المساعد الشخصي الرقمي

مشاهدة النسخة كاملة : تجميعة ب 1500



الصفحات : [1] 2

sweetheart_
02-08-2009, 21:12
اولا السلام عليكم
انا بهنيكم على المجهود الجميل دا انتوا بجد اهل ثقة وعلم انا بتابع ردودكم على الاعضاء وكلها مفيدة ورائعة
المهم انا ان شاء الله عايز اجيب كمبيوتر فى حدود 1500 ويكون بالشاشة مستعملة وعايز جهاز ينفع احدث فية بعد كدا وعلى فكرة انا ناوى ابقى اشتريله كارت tv وشغلة على الدش كتلفزيون ممكن تفدونى اجيب ايه انا من القاهرة وهستخدمة استخدام منزلى يعنى افلام برامج العاب كدا يعنى وانا معنديش تكيف يعنى الجو هيبقى حر شوية على الجهاز معلش انا طولت عليكوا

Marine
02-08-2009, 21:24
شوف كدة

processor:amd 7750 =350 le
mother:gigabyte ga-ma74gm-s2 =300 le
ram:kingstone 2 giga buss 800 =135 le
hard:w.d 320 giga blue =240 le
case:gamma 350 watt =280 le
monitor :crt 17 used =200 le
total
1505 le
التجميعة كويسة بس البلت ان مش جامد اوي انصحك تزود وتجيب اوت

mostafa4515
02-08-2009, 21:44
وادى تجميعه انتل

Intel E5200 2.5GHz 2MB 800MT/s = 375
ASUS P5KPL-C Intel G31 = 270
ati 4350 512 = 200
Kingston 1G = 75
hard:w.d 160g = 210
monitor 19 dell f =270
case =150 اى نوع
1550= الاجمالى

sweetheart_
02-08-2009, 22:21
شكرا على الرد
بالنسبة للتجميعة الاخ marine الاولى دى ممكن بعد كدة اجيب كرت شاشة ولا مش هينفع
بالنسبة للتجميعة التانية هى اللوحة الام دى احسن من جيجا بيت g31 ولو عايز جيجا بيت اجيبها على نفس المكونات دى وال ati دا كرت شاشة صح
وشكرا مرة تانية على الرد

sweetheart_
02-08-2009, 22:24
معلش هو كارت الشاشة اللى فى التجميعة التانية دا ممكن مجبهوش ولا لازم يعنى فى فيجا بلت ان ولا لأ فى المازر دى على اساس ممكن اجيبه بعد كدا واجيب شاشة lcd

Marine
02-08-2009, 22:24
بص التجميعة دي مميزة زائد انا مديك باور ممتاز واصلي يساعدك تجيب بلت اوت جامد قدام زي

4650 =400 جنيه

دة كرت ممتاز ويشتغل علي جهازك منغير ما تضيف اي حاجة

Marine
02-08-2009, 22:27
معلش هو كارت الشاشة اللى فى التجميعة التانية دا ممكن مجبهوش ولا لازم يعنى فى فيجا بلت ان ولا لأ فى المازر دى على اساس ممكن اجيبه بعد كدا واجيب شاشة lcd

فيها بلت ان بس ضعييف

بس رايي لو تقدر قدام تجيب بلت اوت هات بتاعتي عشان البرويسيسور اقوي من 5200 في الالعاب

وكمان الهارد اكبر الضعف وكمان الباور هيك اصلي واقوي من العادي بمراحل اللي في تجميعة الاخ مصطفي

masklove
02-08-2009, 22:43
processor:amd 7750 =350 le
mother:gigabyte ga-ma74gm-s2 =300 le
ram:kingstone 2 giga buss 800 =135 le
hard:w.d 320 giga blue =240 le
case:gamma 350 watt =280 le
monitor :crt 17 used =200 le
total
1505 le
التجميعة دي كويسة بالنسبة لميزانيتك
+25 جنيه لمشغل سيديهات مستعمل

sweetheart_
02-08-2009, 23:19
طاب بالنسبة لموضوع ان معنديش تكيف مفيش مشكلة عشان amd عشان انا سمعت ان ال amd بيسخن اكتر من انتل

