جواب نهائي .. Sapphire HD4890 TOXIC ولا PowerColor 4890 Battleforge Edition ؟؟!!

[M Z]

السلام عليكم


ياشباب انا الـ Chipsets في دماغي جوه قربت تسيح
وتعمل Conflict من كتر التفكير
حاسس اني قربت اطلع الشاشه الزرقا من كتر التفكير

:D

المهم
من يوم تقريبا اتحفنا الاخوه هنا بخبر نزول القاطره الجرافيكيه :
Sapphire HD 4890 Toxic

وفي نفس الوقت اسواقنا بتستعد لنزول عملاق اخر :
PowerColor PCS+ HD4890 Battle Forge Edition

ان بقى خلاص حاسس اني هايجرالي حاجه من كتر التفكير والحيره
وعايزكم بقى - وإنتوا املي الاخير طبعا بعد ربنا - تحسمولي الموضوع ده بنسبة 190%

لإني بحسب ما سمعت ان التوكسيك نازل منه كميات قليله جدا
ولو انتظرنا لغاية يوم 10 عقبال ماينزل الكارت الباور كلور - بحسب كلام استاذ اسلام - احتمال اندم ساعتها
لإن التوكسيك احتمال ساعتها يكون خلص خلاص
ولو ايقنت ساعتها ان التوكسيك كان اختيار افضل بس انا ملحقتش نفسي احتمال اعمل في نفسي حاجه

علشان كده انا عايز احسمها من دلوقتي
وعايز رأي حاسم حازم قاطع ناهي ..........
انزل دلوقتي احجز التوكسيك ولا استنى الباور كلور ؟؟؟

انهي واحد افضل من ناحية كل شئ ياشباب ؟؟
انهي واحد مكسور سرعته اكتر ؟؟
انهي شركه ارتحلها واتطمنلها اكتر سافاير ولا باور كلور ؟؟
انهي واحد فيهم التبريد افضل ؟؟


منتظر حد يجاوبني على الاسئله دي " شايفك يامينا وانت بتتفرج على الموضوع وبتستعد ترد .. تعالى ماتخافش :D "

وماحدش يقولي ننتظر نشوف اسعار الكارت الباور كلور هايكون ايه
لإن كده بنسبة 80% هاينزل بسعر قريب جدا جدا جدا من السعر الي نزل بيه الكارت التوكسيك

علشان كده ياريت الحسم يكون على اساس علمي وبعد البحث في ريفيوهات الكارتين
مش عايز اندم بعد ما اختار ياشباب بالله عليكو

بإنتظاركم

[yazan soft]

هات الي تجيبه الاثنين مايفرقو شيء الا ال toxic زايد تردد المعالج الرسومي 10 عن powercolor
toxic = 960 / 1050
powercolor = 950 / 1050

تبريدهم الاثنين قوي وممتاز وبالنسبه لكسر سرعتهم اعتقد الاثنين متساوين فالي بصحلك بسعر ارخص هاته.


انهي شركه ارتحلها واتطمنلها اكتر سافاير ولا باور كلور ؟؟
Sapphire :D

[HD5870X2]

بدون الدخول في متاهات تقنية ربما لن يستفيد منها أي شخص شيئاً

الكارتين ممتازين

السعر واحد أو قريب جداً

هات اللي قدامك دلوقتي :D

[spidermohmd1]

بص ال Sapphire ال PCB بتاعة أحسن من ال Powercolor مليون ألف مرة و أسئل أستاذ مينا ... لكن لو فرق السعر كبير هات الأرخص

[M Z]

تسلموا ياشباب على الردود
وتسلم يامينا على الرد وزي ماعودتنا دائما حاضر ومتعاون وسبّاق
تسلم لينا بجد




toxic = 960 / 1050
powercolor = 950 / 1050


تسلم ياباشا على الرد
لكن اعتقد انك تقصد ان باور كلور 950 / 1100 وليس 950 / 1050
ويمكن ده اللي خلاني احتار اكتر

ودي صوره توضح امكانيات التوكسيك والباور كلور بالتفصيل
يمكن تساعد اكتر في توضيح الفارق مابين الكارتين :

