المساعد الشخصي الرقمي

مشاهدة النسخة كاملة : أوقفوا الإعلان ده ، أرجوكوووووو !!!


VancouverEG
28-06-2009, 22:21
مفيش حاجة وجعة قلبى ومسببلى انتفاخات زى الاعلان الغريب اللى بيطاردنى فى

شوارع المحروسة بالاضافة للتلفزيون واللى شعاره تحسبها صح ... تعيشها صح ...

مستفززز جدا .... واحد بيوفر فى استهلاك الكهربا واللقطة اللى بعدها

المحروس بيجرى ورا عياله فى الشاليه بتاعه فى بورتو السخنة !!! وبعدين رمش

العين وفرت من مصروفها وجابت لاب توب !!! مصروف ايه فى ليلتكم الزرقا على

دماغكم اللى بيجيب لاب توب !!! وطبعا فى الاخر الجملة الاكثر استفزازززز

على وجه الارض .... احسبها صح ... تعيشها صح....

وعليه خدوا عندكم بقى

توتى وفر فى فلوس المخدرات بتاعتة وجاب عربية هامر جديدة

تحسبها صح .... تعيشها صح

نوسة وفرت من فلوس الديسكو وسافرت 3 شهور فرنسا الصيف اللى فات وفى
الغالب مش راجعة


تحسبها صح ....تعيشها صح

سهير بتشرب علبة سجاير واحدة بس بدل اتنين وبفلوسها حجزت شهر فى

الفورسيزووووون فى الرويال
سويت تحسبها صح .... تعيشها صح

حنكش قلب بقيت فلوس العيش اللى مامتة كانت بتيدهلوا وبيهم دفع مصاريف الجامعة

الامريكية

تحسبها صح .... تعيشها صح

عم حسين بواب العمارة وفر التبيس اللى بياخدوا من السكان واشترى رينالدو بتاع

البرازيل

تحسبها صح .... تعيشها صح

عادل صاحب شركة استيراد خصم من كل الموظفين 10 ايام وبيهم جاب خاتم سوليتر

للفيونكة بتاعتة

تحسبها صح ..... تعيشها صح

صبحى وفر فى اكل الجبنة الروووومى وجاب فيلا فى التجمع الخامس بالبسين وجاب

عوامة وزة كمان

تحسبها صح .... تعيشها صح

طأطأ بطل يجيب الكارت ابو 25 جنية وبيجيب الكارت ابو 10 جنية وبالفرق دفع

المهر والشبكة وعمل فرحة فى لندن وبيقضى شهر العسل فى الكاريبى

تحسبها صح .... تعيشها صح

نداء الى اصحاب القلوب الرحيمة وجمعيات الرفق بالانسان والحيوان.... اوقفوا

الاعلان دة او وفرولنا ادوية مكافحة الحمووووووضة

منقووول
one-zero
29-06-2009, 00:08
ههههههههههههههههههههههه
تفتكر اللي عامل الاعلان ده حسبها صح برضه بس على اساس انه عايش في لندن مش القاهرة

وممكن تشتري شهادة المليونير لو مش عايز تحسبها صح

اي كلام يا عزيزي ما انت عارف
moriatte
29-06-2009, 00:42
هههههههههههههههههههههه.
والله انت مشكلة يافانكوفر.
انا متابع ردودك ومشاركاتك من ساعة موضوع عمل يوم تجمع لعرب هاردوير.
بتكتب كلام فى الجون.
ولا بلاش حكاية الجون دى انت مفيش بينك وبين الكورة عمار :D
moataz1983
29-06-2009, 01:50
ومن مكاني هذا
أعلن ان اننا كلنا لازم نوفر
كوب النسكافية
اللى منتشر في كل الفديوهات التعليمية الخاصة
بالاستاذ محمد سمير علشان نوفر
وندخل الامتحان بتاع CCNA ونقدر كمان نحجز لاب في سدني
احسبها صح وعشها صح:D
__eRa__
29-06-2009, 10:25
دي مش بس إعلانات في الشوارع. كمان فيه إعلانات في الراديو والتلفزيون واللي بيعملها محمود الجندي.
ameer_s
29-06-2009, 12:13
:):)
VancouverEG
29-06-2009, 12:46
ولا بلاش حكاية الجون دى انت مفيش بينك وبين الكورة عمار ههههههههه
الله يهديكوا ، لو والله ، على فكرة أنا كنت زمان لعيب :D ، بس لولا الفول اللي عمل في كده .

وإن شاء الله لما نتقابل هتشفوا اللعب الصح ، لا تقولي البرازيل ، ولا أسبانيا .

ولعلمك ده أول سؤال يسألوهولك في أمن الدولة ( وطبعا ياجدعان أمن الدولة دول حبايبنا ، وبنحبهم زي العمى، ربنا يكرمهم ، زي ما كرم السادات ) يقلولك بتلعبوا كرة فين ؟

وطبعا لعب الكرة جائز وحلال بضوابط ، عدم انشغالنا عن الصلاة ، وعدم التعصب لفرقة دون فرقة ، عدم التلفظ بألفاظ سيئة ، كده يعني ، المهم هتتقطعوا يعني هتتقطعوا ....
VancouverEG
29-06-2009, 13:40
انا متابع ردودك ومشاركاتك من ساعة موضوع عمل يوم تجمع لعرب هاردوير.

هذا شرف لي :o


كلنا لازم نوفر
كوب النسكافية
اللى منتشر في كل الفديوهات التعليمية الخاصة
بالاستاذ محمد سمير علشان نوفر
وندخل الامتحان بتاع CCNA ونقدر كمان نحجز لاب في سدني
احسبها صح وعشها صح

ههههههههه

مش بعيد يخرجوا علينا في التليفسيون ويقولولنا النسكافيه ده مكروه !!!

ليه يا جدعان ؟؟

علشان فيه منبهات !!!