المساعد الشخصي الرقمي

مشاهدة النسخة كاملة : كيسة محترمة للبيع بها كارت شاشة قوى **************



prince9x
18-09-2009, 00:35
بسم الله الرحمن الرحيم

كل عام و كل المسلمين بخير

عندى إن شاء الله كيسة للبيع

المكونات كالآتى


← اسم السلعة / مازربورد
← الماركة أو الموديل / ABIT NF7-S v2.0
← المواصفات / على هذا الرابط يوجد ريفيو كامل :
https://www.firingsquad.com/hardware/abit_nf7-s_2.0_review/default.asp https://www.firingsquad.com/hardware/abit_nf7-s_2.0_review/default.asp
مع العلم أنه المازربورد دى كانت استيراد بالطلب من شركة الوطنية معروف و شركاه و كان ثمنها 1150 جنيه وقت الشراء و كانت أقوى مازربورد فى العالم برضه وقت الشراء مش دلوقت طبعا
← المتعلقات / التعريفات
و يوجد محول يقوم بتحويل الهارد الداتا إلى هارد يركب على وصلة الساتا و ده اختيارى يعنى لو السعر جيد هديه للى يشترى هديه و ده كان سعره لوحده 150 جنيه و ماركته abit
← الضمان / لا يوجد
← المكان / القاهرة
← السعر / مزاد أنظر فى نهاية الموضوع
← الصور /
https://www.abit.com.tw/upload/products/NF7-S_pic6.jpg


← اسم السلعة / بروسيسور AMD Athlonxp 2200+
← الماركة أو الموديل /
← المواصفات / يكافىء بروسيسور انتل 2.6 كاش 512 تقريبا
و أفضل منه فى الألعاب
← المتعلقات / الفانة
← الضمان / لا يوجد
← المكان / القاهرة
← السعر / مزاد أنظر آخر الموضوع
← الصور / لا يوجد

← اسم السلعة / كارت شاشة
← الماركة أو الموديل / chaintech 7300 GT AGP 256MB 128 Bit



← المواصفات /
CHAINTECH GSA73GT GeForce 7300GT 256MB 128-bit GDDR2 AGP 8X


Video Card


أنا مشغل عليه call of duty 4 و Battle field 2 و بدون أى تهنيج أو تقطيع و بأداء عالى
← المتعلقات / التعريف
← الضمان / لا يوجد
← المكان / القاهرة
← السعر / مزاد أنظر آخر الموضوع
← الصور /
https://c1.neweggimages.com/NeweggImage/productimage/14-145-139-03.jpg


هارد ديسك : ماكستور Maxtor 80 GB
80 جيجا بايت آى دى مش ساتا

رامات 1 جيجا DDR1

كيسة ماركة cytex



نيجى للسعر


السعر إن شاء الله مزاد يبدأ ب 700 جنيه و البيع بإذن الله لأعلى سعر مع طلب بسيط
يا ريت لا تبخسوا الناس أشياءهم


ملحوظة: بسيطة فيه ناس بتبيع كارت الشاشة اللى فى الجهاز ده لوحده بحوالى 350-400 جنيه لأنه طبعا مش موجود

الملحوظة الأهم :البيع للجهاز بالكامل و لا توجد أى نية للبيع قطع

الملحوظة اللى أقل أهمية : يوجد أكتر من كيسة بهذه المواصفات


للتواصل :
رقم موبايلى : 0109133225
اسمى محمد حكيم

اكسمان
18-09-2009, 00:51
اخي الكريم لا انا ولا اي حد هنا بيبخس سعر اي حاجه كل واحد بيقول هي اد ايه مقدرته لشراء السلع وموضوع البخس ده يخلتف عن تقدير علي حسب وجهة النظر وحضرتك ليك كامل مطلق الحريه في البيع او رفض السوام اللي يجيك

