المساعد الشخصي الرقمي

مشاهدة النسخة كاملة : أول مشاركة ليا جهاز تبريد بدون تكاليف فقط؟؟؟


الصفحات : [1] 2
Dr.Virus
25-07-2009, 17:54
السلام عليكم ورحمة الله

الزيكم يا شباب

دي اول مشاركه ليا في المنتدى الرائع ده ويارب تعجبكم مشاركتي

انا من سنه عملت جهاز تبريد خاص بجهازي وبدون أي تكاليف تذكر
والحمد لله كانت النتيجه انخفاض درجة الحراره من 39 درجة الى 22 درجة فرق كبير وكويس وده كان ببرنامج ايفرست

الجهاز بحمد الله من اختراعي لكن اكيد انتوا لو شوفتوه هاتضحكوا لانه عبيط شويتين بس حلو ومش مكلف لاني في البيت مافيش ورايا غير تنضيف جهازي وتبريده والحمد لله سرعته ماشاء الله

المكونات
مروحتين في ال CPU
واحده شفط وواحده طرد
علبتين زي علب الحلاوة الطحينيه مثلا
خرطومين
برطمان
مياه باردة او ثلج
ودي رسمه توضيحيه رسمتها علشان توضح اكتر

https://img229.imageshack.us/img229/4871/tabred.jpg

مستني ردودكم وارائكم
Dr.Virus
25-07-2009, 17:57
الفكرة ان المروحة اللي بتشفط بتاخد هواء بارد

واللي بتطرد بتطرد الهواء داخل البرطمان فيتم تبريده وتقوم الاخرى بشفطه
wessam-pro
25-07-2009, 18:08
فكرة جامده والله ;)

بس المشكلة بقا ان التلج كل شوية هيسيح وهتقوم تجيب غيره خصوصا لو الجو حر زى اليومين دول .

فمن مصلحة الى يجرب يبقى الجهاز جمب التلاجة بحيث ميتهدش حيله :D
Dr.Virus
25-07-2009, 18:14
ههههههههههه مشكور حبيبي على الرد

بس يعني مش مشكلة ادينا بنفكر وبنطور من نفسنا

انا بحاول احاكي تطور الغرب بس طبعا الامكانيات مش موجوده فبحاول استخدم الموجود

يعني انا ركبت مروحة تبريد زيادة في جهازي هتألني جبتها منين هاقولك كان عندي باور سبلاي بايظ شيلت مروحته ووصلتها بكابل باور والحمد لله شغاله زي الفل

بقولك كل اما الاقي نفسي فاضي اقعد ابدع في الجهاز

تسلم على مرورك مره تانيه
almazloom
25-07-2009, 18:55
ممكن اخوي صور من داخل البوكس...تحياتي
Dr.Virus
25-07-2009, 19:08
إن شاء الله حبيبي اصورها وارفعها

مشكور على المرور
Ҝ ђ Λ Ł Є δ
25-07-2009, 19:16
تقربا نفس فكرة التبريد المائي

بس بالطريقة دي فيها خطر شوية لان ممكن ياخد بخار الماء البارد بدلا من الهواء البارد ويتكثف علي اي من مكونات الجهاز ويعمل خلل
وغير كدة ممكن الهواء الساخن الخارج من الكيسة ميلحقش يتبرد ويدخل علطول من خرطوم الهواء البارد

هي فكرة حلوة لكن محتاجة بعض التعديل عليها وتبقي تمام :)
ameer_s
25-07-2009, 19:34
فكرة حلوة ,,,,

وممكن تركب خرطوم كمان متوصل بمصدر ماء بحيث يزود العلبة بالماء باستمرار .....
wessam-pro
25-07-2009, 20:59
ه
يعني انا ركبت مروحة تبريد زيادة في جهازي هتألني جبتها منين هاقولك كان عندي باور سبلاي بايظ شيلت مروحته ووصلتها بكابل باور والحمد لله شغاله زي الفل



والله نفس الى انا عملته كان عندى باور قديم فكيته وخرجت المروحة وركبتها بحيث اوفر تمن مروحة جديده وفى نفس الوقت استفيد من الباور العطلان . وبرده ليا اختراعات كتير بلنسبة للمراوح والتبريد كان عندى مشتت بمروحة فكيت المشتت وركبت المروحة لوحدها والمشتت حطيته تحت الراوتر .. ومن ساعتها الروتر مبقاش بيسخن خااااااالص . لو عممو تجربتى هينزلوا مع كل روتر مشتت خاص بيه :D


https://img228.imageshack.us/img228/3921/img0010aama.jpg
The_wizard0
25-07-2009, 22:55
شكرا على مجهودك
عاجباني أوي فكرة التبريد للراوتر ..... تسلم على الفكرة
goryunov
25-07-2009, 23:58
تقربا نفس فكرة التبريد المائي

بس بالطريقة دي فيها خطر شوية لان ممكن ياخد بخار الماء البارد بدلا من الهواء البارد ويتكثف علي اي من مكونات الجهاز ويعمل خلل
وغير كدة ممكن الهواء الساخن الخارج من الكيسة ميلحقش يتبرد ويدخل علطول من خرطوم الهواء البارد

