المساعد الشخصي الرقمي

مشاهدة النسخة كاملة : تقرير شامل عن ال Vodafone USB Stick موديل K3565


الصفحات : [1] 2
spidermohmd1
05-08-2009, 03:11
السلام عليكم و رحمة الله و بركاتة ...

بدأنا نري أعلانات كثيرة هذة الأيام عن USB Stick و هي عبارة عن شيء في حجم ال Flash Memory و يتم توصيلة بالحاسب عن طريق ال USB و يمكنك من الدخول الي شبكة الأنترنت في أي مكان .

أمبارح أشتريت ال Vodafone USB موديل K3565 ب 200 جنية و أخترت نظام Pay As You Go و هذا النظام لا يجبرك أن يكون في أي فوتير شهرية . هذا النظام يعطيك رصيد عندما تشحن بكروت شحن فودافون و يتم أضافة الرصيد الي الشريحة التي بداخل ال USB و هي تأتي معة و لها رقم خاص مثل أرقام الموبايل , و يمكن شحنها عن طريق تحويل الرصيد أو أدخال رقم كرت الشحن علي موقع فودافون و شحنها أو عن طريق الشحن علي الطاير .

يمكن تحويل الرصيد بالأتصال ب 868 و تحويل المبلغ المراد أو التحويل عن طريق موقع فودافون .

الشحن علي الطاير هي أنك تذهب الي أي فرع فودافون أو أي موزع معتمد و تقول له الرقم و أعطائة المبلغ المراد شحنة .

و يتم حسبان الرصيد بهذة الطريقة :

عندما يتم الشحن ب 25 تحسب الميجا ب 30 قرش .

عندما يتم الشحن ب 50 تحسب الميجا ب 25 قرش .

عندما يتم الشحن ب 100 تحسب الميجا ب 20 قرش .

عندما يتم الشحن ب 200 تحسب الميجا ب 15 قرش .

و تقدم فودافون أمكانية زيارة هذة المواقع مجانا !

Facebook

Mangam

FilFan

Filbalad

Filgoal

Ahlynews

Contact Cars

Waffar

و الأن بعض الصور :

شكل العلبة من الأمام

https://i28.tinypic.com/20h0k2b.jpg

شكل العلبة من الخلف

https://i25.tinypic.com/33wmxpi.jpg

شكل العلبة من الجانب

https://i30.tinypic.com/x1zr7q.jpg

شكل العلبة أول ما يتم فتحها

https://i25.tinypic.com/2w4a6fa.jpg

مكونات العلبة

https://i29.tinypic.com/2h4ds87.jpg

حجم ال USB

https://i31.tinypic.com/2gx2u01.jpg

أختبارات السرعة :

الأعدادات التي تمت عليها الأختبارات

https://i32.tinypic.com/9uwtud.jpg

القاهرة : الأرسال Excellent و الأشارة 4/4

https://i29.tinypic.com/2r4juk2.png

الساحل الشمالي قرية سيدي كرير : الأرسال Very Low و الأشارة 1/4

https://i25.tinypic.com/xd8myt.png

المميزات :

1- أنترنت في كل مكان

2- سهولة التسطيب و الدخول علي الأنترنت بمجرد نوصيل ال USB .

3- سهولة الأنتقال بها الي أي مكان .

4- أنترنت سريع و أرسال ضعيف .

5- يمكن وضع Memory Card حتي 4 جيجا بها و أستخدامها لتخذين الأشياء مثل ال Flash Memory

العيوب :

1- سعر الميجا غالي جدا .

2- صعوبة ألتقاط الأشارة في بعض المناطق .

3- عدم العمل بالسرعة المعلنة عنها في معظم المناطق أو كلها ....

ملحوظة :

أي مكان سأقوم بالأنتقال الية مستخدما ال USB سيتم وضع أختبار سرعة لها و وضعة هنا .

أرجوا أن يكون نال التقرير أعجابكم .

تحياتي ....
kts_2001
05-08-2009, 03:27
شكرا يامحمد على التقرير.
نفس الموضوع معايا فى USB modem بتاع إتصالات المشكلة مش فى المودم نفسه,لكن الارسال دائما بيتغير يعنى فى أماكن هتلاقى
الشبكة بقيتHSDPA وتمام جدا ودى بتترواح من 256Kbps إلى 3.6Mbps بس مش هتوصل لكدا أبدا وفى مناطق أخرى تبقى UMTS ودى لا تتعدى ال 384Kbps وممكن فى نفس المكان تبقى EDGE ودى بقى بتبقى مثل ال Dial up تماما وأحيانا تلاقى الاشارة بتتغير وللاسف المعدل غير ثابت تماما.
إن شاء الله تدريجيا تتحسن هذه الخدمة.

