المساعد الشخصي الرقمي

مشاهدة النسخة كاملة : مساعده فى شراء مشتت احترافتي للمعالج AMD X4 940


SmaLLToto
21-07-2009, 17:41
السلام عليكم ورحمه الله وبركاته

البوردة والبروسسير الى عندي مكتوبين بالاعلي (GA-780G-UD3H -- amd X4 940)

درجة الحرارة بتوصل 64 و 65 مع الضغط 25 دقيقة

والخمول حوالي 50

علما بان درجةحرارة الغرفة اكتر من 40 درجة .. ربنا يكون ف عوني:D

وانا مش عامل كسر سرعه والكيسة الى عندي سيتو 1000


وناوي ان شاء الله اشتري مشتت احترافي وهسأل ع كذا حاجة :

1- لازم اما اشتري مشتت اجيب معاه معجون واحته ما بين المشتت والمعالج ؟ ولا فى مشتتات مش محتاجة ؟ ولا ممكن استغنى عن المعجون لو مش هكسر السرعه؟

2- انا معنديش خبره ف تركيب المشتت .. هل هتبقى عملية عويصة ام لا؟

3- انا ناوي اجيب الاسوس سيلنت 2 مستعمل او اجيب Cooler Master Hyper X2,, هل دول هيحتاجوا معجون يتحط ولا ؟

4- ايه درجة الحرارة المتوقعه بعد ما اركب المشتت علما بانى مش ناوي ع كسر سرعه .. يعني ممكن تقل عن 50 تحت الضغط لمدة نص ساعه ولا ؟


شكرا لكم مسبقا ..
shaker3
22-07-2009, 04:38
بالنسبة للمعجون فهو ضروري جدا اياك تركيب المشتت بدونه
اذهب الى البيوس في اللوحة وابحث في قائمة PC HELTH عن خيار SMART CPU FAN وحطه على DISAPLE
حتى تعمل المروحة بأقصى طاقتها لبين ما تجيب المشتت الاحترافي
بالنسبة لتركيب المشتت فهو سهل للغاية وقبل التركيب لاحظ المشتت القديم كيف مركب وركب الجديد مثله
او اذهب به لاي محل وانت موجود اطلب منه تركيب المشتت
بالتوفيق
SmaLLToto
22-07-2009, 10:25
انا سايب الاعدادات الافتراضية لكل مراوح الكيسة Setto 1000

مروحة الـ CPU >> SMART
مروحتين ف الكيسة سيتو 1000 واحده ورا وواحده قدام جوا الكيسة بردة SMARt
مروحة كارت الشاشة عاملها ع 60%

المهم دلوقتي فى مكان لمروحة ف الباب ممكن اجيب واحده واركبها

بس يا ترى اعمل توزيعه دخول وشفط الهوا ايه

انا شفت واحد ف المنتدى مكنش عامل توزيعه و سايب المراوح كدا الحرارة كانت عالية .. اول ما ظبطها كله بقا تمام

والمراوح الى جوا الكيسة ديه بتدي هوا بس ولا ممكن تعمل شفط هوا للخارج وازاي اخليها كدا ؟
mostafa_mhmoud7
22-07-2009, 11:26
والمراوح الى جوا الكيسة ديه بتدي هوا بس ولا ممكن تعمل شفط هوا للخارج وازاي اخليها كدا ؟
بص بالنسبة لتوزيع المراوح انا كنت بسأل زيك بص كده يمكن تلاقى رد على سؤالك https://www.arabhardware.net/forum/showthread.php?p=974070#post974070
محمد الجوهري
22-07-2009, 13:06
السلام عليكم يا شباب
بص يا مستر توتو
انا عندى كيس اخت اللى عندك
بس عملت حركه حلوه ... قلتلى هى ايه ؟
اولا ركبت مروحه 80 مم مضيئه مكان شفاط الهوا الى متركب بالفعل
و المروحه سرعتها عاليه بس فى نفس الوقت صوتها عالى:(
قمت عملت حاجه تانيه بقى ....
شلت المروحه ال 120 مم اللى متركبه فى الكيس اصلا من ادام
لانى حاسس انها مش بتشفط هوا من بره زى ماهو واضح
ازاى هتشفط هوا و وش الكيس مقفول و ما فيهوش اى فاتحات واضحه
فك الغطا و بص كويس و انت هتفهم كلامى ...
و ركبت المروحه ال 120 دى فى غطا الكيسه من الجنب تحت المروحه ال 80
ركبتها بدون ما اعمل اى فتحات ولا العب فى الكيس
و طبعا الاتنين شفط هوا بارد للداخل
و دى درجات الحراره عندى فى الخمول ... درجات غريبه جدا و حاسس انها مرتفعه
و الكلام ده بدون اى كسر سرعه اطلاقا
https://i25.tinypic.com/2yvjn08.jpg
طبعا درجه ال 80 دى مش صحيحه
لان فيه مشكله فى البورد الجيجابايت ال 770 اللى زى بتاعتى ان السينسور بتاعها بيقرا الدرجه دى غلط
و الكلام ده انا لقيت ناس كتير بتشتكى منه فى المنتديات الاجنبيه و محمد سبايدر قال لى كده برضه
درجه حراره البروسيسور ,,, 51
درجه حراره البورده ,,, 48

و ياريت تلغى ال Smart Fan Control من اعدادات البيوس
علشان تخلى المروحه تلف على اخرها
SmaLLToto
22-07-2009, 13:14
جميل اوي

فكرتك كويسة اوي

اول ما اروح البيت يوم السبت هعملها .. لانى ناو ف مصيف ومش بعمل حاجة غير انى بردة قاعد ع النت هههه

المهم الاقي المراوح الـ 80 دي عند اى حد ولا اشتريها منين ؟
محمد الجوهري
22-07-2009, 13:19
صيف براحتك يا عم .. ربنا معاك .. و ترجع بالسلامه
المروحه ال 80 دى متوفره بشده هتلاقيها فى اى مكان
بس حاول تجيبها مضيئه علشان تعمل لك شكل حلو فى الكيس
و هتلاقيها ب 5 جنيه او يمكن ب 10 حسب المكان اللى هتشترى منه
انت منين ؟؟
SmaLLToto
22-07-2009, 13:45
انا من القاهرة

صحيح انت قولت ان المراوح متركبة صح

يعني عاوز تفهمني ان فى مروحة بتشفط الهوا لبرا الى هي ف الظهر

والمروحة الى قدام بتدخل هوا و اصلا هي مقفول عليها ومبتجبش هوا ساقع
Code: Deneb
22-07-2009, 14:06
السلام عليكم

خي تاكد ان كل مشتت يحتاج معجون :)
واذا تبي مشتت يصلح للمعالجات الرباعية فاليك التالي:
مادام انك ماراح تكسر السرعة فاعتقد هذه المشتتات تفي بالغرض وزيادة
Zalman CNPS9500
CNPS9700
CNPS9900<<< وهذا اخر مشتت صنعته زالمان ويعد افضل مشتت في فئته
Thermaltake V1

بالنسبة للمشتتا الثقيلة
OCZ Vendetta 2
ZEROtherm BTF90
Thermalright Ultra Extreme 120
COOLER MASTER V8
SmaLLToto
22-07-2009, 14:11
هل مشتتات زلامان ديه موجودة ف مصر

واسعارها ايه ؟
DR ! ZERO
22-07-2009, 14:38
طيب ما تجيب ال ASUS Silent Knight II أو ال OCZ Vendetta 2 أنصحك بيه صراحة وسعره أغلى من ال أول ب 30 جنيه بس