هل يمكن ذلك ؟؟ لخبراء الصوتيات ..

[m7tref]

السلام عليكم ورحمة الله وبركاته ...

هل يمكن توصيل السماعات الكبيرة ( مثل اللي بالمساجد وغيرها ) اللي توصل بأجهزة الميكروفونات .. هل يمكن توصيله بكرت الصوت حق جهاز الكمبيوتر ؟؟؟ لي نستفيد من التأثيرات مثل الصدى والريفيرب وغيرها ؟؟؟

[DDesigns]

نعم كل شيء ممكن

[m7tref]

صحيح .....

الله يبشرك بالخير ...

إذا كان كذلك راح توفر علي شي كثير ... بس كيف الطريقة عندي كرت صوت اوديجي 2 خارجي ...

[DDesigns]

جيب لي صوره عن السماعات ومضخمات الصوت اللي تبي تركبهم وصور لي نهايه الاسلاك على اساس اقولك ايش القطعه اللي لازم تشتريها .

لان الشغله مش دايركت .

[m7tref]

أبشر
( بس السماعات عادية يعني السلك مثل سلك الجرس له طرفين )
إن شاء الله اجيب لك الصور

[m7tref]

سماعات من TANNOY ... لفيت موقعهم ما حصلت مثل اللي عندي لكن هذي تقريبا مثله
https://www.tannoy.com/frame.cfm?ID=3&D=2

وكذلك عندي سماعات من BOUYER ...

طبعا السلك مثل ماقلت لك سلك عادي له طرفين .

[Mohamed.Kamal]

أخ DDesigns أعتقد أن الشغلة ستحتاج مكبر Amplifier مع السماعات الكبيرة..
أنا استخدمت هذه المكبرات اثناء استعمال الجهاز في الحفلات..

[DDesigns]

انت تقول واير مثل الجرس الصراحه انا ما اعرف كيف شكل الجرس عادة ولكن في شكل في بالي اعتقد انك تقصد هذا

https://images.cardomain.com/products/lit/LITLBMS918_1.jpg

طبعا يكون فيه وايرين بس مش 9 وايرات مثل ما في الصوره ..

اذا كانت الوايرات مثل هذا النوعيه فا طال عمرك انت تحتاج الى مضخم صوت او ما يسمى Amplifier ..

لانه هو اللي راح يعطي السماعات الطاقه ويخليها تشتغل لان كرت الصوت في الكمبيوتر ما يطلع طاقه هو يطلع اشاره فقط ..

طبعا ايش تسوي تاخذ سماعاتك وتشوف من ورا وش مكتوب عليها impedence او ما يسمى المعاوقه هل مكتوب 4 او 6 او 8 او 12 اوم Ohm وكم واط مكتوب عليها ..

وبعدين تروح السوق وتقول لهم ابي مضخم صوت يتقبل الحمل 4 او 6 او ..... على حسب السماعات اللي عندك وتختار نفس الواط الموجود فيه او اقل شوي عادي ..

وخلاص تنتهي المشكله هنا ..

[DDesigns]

اوووه اخ Kimo ترى احنا كتبنا مع بعض . لوووووول

[m7tref]

يعطيكم الف عافية ...
ايوه نفس الواير ....
لكن الامبليفير سعره بحدود كم .. وهل فيه أنواع أحسن من الثانيه والا كيف لأني صراحة ما عندي أي خلفية
ومثل ما قال الأخ kimo
راح استخدمه في الحفلات
(وما عليش تعبتكم معي )

[DDesigns]

الامبلي فاير اسعارهم متفاوته على حسب النوعيه والجوده والماركه يعني تقريبا يبداء من 300 ريال وما فوق الى 20 الف او يمكن اكثر ..

طبعا انت تاخذ احتياجاتك ..

انصحك تمر على Yamaha وتاخذ سماعه وحده من اللي عندك وتجرب تشغلها عندهم وشوف الصوت يعجبك ولا لا .

طبعا قوله المضخم ابيه قناتين بس 2 channel .

[m7tref]

يعطيك الله العافيه ..
ممكن سؤال ...
أريد أن أشتري سماعتين بس يكون صوتهم قوي وصافي ... وش الماركة الممتازة وسعره يكون متوسط ... ؟؟؟
وأيضا .. إذا جيت أشتري سماعات ماهي المواصفات المهمه في السماعة ( المقاومة ومدري وش بعد ) ؟؟

[DDesigns]

والله انصحك بسماعات Yamaha او Infinite اللي وكيلها JVC او سماعات JBL طبعا هذول مستواهم في السعر ممتاز ..

ولكن اذا ميزانيتك مفتوحه فا هذا شيء ثاني يعني اذا ناوي تدفع فوق 10 الاف فا قول لي انا اضبطك في ماركات ثانيه .

طبعا يفضل تاخذ مضخم Yamaha لانها ممتازه في النقاوه الصوتيه ..

اما بالنسبه للمقاومه فا انت بكيفك على حسب السماعه اهم شيء المضخم يكون يقبل انه يشغل سماعه بالمقاومه اللي شريتها فا لازم تشيك قبل شيء علشان ما تشتري مضخم ما يشغل سماعاتك او يحترق بعدين ..

يفضل ان تكون السماعات ان لا تقل على 70 الى 100 واط RMS حتى يككون الصوت قوي ...

طبعا هذا اذا كنت تبي تشبكهم في غرفه نوعا ما كبيره

اما اذا كنت تبي شيء قوي ومصمم لاجهزه الكمبيوتر للغرف الصغيره فا عندك Logetic او Eclipsh او Creative Megaworks هم جيدين ايضا ويجي المضخم منهم وفيهم ..

بس اعتقد انك تبي حق حفلات يعني تحتاج الخيار اللي كتبته اول شيء .

[m7tref]

جزاك الله خير ...
وإن شاء الله احصل السماعات والامبلي فاير

وشكرا لك ...