المساعد الشخصي الرقمي

مشاهدة النسخة كاملة : محتاج راى و مساعده خبراء عرب هاردوير فى هذه التجميعه



pioneer009
13-07-2009, 20:17
ان شاء الله انا رايح قريب اشترى جهاز كموبيوتر جديد

بالموصفات التاليه
----------------------

Cpu------ Core 2 Quad Q9550/2.83ghz/12mb

Mother Board-----Asus P5q Pro P45

Hard Disk------WD 1 TERA BLACK WD1001FALS

Video Card-------Ati Sapphire HD4890 1GB Toxic

RAM-----2RAM 2GB HYPERX Kingstone Bus 1066

Case-----GigaByte Setto 1000

Power Supply-----HEC COUGAR 700WATT

LCD---------SAMSUNG 2333SW
--------------------------------------------
ليا شويه استفسارات:
------------------------

1-وهل البورده تستحمل كل هذه المواصفات بدون مشاكل.

2-وبخصوص الكيسه هل هى بها مروحه كبيره من الجنب وهل تبريدها جيد و واسعه ام لا.

3-هل فى موبيل راك يشتغل مع الهارد 1 تيرا ومع الكابلات الساتا بدون مشاكل عشان لما احب انقل حاجه من اى هارد لهارد وسعره كام.

4-بالنسبه للمراوح او تبريد OCZ Vendetta 2 هل هى ضروريه لتبريد البروسيسور ولا المروحه البوكس اللى بتيجى مع البروسيسور كفايه

5-وعايز محل مضمون ومشهور وسمعته ممتازه اشترى منه التجميعه دى ويكون محترف فى تركيب الكيسه و باقى التجميعه تنصحونى بيه

معلش طولت عليكم فى الاسئله بس محتاج رايكم ضرورى عشان انا نازل اشتريه قريب باذن الله.

فياريت تجوبونى على اسئلتى ورايكم فى التجميعه دى وها بها اى مشاكل او عدم توافق.

وشكراااااااااااااا ليكم مقدما.......

DR ! ZERO
13-07-2009, 20:59
تجميعة ممتازة ما شاء الله


1-وهل البورده تستحمل كل هذه المواصفات بدون مشاكل.

طبعا عادى جدا و تشغل هاردات كتير مفيش مشاكل


2-وبخصوص الكيسه هل هى بها مروحه كبيره من الجنب وهل تبريدها جيد و واسعه ام لا.

الكيسة كويسة فيها مروحتين 120 ورا وقدام وممكن تركب 80 فى الجنب وواسعة بس مش زى السومو يعنى


3-هل فى موبيل راك يشتغل مع الهارد 1 تيرا ومع الكابلات الساتا بدون مشاكل عشان لما احب انقل حاجه من اى هارد لهارد وسعره كام.

بلاش موبيل راك ده نصيحة بلاش كفاية توصيلات الباور فيه اللى ممكن تحرقلك الهارد ولا حاجة و كمان مفيش منه غير داتا بس والهاردات أغلبها بقى ساتا دلوقتى + انك ممكن تحط الهارد اللى هتنقل منه حاجات جوه الكيسة وتوصله ساتا عادى زى الهارد بتاعك وكده كده لازم تظبط فى الجمبر وكده


4-بالنسبه للمراوح او تبريد OCZ Vendetta 2 هل هى ضروريه لتبريد البروسيسور ولا المروحه البوكس اللى بتيجى مع البروسيسور كفايه

اللى جاية مع البروسيسور كويسة لو مش هتكسر سرعته أما لو هتكسر سرعته هتحتاج تجيب ال Vendetta 2 طبعا و هتفرق كتير جدا


5-وعايز محل مضمون ومشهور وسمعته ممتازه اشترى منه التجميعه دى ويكون محترف فى تركيب الكيسه و باقى التجميعه تنصحونى بيه

ماكسيموم هاردوير فى سوق العصر الدور التانى أو هاى اند أسعارهم ممتازة ومعاملتهم مفيش أحسن منها


معلش طولت عليكم فى الاسئله بس محتاج رايكم ضرورى عشان انا نازل اشتريه قريب باذن الله.