التوكسيك :

https://www.hitechlegion.com/images/stories/4890tox/toxs.jpg


باور كلور :

https://www.gamexeon.com/forum/imagehosting/904249f386a3755f6.jpg


سبايدر تسلم على الرد
ايه موضوع الـ PCB ده ياريت لو توضح اكتر
واستاذ مينا موجود اهو ومنور الموضوع بالفعل يوضحلنا الجزئيه دي

[wild cat]

زي مالاخوه الافاضل وضحولك الاختيارات الافضل هات اللى موجود في السوق حاليا وانت لسه متعرفش الباور كلر هينزل امتى تحديدا

علشان كده التوكسيك هو الاختيار الافضل حاليا

[A-Bomb]

هات الpowercolor علشان أنا عايز battleforge :D
بس لو مقارنة بين ال2, مفيش فرق في اي حاجة أنا شايف, حتي تبردي ال2 كويس جدا.
شوف اللي مرتاح له اكتر هاته.

[spidermohmd1]

أستاذ مينا حط الصور دي في موضوع الأسعار

Sapphire TOXIC HD4890 :

https://www.techpowerup.com/reviews/Sapphire/HD_4890_Toxic_Vapor-X/images/front.jpg

https://www.techpowerup.com/reviews/Sapphire/HD_4890_Toxic_Vapor-X/images/back.jpg

Powercolor HD4890 PCS :

https://www.techpowerup.com/reviews/Powercolor/HD_4890_PCS/images/front.jpg

https://www.techpowerup.com/reviews/Powercolor/HD_4890_PCS/images/back.jpg

مفيش وجه مقارنة ما بين الأتنين أساسان

[yazan soft]

هذه مواصفاته من موقع الشركه PowerColor PCS+ HD4890 1GB GDDR5(Battle Forge Edition):
https://www.powercolor.com/Global/products_features.asp?ProductID=5714

وهذه مواصفات SAPPHIRE TOXIC HD 4890 1GB:
https://www.sapphiretech.com/presentation/product/?psn=000101&pid=258

يعني الترددات 950 / 1050 ل PowerColor
و 960 / 1050 ل Toxic

[M Z]

تسلموا ياشباب على الردود والتواجد
- يازن الخبير " يارب اكون نطقت الاسم صح "
- مينا موحد الكارتين ورئيس جمهورية ATIــستان
- شبايدر باشا
- شيطان العصور اللي مكسل يحمل اللعبه " Just lazy "
- القط البري المتوحش

:D :D

" ^^ ماحدش يزعل مني بهزر معاكم .. بحبكم كلكم في الله بجد "

تسلموا جميعا واعتقد ان الموضوع تم حسمه في اقل من نصف ساعه لصالح التوكسيك بإكتساح تام

عموما جاري السعي في شراء التوكسيك

ولو حد عنده اي اضافه من هنا لغاية لحظة الشراء يتفضل بوضعها
كل كلمه هاتساعدنا .. وتعاطفك لوحده مش كفايه .. والجريمه لا تفيد .. وهنيالك يافاعل الخير والثواب
والسلام عليكم ورحمة الله وبركاته 

:D

[HD5870X2]

أنا مقولتش ان ال PCB للسافاير أحسن :eek:

نسخة باوركلر من صنع الشركة نفسها ونسخة سافاير من صنع AMD والإتنين كويسين

أنا بس اشتريت التوكسيك علشان فيها شيبات Volterra اللي أقدر أغير بيها الفولت من السوفتوير لأني بحب ألعب في الحاجة

لكن في المجمل الكارتين من أفضل ال HD4890 Overclocked اللي نزلوا :)

ولو مكانش فيه التوكسيك كنت اشتريت ال Powercolor HD4890 PCS بدون تردد


هات الpowercolor علشان أنا عايز battleforge :D
بس لو مقارنة بين ال2, مفيش فرق في اي حاجة أنا شايف, حتي تبردي ال2 كويس جدا.
شوف اللي مرتاح له اكتر هاته.

