تجميع كيسة للالعاب بـ 2500 جنيه

[mido_fedo]

ياريت طيب يا جماعة حد يرد على اخر استفسارين ليا

[Marine]

صعب تلاقي حد جرب الاتنين

[mido_fedo]

صعب تلاقي حد جرب الاتنين

طيب وبالنسبة لاستفسارى الاول الخاص بالخطأ اللى موجود فى مازر الجيجا بايت

وعن تجربة مع الجيجا بايت الموديل ده مع الـ AMD مفهوش مشاكل ان شاء الله

[Marine]

مزرات الجيجابايت كويسة جدا مع amd

[mido_fedo]

شكرا اخى الكريم

[Marine]

العفو دة الواجب

[Ёŋģ. Ḿ σ ś Ť ά ƒ ά]

شكرا على اهتمامك و سرعة ردك. ياريت حضرتك تحدد الفولت الأصلي للمكونات و اللي الماذربورد مشغلاهم عليه + حرارة الكارت المدمج أثناء التشغيل + كيفية قياس الأرقام دي. بالنسبة للتأخير في فتح الBIOS فده غالبا بسبب خطأ في اعداداته.


عموما الناس اللي اشترت الماذربورد هنا في عرب هاردوير بتشكر فيها جدا و الCustomer Reviews للماذربورد على موقع Newegg مشجعة:
https://www.newegg.com/Product/ProductReview.aspx?Item=N82E16813128382


للأسف أنا ملقتش اختبارات احترافية عليها بالذات, و لكن الاختبارات اللي اتعملت على الS2H المشابهة لها كلها بتبين انها كويسة جدا و مفيهاش العيوب اللي حضرتك ذكرتها:
https://www.anandtech.com/cpuchipsets/showdoc.aspx?i=3258
https://www.tweaktown.com/reviews/1537/gigabyte_ga_ma78gm_s2h_780g_motherboard/index.html
https://www.bit-tech.net/hardware/cpus/2008/03/04/amd_780g_integrated_graphics_chipset/1
https://www.tomshardware.com/reviews/amd-780g-chipset,1785.html
https://www.pcper.com/article.php?aid=527


الــف شــكر علي اهتمــامك المتبــادل اخي الكــريم

انا امكانيـات جهازي كالاتي ..
UD3H
PHENOM X3 8450
2 G RAM
640 GB

المفروض الفـولت اللي يدخل للمعالج ما بين 1.175 : 1.200 بالكتيـــر اووي

تخيــل حضــرتك الاعدادات الاساسيه للبـورده بتدخل فولت 1.3 للمعالج !!

ولازم انت باه تتدخل علي البايوس و تقــلل في فولت المعالج بايــدك !!
طب افرض اللي شاري البورده مستخدم عادي مش بيعرف يعمل كده ,, يبقي ايه الحل !!

نيجي لفولت الرامه ,, المفروض يكون 1.8 لاني رامتي DDR2,, البورده مدخله علي الرامه بتاعتي 1.9 !!
و غيــر قـــابــل للتعــديل من البايــوس
و المفروض تعديل فولت الرامه فقط نزل في التحديث الجديد F4 اللي مش راضي يتقبل علي البورده !!

دا غيــر المشــاكل الكتيــر اللي في السينســور نفســه ,,
عمــرك شــوفت حراره الكور اقــل تقريبا الضعف من حراره سطح الـ CPU ؟؟!!!

انا عندي حراره الكور 22 و حراره الـ CPU 47 !!!
طبعا مش صح الكلام دا لان في مشكله في السينســور !!

كــل الكلام دا عن تجــربه واقعيــه عاشيه حاليــــا ,, و مش انا بس ,, كتيــر كتيـر من اصحابي بيواجهوا نفس المشكله :(

انا من اشد المشجعين لجيجابايت ,, لكن للاسف المشاكل اللي ظهرت دي غيــرت راي فيها

و نــامل في بعــض التعــديــل مع الشبايه الجديده 785 :)

[Marine]

بس كل الناس بتشكر في الجيجابايت اوي

[Ёŋģ. Ḿ σ ś Ť ά ƒ ά]

كلامك خطأ تماما استاذ مصطفي

انا كــلامي خطـــــــا !! و كمان تمــامـــا !!!

طب تقــدر ترد علي المشــاكل اللي بتحصــل دي !!
و ايه تفسيــرك ليها ؟؟
و ايه حلهــا ؟؟

بدل ما تقول كلامك خطا , جاوب علي الاسئله دي

[mody_m20]

بس كل الناس بتشكر في الجيجابايت اوي

مساء النور عليك

معلش هو انت تعرف كل الناس عشان تعمم

وبعدين الأخطاء والعيوب اللي بيتكلم عليه م / مصطفى دي

اللي ياخد باله منها ويعرفها هو الناس اللي بتفهم مش اللي

قاعدين يشتغلوا على الجهاز وخلاص

يعني حكمك مثلا ممكن يكون من على ناس تعرفهم

ومش متعمقين في معرفة تلك الأشياء أو

بينتبهوا ليها من الأساس


وأحب آكدلك ان مع الأسف الشديد العيوب اللي قال

عيلها المهندس مصطفى موجودة في جميع بورد جيجا بايت

اللي خاصة ب AMD في كلتا الشريحتين 780 و 790

وده عن تعاملاتي الشخصية مع مقتنين هذه البورد


يعني بذمتك مش حرام واحد يجيب بوردة ب 1150 جنيه

UD5P وتدخله فولت للمعالج 1.43 يعني خليته يغلى تماما

وطبعا المروحة دايما شغالة بسرعة 6000 لفة في وقت الخمول

بذمتك ده مش حرام............!!!!!!!!!!!!!!


تحية للمهندس مصطفى على كلامه وأنا أوكد ان

كل كلامه مظبووووووووووووووووووووووط

تحياتي

[Ёŋģ. Ḿ σ ś Ť ά ƒ ά]

بس كل الناس بتشكر في الجيجابايت اوي

ايه الرد دا !! يعني هو انا مش عارف ان جيجابايت شركه ليها اسمهـــا الكبيــر

بس مش دايمــا الاسم هو كل حاجه !!

و بكرر تاني ,, ياريت ترد علي المشاكل اللي بتظهر دي و حلها ايه من وجه نظرك ؟؟؟؟؟؟؟؟؟

[Marine]

احنا هنا في المنتدي بنجمع اجهزة علي البوردة دي وكله بيشكر فيها حضرتك ممكن ترجعها للضمان لو الفولت فيها كبير

بس كل الناس هنا الفولت تمام والحرارة كويسة وبيشكروا فيها اوي

[Ёŋģ. Ḿ σ ś Ť ά ƒ ά]

مساء النور عليك

معلش هو انت تعرف كل الناس عشان تعمم

وبعدين الأخطاء والعيوب اللي بيتكلم عليه م / مصطفى دي

اللي ياخد باله منها ويعرفها هو الناس اللي بتفهم مش اللي

قاعدين يشتغلوا على الجهاز وخلاص

يعني حكمك مثلا ممكن يكون من على ناس تعرفهم

ومش متعمقين في معرفة تلك الأشياء أو

بينتبهوا ليها من الأساس


وأحب آكدلك ان مع الأسف الشديد العيوب اللي قال

عيلها المهندس مصطفى موجودة في جميع بورد جيجا بايت

اللي خاصة ب AMD في كلتا الشريحتين 780 و 790

وده عن تعاملاتي الشخصية مع مقتنين هذه البورد


يعني بذمتك مش حرام واحد يجيب بوردة ب 1150 جنيه

UD5P وتدخله فولت للمعالج 1.43 يعني خليته يغلى تماما

وطبعا المروحة دايما شغالة بسرعة 6000 لفة في وقت الخمول

بذمتك ده مش حرام............!!!!!!!!!!!!!!


تحية للمهندس مصطفى على كلامه وأنا أوكد ان

كل كلامه مظبووووووووووووووووووووووط

تحياتي

مســاء الفــل علي صديـقي العــزيــز

انا بس مستنــي رد دكتــور / محمــد TheInfernal لان رايــه هو اللي يهمنــا يا صاحبي :)

[TheInfernal]

[quote]انا امكانيـات جهازي كالاتي ..
UD3H
PHENOM X3 8450
2 G RAM
640 GB
جهاز كويس ما شاء الله ربنا يبارك لك فيه.


المفروض الفـولت اللي يدخل للمعالج ما بين 1.175 : 1.200 بالكتيـــر اووي

مفروض من 1.05 ل1.25 حسب موقع AMD. يعني احنا بنتكلم على 0.05V فوق المتحدد و أنا شايف ان ده طبيعي.


تخيــل حضــرتك الاعدادات الاساسيه للبـورده بتدخل فولت 1.3 للمعالج !!
اللي بيحدد الرقم ده مش الماذربورد و انما البروسيسور و قابلية تشغيله على أقل فولت ممكن من غير ما يأثر على الثبات. و حتى لو الماذربورد رفعته لوحدها فده برضه مش هيأثر على حرارته بدرجة كبيرة.

ياريت تنزل البرنامج ده و تشوف الرقم جنب خانة VID. هو ده الفولت اللي محتاجه البروسيسور عشان يشتغل على تردده الافتراضي بثبات, و هو اللي مفروض يشتغل عليه لو اتركب على أي ماذربورد
https://www.alcpu.com/CoreTemp/CoreTemp32.zip



ولازم انت باه تتدخل علي البايوس و تقــلل في فولت المعالج بايــدك !!
طب افرض اللي شاري البورده مستخدم عادي مش بيعرف يعمل كده ,, يبقي ايه الحل !!

زي ما أنا قلت. الزيادة دي مش هتأثر على حرارة البروسيسور بدرجة كبيرة.



نيجي لفولت الرامه ,, المفروض يكون 1.8 لاني رامتي DDR2,, البورده مدخله علي الرامه بتاعتي 1.9 !!
ياريت حضرتك تحدد موديل الرامة لأن فيه رامات بتحتاج فولت أكتر من الطبيعي (ساعات بيوصل ل2.3V) عشان تشتغل على ترددها الافتراضي.
و أنا شخصيا لما اشتريت جهازي من سنتين, من أول الحاجات اللي عملتها اني فتحت البايوس و رفعت فولت الرام من 1.8 ل1.9 عشان أتأكد انها هتشتغل بثبات. أنا موافقك ان الماذربورد مفروض متعملش كده لوحدها, بس لو عملت فأنا برضه مش شايف ان فيها خطورة.


و غيــر قـــابــل للتعــديل من البايــوس
و المفروض تعديل فولت الرامه فقط نزل في التحديث الجديد F4 اللي مش راضي يتقبل علي البورده !!
حسب كل المصادر اللي أنا شفتها, الماذربورد تدعم تعديل فولت الرامات. بعدين لو هي مفيهاش أوبشن تغيير الفولت, حضرتك عرفت منين انه 1.9v؟


دا غيــر المشــاكل الكتيــر اللي في السينســور نفســه ,,
عمــرك شــوفت حراره الكور اقــل تقريبا الضعف من حراره سطح الـ CPU ؟؟!!!

انا عندي حراره الكور 22 و حراره الـ CPU 47 !!!
طبعا مش صح الكلام دا لان في مشكله في السينســور !!

السينسور بتاع حرارة البروسيسور موجود في البروسيسور نفسه مش الماذربورد, و بالتالي الماذربورد ملهاش ذنب. السينسور في البروسيسور عندك بيقرا غلط و ده بيحصل كتير. لسا معاك حرارة الCPU تقدر منها الحرارة.


كــل الكلام دا عن تجــربه واقعيــه عاشيه حاليــــا ,, و مش انا بس ,, كتيــر كتيـر من اصحابي بيواجهوا نفس المشكله :(
بصراحة أنا مشفتش حد واجه المشاكل اللي حضرتك ذكرتها. و حتى لو واحد أو اتنين أو حتى عشرة قالوا ان فيها مشكلة فده مش معناه ان دي ظاهرة عامة و كل البوردات فيها مشاكل. غير ان كل الحاجات اللي حضرتك قلتها ملهاش أي تأثير على المستخدم العادي و في الغالب عمره ما هيلاحظها.

[Marine]

معني كلامك اخي انفرنال انه مفيش اي مشاكل من البوردة دي وامان

[mido_fedo]

البروسيسور ده موجود فين فى اسكندرية

Phenom II X3 720 2.8GHz, 7.5MB Total Cache

[Marine]

بس انا من القاهرة بس اظنه موجود في كمبيونيل فرع الاسكندرية

[mody_m20]

البروسيسور ده موجود فين فى اسكندرية



Phenom II X3 720 2.8GHz, 7.5MB Total Cache



عند كمبيونيل فرع اسكندرية

عند نادي سموحة

[Ёŋģ. Ḿ σ ś Ť ά ƒ ά]

مفروض من 1.05 ل1.25 حسب موقع AMD. يعني احنا بنتكلم على 0.05V فوق المتحدد و أنا شايف ان ده طبيعي.


اللي بيحدد الرقم ده مش الماذربورد و انما البروسيسور و قابلية تشغيله على أقل فولت ممكن من غير ما يأثر على الثبات. و حتى لو الماذربورد رفعته لوحدها فده برضه مش هيأثر على حرارته بدرجة كبيرة.

ياريت تنزل البرنامج ده و تشوف الرقم جنب خانة VID. هو ده الفولت اللي محتاجه البروسيسور عشان يشتغل على تردده الافتراضي بثبات, و هو اللي مفروض يشتغل عليه لو اتركب على أي ماذربورد
https://www.alcpu.com/CoreTemp/CoreTemp32.zip



طب لو قلــتلك ان الـ VID = 1.05 من البرنــامج بتاعك
ازاي باه يدخــل للمعالج 1.3 !!
و دا هيفــرق في الحراره اكيــد , لانه فــوق قـوه احتـــمال المعالج






ياريت حضرتك تحدد موديل الرامة لأن فيه رامات بتحتاج فولت أكتر من الطبيعي (ساعات بيوصل ل2.3V) عشان تشتغل على ترددها الافتراضي.
و أنا شخصيا لما اشتريت جهازي من سنتين, من أول الحاجات اللي عملتها اني فتحت البايوس و رفعت فولت الرام من 1.8 ل1.9 عشان أتأكد انها هتشتغل بثبات. أنا موافقك ان الماذربورد مفروض متعملش كده لوحدها, بس لو عملت فأنا برضه مش شايف ان فيها خطورة.

حسب كل المصادر اللي أنا شفتها, الماذربورد تدعم تعديل فولت الرامات. بعدين لو هي مفيهاش أوبشن تغيير الفولت, حضرتك عرفت منين انه 1.9v؟



Kingston DDR2 ( 2 * 1 GB ) bus 800 MHZ
Chips : Kingston

و المفــروض يدخلــها 1.8 فولت فقــط مش 1.92

و طبعــا عرفــت كده من البايــوس , و مفيش اوبشــن لتقليــل الفــولت .. بل لزيــادته فقـــط
انا عامل صـور و كنت عاوز اوريهالك عشان تصدقني , لكن الموبايل فيه مشكله تقريبا
مش راضي يتوصـل علي الجهاز :(
و المفــروض التحديـث الجديد F4 هو اللي هيحــل مشكله فولت الرامه دا و بيقلله لـ 1.8
لكن بــردوا للاســف مش راضي يتقبــل علي البـورده بطريــقه Bios@






السينسور بتاع حرارة البروسيسور موجود في البروسيسور نفسه مش الماذربورد, و بالتالي الماذربورد ملهاش ذنب. السينسور في البروسيسور عندك بيقرا غلط و ده بيحصل كتير. لسا معاك حرارة الCPU تقدر منها الحرارة.




طبعــا كلامك سليــم , لكن انت مفهمتــش قصــدي ايه ...

حراره الكــور بيجي من سينســور المعالج دا سليــم ,, لكن لما يكون حراره السطــح 42 و حراره الكور 22 !!
يبقي اكيــد في خطـــا في سينســور البــورده

انت عارف طبعا ان الفرق بين الحرارتين مش بيعدي 6 - 7 درجات تقريبا
لكن اديــك شايف الفـــرق ااااد ايه !!!

مستحيـــل تكــون حراره الكور 22 ابدا ابدا !!
يبقي اذن البــورده بتنــقل النتيجه دي غلــط

يبقي اذن في مشــكله !!





بصراحة أنا مشفتش حد واجه المشاكل اللي حضرتك ذكرتها. و حتى لو واحد أو اتنين أو حتى عشرة قالوا ان فيها مشكلة فده مش معناه ان دي ظاهرة عامة و كل البوردات فيها مشاكل. غير ان كل الحاجات اللي حضرتك قلتها ملهاش أي تأثير على المستخدم العادي و في الغالب عمره ما هيلاحظها.





صدقني يا دكتور ,, انا مش سعيــد ابدا باللي بيحصــل دا , لكن ايقنت ان فعلا في مشــاكل كتيــر
و المستخدم العــادي مش هيحس بيها دا اكيـــد ,, لكن من واجبنا نندي النصيحــه صح
لاننا مش مستخدمين عاديين :)
و المشــاكل دي حصــلت مع نــاس كتيــر كتيـــر في المنتدي الاخر
و شايفنهــا علي طــول ادامنـــا
و مش عارفين ليها حــل !!

و بردوا بكــرر كــلامي ,, دا لا يقلل ابدا من شــئان واسم جيجابايت ,, لكن للاسف راي ان البورد 780 - 790
فيهــا مشــاكــل ,,
و في راي مشــاكل حــرجه لا تقـــبل !!

اخيــرا سعــدت جدا بالنقــاش معك , :)