النصب العلنى لشركة " العربية للشبكات Arabian Link" بالمنصورة. أفيدونى يا جماعة كيف ..

[mido_nour1]

السلام عليكم ورحمة الله وبركاته فى الاول أحب أقول لا حول ولا قوة الا بالله فى الذى يستبيح اموال الناس بغير وجه حق ويستغل مركز قوته فى انه يقول للى مش عجبهم "اخبطوا دماغكوا فى الحيط" الحكاية ففى يوم 13/6/2009 قامت هذه الشركة بعمل اعلان مفاده أن من يقوم بالتعاقد على شهر " اشتراك انترنت" يحصل على شهر هدية مجانا.. وقد قمت فعلا فى نفس اليوم بالاشترك لمدة شهرين سرعة 256 ودفعت مبلغ 170 جنيه وايضا اشترتيت روتر بقيمة 110 جنية وكل ذلك فى سبيل اننى سأظل مشتركا لمدة 4 أشهر " شهرين اشتراك + شهرين مجانا " وظلت الخدمة سارية على هذا النحو حتى يوم 1/8/2009 فتم رفع سرعتى الى 512 بناء على القرار الوزارى وهذا يعتبر أمر مشجع جدا لكل المصريين فى تحديث اشتراكاتهم وزيادة أعداد المستخدمين فى مصر والقضاء على ظاهرة "الوصلة". فوجئت اليوم بانقطاع الخدمة 16/8/2009 فاتصلت بالشركة.. فتحججوا بان هذا العرض الجديد وهو "ضعف السرعة" يلغى جميع ما قبله من عروض "اشترك شهر+شهر مجانى" وبذلك ضاعت على باقى المدة.. المشكلة الحقيقية ان هناك الكثير من الاصدقاء اشتركوا لمدة 6 اشهر واخرون لمدة عام كامل فى سبيل انهم سيحصلون على ضعف المدة ودفعوا مبالغ تقارب الالف جنيه ... ولكن للأسف تقول الشركة لهم "العروض الجديدة تلغى باقى العروض" فلا حول ولا قوة الا بالله العلى العظيم بصوا بقا معايا .... 1- الشركة دى بالذات عاملة تعاقدت مع جميع شركات النت " تى اى داتا ولينك " على انها تصبح هى فقط المزود الوحيد للنت فى منطقتنا الريفية فى محافظة الدقهلية ( قرى ميت عنتر وشرنقاش والطويلة وكفر الطويلة وبطرة و.... ) محتكرة جميع الخدمات وبأسعار أغلى مما أعلنت عليه الدولة بخمسة او عشر جنيهات " على حسب شطارة المندوب وخيابة العميل" ... ولا توفر لنا الخطوط الـمحدودة مجبرة ايانا عند الاشتراك فقط الاشتراك فى الخطوط المفتوحة الذى لا يقل سعر ادنى فئه فيها عن 95 جنيه كما تعرفون.... 2- العقد اللى بينى وبينهم لا ينص بأى حال من الاحوال على ما يدعونه من ان عرض يلغى عرض وهذا الكلام الفارغ ... وسئلتهم عن هذا الادعاء قالولى " هوه ده الكلام اللى ماشى فى السوق " !!!! لأ وبقى تعالوا شوفوا الحل اللى توصلت اليه معاهم " حاجه تضحك يا جدع " 1- الشركة هتتعطف وتتكرم على وتفتحلى خط 256 محدود " بما ان الشركة مش موفرا لمنطقتناا انترنت محدود" وانا اللى هذفه الاشتراك ايضا وهو 50 جنيه فى الشهر. 2- اشترك من جديد كأنك مشترك عادى خالص وانسى اللى فات وانا بعت هذه الرسالة الى العاشرة مساءا ويرنامج 90 دقيقة والى جهاز حماية المستهلك والى الهيئة القومية لتنظيم الاتصالات ... جايز الاقى الرد فانا كل اللى عايزة منكم هل فيه نصيحة ممكن حد يقدمهالى فى سبيل رجوع حقى وحق الناس ويا جماعة ارجوكم عدم الوثوق فى هذه الشركة بتاتا لان تعاملهم فى اى مشكلة يتبع سياسة " هو ده اللى ماشى واخبط دماغك فى الحيط " الفرع الرئيسى للشركة امام بوابة استاد الجامعة المنصورة ولا حول ولا قوة الا بالله والسلام عليكم ورحمة الله وبركاته