كلام مضبوط 100%

[| raZor |]

أستاذي العزيز مينا لك رسالة على الخاص بخصوص ال+PCS
بالمناسبة لو بنفس السعر تقريباً إذاً اشتري الTOXIC (في فرق في التبريد بالمناسبة وسأوضح هذا لاحقاً)

[M Z]

(في فرق في التبريد بالمناسبة وسأوضح هذا لاحقاً)

فرق التبريد لصالح مين ياباشا :)
قولي بسرعه .. بسرعه بسرعه :ah40:

لإن هو ده احتمال يكون الضربه القاضيه الناهيه للجوله الاخيره مابين الكارتين
لإن صيف القاهره حاليا لا يُطاق .. ده حتى الشتا اللي فات عندنا كان حر كمان :o
وكل ده زي مانت عارف بيأثر على العُمر الإفتراضي للمكونات وسرعة الإستجابه

قولي ياباشا وخد راحتك بس الله يكرمك بلاش لاحقاً دي
لإني في صراع مع الزمن حاليا لشراء التوكسيك قبل ما يخلص وكل ساعه هاتنفعني  

[HD5870X2]

انزل اشتري ال TOXIC :)

[unbeatable97]

يا سيدى الفاضل

طالما السعر متقارب

و التبريد متقارب

ولو افترضنا ان الاداء و جودة التصنيع متقاربين

طيب الضمان ؟؟؟
طبعا ضمان سافير هنا ما شاء الله
ضمان محترم بكل معانى الكلمة
يعنى لو لاقدر الله حصل حاجة وده مستبعد جدا جدا ( 1 :5000 حسب احصائية الوكيل QDS )

فانت هتاخد حقك تالت و متلت
عموما برده شوف الرابط ده
يمكن يفيدك بحاجة

https://www.arabhardware.net/forum/showpost.php?p=900890&postcount=5

[A-Bomb]

- شيطان العصور اللي مكسل يحمل اللعبه " Just lazy "
لأ والله ما دا قصدي خالص:D
اصلها لازم تكون مشتريها علشان تقدر تشغلها كاملة و علشان مدة مش موجودة علي النت غير beta.
عامة...طالما الكرتين واحد, يبقي هات الsapphire:
هو الموجود حاليا
الضمان بتاعه المفروض انه احسن من الpowercolor
ماتضمنش الpowercolor هاينزل امتي, افرض اتأخر..افرض ماجاش اصلا لأي سبب.

[| raZor |]

اشتري الTOXIC أفضل ولك رسالة على الخاص وسأتناقش قليلاً قبل إعلان هذا الأمر على العام

[DR ! ZERO]

أنصحك تاخد الأرخص وطبعا السعر هيبقى قريب جدا و اللى هيرفع الباوركلر أكيد اللعبة وانت أكيد مش محتاجها :D

و بدام التوكسيك موجود أدامك دلوقتى ما تترددش و السعر 1650 تتوقع التانى هيبقى 1500 يعنى أكيد مش هيقل عن 1600 ولا 1550 هو التانى

و معلش جيت متأخر :(


https://img253.imageshack.us/img253/8136/lollollolga9.gif لو لم اكن ATIــاويا .. لوددت ان اكون ATIــاويا https://img253.imageshack.us/img253/8136/lollollolga9.gif

:ah7::ah7::ah7::ah7:

تم التقييم على التوقيع الجامد ده بس سؤال انت اللى عامله وصورة الناس دى اللى ماسكين عصاية :ah7:

[M Z]

تسلموا ياشباب على الردود والنصائح
وتسلم يادكتور زيرو ياعسل على الرد والتقييم
" الفكره والطريقه من اختراع العبد لله .. بس بلدياتنا بتوع العصايه دول مش من تصميمي
دول شدتلهم مكتوب على البلد حدانا علشان يتدلوا على البندر ويشوفو شغلهم هنا "

:D


ان نسيت اقول حاجه
هي مش حاجه مهمه اوي بس " اعتقد :) " انها تستاهل تتقال
انا لسه راجع حالا من الشغل

اه وايه يعني ماهو ده مش مهم

لا استنى بس .. مانا قبل الشغل كنت عند ماكسيمام هارد وير بشتري التوكسيك

:D

قاعد جمبي اهو وبيسلم عليكوا
معلش هي حاجه بسيطه بس اعتقد اني كان لازم اقولها :D

منتدى عرب هاردوير .. مليون شكر وتحيه وبوسه :)

[spidermohmd1]

ألف مبروك ... أنا رايح أخدلي واحد من البتاع دة اللي بيسموة ال توكتوك :Dكمان ساعة كدة أن شاء الله

[Gwynn'bliedd]

واحد احمر والثاني ازرق

هات اللون الي عينك ترتاح عند النظر له