هي فكرة حلوة لكن محتاجة بعض التعديل عليها وتبقي تمام :)

فعلاً ده ينطوي على شئ من الخطورة وخصوصاً إن عندنا جنب الرطوبة العالية اختراع صعب اسمه التراب والرمل اللي مالهمش آخر
Dr.Virus
26-07-2009, 10:40
تمام يا شباب مشكورين على ردودكم ومروركم

طيب والله فكره وممكن نعمل حاجه كويسه قوي نتفق هنا على مجموعة مننا ونحاول نخترع حاجه يعني جهاز زي بتاعي ده ممكن نطور فيه بحيث انه مايبقاش فيه غلطه وبالنسبه للمشتت ممكن برده نعمله ونطور فيه ليه لأ الغرب والناس اللي بتصنع احسن مننا في ايه

امكانيات وايه المشكله ادينا اخترعنا حاجات باقل التكاليف وبحاجات موجوده واحنا ما بنستخدمهاش اساسا

حكاية المشتت دي فكره جامده بالنسبه للراوتر لاني شغال شبكات في شركة وبتقابلني حكاية الراوتر ده واللي ربنا بيقدرني عليه بقولهم لازم تريحوا الراوتر وتحطوه في مكان بعيد عن الشمس والتراب

مشكورين يا شباب وانتظروا مني قريبا صور حقيقيه للمبرد
mostafa_mhmoud7
26-07-2009, 10:53
فكرة جميلة بس فيها شيئ من الخطورة مع شوية تعديل تبقى احسن و مين عارف بس محاولة جيدة بالتوفيق
Dr.Virus
26-07-2009, 10:57
شكرا على مرورك حبيبي انا والله فعلا بدأت افكر ازاي أطور وأعدل فيه علشان نزيل الخطورة على الرغم اني بستخدمه من سنه والحمد لله لم يحدث شيء ولكن لن ننتظر تحت نظرية الإحتمالات وبعون الله ننهي العمل بالتوفيق
ayman-pc
26-07-2009, 11:17
فكرة جامدة بس متل متا حكيو الاعضاء شوي تعديل و بيمشي الحال
و فكرة مشتت الراوتر كتير عجبتني لانو الراوتر عندي ماشاء الله على سخونته
شكرا الكم يا مبدعين

دمتم في رعاية الله
wild cat
26-07-2009, 14:05
طب ممكن اعرف ازاي المعالج عليه مروحتين ولا انا فاهم غلط

يعني مروحة الشفط على المعالج نفسه وازاي موصل فيها الخرطوم
skyboyextreme
26-07-2009, 14:24
تمام يا باشا و الله فتحت نفسى على الاختراع :D بس حبيبى بجد محتاجين نشوف شكله ازاى و هو راكب فى الكيسه :ah39: واصل الابداع و يوفقق ربنا ان شاء الله :)
Ҝ ђ Λ Ł Є δ
26-07-2009, 14:34
طب ممكن اعرف ازاي المعالج عليه مروحتين ولا انا فاهم غلط

يعني مروحة الشفط على المعالج نفسه وازاي موصل فيها الخرطوم

اعتقد انه ليس موصل بالمعالج مباشرة بل بالكيسة من الخلف فبالتالي التهوية ستكون علي الكيسة كلها وليس المعالج فقط
Dr.Virus
26-07-2009, 15:01
لا حبيبي الغطاء الجانبي للكيسه عندي فيه مروحتين تهوية وانا مثبت العلبتين عليهم من الخارج

مشكورين علي المرور
المشكله ان الكاميرا مش موجوده اول ماترجع هاصوره وارفعهالكم باذن الله
naelkayali
27-07-2009, 18:00
مش غلط بس التعب والتلج و المراقبة............ يعني فكرة مش بطالة بس متعبة
goldheart
28-07-2009, 19:03
سلام عليكم
فكرة جميلة جدا و الاجمل المناقشة اللى دارت حواليها

انا عندى شوية افكار ممكن تحل جزء من المشاكل اللى قلتم عليها

ممكن نخلى الجزء الخاص بالتبريد مكون من قطعتين
علبة داخلية صغيرة الحجم و تحتوى على الثلج
علبة خارجية كبيرة و تعلق بداخلها العلبة الصغيرة و يفتح بها فتحتى الخرطومين
و بكده نقلل مشكلة التكثيف

ممكن كمان نخلى العلبة مبطنة من الخارج بمادة عازلة للحرارة علشان الثلج يستمر فترة طويلة فمتنهدش لو بعيد عن الثلاجة

كمان المفروض يبقى الخرطوم اللى بيضخ الهواء الساخن موجود فى الاسفل و الخرطوم اللى هيسحب الهواء البارد يبقى فى الاعلى
لان الهواء الساخن بيرتفع لاعلى يقوم نضخه من اسفل فياخد فرصة اكبر للتبريد على ما يطلع لفوق "الكلام ده لو فيه قوة ضغط و سحب فعلا فى العلبة"

