المساعد الشخصي الرقمي

مشاهدة النسخة كاملة : طلب كرت شاشه بميزانيه 500 جنيه (عنوان معدل)


hellghost
10-08-2009, 10:53
انا عندي جهاز بروسيسر انتل 3.6 ورامات 2 جيجا والبوردة gigabyte945 وعايز اشتري كارت شاشة في حدود 450 جنيه لكن انا سمعت انه من الافضل يدعم dx 10 عايزه للالعاب الحديثة مثل prototype . crysis ياريت ترشحولي كارت ati لاني اسمع انها ارخص وافضل في الاداء كما قرات في مواضيع الاخ مينا انا شغال علي ريزليوشن 1024*768 الشاشة 19 بوصه
S@M
10-08-2009, 13:07
عندك بور سبلاى كام وات .......ومزانيتك قد اية ................؟؟

...................:cool:
hellghost
14-08-2009, 14:37
انا كاتب الميزانية في حدود 500 جنيه للكارت وعندي باورسبلاس عادي ممكن اغيره لو احتجت انا بس محتاج اسم الكارت المناسب للالعاب الحديثة والقادمة
ارجو الاهتمام لو سمحتم
DR ! ZERO
14-08-2009, 18:07
كرت HD 4670 من باوركلر ب 490 جنيه تقريبا أو 520 جنيه حاول تجيبه كرت كويس جدا و يشغلك كل الألعاب على أعلى اعدادات على الريسوليشن ده .

بس خلى بالك من الباور لو تجارى يبقى أحسن لو تغيره ب HEC 300 Watt ب 130 جنيه

و البروسيسور اسمه الكامل ايه ؟

و البوردة شق ال PCI Express شغال على سرعة 4X ولا 16X ؟


يا ريت صورة من برنامج CPU-Z للبروسيسور و البوردة

ده لينك للبرنامج

https://www.softpedia.com/progDownload/CPU-Z-Download-6980.html
S@M
14-08-2009, 23:08
ممكن تجيب 4650 عشان لو عليت عن كدة هتطر تشترى بو ب160 جنية على

الآقل......................:)
Tekno Ryder
14-08-2009, 23:34
ياريت توضح اسم الماذربورد بالكامل لان انا عندي هذا النوع :

https://www.gigabyte.com.sa/Products/Motherboard/Products_Overview.aspx?ProductID=2539

(GA-945GZM-S2 (rev. 3.x

واشتريت كرت 4770 لكن مع الأسف يعمل على X4 وليس X16 بسبب الماذر بورد ,,

https://i29.tinypic.com/x43qdg.png
S@M
14-08-2009, 23:42
عليك بتغير المزر بورد ..............:(

.................................................. ............:cool:
hellghost
15-08-2009, 17:28
انا عندي نفس البوردة السابقة علي البروسيسر دا
intel(R) pientum(R) 4 cpu 3.00 ghz (2 cpus
cashe level2 2048 kb
مع العلم انه ذكر في موضوع سابق ان البوردة دي ممكن تشغل كارت الشاشة باعلي امكانياته
https://arabhardware.net/forum/showthread.php?t=109629
امكانياتي هي 550 جنيه . الباور اللي عندي
stark model : atx-450w
لكن ما اعرفشي كام فعلي الباور ممكن اغيره فيما بعد
عايز اشتري كارت مناسب ما افكرشي اغيره بعد سنه ولا اتنين مع اني عارف ان كل يوم في جديد وارخص
معلشي عايز اتقل عليكم الكارت اللي ترشحوه اجيبه منين ؟ مع العلم اني من الزقازيق . وهنا اعلي كارت موجود جي فورس 8400
شكرا واسف علي الاطالة
S@M
16-08-2009, 13:14
ممكن تسأل فى مول السخاوى او سوق العصر.........هتلااقى كتير

4650 ...........:cool:
Marine
17-08-2009, 15:49
انا رايي غير البوردة وهات gigabyte ga-g31-s2c

والكرت hd 4650
S@M
17-08-2009, 21:11
انا رايي غير البوردة وهات gigabyte ga-g31-s2c