القاهرة بنفس إعدادتك يامحمد على شبكة إتصالات طبعا الاشارة 96% غير كدا مستحيل السرعة تبقى عالية كدا والسرعة دى فى أوقات معينة فقط.

https://www.speedtest.net/result/532690954.png
(https://www.speedtest.net)
Ҝ ђ Λ Ł Є δ
05-08-2009, 03:27
هو ده اللي بيطلع في نجوم اف ام :D

https://i29.tinypic.com/2r4juk2.png

:eek::eek: مش معقول تكون دي السرعة!!!
سرعة الداونلود (TransferRate) بتوصل كام؟
wild cat
05-08-2009, 03:28
شكرا سبايدر على التقرير

بس انا شايف ان الصورة التانيه للارسال في الساحل الشمالي الداونلوود كويس اما الابلود هو اللى مش عالي وانت اكيد يهمك تداون اكتر للتصفح مثلا ولا فيه حاجه انا مش فاهمها

وهل فيه شروط لنظام الفاتوره
محمد الجوهري
05-08-2009, 03:49
بسم الله ما شاء الله
تقرير رائع يا ابو حميد
التقييم شويه عليك ... لك عندى تقييم .. مش عارف اقيمك بسبب السماعات:D
و الصور رائعه ... و الأروع صوره المثلث بتاع علبه الهندسه:D
لما بتعمل داونلود بيحمل بسرعه كام ... جرب كده و قول لنا
HuLkY
05-08-2009, 07:06
الله ينور يا كبير :)
صحيح , هى مش السرعات ل 7 ميجا؟ يعنى المفروض داونلود مش أقل من 900كيلو مثلا! فين الكلام ده؟
تقييم للموضوع ولك كمان :) , والله 5 نجوم شوية
DR ! ZERO
05-08-2009, 08:52
مية مية يا سبايدى :D

تم التقييم يا باشا و مصيف جميل عليك ان شاء الله و ترجع بالسلامة :)
spidermohmd1
05-08-2009, 09:51
ألف شكر يا شباب علي الردود الحلوة ....

هالكي باشا .... في مودلين

واحد ب 200 جنية و دة سرعة حتي 3.2 MegaBit

واحد ب 400 جنية و دة سرعة حتي 7.2 MegaBit
SmaLLToto
05-08-2009, 10:26
ياه

ده انا موبينيل معايا اسرع من كدا معايا ف القاهرة و ف الساحل

يعني الى انا فاكرة بطئ ف القاهرة اسرع من فودافون ف القاهرة

وكمان الساحل كان الارسال فري ممتاز

يلا حصل خير كلها شبكات وخلاص

بس ميزة فودافون انك اما تشحن بكارت اعلى بيقللك سعر الميجا

انما موبينيل لا السعر ثابت ع 30 قرش ... بس كمان اليو اس بي بتاع موبينيل بـ 140 بس

شئ مقابل شئ

وشكرا ع التقرير
The STIG
05-08-2009, 21:32
الف شكر يا باشا:)
بس ازاى الDownload يبقى 239 بس؟
ياريت شباب أليكس يقولولنا السرعه عندهم اخبارها ايه :)
The STIG
05-08-2009, 22:52
ياه

ده انا موبينيل معايا اسرع من كدا معايا ف القاهرة و ف الساحل

يعني الى انا فاكرة بطئ ف القاهرة اسرع من فودافون ف القاهرة

وكمان الساحل كان الارسال فري ممتاز

يلا حصل خير كلها شبكات وخلاص

بس ميزة فودافون انك اما تشحن بكارت اعلى بيقللك سعر الميجا

انما موبينيل لا السعر ثابت ع 30 قرش ... بس كمان اليو اس بي بتاع موبينيل بـ 140 بس

شئ مقابل شئ

وشكرا ع التقرير
بتاع فودافون افضل برضه :)
انت حتدفع ال200 جنيه دول مره واحده يعنى مش مشكله انما الميجا دى حدفعها كل اما استخدمه
يبقى الاولويه فى سعر الميجا مش كده ولا ايه؟
ABC
05-08-2009, 23:08
تقرير اكثر من رائع وكالعادة محمد باشا

بس ياليت تحسب كده انت شحنت بكام وهيكفيك اد ايه يعني بيحسب صح ولا كل شوية هتبقى عايز تشحن
Coolman4now
05-08-2009, 23:40
- أنا جبت البتاع دة النهاردة :D

- هناك فى فودافون عرض عليا أما العرض بتاع شبايدر أو أنى أدفع 43 جنية فى الشهر وأخد 500 ميجا !!!