Marine
02-08-2009, 23:25
دة كان زمان المشكلة دي اتعالجت وانتهت في الموديلات الجديدة بقت كمان انتل بتسخن عن amd

sweetheart_
02-08-2009, 23:37
الف شكر اخ marine على متابعتك ليا
ممكن حد يقولى الlcd عاملة كام لو 17 مستعملة بصراحة الشاشة القديمة دى صعبة اوى تقيلة وكمان حكاية انى عايز اشغلة تلفزيون حاسس ان الشاشة العادية هتبقى صورتها وحشة انا عارف ان الميزانية قليلة بس ربنا يكرم لو حتى حاولت ازود شوية كدا كدا لسة السماعات والكي بورد والماوس والسى دى روم برده هيتكلفوا
وشكرا مرة تانية marine على الرد

Marine
03-08-2009, 01:34
بص ال lcd المستعمل قليل بس موجود انا ساكن في عين شمس وبتتباع عندنا شاشات lcd ب 320 جنيه بس معرفش حجمها بس تقريبا 17

wessam-pro
03-08-2009, 06:38
انا شايف ان تجميعة الاخ مارين اكتر حاجه مناسبة ليك وحكاية الAMD بيسخن دى كان زمااااان متقلقش خالص

sweetheart_
03-08-2009, 19:27
الف شكر اخ wessam على الرد وشكرا على النصائح دى

sweetheart_
03-08-2009, 19:43
marine هو ينفع التجميعة بتاعتك دى اجيب لها كيسة فوكسكون او اى نوع ب 150 عشان اوفر 130 مثلا واحطهم فى الشاشة ولا الباور احسن من ان اعدل فى الشاشة انت شايف ايه؟

Marine
03-08-2009, 20:41
ينفع بس ممكن يتحرق اي مكون في الجهاز ودة انا لا افضله ابدا خليك في التجميعة بتاعتي والكيسة الجاما

بلاش الفوكسكون او الجامبو

spooner
03-08-2009, 21:18
انا عاوز اعرف من الاخ مارين الشاشات الlcd الused بتتباع فين بالظبط وكمان لو في 15 يكون افضل

Marine
03-08-2009, 21:20
عندنا في عين شمس

masklove
03-08-2009, 21:42
في شاشات مستعملة LCD وعادي في مول البستان جنب مكتبة الجامعة الامريكية
انا سألت من شهر وكان
LCD IBM used 17inch 390LE
LCD IBM used 19inch 490LE
وده الحقيقة اللي سألت عليه ولما لقيت الاسعار عليه قوي قلت احوش علي اللي معايا 300 جنيه واجيب واحدة جديدة احسن ؟!

ينفع بس ممكن يتحرق اي مكون في الجهاز ودة انا لا افضله ابدا خليك في التجميعة بتاعتي والكيسة الجاما

بلاش الفوكسكون او الجامبو بص هو ينفع ومينفعش !!!
بمعني كنت بتكلم مع بتوع ماكسيمام هاردوير علي اساس اشتري كيسه كويسه ببور اصلي ولا لأ وخصوصا ان كارت الشاشة بتاعي لا يستهلك طاقة عاليه فقال لي خلاص خد الفوكسكون هتشتغل معاك كويس
بس انا رجعت قلت له اني بسيب الجهاز يحمل باليومين او ثلاث ايام فقال لي يبقي الفوكسكون مينفعش خالص ولازم بور اصلي
شوف استخداماك للجهاز ايه وقرر

Marine
03-08-2009, 21:46
ماشي بس مش الافضل باور اصلي

سؤال هو فين مول البستان ؟

ينفع اروحله بالمترو؟

sweetheart_
03-08-2009, 22:51
يا سلام يا مارين اخيرا هقولك انا على حاجه
مول البستان دا يا سيدى قريب جدا من التحرير هتنزل محطة السادات بالمترو وتمشى ناحية باب اللوق هتلاقى مول البستان احسن حاجه لما تنزل من المترو اطلع ناحية الجامعه الامريكية واسال اى حد فين مول البستان الف مين هيدلك عليه هو جراج عربيات والادوار الاولى منه مول كمبيوتر