يغير البوردة لية هوة مش محتاج يغيرها ...................الكرت يشتغل عليها تماما

بدل التكلفة اللى على الفاضى..........................:cool:
Marine
17-08-2009, 21:20
خلاص بلاش انا قلت بالمرة لانها قديمة
hellghost
21-08-2009, 19:05
يا اخواننا انا اشتريت 4670 النسخة دي دي ار 4 من شركة ماكسمم علي 540 و جنيه وقد علمت ان الكارت لا يحتاج باور خاص ولكن انا ها اشتريله لكن انا عندي مشاكل في البداية
حرارة الكارت بتوصل 60 وال
و gpu load 99% ومش عارف يعني اية كمان فيه مشاكل في تشغيل الالعاب زي ما في الصور دي ... مع العلم ان انا منزل تعريف catalyst 9.5

https://www12.0zz0.com/2009/08/21/17/827806172.jpg

https://www10.0zz0.com/2009/08/21/17/517127044.jpg
دي من crysis
https://www10.0zz0.com/2009/08/21/17/999625762.jpg
مع العلم اني مسطب اللعبة كويس ومافيش مشاكل ومسطب
directx 10
اغيثونا يا جماعة والنبي
S@M
21-08-2009, 19:51
ممكن تجرب تنزل ويندوز .........وتغير التعريف الى 9.8 .....اعتقد ساعتها الدنيا ممكن تظبط معاك ...................:cool:
TheInfernal
22-08-2009, 13:14
حرارة الكارت طبيعية و غالبا انت محتاج تحمل DirectX من موقع مايكروسوفت عشان تتحل المشكلة.
king of sparta
22-08-2009, 14:09
يا اخواننا انا اشتريت 4670 النسخة دي دي ار 4 من شركة ماكسمم علي 540 و جنيه وقد علمت ان الكارت لا يحتاج باور خاص ولكن انا ها اشتريله لكن انا عندي مشاكل في البداية
حرارة الكارت بتوصل 60 وال
و gpu load 99% ومش عارف يعني اية كمان فيه مشاكل في تشغيل الالعاب زي ما في الصور دي ... مع العلم ان انا منزل تعريف catalyst 9.5

https://www12.0zz0.com/2009/08/21/17/827806172.jpg

https://www10.0zz0.com/2009/08/21/17/517127044.jpg
دي من crysis
https://www10.0zz0.com/2009/08/21/17/999625762.jpg
مع العلم اني مسطب اللعبة كويس ومافيش مشاكل ومسطب
directx 10
اغيثونا يا جماعة والنبي

أخي العزيز ... لا يجوز الحلف لغير الله ...

وموفقين انشاء الله ...
TheInfernal
22-08-2009, 16:10
أخي العزيز ... لا يجوز الحلف لغير الله ...

وموفقين انشاء الله ...
و لا يجوز أيضا كتابة "انشاء الله". اسمها "ان شاء الله"
Gwynn'bliedd
22-08-2009, 17:24
عزيزي عند شراء بطاقات جديدة يفضل تنزيل نسخة ويندوز جديدة

انصحك بتنزيل Windows 7 RTM 7600 فهي افضل نسخة حالياً لهذا الويندوز
hellghost
24-08-2009, 14:02
علي فكرة بجد منتدى أكثر من روعة بس عشان الناس اللي فيه روعة
انا نزلت ويندوز جديد وسطبت ديركت اكس والكارت شغال تمام الحمد لله وجربته علي
crysis 2- cod4-burnout
وجاري تجربته علي باقي الالعاب بس عشان انا ما بحبش انحرم من معلوماتكم عندي كم استفسار ؟
1- مدي صمود الكارت 4670 ddr4 امام الألعاب القادمة قبل أن افكر في تغييره ؟ومدي كفاءته لتشغيل الالعاب القادمة الداعمة للدايركت اكس 11؟
2-ما معني shder 4 او shader 4.1 ؟
3- كفاءة الكارت لتشغيل الالعاب الداعمة للفيزيكس ؟ مش ها يشغلها خالص ولا ها يشغلها بكفاءة أقل ؟
4- الكارت عندي شغال علي باور صيني لكن احيانا الشاشة تفصل والكيسة شغالة عادي فبقوم بعمل ريستارت ؟ اية السبب ؟ هل من الباور ؟
5- مدي تاثير الباور الصيني علي 4670 هل ممكن يفسده ام انه ها يقلل من كفاءته لحين توفر باور جديد ؟
6- املك بروسيور ضعيف نسبيا وهو intel p4 3/2 فما تأثيره علي تشغيل الكارت والالعاب ؟
7- املك بوردة gigabyte 945gcm-s2l عايز اعرف البوردة دي تتحمل كم جيجا رامات ؟ 2 ولا 4 ؟
وشكرا لسعة صدركم
S@M
24-08-2009, 14:04
تتحمل 4 جيجا .....عادى .........:cool:
TheInfernal
24-08-2009, 15:38
1- مدي صمود الكارت 4670 ddr4 امام الألعاب القادمة قبل أن افكر في تغييره ؟ومدي كفاءته لتشغيل الالعاب القادمة الداعمة للدايركت اكس 11؟محدش عارف.