لأ ولا يهمك أمال اسمه منتدى ليه ؟ :)

pioneer009
13-07-2009, 21:25
الف شكر ليك يا DR ! ZERO على ذوقك واهتمامك بالموضوع و سرعه ردك

بس ليا سؤال بخصوص تجميع الجهاز وتركيب المكونات هى صعبه يعنى ينفع الواحد يركبها بنفسه

و هل فى دليل ارشاد بتيجى مع المكونات تساعدنى على تركيبها بنفسى ولا اخلى المهندس اللى فى المحل يركبها

بنفسه وهل هيركبها كويس ولا بيبقى مشغول بالزباين والبيع.

و انا مش من هواه كسر السرعه فهل التبريد بتاع المروحه البوكس هيبقى ممتاز.

وبخصوص الكيسه الجيجا بايت هل هى فيها فتحه فىالجنب مجهزه لتركيب مروحه كبيره 80

وهل يجب ان احدث البيوس عن طريق النت اول ماجيب المازر و هل فيها خطوره

وشكرا ليك .......

pioneer009
14-07-2009, 01:09
ارجو الرد

masklove
14-07-2009, 11:15
وص تجميع الجهاز وتركيب المكونات هى صعبه يعنى ينفع الواحد يركبها بنفسه
نعم ينفع والموضوع مش صعب للدرجة ولكن لو كانت اول مرة ليك خلي المحل اللي انت هتشتري منهم يركبهلك (ماكسيمام هاردوير ركبوا لي الجهاز بتاعي وقاموا بتثبيت ويندوز كمان بدون مقابل)

انا مش من هواه كسر السرعه فهل التبريد بتاع المروحه البوكس هيبقى ممتاز.
مادمت لست من هواة كسر السرعة فلا حاجة لشراء تبريد احترافي ولا حاجة . المروحة البوكس كافيه

وبخصوص الكيسه الجيجا بايت هل هى فيها فتحه فىالجنب مجهزه لتركيب مروحه كبيره 80
لم اري الكيسة بنفسي للأسف فلا اعرف

وهل يجب ان احدث البيوس عن طريق النت اول ماجيب المازر و هل فيها خطوره
لا مش لازم . في الحقيقة تحديث البيوس في حالة ان واجهت مشاكل مع البوردة فان كان الجهاز لا يواجه مشاكل فلا تحدث البيوس
والعمليه رغم بساطتها الشديدة فهي خطيرة لأنه لو لا قدر الله فشلت في نصف التثبيت لأي سبب فالماذر ستذهب الي الضمان بدون نقاش

DR ! ZERO
14-07-2009, 15:30
الف شكر ليك يا DR ! ZERO على ذوقك واهتمامك بالموضوع و سرعه ردك

العفو ربنا يخليك


بس ليا سؤال بخصوص تجميع الجهاز وتركيب المكونات هى صعبه يعنى ينفع الواحد يركبها بنفسه

و هل فى دليل ارشاد بتيجى مع المكونات تساعدنى على تركيبها بنفسى ولا اخلى المهندس اللى فى المحل يركبها


ماكسيموم أو أى حد من الشركات هناك هيجمعلك الجهاز عادى مفيهاش حاجة هو ممكن يبقى مشغول بس لو تستنى يبقى أحسن عشان متحصلش مشاكل وانت بتحمعه بنفسك


و انا مش من هواه كسر السرعه فهل التبريد بتاع المروحه البوكس هيبقى ممتاز.

المروحة العادية كويسة بدام مفيش كسر سرعة ولما تيجى تكسر سرعة المعالج ابقى هات مشتت احترافى زى ال Vendetta 2 مثلا


وبخصوص الكيسه الجيجا بايت هل هى فيها فتحه فىالجنب مجهزه لتركيب مروحه كبيره 80

أه فيها مروحة 120 ورا و مروحة 120 قدام و ممكن تشترى واحدة 80 وتركبها فى الجنب


وهل يجب ان احدث البيوس عن طريق النت اول ماجيب المازر و هل فيها خطوره

لأ مش ضرورى بدام مفيش مشاكل والبروسيسور شغال كويس بس يبقى أحسن لو تحدثه لأخر اصدار لضمان عدم حدوث مشاكل بعدين ومفيهاش خطورة أوى ممكن تخلى أستاذ هانى من ماكسيموم أو أستاذ عمر أو أى حد لما يجمعلك الجهاز يحدثلك البيوس
والناس هناك مش هيقصروا معاك خالص