كمان ممكن نخلط الثلج بملح مجروش لانه بيخلى درجة حرارة الثلج اقل من الصفر فيعطى تبريد افضل

ده اللى فى دماغى دلوقتى و لو طلع حاجة كمان هقولكم
اتمنى اشوف رأيكم و ياريت صاحب الاختراع يجرب و يقولنا
Dr.Virus
29-07-2009, 17:18
أولا أحب أشكرك أخ جولد هارت على مرورك وأفكارك
بالنسبة لفكرة العلبة داخل البرطمان فكرة هايلة جدا وانا بمجرد ما قرأت الفكرة أترسم في بالي الشكل
بالنسبه لفكرة البطانه دي هاتكون من الخارج ودي فكرة كويسه برده حتي لو بطنا بورق وده هيحافظ فعلا على التلج لفترة أطول
أما بالنسبه لموضوع الخرطوم ده فعلا اللي انا عامله عندي
بس فكرة الملح دي أول مره أعرفها بصراحة وجاري تجربتها إن شاء الله
شكرا مره تانيه
وبجد انا نفسي نعمل هنا موضوع كل أسبوع أو حتى كل شهر نتناقي فيه حول فكرة خاصه بالكمبيوتر مش شرط في التبريد لكن في اي حاجه تانيه كمان وصدقوني والله هانفيد بعض ومين عارف ممكن بكرة يكون في شركة اسمها عرب هاردوير لأنتاج الهارد وير وكماليات وإكسسوارات الكميوتر
الغرب مش أحسن مننا هما عندهم مثلا مخين واحنا عندنا مخ واحد اي نعم هناك تشجيع وده ينقصنا هنا لكن لازم نشجع نفسنا وإلا هانفضل عايشين زي ماحنا
شكرا يا شباب
a.9.a.2
29-07-2009, 20:01
احنى في بريطانيا
a.9.a.2
29-07-2009, 20:02
احنى في بريطانيا ما نحتاجوش تبريد لان التبريد من عند ربي درجة حرارة الجو تصل الى -1
hisham.errish
29-07-2009, 23:00
ان تأتي بفكره في حد ذاتها عبقرية
يعني لو تحصل امكانيات ممكن تتطورها وتقلل من نسبة الخطورة على قطع الجهاز

احييك :)
albumetal
30-07-2009, 00:45
شي جميل ويستحق التطوير منك

اقتراح:
ممكن تضيف الاسفنج الي يفلتر الهواء مثل الموجود في المكيف عشان يشيل بخار الماء ويقلل من خطورته.


احييك واحيي روح الابداع عندك واستمر للأفضل.

سلام

على فكره حاط في بالي أجرب فكرت

:rolleyes:
LoAy FaYeZ
30-07-2009, 01:40
طب ممكن تحط صورة علشان الفكرة توضح
albumetal
31-07-2009, 01:24
يجي مثل هذا بالضبط

هنا (https://www.rubberimpex.com/images/RubberParts/GDRS01/OthersSponges/ActivatedCarbonSterilizationFiltrationSponge25PPIG L010.jpg)

هنا (https://www.made-in-china.com/image/2f0j00bBwaIrgJfDoZM/Filter-Sponge.jpg)

وحط أكثر من واحد وعلى مسافات متساوية "رح ينفع اذا كانت المراوح تولد ضغط في الخراطيم عشان مايتأثر تدفق تيار الهواء المتجه الى المعالج " ولأن هذا الاسفنج مسامي رح يتكثف بعض بخار الماء عليه وتقل خطورته على الكمبيوتر واجزائه

ممكن صوره للكيس بالكامل مع الجهاز يمكن تجيني فكرة افضل 
Dr.Virus
01-08-2009, 10:20
السلام عليكم
بجد انا مش عارف أقول ليكم ايه يا شباب
بجد روح التعاون والتفكير الجماعي جميلة جدا ودي حاجه احييكم عليها
كمان فكرة الأسفنج دي كويسه جدا وانا فعلا جهزت الأسفنج اليوم وهاطبق الفكرة وهاوريكم صور المبرد قبل التعديل وبعد التعديل
بجد انا مش عارف اشكركم ازاي على تفاعلكم مع الموضوع
الصور هاضيفها قريب بس في مشكلة وان شاء الله احتمال اليوم ارفع الصور
Aqua-Girl
01-08-2009, 15:55
أنا عن نفسي قمت بتركيب مروحة تبريد (صحراوية صوغيرة :D) ولكنه لم يبرد المعالج بشكل مباشر ولكنه يقلل من إرتفاع الحرارة أثناء الضغط
فمثلا قبل التعديل أثناء الخمول 34 وأثناء الضغط 52 ولكن بعد التعديل أثناء الخمول بردو 34 ولكن أثناء الضغط مياطلعش فوق الـ42 درجة مئوية
ويوجد مقاطع (يوتيوب) تثبت كفائة المراوح (الصحراوية) بالتبريد وأكتر حاجة كروت الشاشة أنا كدابة لو قلتلكو تخفض 7 درجات وإنما 20 درجة بدون مبالغة :ah46: