المساعد الشخصي الرقمي

مشاهدة النسخة كاملة : هل هذه المواصفات جيده؟ الميزانيه 1500 جنيه (عنوان معدل)



sarhan010
27-06-2009, 09:38
السلام عليكم

أنا من الشرقية و أنا عندى جهاز كمبيوتر 2.6 و رامات 256 و كرت شاشة 64 و قررت أجيب جهاز جديد خاصة عشان الألعاب الجامدة زى PES 2008/PES 2009


عاوز حضراتكو تنصحونى بمكونات حلوة

!!! و بالتفصــــــــــــــــــــــــــــــــــــــــــــ ــــــــــــــــــــــــــــــــيل !!!

ودى المواصفات اللى بحاول أحطها فى جهازى الجديد = حوالى 1500 جنيه

3.6 كاش 2
رامة 2جيجا
هارد 160
كارت شاشة GFORCE 512
شاشة Dell 17
كارت LAN
+ الباقى

* هل الامكانيات دى حلوة؟ ولا يتم تزويدها؟
* هل فى بوردة مناسبة للجهاز ده؟ و سعرها كام؟
* ياريت تساعدونى عشان انا محتار



و شكرا لكم جميعا

masklove
27-06-2009, 09:49
قم ببيع الجهاز مستعمل لأن الجهاز ميت
انظر الي AMD ستجد عدة اشياء جيدة جدا
E5200 390LE
P31 350LE
Ram 2G 130LE
Hard western 320G 240LE
Case gamma 350W 300LE
____________________
1410LE
بص بالمبلغ المتبقي مش هتلاقي geforce كويس و8400 او 7300 والكلام ده سيء جدا جدا جدا في الالعاب الحديثة
اقل حاجة انصحك بيها HD 4350 من ATI

sarhan010
27-06-2009, 15:16
أولا شكرا على الرد
ثانيا انا كنت سألت على AMD و قالولى حلوة بس هيا سنة واحدة بس و مالهاش قطع غيار


E5200 390LE / P31 350LE ------>????????????????????????????????????????????????

أنا لقيت ده فى كذا موقع
RECOMMENDED SYSTEM REQUIREMENTS for PES 2009
GeForce 6800 GT / GS, Radeon X1600 or higher. Pixel / Vertex Shader 3.0 and 256 MiByte VRAM


قوللى ايه رأيك ؟ و بعدين حكاية الصينى دى مقلقة شوية


Thanks, Masklove ............

masklove
27-06-2009, 18:42
E5200 processor intel dual core 2.5 GH 2M l2 Cache
بروسيسور انتل ثنائي النواة 2.5 جيجا هيرتز 2 ميجا كاش وهو افضل بمراحل من 3.6 /2 لأنه ثنائي النواه تقدر تعتبره (انسان وله قلبان) مما يعطيه قدرة اعلي وهو كافي لتشغيل الالعاب اللي حضرتك بتقول عليها ثمنه 390 جنيه مصري
P31 -ds3l ماذر بورد من جيجابايت تسع حتي 4 جيجا رام وتدعم (dualcore- core2duo-core2 quad) وثمنها 350 جنيه مصري
بالنسبة لكارت الشاشة قدامك اكثر من اختيار
1-4550 512M وده ثمنه 320 جنيه
2-4350 512M وده 230 جنيه مصري
وعلي فكرة انا عندي 8400gs اللي من نيفيديا اللي اضعف منهم و pes9 شغالة عندي علي high عادي جدا بدون تقطيع
علي فكرة منتجات الكمبيوتر معظمها صيني لا يوجد قلق
الهارد ماليزي western
لا تقلق خالص

سألت على AMD و قالولى حلوة بس هيا سنة واحدة بس و مالهاش قطع غيارمين اللي قال الكلام الفارغ ده أكيد بياع ؟!
مش فاهم المقصود بقطع غيار هل تقصد الضمان ؟
لو تقصد الضمان ما هو نفس الشركات اللي بتصنع لأنتل تصنع ل AMD مثل (جيجا بايت و asus و MSI و غيرهم) لا فرق وضمان جيجابايت لمترا او لجاما والاثنين كويسين والضمان 24 شهر !
قطع غيار ازاي ما هو الماذر بتاعة AMD تستخدم نفس المكونات بتاعة iNTEL (رام وهاد وكروت شاشة ) الفرق الوحيد هو البروسيسور اللي AMD عمله عليه 3 سنوات ضمان ولو حبيت تعمل تحديث للبروسيسور في المستقبل عادي جدا مش هيحصل مشكلة عكس الانتل اللي كل شويه تغير في البروسيسورات الجديدة بتاعتها عشان تخليك تشتري ماذر جديدة (مثال core i7 ) من انتل اللي ميكريش علي الماذر القديمة خالص ولازم ماذر بشريحة x58 عكس الAMD اللي احدث البروسيسورات بيركب علي الماذرات الموجودة عادي مثل 740 مفيش مشكلة
ياريت منسمعش كلام التجار لأن الغرض منه هو البيع بدون ضمير

sarhan010
27-06-2009, 21:44
أنا بأشكر حضرتك جدا أولا على الرد للمرة الثانية و ثانيا و هو الأهم على سرعة الرد . و ان شاء الله هأستفيد بخبرات حضرتك و باقى فريق عمل الموقع المتميز.

ولى سؤال اخر ... أنا من الشرقية و المولات و مكاتب بيع و تجميع الأجهزة كثيرة و لا يعلم من المضمون منها الا الذى يعمل بها أو الذى تعامل معها. فهل لدى حضرتك أو العاملين بالموقع خبرة بهذا الموضوع ؟ أو يمكن أن ترشحوا لى مكان محترم موثوق منه لأشترى منه و حتى لو القاهرة أو أى مكان.


و شكرا جزيلا يا MASKLOVE وأتمنى أن تقبلنى صديقا لكم

masklove
28-06-2009, 00:22
اولا لا يمكن ان يشكر الناس كلهم في شخص الا وكان الشخص يستحق
الاعضاء هنا تعاملوا مع maxiumum Hardware في الخليفة المأمون /سوق العصر الدور الثاني وشكروا فيهم جدا
من رأي اشتري منهم افضل
ثانيا لو عندك اي سؤال بخصوص الشحنات وهل الهاردويير متواجد بالفعل ولا لأ اتصل بيهم (رقمهم موجود بالمجلة) هم هيفيدوك اكثر
وللأسف الشديد ان مش من الشرقية (ولم ازرها حتي من قبل)