المساعد الشخصي الرقمي

مشاهدة النسخة كاملة : سؤالين فى الccna


happiness2all
29-06-2009, 00:24
السلام عليكم يا شباب, انا بادرس الccna من دروس الاستاذ محمد سمير, بس عندى سؤالين مهمين ياريت حد يعرف يجاوب عليهم

1- لما يكون عندى شبكة, و المسافة بين الاجهزة كبيرة يعنى اكتر من200 متر , بنستخدم نفس كابلات الutp و لا بنجيب حاجة تانية, و انا حد قال لى ان فى جهاز اسمة repeater بنوصلة بالكابل, دا جهاز تبع cisco ولا لا ؟

2- نفس السؤال الاول, بس السؤال الاول كان لو فى مكان واحد زى شركة او مصنع مساحتة كبيرة, لكن لو فى شركة ليها اكتر من فرع فى اماكن مختلفة بنوصلهم ببعض ازاى, لان متهيالى مش حنعدى كابلات الutp تحت الارضعلشان توصل مانين القاهرة و اسكندرية مثلا ؟
sasa1987
29-06-2009, 00:44
السلام عليكم ورحمة الله وبركانة

استاذ happiness2all (https://www.arabhardware.net/forum/member.php?u=156557)

فى الحالة الاولى

فعلا بتستخدم ال repeater و كابلات utp
والجهاز ده موجود فى الاسواق

والحالة الثانية

فعلا مش هنوصل بين القاهرة واسكندرية بكابلات utp
هنستخدم فى الحالة دى خطوط ال WAN

الشرح ده المختصر جدآآآآآ
بس انا شاء الله الاساتذة الى موجوده فى المنتدى هيشرحوا احسن منى بكتيييييييييييير
one-zero
29-06-2009, 00:48
https://www.arabhardware.net/forum/showthread.php?t=65652
moataz1983
29-06-2009, 01:43
Thanx all , Thanx Wobooo
zorro6500
29-06-2009, 10:24
بص يا سيدى الريبيتر هو جهاز كل عمله هو اعادة الاشارة قوية كانها خارجة من مصدرها وده متوفر

اما بالنسبة للسؤال التانى فانت مش بتوصل بالشكل ده انت بتطلب من مزود الانترنت عندك انه يمدك بخط وان وده لو كذا شكل منهم
1- leased line وده معناه انه بيوصل كونكشن بين موقعين عن طريق كابل كانك موصل الراوترات (باك تو باك) عن طريق كبل سيريال عندك والطرف التانى سيريال برضه بس ف الطرف الاخر وده عيبه انه غالى جدا
2- نو الكونكشنالتانى وهو الاكثر استخداما وهو Fram relay وده عبارة عن توصيل الطرفين ببعض بس عن طريق السنترالات وطبعا ده بيبقى موفر عن النوع الاول

ارجو انى اكون قد افدتك
واسف على الاطالة
mrzap1983
29-06-2009, 10:55
شكراً للجميع على الرد ، فقد استفدت كثيراً

ياجماعة أفتقدت المهندس محمد سمير
happiness2all
29-06-2009, 17:49
الف الف شكر يا جماعة على الاهتمام و الردود الجميلة, بس انا كان لية استفسار بالنسبة لل wan يعنى المفروض انى باوصل بالسنترال و هو الى بيعمل الشبكة الى ما بينى و بين اى فرع بعيد عن طريق ال frame relay طيب لو المسافة بينى و بين اقرب سنترال كبيرة كذا كيلو مثلا , هل باستخدم كابلات الutp علشان اوصل لحد السنترال ولا حاجة تانية, معلش يا جماعة بس انا عايز اعرف الموضوع بيحصل ازاى بالضبط فى الحقيقة علشان مايباش كلام نظرى و بس, و شكرا--
underage
29-06-2009, 19:36
السؤال الاول فعلا بتستخدم repeater و هو و الجهاز دة بيعيد ارسال الاشارة من تاني
السؤال التاني عن طريق الWAN
medo_1988
29-06-2009, 22:06
طيب لو المسافة بينى و بين اقرب سنترال كبيرة كذا كيلو مثلا , هل باستخدم كابلات الutp علشان اوصل لحد السنترال ولا حاجة تانية, معلش يا جماعة بس انا عايز اعرف الموضوع بيحصل ازاى بالضبط فى الحقيقة علشان مايباش كلام نظرى و بس, و شكرا--

انا مش متمرس اوى فى مواضيع الwan لكن هقول اللى اعرفه ولو غلط ياريت حد يصححه ..

انت بتتصل بالسنترال من خلال جهاز modem او csu/dsu وغالبا بيكون المودم ده متصل بخط التليفون العادى الجاى لك من السنترال .. اما لو بتسال ازاى السنترال بيوصل خطوط التليفون للمشتركين فده بيكون من خلال underground cables وفى بعض الدول زى مصر وبعض المنطاقط فيها بيستخدم البث اللاسلكى بتقنية cdma .. هذا والله أعلى وأعلم ..