2-ما معني shder 4 او shader 4.1 ؟shader 4 يعني الكارت يقدر يشغل مؤثرات ألعاب DX 10. لو Shader 4.1 يبقى يقدر يشغل مؤثرات DX 10.1

3- كفاءة الكارت لتشغيل الالعاب الداعمة للفيزيكس ؟ مش ها يشغلها خالص ولا ها يشغلها بكفاءة أقل ؟هيشغلها بكفاءة و لكن بدون مؤثرات الPhysX. أو على الأقل لما تشغل مؤثرات الPhysX أداء اللعبة هيقل بدرجة كبيرة.

4- الكارت عندي شغال علي باور صيني لكن احيانا الشاشة تفصل والكيسة شغالة عادي فبقوم بعمل ريستارت ؟ اية السبب ؟ هل من الباور ؟معتقدش الشاشة لها علاقة بالباور الا لو انت موصلها منه.

5- مدي تاثير الباور الصيني علي 4670 هل ممكن يفسده ام انه ها يقلل من كفاءته لحين توفر باور جديد ؟ممكن يهنج معاك و عمره الافتراضي هيقل بدرجة كبيرة. و أنا مش بتكلم عالكارت. أنا بتكلم عالجهاز كله.

6- املك بروسيور ضعيف نسبيا وهو intel p4 3/2 فما تأثيره علي تشغيل الكارت والالعاب ؟هيأثر على الأداء طبعا بدرجة كبيرة. أنصحك تغيره في أقرب وقت بE5200 ب375 جنيه. و الماذربورد بتاعتك تدعم البروسيسور ده بتحديث البايوس.

7- املك بوردة gigabyte 945gcm-s2l عايز اعرف البوردة دي تتحمل كم جيجا رامات ؟ 2 ولا 4 ؟
وشكرا لسعة صدركم أعتقد تدعم 4.
hellghost
24-08-2009, 16:23
عرب هارد وير انا بحبه
مشكورين عالمساعدة
كم سوال بقي ؟
1-البروسيور اللي حضرتك قلت عليه اية ظروفه مع الالعاب انا باتكلم عن الالعاب القادمة 2010/2011 ها يبقي تمام ولا كويس وخلاص ؟
2- كسر السرعة في الكارت والبروسيور ها يفيدني نسبيا ولا مش اوي يعني ؟
3- 4670 المفروض ياخد كم فولت ؟ انا عايز اعرف الباور الصيني اللي عندي دا بيديه كم وهو عايز كم ؟
4- لعبة زي كرايسيس بتشتغل عندي high كويس gamer يعني . هلا لانها مش عايزة بروسيسور قوي ؟ لان انا عايز العب prototype و lost planet واخبرني احدهم انها ها تقطع ومش ها تشتغل كويس ؟
hellghost
24-08-2009, 16:39
كمان في سوال
في حاجة اسمها fahcore_11.exe
واخدة حجم كبير من البروسيسور
اية دي وبتعمل اية وليه هي كدا ؟ وكدا طبيعي ولا اعملها end process
TheInfernal
24-08-2009, 16:41
1-البروسيور اللي حضرتك قلت عليه اية ظروفه مع الالعاب انا باتكلم عن الالعاب القادمة 2010/2011 ها يبقي تمام ولا كويس وخلاص ؟محدش عارف. بس هيشغل الألعاب الحالية كويس.

2- كسر السرعة في الكارت والبروسيور ها يفيدني نسبيا ولا مش اوي يعني ؟أيوه هيفيدك. و الE5200 سهل يتعمل له اوفركلوك حتى على الماذربورد بتاعتك.

3- 4670 المفروض ياخد كم فولت ؟ انا عايز اعرف الباور الصيني اللي عندي دا بيديه كم وهو عايز كم ؟الHD4670 بيسحب حوالي 50 واط. الباور بتاعك خطر على أي جهاز حتى لو استهلاكه للطاقة قليل.