Marine
03-08-2009, 23:02
بجد شكرا يا سويت هارت سؤال كمان اسعارهم كويسة

وبجد بشكرك جدا :ah39:

sweetheart_
04-08-2009, 00:21
بص بصراحة انا منزلتوش بقالى كتير بس هو كان مول ملابس اكتر بس اصحابى بيقولولى انه دلوقتى بقى كلة كمبيوتر زى مولات روكسى وبيقولوا اسعارهم رخيصة زيهم وكمان فى اجهزة مستعملة كاملة رخيصة

Marine
04-08-2009, 00:31
بجد شكرا يا سويت هارت مش عارف اقوللك ايه بس بجد شكرا جدا :)

sweetheart_
04-08-2009, 01:27
خيرك سابق يا marine
العفو

sweetheart_
05-08-2009, 00:39
معلش يا جماعة دلوقتى انا كلمت مهندس كمبيوتر ولما قولت لية انى عايز اجمع جهاز فى الحدود دى amd قالى انا اصلا مبشتغلش فى ال amd ورشحلى e5200 مع g31
هو ال amd وحش ولا ايه وعلى فكرة انا كنت بدور فى مواضيع المشاكل لقيت واحد كاتب بتاريخ 31 /7 انه عنده مشكلة فى الحرارة مع x27750 فياريت يا مارين او اى حد من اعضاء المنتدى يفهمنى ويرشحلى amd ولا انتل انا عايز الجهاز يعيش معايا ومش عايز اندم على الاختيار

TheInfernal
05-08-2009, 01:47
الE5200 و ال7750 أداؤهم قريب من بعض و الاتنين مفيهمش مشاكل من ناحية التبريد و درجة الحرارة, بس بشكل عام الE5200 استهلاكه للطاقة و حرارته أقل.
و لكن عيب انتل ان الماذر الG31 (و حتى الG41) الكارت المدمج فيها لا يصلح نهائيا للالعاب الحديثة, و بالمقابل مع AMD الكارت المدمج الى حد ما أداؤه مقبول. عشان كده أنا شايف ان AMD أنسب لك.

sweetheart_
05-08-2009, 01:57
شكرا على الرد
الموضوع دا محير والله كل ما اقتنع بكلام حد يجى واحد ويقولى كلام غيره ويحاول اقناعى وانا اللى خايف منه لانى مش بعرف فى الاجهزة اوى ان لما اجى اشترى البياع يفضل يقنعنى بحاجه تانيه لغرض ما فى دماغو انا عايز يا جماعه اكون متاكد من المكونات وعايز تاكدولى التجميعة عشان اروح وانا حاطط فى دماغى انى هجيبها مهما قال البياع معلش اعذرونى انى بتقل عليكوا ياريت لو حد جمع نفس التجميعة فعليا يقولى عاملة ايه

Marine
05-08-2009, 01:57
اتفق مع the infernal في كل ما قاله وبخصوص حرارة البروسيسور فهي كويسة جدا ولا تخاف و لو علي حكاية ممكن يضحكوا عليك ماتخافش

يعني لو قال لك انتل قله ماشي بس انا عايز القطع دي وراح اصر علي انتل قله سلام وروح محل تاني

TheInfernal
05-08-2009, 02:07
شكرا على الرد
الموضوع دا محير والله كل ما اقتنع بكلام حد يجى واحد ويقولى كلام غيره ويحاول اقناعى وانا اللى خايف منه لانى مش بعرف فى الاجهزة اوى ان لما اجى اشترى البياع يفضل يقنعنى بحاجه تانيه لغرض ما فى دماغو انا عايز يا جماعه اكون متاكد من المكونات وعايز تاكدولى التجميعة عشان اروح وانا حاطط فى دماغى انى هجيبها مهما قال البياع معلش اعذرونى انى بتقل عليكوا ياريت لو حد جمع نفس التجميعة فعليا يقولى عاملة ايه
البياع انت قلت انه مبيتعاملش غير في انتل, فطبيعي يحاول يقنعك تشتري اللي عنده. مش شرط ان بضاعته وحشة, بل بالعكس, بس الAMD أنسب لك.