فلس .

ممكن الوكيل نفسه مب كويس
بس الاسعار الي فيو شايفها ممتازه مع مقارنه باسعار النت( طبعا لا تنسى الضرائب)
واكثر من مرة شريت منهم لابتوبات وكلهن صار فيهم مشاكل وخذتهم عندهم وعادي
وعلى فكره الخرب بيحدده الوكيل نفسه لو ما عجبه بيقلك ادفع مصاري علشان التصليح (مثل ما حصل معي بتليفوني الجلاكسي نوت كنت بدي اوقع وانا اتكلم بالتليفون ووقع على حجر وانخدشت الزجاجه ورحت ليهم وقلولي مش شامله بالضمان وتكلفه التصليح 300 دينار بس ) طبعا ما صلحنه وخليته زي ما هو

[Angel of Death]

اذا استخدامك فوق ال 60%العاب جيب 2500k مع z68
بالنسبه للفرق الفرق هو الشريحه كامله....
ال z68 و ال p67 تستطيع كسر السرعه بكل راحه طالما انك جايب معالج مخصص لكسر السرعه مثل 2500k و 2600k
وفي فروق كثيره مثل تبريد اللوحه وعدد متحكمات الساتا وشريحه الصوت احيانا وغيرها الكثير....
ببساطه اذا ناوي تجيب 2500k او 2600k خذ p67 ويفضل z68
وان شاء الله نكون افدناك عشان ما تزعل:cdcd:

مشكور على الرد بس في تعليق بسيط
انو سعر z68 في الجاردنز 170 دينار
وسعر h61
45 دينار
يعني الفرق 125 دينار
وانا لما اجيب i7 مش راح افكر اكسر سرعته
وبعد 3 سنين على قولت الشباب ببيع ال i7
وبزيد 125 دينار فرقية المذربورد وبجيب معالج حديث ^^
اذا الفرق بينهم بس على كسر سرعة بسيطة
انا ما بدي اجيب h61 ويكون الها دخل في سرعة الالعاب والتعليق الي بجلط الواحد
انا ناوي على
i7 2600
h61
560 gtx ti
بطلعو حوالي 500 دينار
اما اذا z68 بتزيد من اداة الجهاز من دون كسر سرعة راح اعتمدها مع معالج i5
:rolleyes:

[Angel of Death]

فعلاً مثل ما قال الأخ "mosahadidi" الشرائح : P67 + Z68 مخصصة لكسر السرعة يعني عشان تستفيد من هذا الخيار لازم تجيب 2500K أو 2600K وهذا الإشي بفيدك بالألعاب بشكل كبير خاصة مستقبلاً يعني من هون لسنتين ثلاث سنين ما رح تضطر تغير جهازك لو عندك كرت شاشة قوي .

والفرق بين Z68 و P67

الـ Z68 : طبعاً أحدث وفيها خصائص للتحكم في الـ: SSD اسمها SSD caching ( على الأغلب ما راح تستخدمه ) وعدد المنافذ أكثر وخيارات لكسر السرعة وموجود بها كرت شاشة داخلي .

الـ P67 : أيضاً خيارات كسر السرعة موجودة وممكن تجد لوحات فيها عدد منافذ كبير لكن الفرق الأساسي إنو ما فيها كرت شاشة داخلي .

الخلاصة والرد على سؤالك : أنا رأيي بالنسبة لأسعار البلد واستخدامك للجهاز في الألعاب إنك تجيب لوحة احترافية بتبريد كويس بشريحة P67 مع 2500k مش رح تفرق معك في الأداء خاصة لو كسرت سرعة المعالج .

إلا لو وضعك المادي كويس فجيب لوحة احترافية بشريحة : Z68 مع 2500k

الـ 2600k ما بعطيك فرق بالأداء زيادة عن الـ 2500k لو كان استخدامك ألعاب بس لازمك كرت شاشة قوي واحترافي .


بالنسبة للفرق بين H67+61 والـ P67+Z68 هو خيارات كسر السرعة وهذا إشي مهم رح تضطر تعمله بعد فترة من الزمن رح يغنيك عن تطوير جهازك لسنة أو سنتين حتى لقدام بس لازم يكون كرت الشاشة قوي .

يعني خلاصة الكلام هو رد الأخ "mosahadidi" لكن بتمنى أعطيتك فكرة عن الفروقات بين الشرائح .

انا بس بدي افهم اشي واحد
لو اجيب h61 مع i7 2600
راح يكون في فرق بينهم وبين
i7 2600k
مع
z68
بدون كسر سرعة او اي تعديل

[MOSAHADIDI]

تسلم يا عمري
ابشر باحلى تقييم :D:)
الله يسعدك حبيبي قتيبه وتبشر بالسعد.....:p
انا اسف اني تاخرت بس سالتلك عن الجهاز لقيته ب 370 دينار كوري وليس صيني او فيتنامي
وبدون G...
ساعه والله وانا اتفقدلك فيه:ah26:
بس برضو انا شايف السعر الي حكا عنو اخوي حمزه مكثور الخير كويس جدااا وفي مجال اقل يمكن بس بدك تتاكد من الصناعه وان شالله اكون خدمتك

[MOSAHADIDI]

ياشباب منما طلع الجلاكسي اس 2 وانا بسمع انه في 32 جيجا صح ولا لأ؟
طبعا فيه 32 جيجا بس ما في منو نهائي

[MOSAHADIDI]

انا بس بدي افهم اشي واحد
لو اجيب h61 مع i7 2600
راح يكون في فرق بينهم وبين
i7 2600k
مع
z68
بدون كسر سرعة او اي تعديل
اخوي اللوحه الام طبعا بتلعب دور
في عدد الفريمات في الالعاب ولكن مش بالشكل الكبير وايضا حراره المزربورد رح تكون معك اعلى في ال h61.....
بس مثلا الواحد بوخذ z68 عشان الاضافات الاكثر يعني كسر السرعه الاداء مع الالعاب افضل وهيك...

[MOSAHADIDI]

شو يا حمزه مطول الكرت.....
يا زلمه انجلطت وانا بستنى:ah4::cdcd:

حبيبي حمزه والله معروف ما بنسالك اياه وبدي اوصيك على سماعات هيدسيت بعديها....والله فتحت نفسي عالشراء من الخارج....

[hamzeh.mal]

انا بس بدي افهم اشي واحد
لو اجيب h61 مع i7 2600
راح يكون في فرق بينهم وبين
i7 2600k
مع
z68
بدون كسر سرعة او اي تعديل


رح يكون في فرق بسيط بس غير محسوس بشكل كبير على الألعاب

إذا على كلامك مش ناوي تكسر سرعة المعالج و استخدامك ألعاب جيب h61 مع i5 2500 بدون k

لإنو ما في داعي للـ i7 مع الألعاب مش حتفرق بالمرة لا الآن ولا مستقبلاً

كرت الشاشة اللي ناوي تجيبه ممتاز جداً جداً حاول جيبه MSI GTX 560 TI OC كان عندي هذا الكرت وكنت شغال على الباتلفيلد بأعلى إعدادات ممكنة والفريمات بين 50 لحد 70 أثناء اللعب أنا بدلته مع 570 بتقدر تشتري كرتي القديم مستعمل من أخونا " mosahadidi "

طبعاً لازمك تبريد كويس للكيس وأمورك تمام التمام


إشي ثاني عشان تكون عارف الـ H61 والـ H67 بفرقوا عن بعض بأشياء بسيطة ومش محرزة إنك تجيب H67 لو كان الفرق بالسعر كبير

الـ H67 موجود فيها SATA 6GBs + USB3 + التبريد أفضل







شو يا حمزه مطول الكرت.....
يا زلمه انجلطت وانا بستنى:ah4::cdcd:

حبيبي حمزه والله معروف ما بنسالك اياه وبدي اوصيك على سماعات هيدسيت بعديها....والله فتحت نفسي عالشراء من الخارج....


انت عارف عشان الإيستر مكسلين الجماعة شوي يعني من يوم الجمعة الكرت واصل أرامكس ولحد الآن أرامكس مش عاملين أبديت للموقع المهم اليوم بكون بداية الدوام فإن شاالله بنشحن اليوم أو بكرة الكثير وبكون عندك الخميس أو الأحد .

عموماً بدك أي اشي ثاني أنا جاهز ما في مشاكل .

صحيح شو نوع السماعات الإحترافية اللي شريتهم من جديد .

[MOSAHADIDI]

انت عارف عشان الإيستر مكسلين الجماعة شوي يعني من يوم الجمعة الكرت واصل أرامكس ولحد الآن أرامكس مش عاملين أبديت للموقع المهم اليوم بكون بداية الدوام فإن شاالله بنشحن اليوم أو بكرة الكثير وبكون عندك الخميس أو الأحد .

عموماً بدك أي اشي ثاني أنا جاهز ما في مشاكل .

صحيح شو نوع السماعات الإحترافية اللي شريتهم من جديد .
حبيبي حمزه عارف والله ما بتقصر....
بالنسبه للسماعات الي جبتهمhttps://www.amazon.com/Logitech-Surround-Sound-Speakers-980-000430/dp/B003VAK1FA/ref=sr_1_1?ie=UTF8&qid=1334564211&sr=8-1
وانا اشتريتهم مستعملات من شب صاحبي وعفكره ممتازات كثير....
وناوي ان شاء الله بس يوصل الكرت اجيب
سماعات هيدست.....وجدت افضل سماعه في حدودها السعريهhttps://www.amazon.com/Razer-RZ04-00700100-R3U1-Electra-Essential-Headset/dp/B005HMCCNE/ref=sr_1_1?ie=UTF8&qid=1334564370&sr=8-1
شو رايك؟؟؟

[hamzeh.mal]

ولا يهمك يا رجل ,,


المهم إن شاالله بالمستقبل بنجيب سماعات 5.1

بس حالياً أنا مهتم بالهيدسيت وفعلاً مبين عليها رهيبة خاصة من الريفيو الموجودة على أمازون يا رجل صارلي أسبوع بدور على إشي مليح مش ملاقي فعلاً إنك كبير .

خليني أسأل عنها جماعة مصر لإنها موجودة عندهم وأكيد جربوها وبلكي شريناها خاصة سعرها ممتاز جداً يعني مش رح تتعدى الـ 60 دينار مع الشحن تبعها وما بتتجمرك إن شاالله .

[MOSAHADIDI]

ولا يهمك يا رجل ,,


المهم إن شاالله بالمستقبل بنجيب سماعات 5.1

بس حالياً أنا مهتم بالهيدسيت وفعلاً مبين عليها رهيبة خاصة من الريفيو الموجودة على أمازون يا رجل صارلي أسبوع بدور على إشي مليح مش ملاقي فعلاً إنك كبير .

خليني أسأل عنها جماعة مصر لإنها موجودة عندهم وأكيد جربوها وبلكي شريناها خاصة سعرها ممتاز جداً يعني مش رح تتعدى الـ 60 دينار مع الشحن تبعها وما بتتجمرك إن شاالله .
حتى انها بمصر رخيصه كثير...قديش بتطلع اقل من 50 دينار؟؟؟
شوف كم سعرها https://www.********.com/product.php?id=11535

[hamzeh.mal]

بتطلع تقريباً 45 - 47 دينار من مصر يعني أغلى بـ 5 دينار من أمازون وهذا بنطبق على جميع السلع تقريباً شايف يعني كيف الجماعة عايشين مش مثل عنا


من أمازون بتلطلع حسب السعر الحالي لو كان الوزن 3 باوند : 62 دينار

لو كان الوزن 2 باوند : 55.5 دينار بس على الأرجح تكون 3 باوند هذا إذا مش 4 والله يستر

بس عنا مش عارف كم سعرها يعني لو بطلع بنفس الحدود بلكي بنشتريها من هون وخلص .

[MOSAHADIDI]

بتطلع تقريباً 45 - 47 دينار من مصر
شفت لو انا مصاروه كان بنكيف......ههههههههههه:ah4:
بلكي شفتلنا ناس من عمال المطعم عندك يجيبلنا حبتين ويدخلهم بدون الكراتين عشان ما يتجمركوا؟؟

[hamzeh.mal]

ماشي بس بدك تستنى شهرين ثلاث شهور لحتى واحد يرجع يعني مش مستاهلة الشغلة تستنى عليها كل هذا الوقت

بس في شغلات محرزة بتستاهل تستنى عليها بتوفر أقل إشي بالغرض من 100 لـ 150 دينار حسب القطعة


يعني مثلاً ناوي أجيب هذا الكرت من مصر :

Creative Sound Blaster X-Fi Titanium Fatal1ty Champion

https://www.********.com/product.php?id=8196

سعره عنا بسعر جهاز :(

لو من أمازون سعره بطلع مع الشحن : 150.6 دينار بدون جمرك طبعاً الجمرك مع عمولة التخليص لأرامكس ممكن يوصل السعر الإجمالي 200 - 250 دينار .

من مصر سعره : 145 دينار

[MOSAHADIDI]

ماشي بس بدك تستنى شهرين ثلاث شهور لحتى واحد يرجع يعني مش مستاهلة الشغلة تستنى عليها كل هذا الوقت

بس في شغلات محرزة بتستاهل تستنى عليها بتوفر أقل إشي بالغرض من 100 لـ 150 دينار حسب القطعة
ماشي يا سيدي معناتو بس ازبط اموري الاسبوع الجاي ان شاء الله بنوصيك على وحده وبدنا نثقلها عليك هيك.....

[MOSAHADIDI]

قتيبه....
جبتلك تلفون محل بعمان ببيع الجالاكسي s2 ب345 دينار.....
بصراحه انا مستغرب...رن عليه اذا بتحب واسالو عن صناعتو وكفالتو والاشياء الي بدك اياها
0786644823

[M O R E]

شباب مين الو مصلحه ب ايبود 8 قيقا ابيض جديد طالبه من ابل
وبدي ابيعه ، ب 200 دينار :)

[MOSAHADIDI]

ماشي بس بدك تستنى شهرين ثلاث شهور لحتى واحد يرجع يعني مش مستاهلة الشغلة تستنى عليها كل هذا الوقت

بس في شغلات محرزة بتستاهل تستنى عليها بتوفر أقل إشي بالغرض من 100 لـ 150 دينار حسب القطعة


يعني مثلاً ناوي أجيب هذا الكرت من مصر :

Creative Sound Blaster X-Fi Titanium Fatal1ty Champion

https://www.********.com/product.php?id=8196

سعره عنا بسعر جهاز :(

لو من أمازون سعره بطلع مع الشحن : 150.6 دينار بدون جمرك طبعاً الجمرك مع عمولة التخليص لأرامكس ممكن يوصل السعر الإجمالي 200 - 250 دينار .

من مصر سعره : 145 دينار
مزبوط كلامك حمزه...
بس ليش ما تجيب مثل كرتي...واذا بدك افضل وارخص خذ هذا https://www.amazon.com/Creative-Blaster-Titanium-Internal-SB1270/dp/B0041OUA38/ref=sr_1_1?ie=UTF8&qid=1334581492&sr=8-1
بس المشكله جيل ال xfi صار قديم كثير هسا...وبتوقع ما يشتغل اساسا عالويندوز 8 يعني دعمه رح يوقف باستثناء الدرايفرات الغير نظاميه يعني معدله من قبل اشخاص
مش من الشركه والله اعلم......

[legend killer]

طبعا فيه 32 جيجا بس ما في منو نهائي

كيف يعني فش منو نهائيقصدك بالاردن يعني؟