- طبعا وافقت بدون تردد لأن كدة أنا الكسبان وأنا متأكد أنى هشحن بأكتر من القيمة دى كل شهر فأخد 500 ميجا وخلاص ، وأذا خلصوا يبقى الحساب 30 قرش للميجا ويتضاف على الدفعة بتاعت الشهر اللى بعده.
muslim girl
06-08-2009, 00:41
ما شاء الله تقرير بجد اكتر من ممتاز والله
بس كدة يبقى فودافون افضل ولا موبينيل اقصد الخدمة والسعر ؟؟
وبجد هايل اوى الموضوع مشكور علية اوى اوى
newman2009
06-08-2009, 12:48
مبروك على اليو اس بي بس مينفعش للشغل التقيل
bigboss_215
06-08-2009, 14:41
أنا برده جبت Vodafone بس مش باستخدمه كتير لأني جبته علشان كنت رايح مطروح و كانت الشبكة كويسة هناك
و بالنسبه لنظام الشحن أنا شايف ان الفاتورة الشهرية أفضل بكتــــــــــــــير
لأنك بتدفع 45 جنيه و تاخد 500 ميجا
ان شاء الله لما سعر الميجا يقل بعد كده هايكون 100 فل و 14
انا فعلا محتاج سعرالميجا يقل لأني بادرس في القاهرة و انا من اسكندرية فهابقى معتمد عليه اعتماد اساسي
بس عندي سؤال
المواقع المجانيه دي بيتحسبلها استهلاك ميجات في البرنامج ولا لأ ؟؟؟
انا بتهايئلي بيتحسبلها ودا عيب يا رب يتصلح قريب
و موضوع هايل
بالتوفيــــــــــــــــــــــــــــــــــــــــق
spidermohmd1
06-08-2009, 14:43
أنا مينفعش أشترك في فاتورة شهرية عشان أنا عندي نت في البيت و جايب ال USB لوقت التنقلات فقط
Coolman4now
06-08-2009, 14:57
^^^^^^^^^ شبايدر أنت فهمت غلط.

- هما بياخدوا كل شهر 43 جنية لما حضرتك تشحن يعنى مش بيوصلك على البيت اى فواتير ، لو مشحنتش مش هيججدوا الأشتراك بس هو دة الموضوع.

- أنا من رأى أن كدة أفضل عشان هتاخد 500 ميجا اللى هما أصلا زى قلتهم انا قعدت شوية وفتحت موقعين تلاتة عملوا 11 ميجا مع أنى لاغى كل الصور !!!
spidermohmd1
06-08-2009, 15:01
^^^^^^^^^ شبايدر أنت فهمت غلط.

- هما بياخدوا كل شهر 43 جنية لما حضرتك تشحن يعنى مش بيوصلك على البيت اى فواتير ، لو مشحنتش مش هيججدوا الأشتراك بس هو دة الموضوع.

- أنا من رأى أن كدة أفضل عشان هتاخد 500 ميجا اللى هما أصلا زى قلتهم انا قعدت شوية وفتحت موقعين تلاتة عملوا 11 ميجا مع أنى لاغى كل الصور !!!


أية دة أية دة .... طب ممكن براحة :eek:

أصل أنا شغال تصفح و كنت شاحن ب 50 و لقيت رصيدي 6 جنية :mad:

مع أني معظم التصفح كان Facebook - Gmail - Arabhardware

ممكن يا فادي تقولي أية سم الباقة دي
SmaLLToto
06-08-2009, 15:46
هي ديه ميزة البرنامج الى جاي مع موبينيل

بيعمل Compressing جامد لاى حاجة بتتحمل وبتقلل حجمها

كنت عايش بكارت 100

ع Facebook- Arabhrdware- Rwa2aN - Gmail- Hotmail - Yahoo ومواقع تانية كتير غير الماسنجر بتاع الهوت ميل الى فيه اكتر من الف واحد الى اصلا بيسحب ترافيك لوحده عالي والحمد لله روحت من المصيف معايا منه يجي 20 جنية

وكنت بعد كتير يعني حوالي ساعتين ف اليوم كدا متقطع وايام كنت بعد اكتر
Coolman4now
06-08-2009, 18:53
أية دة أية دة .... طب ممكن براحة :eek:

أصل أنا شغال تصفح و كنت شاحن ب 50 و لقيت رصيدي 6 جنية :mad:

