سؤال مهم لمهندسى الشبكات فى بورسعيد

[mohsen_elfiky]

فى شركة اسمها it gate تبع axon بتعلن عن منحة لدراسة ccna لدراسة منهج الأكاديمى بس المشكلة انى قرأت فى أحد المنتديات ان الشركة دى سيئة وانهم من الأخر "نصابين" وكان واحد أخد المنحة عندهم فلو سمحتو أى حد خد المنحة دى يقولى ايه رأيه فيها بصراحة علشان أنا مش عاوز أدفع 3000 جنيه عل الفاضى .

[sunoftheworld]

انا من بورسعيد واخدت المنحة دي عاوز اقولك ان انا وبلا فخر واحد من اول مجموعة شوفت بقا هاقولك الخلاصة

بالنسبة لأكسون هما فعلا مش كويسين لا في التعامل ولا في اي حاجة
وصاحب اكسون دا راجل :ah19: يعني مش عاوز اقولك بس كل اللى اقدر اقولهولك ماتتعاملش معاه لانك لو اتعاملت معاه هاتضربه

بالنسبة للكورس هوا تبع it gate وهما مأجرين من أكسون المكان بس دا مايمنعش انك مضطر تتعامل مع الأكسونين

وبالنسبة للمدرس هوا اسمه منصور وهوا من السنغال وبصراحة الراجل كويس جدا :ah7:
ولما بنسال في حاجة مش بيتأخر علينا انا خلصت الكورس وبروح اساله في اي حاجة الراجل الأمانة مش بيتاخر

وبعدين انت كدا ولا كدا هاتدفع حق الكورس وهتاخد الشهادة من سيسكو وانت اللى يهمك المدرس مش المركز
وبعدين برده الموضوع يعتمد على مزاكرتك

وشوف بقا انا رديت عليك بس دا مش ببلاش ادعيلي انجح لاني هادخل الإمتحان قريب

دا رئي وشكرا
شمس العالم

[prof_memo]

بص ياباشا
انا من بورسعيد, ولسه مخلص المنحه دى من شهر تقريبا , المنحه دى جميله جدا , بجد والله ,انا قبل ما ادخل المنحه دى كنت لا افقه شىء فى الشبكات :confused:. لكن بصراحه بعد الشهر الأول من الكورس كنت تقرببا معايا ما يؤهلنى انى اشتغل مهندس شبكات مساعد , لكن بعد كده وخصوصا لما بدأنا نشتغل شغل سيسكو الفعلى وعلى الروترات والاجهزه الفعليه بصراحه انااصبحت محترف , والكلام ده بقوله لانى كنت اشتغلت فى شركات قبل كده وشوفت شغل الشبكات وكان فى حاجات كتير قوى بشوفها ومش فاهمها .
بالنسبه ياسيدى لIT gate الكلام اللى وصلك عنها مش مضبوط , لان الجمعيه دى هى تانى مكان فى مصر معتمد من شركة سيسكو كمركز تدريب .
بالنسبه لمنهج الكورس كالتالى :
1 - اساسيات الشبكات (Network fundametals)
2 - الروتنج ( Routing )
3 -السويتشنج ( Switching )
4 - الوان ( wan )
العيب الوحيد هنا فى بورسعيد بس ان المكان اللى انت بتاخد فيه ( AXON ) متعبين جدا وبيتأخروا جدا فى احضار الشهادات وشويه مشاكل كده والخلاصه انك لازم متسيبش حقك معاهم ولازم تفضل وراهم لغايه لما تاخد كل حقك.
اخيرا بالنسبه للمدربين من جمعيه ITGate انا اقولك وبقلب جامد ناس ممتازه :ah7: بجد والله, بس فى حاجه هى اللى كل الناس شايفها مشكله بس انما انا لا , انك بتخلص الكورس كله فى تقريبا 3 شهور فى حين انك لو فى مكان خاص وعلى حسابك هتاخد وقت كتير عن كده , بس مش بمزاجهم لان الوزاره وشركة سيسكو هى اللى مدعمه الموضوع كله ومحدده للكورس ,وده السبب انهم بيحاولوا يخلصم بدرى ,وعلشان كده نصيحتى ليك انك تكون عندك ولو فكره بسيطه عن المنهج قبل ماتدخل .الحاجه التانيه انك لازم تكون فى الكورس متابع الكورس اول باول وانت بتدرس علشان المحاضره الواحده بتاخد فيها كتير فلو اتاخرت يوم انت الخسران.
فى النهايه بتمنالك التوفيق.

[mohsen_elfiky]

أشكركم جدا ياجماعة أنا ان شاء الله هأخد الكورس وربنا يعيننى على بتوع أكسون دول
وبالنسبة ل "شمس العالم "فان شاء الله تدخل الامتحان وتنجح ويارب يوفقنا جميعا .

[sunoftheworld]

إن شاء الله دعوة مقبولة :)

[mhmsaber1]

افرح ياعم الناس متاخرتش
وربنا يكرمك ويعينك