[mido_nour1]

أهم حاجة الوقتى يا جماعة...... يا ريت لو حد يفيدنى فى الناحية القانونية لهذا الكلام.... ولو صادف ان يكون حد من الاعضاء وقع فى نفس الفخ ده يا ريت يكلمنى على eng.ahmednour@yahoo.com عشان نشوف هنتصرف ازاى

[The King2]

المشكله إن شركات الإنترنت منزله باند فى شروط عقدها وينص على الأتى :-
للشركه حق تغير أى باند وإتخاذ أى القرار دون الحاجه لموافقه العميل
فإذا كان للشركه اللى إنت موصل منها موقع أو عقد فيه شروط الخدمه للشركه وماكنشى فيه هذا الباند اللى باللون الأحمر فممكن إن إنت تقاضيهم بتعويض مع إنى لا أنصحك بقبول عوض من إنسان ( العوض على الله أخى ) بس ماتسيبشى حقك

[mido_nour1]

لأ مفيش اى كلام من ده نهائى فى العقد

[wild cat]

'طيب متلغي عقد اشتراكك معاهم

واشتريلك USB بتاع فودافون او موبينيل او اتصالات

https://www.vodafone.com.eg/ar/Personal/Promotions/FreeUSBModem/index.htm

والله هيبقى احسن من الشركه النصابه دي

[mido_nour1]

هى فكرة الـ stick دى حلوة والله بس تن شاء الله هعملها بعد ما اخد حقى من حبابى عنيهم " زى ما بيقولول " :)

[mijodian]

الشركة دي مزاج اوي كانت مره نزلت اعلان وظائف اهبل جدا زيهم
سياستهم زي الزفت
انا بقولك الحل قانونا برده
تاجرلك بتاع 7 عيال فاقدين
وبالشوم تدغدغوها والله
ده الحل الامثل للعربية للشبكات
وتغير الاسم
العربية للوفيات
ههههههههه
هو ده الحل يابرنز

[mido_nour1]

:D:D:D:D:D:D:D:D:D:D

[__eRa__]

السلام عليكم

أمامك طريقين يا أخي الكريم:

الأول هو : الشكوى في فرع الشركة في المنصورة شارع المشاية. ثم رفع الشكوى إلى إدارة الموزعين إيميل: partners @tedata.net

والثاني هو أن تفتح عليهم السنترال وهو أن قضى على احتكار هذه الشركة بأن تتيح لجميع الموزعين البيع فيها وستتمكن من الاشتراك بنفسك أنت وغيرك من العملاء عن طريق مباشر مع الشركة وليس عن طريق وسطاء. لكني أحتاج منك بعض المعلومات.

[mido_nour1]

بالنسبة الى الخيار الثانى :

ماذا تقصد بان افتح عليهم السنترال ؟؟

ارجو التوضيح للأهمية :)

حضرتك بس افيدنى تقصد ايه وانا جاهز با معلومة

[mido_nour1]

ارجوك يا استاذ era ايضاح ماذا تقصد
:confused::confused::confused::confused::confused: :confused::confused::confused::confused::confused:

[__eRa__]

ممكن تكلمني عالخاص.

[mido_nour1]

حاضر
تحت امرك :)

[haytham fouad]

السلام عليكم ورحمة الله وبركات
اخي الكريم انا مهندس في الشركة العربيه للشبكات واسمي هيثم فؤاد وقد قرئت مقالتك اللتي لم تلتمس فيها للشركة ادني الاعذار وانا والله لااكدب عليك فيما اقوله لك وما حملني علي هذا إلا من اجل فهمك للقضيه لا لغير واعلم كل العلم اني لو كنت اريد ان ابرئ الشركة مما انسته اليها ما قلت لك اني اعمل بها حتي لا اكون عندك وعند اي قارئ لرسالتي صاحب مصلحة المهم انا علي علم انك ستاخذ الموضوع وتنظر اليه من زاويه اخري
لما حضرتك اشتركت معنا كنا شغالين نظام باند ويتس يعني واخدين من شركة نيل اون لين band widthتاخد تمنة وبس وملهاش تعوه بالبورتات يعني نبيع البورت ب 95 او 90 او 100 هي ملهاش دعوة هي لها مبلغ معين تخده في الشهر
وحرصا من الشركة وتشجيعا منا لعملائنا بنزل العروض الجميله اللي حضرتك اشتركت فيها وكانت المفاجئه لنا قبلك بعد القرار الوزاري بتاع ضعف السرعة ان شركة نيل اون لين اللي حاضرتك كنت واخد الخدمة منها طلبت تسليم الوحدة اليها يعني هي اللي هتبيع البورتات مش احنا
ولو تلاحظ اخي الحبيب في العقد اللي معاك من الشركة تلاحظ فيه بند فيما معنا ان الشركة تعفي من المسئوليه القانونيه اذا اخلت بما في العقد في حالة الطوارئ الخارجة عن ارادتها (مثل القرار الوزاري ومثل تحديد سعة التحميل ومثل ماحدث معك ) اخي الحبيب ما كتبت اليك الا من اجل ان ارح لك بالك وان اطيب لك نفسك وان تعلم اننا نعيش في دنبا الناس وليسنا في دنيا الوحوش ..... وجزاك الله خيرا

[mido_nour1]

يا جماعة اوعدكم بمفاجئة كبيرة جدا
لكن لا استطيع كشف اوراقى لانى بصدد رفع شكوى

لذلك لا تنخدعوا بهذا الكلام
ويا استاذ هيثم شكرا على مداخلتك

ولكن ارجو من اخواننا
ان يرجئوا حكمهم النهائى لحين كشف اوراقى قى خلال 72 ساعة

[sondosy]

ياباشا اتصل بال NTRA
هيحلولك اى مشكله هتاخد حئك
https://www.ntra.gov.eg/english/Main.asp ده السايت بتاعم ليهم خط ساخن هاته و اتكلم

[عماددرغام]

والله يا جماعه أنا بفضل الله مشترك مع الشركة الان مايقارب من سنه وهى معاى تمام بفضل الله والعاملين بالشركه أخوه أفاضل ولو فيه اي مشكله بيسارعوا لحلها هذه شهادة لله.dorgham057@yahoo.com

[omar galal]

واية رايك انت الشركة نصابة فعلا
مش معاك بس مع ناس ثانية كتير
والدليل علي كدة إنهم بياخدوا من اي مشترك في الخدمة 65 مصاريف ودة مش موجود في الشركة الرئيسة وبياخدوا كمان شهر تأمين وبيدوك روتر ثمنه 85 اية الحلاوة دي طيب يا اخي دة مش نصب
معلومة انا موزع من شركة tedata في الدقهلية

[__eRa__]

واية رايك انت الشركة نصابة فعلا
مش معاك بس مع ناس ثانية كتير
والدليل علي كدة إنهم بياخدوا من اي مشترك في الخدمة 65 مصاريف ودة مش موجود في الشركة الرئيسة وبياخدوا كمان شهر تأمين وبيدوك روتر ثمنه 85 اية الحلاوة دي طيب يا اخي دة مش نصب
معلومة انا موزع من شركة tedata في الدقهلية


حضرتك موزع في أي منطقة بالدقهلية؟

[عماددرغام]

والله يا جماعه أنا مشترك فى الشركة دي وكويسه جدا والحمدلله ومفيش اي مشاكل وبحاول ان شاء الله انى اكتر من عملائها هنا فى بلدى سيف الدين لأنى شايفها كويسه

[عماددرغام]

على فكره بالنسبه انها بتنصب على ناس كتير ده مش معقول بدليل انها ليها عملاء كتير فى جميع البلاد . أما بالنسبه انها بتأخذ65 جنيه مصاريف هى بتاخد 50جنيه بس مصاريف اداريه وهى 25جنيه مصاريف اداريه، و25 رسوم تركيب وهى زيارة المهندس اللى بيجى اول مره . أما بالنسبة أنها بتاخد تأمين محصلش يا جماعة ده بيحصل في تى داتا وعلى يدى وعلى مرأى منى ومسمع

[__eRa__]

السلام عليكم ورحمة الله وبركاته

الأخ عماد درغام موظف في الشركة العربية؟

تلك الشركات معروفة بسوء خدماتها. ثم ما الداعي من المصاريف الإدارية؟ أو من مصاريف التركيب؟ ثم هل لو أراد العميل فصل خطه منهم يقومون بذلك مرحبين؟ أم يتم إذلاله ولا يتم فصل خطه؟ ويستخدمون أسلوب لي الذراع فمن وصل خطه معهم مرة فلن يستطيع الفكاك منهم ولا توصيله مع أي موزع آخر.

ثم ماذا عن فصل الخطوط من 3 إلى 7 أيام كل شهر؟ تلك الأيام تخصمها تي داتا من حساباتكم ولا تخصمونها من حسابات العملاء. بل تكون بناء على طلبكم. بلاوي تلك الشركات كثيرة.

[عماددرغام]

يا أخى السلام عليكم :أولا أنا لست موظفا فى الشركة ،أنا عميل فقط وواخد خط منهم وبجبلهم عملاء آخرين لأنى شايف أنهم معاى والحمد لله كويسين . ثم معظم الاعطال اللى بتحصل معظمها بيكون اما من خط التليفون الاساسى للعميل أو من السنترال بتاع العميل أو من الشركه نفسها ؛ ولما بيكون من الشركه أو من السنترال بيبعتوا مهندس لاصلاح هذا العطل على الفور وبالكتير ممكن يكون فى اليوم التالى على الفور .......وعلى فكره آخر عميل لسه مشترك اللى أنا بعته أخد روتر هديه من الشركه. .............. وعلى فكره كمان المهندس الى كان جاى يركب لى الخط أول مره أتصلت عليه علشان يجيبلى روتر معاه جابه بنفس سعر السوق دون زياده . ومش كده كمان عرضت عليه أجرة التركيب رفض وقال دى تبع المصاريف الاداريه اللى انت دفعتها. ............... وعلى فكره فيه ناس من تي داتا بتركب الخط ب75 جنيه يعنى عمل البنج على الروتر أول مره وتشغيل النت ده مش حرام؟

[__eRa__]

أولا كون الانترنت في منطقتك ليس سيئا قد يرجع إلى أن سنترالكم Precommited وليس مفتوحا للموزعين الآخرين.
ثانيا الراوترات التي يقدمونها مقدمة من شركة تي داتا وتحصل عليها تلك الشركان بطرق ملتوية بكميات كبيرة ثم يوزعونها مع الخطوط. وهي راوترات صيني ومقلدة ولا تتحمل الضغط أو درجة الحرارة أو الكهرباء غير المنتظمة.
ثالثا: تي داتا لا تقوم بالتركيب لأحد إلا إذا طلب ذلك. أما المعتاد فإنها تقوم بتبليغك بتوصيل خطك ويمكنك أخذ الراوتر الخاص بك إليهم ليقوموا ببرمحته لك دون مصاريف وكذلك يخبروك بكيفية التوصيل.
رابعا: الحمد لله النظر ما زال سليما فلا داعي لاستخدام الخط الكبير.

[abdalla_atta]

اتصل بالجهاز القومي لتنظيم الاتصالات علي رقم 155

[moatazabdelbaky]

رجاء من ادارة هذه الصفحة حزف هذه الرسالة حيث ان هذه الرسالة كيدية وعلى جميع العملاء الذين لديهم شكوى من اى نوع من الشركة العربية للشبكات ان يتصل بالرقم 0502224902 لحل المشكلة واذا لم يتم حل مشكلته يتصل بالرقم 01027404027