مع أني معظم التصفح كان Facebook - Gmail - Arabhardware

ممكن يا فادي تقولي أية سم الباقة دي

- أنا مسألتش على أسمها :D

- البنوتة اللى كانت فى فودافون قالتلى ياأما أشترك فى النظام بتاعك اللى بكروت شحن فقط ، يا أما أشترك فى الشهر بفلوس وهم 43 جنية هيتسحبوا كل شهر من الرصيد اللى أنا بدخله بكروت شحن ، روح وأسأل عىلانظام دة لأنه بيديك 500 ميجا ب 40 جنية بس.
spidermohmd1
06-08-2009, 19:11
- أنا مسألتش على أسمها :D

- البنوتة اللى كانت فى فودافون قالتلى ياأما أشترك فى النظام بتاعك اللى بكروت شحن فقط ، يا أما أشترك فى الشهر بفلوس وهم 43 جنية هيتسحبوا كل شهر من الرصيد اللى أنا بدخله بكروت شحن ، روح وأسأل عىلانظام دة لأنه بيديك 500 ميجا ب 40 جنية بس.

أه عرفت ...

أسم الباقة Vodafone 59 و هي بتسحب منك 43 جنية فقط

و أنت بتشتري كارت الشحن عادي و تشحن ال USB و بعد كدة تدخل علي حسابك علي Vodafone.com.eg/data و تشتري الباقة .

والله كويس .

بس ال 500 ميجا ليهم صلاحية شهر . يعني لما الصلاحية تخلص الميجات هتضيع .

أن شاء الله لما أشحن المرة اللي جاية هعملها بس عشان أنا دلوقتي :

https://i27.tinypic.com/4trlgw.jpg
:D:D:D
cypher
08-08-2009, 12:30
https://www.speedtest.net/result/535226711.png

على فكرة فى السعودية ارخص بكتير متقسمة فئات
1 جيجا للشهر = 100 ريال = 148 جنيه مصرى + ميجا زيادة =2 ريال =3جنيه مصرى
5 جيجا للشهر = 200 ريال = 299 جنيه مصرى + ميجا زيادة =2 ريال =3جنيه مصرى
لا محدود = 350 ريال = 518 جنيه
و اديك شايف السرعة + التصفح و الفيديو مفتوح التحديد فقط للتحميل up or down
و لعلمك مرة وصلت ل 3.58Gbs
:p

:p

:p
spidermohmd1
08-08-2009, 15:43
Cypher أنا بدفع 43 جنية و أخد 500 ميجا :)

بلنسبة للسرعة = :D
ABC
15-08-2009, 23:00
فعلا على كلام الأخ فادي النظام الدفع الشهري احسن بكتييير
msh4egy
31-08-2009, 04:29
السلام عليكم

انا عندى Vodafone USB Stick


نفس الموديل اللى انت كنت عامل عليه شرح


انا لسه مشغله من يوم الاحد اللى فات يعنى بقالى اسبوع

والسرعه كانت عاليه جدا بطريقة فظيعه
يعنى كنت بشغل اى فيديو على اليوتيوب من غير ما استنى انه يحمل

وفجاه من يومين
السرعه بقت ضعيفه مش زى الاول خالص
وبقيت اقعد سنه عشان يفتح فيديو

وحتى السرعه بتبقى متفاوته
يعنى ممكن شويه تعلى شويه تقل
بس برضه مش بتوصل لقبل كده

انا مش عارف السبب فى كده ايه
انا لفيت كده وعمل شويه بحث وقريت الدليل اللى مع اليو اس بى
لقيت حاجه عن ان الشبمه بتغيير نوعها كل شوية

من 3G الى GPRS

اتمنى يكون عندك تفسير او حل

وانا فى كفرالشيخ
يعنى مش قاهره ولا اسكندريه


شريف الشيتانى
spidermohmd1
13-09-2009, 00:33
^

أعمل Disconnect

أدخل في البرنامج علي Manage Devices و بعدين دوس علي الجهاز اللي شغال بية و بعدين دوس Edit

بعد كدة أدخل في الخانة التانية فوق و أختار 3G Only بدل 3G Preferred :)
Masry
13-09-2009, 05:57
تقرير جامد اوي الف شكر يا باشا وانا ناوي اشتري واحدة إن شاء الله قريب لاني هكون في سفر مستمر
internetworld
25-09-2009, 02:17
جزاك الله كل خير
MeDa-Z
10-10-2009, 12:03
شكر علي التقرير يا باشا ..