4- لعبة زي كرايسيس بتشتغل عندي high كويس gamer يعني . هلا لانها مش عايزة بروسيسور قوي ؟ لان انا عايز العب prototype و lost planet واخبرني احدهم انها ها تقطع ومش ها تشتغل كويس ؟
Crysis أتقل عالبروسيسور من Prototype و Lost Planet.
لعبة Crysis بالذات بتعتمد على البروسيسور بصورة كبيرة و مفروض أداؤها يبقى سيء مع البروسيسور بتاعك. انما لو انت راضي بالأداء الحالي فمش لازم تغيره دلوقتي.
TheInfernal
24-08-2009, 16:42
كمان في سوال
في حاجة اسمها fahcore_11.exe
واخدة حجم كبير من البروسيسور
اية دي وبتعمل اية وليه هي كدا ؟ وكدا طبيعي ولا اعملها end process
ده برنامج Folding @ Home شغال.
حفيد الاشراف
24-08-2009, 16:48
ياسلام يا TheInfernal (https://www.arabhardware.net/forum/member.php?u=76554)بجد انت عالم كبيييييييييييييييير
hellghost
24-08-2009, 16:53
اية اهمية ال folding دا ؟
اما عن اللعبة crysis فانا مبسوط من ادائها علي الكارت دا ؟ بس فيه حاجة صاحبي عنده nvedia 8400 gt واللعبة شغالة كويس ومافيش تقطيع عنده البروسيور بتاعه intel p4 3.6/512
اما عن الجرافيك بتاعها ما اعرفشي بيشغلها high ولا minimum
كمان في سوال crysis دي من 2007 واحنا في 2010 فين الالعاب اللي زي اللعبة دي ؟
شكرا علي تعاونك اخي بس ممكن ترشحلي كم لعبة كويسة علي زوقك
miro the king
24-08-2009, 17:19
بس يعم الحج لو ليك فى الكورة يبقى pes 09 وعشرة جية فى الطريق وكمان فى لعبة gta iv و max payne 3 و wanted و transformer و x men 4 دى العاب حلوة هتقدى الحال عقبال العاب الجية ولو بتحب هارى بوتر يبقى harry potter and the half blood prince جمدة وحلوة ممكن تنزلها من موقع myegy.com ..mazika2day.com ... arablionz.com وفى لعبة call of duty 5 ووووو brother in arms الجديدة وفى لعبة تقيلة اوى بقة far cry 2 ولو عاوز تانى لولى
TheInfernal
24-08-2009, 17:51
ياسلام يا TheInfernal (https://www.arabhardware.net/forum/member.php?u=76554)بجد انت عالم كبيييييييييييييييير
شكرا على مجاملتك, بس أنا لا عالم و لا حاجة و في ناس كتير هنا بيفهموا أكتر مني.

اية اهمية ال folding دا ؟https://www.arabhardware.net/forum/showthread.php?t=103928&highlight=folding%40home
يا اما حد منزل البرنامج من وراك, أو انت نزلته و انت مش فاكر.


اما عن اللعبة crysis فانا مبسوط من ادائها علي الكارت دا ؟انت بتسألني؟ :D. هي مش لازم تقطع عشان تشتكي منها. لو استجابة الماوس معاك بطيئة يبقى هي شغالة وحش. بس مادام انت راضي فخلاص مفيش مشاكل.

بس فيه حاجة صاحبي عنده nvedia 8400 gt واللعبة شغالة كويس ومافيش تقطيع عنده البروسيور بتاعه intel p4 3.6/512
اما عن الجرافيك بتاعها ما اعرفشي بيشغلها high ولا minimumما بالضبط. لو عملتها على أقل جرافيك هتشتغل على أي جهاز بس هيبقى شكلها لعبة نازلة من 10 سنين.

كمان في سوال crysis دي من 2007 واحنا في 2010 فين الالعاب اللي زي اللعبة دي ؟فيه كتير زي Crysostasis و GTA 4 مثلا, بس Crysis مازالت من أتقلهم.

شكرا علي تعاونك اخي بس ممكن ترشحلي كم لعبة كويسة علي زوقكاسأل في قسم الألعاب و هم هيفيدوك أكتر مني.
miro the king
24-08-2009, 20:05
اظن ان الموضوع خلص