المهم بقي اخي الكريم انا مش هبخس حاجتك بس السعر اللي حضرتك طالبه لفتح المزاد بيه اي حد يقدر يجيب جهاز ال جي ايه امكانيات اعلي من بتاعتك ويعتبر نقلة حديثة مبدئيا في مجال التطوير فارجو تقدير تمن الجهاز الفعلي عبر اختصاصي في هذا المجال ومراعاة اسعار السوق مش ليه للاحدث منه علي سبيل المثال انا مش هشتري كرت الفيجا زي بتاعك ب 350 جنيه وانا قادر اجيب بيهم كرت اد قوته 5 مرات علي الاقل بي سي اي اكسبريس وموضوع ان هيلي هياخده هيكون مضطر لشراؤه علشان السوكيت هياخده يعمل بيه ايه دلوقتي اقل لعبة حديثة عاوزه كرت قوة كرتك علي الاقل ضعفان وعلي العموم اسئل وانتظر اراء الاخوة في كلالمي وفي عرضك وبالتوفيق ان شاء الله

supzezo
18-09-2009, 02:02
اخ محمد" اكسمان "خد بالك الكارت ده AGP مش PCI

plplplapel
18-09-2009, 07:53
مع احترامي الشديد ولكن المبلغ اللى انت حاطه ممكن الواحد يجيب كيسة جديدة او لابتوب مستعمل يرجى اعادة النظر في السعر يا اخي

prince9x
18-09-2009, 16:42
مش هقول ان حد منكم بيفسد العرض علي صاحبه بس لي طلب مهم ولازم الإجابة عليه و عدم التهرب غير كده يحق لي اتهامكم بالكذب
السؤال: أرجو ذكر مواصفات الجهاز الجديد ولاحظوا كلمة الجديد دي اللي تمنه 700 جنيهوويكون أقوي من جهازي و بكامل المكونات بالتفصيل و السعر , يعني ما يكونش من غير هارد مثلا
ده 700 جنيه دول يا دوب تمن مازربورد محترمة من بتوع اليومين دول
أنا جاد جدا ومنتظر الرد و البينة علي من ادعي
و لي عودة بإذن الله

اكسمان
18-09-2009, 17:46
انا مقولتش جديد واكيد طبعا علشان المقارنه تكون علي بينه مستعمل ضد مستعمل ولا ايه رايك

التفاصيل
مذربود جيجابايت 945 مستعمله سعرها من 130 الي 180 جنيه
بريسيسور 3 كاش 2 ميجا مستعمل ب 180 جنيه
رامه واحد جيجا دي دي ار 2 ب 35 جنيه
هارد 160جيجا مستعمل ب 150 جنيه
وكرت شاشة gigabyte ati 3450 256 m ب 140 جنيه مستعمل
واسال اي حد هل امكانيات جهازك ولا الامكانيات دي اقوي وانا معاك علي طول الخط الهدف من الموضوع لال الاضرار بالعرض و اي شئ يسوء ليك الهدف ان الانسان يعرض سلعته بسعر مناسب ليها وعلي اد قيمتها علشان يبيع واكبر دليل لو عرض حضرتك مناسب كان زمان اتباع وانا معاك ونشوف الاسعار اللي هتتعرض عليك هيكون شكلها ازاي

prince9x
18-09-2009, 22:01
بص يابنى انت أساسا شخصية لا تستحق الاحترام و بعدين مين قالك انى لم أبع حتى الآن ؟
انت مجرد شخص اما عاوز يوقع سعر الكيسة علشان يلزمه يشتريها بسعر التراب
او عاوزها لحد يخصك و برضه عاوزها بسعر التراب او شخص لا يفهم فى أى شىء و الأسعار اللى انت ذكرتها كلها غير حقيقية اللهم الا الهارد ال 160 جيجا و كمان أـغفلت ان الموضوع فيه كيسة حتى فاضية
و علشان أثبتلك كذبك انا بعرض عليك أمام كل الناس هنا انى اشترى منك نفس الأشياء بنفس الأسعار و أكتر من مرة لو تقدر تجيبهالى اكتر من مرة

انت شخص مش محترم فى طريقة كلامك و كمان كاذب و أعتقد انك مخالف لقوانين العرض

يا شاطر انا هكلمك بالطريقة اللى تليق بأمثالك :
المواصفات اللى انت ذكرتها على أعلى سعر انت ذكرته = 685 من غير الكيسة
انا بقولك انى جاهز اشتريها منك ده لو عرفت تجيبها لأنك بتحلم و انت كذاب
ده حتى الرامات اللى بتقول عليها 1 جيجا ب 35 جنيه الوقتى لو لاقيت حد معاه 2 جيجا يبقى ب 70 جنيه صح ؟؟

ما تبيعلى شوية من الرامات دى يا ريت ؟؟؟

حسبى الله و نعم الوكيل فى أمثالك

يا رب خلص المجتمع من هؤلاء الحثالة الذين يعميهم الجشع عن احترام و تقدير أشياء كثيرة

بأه الجهاز اللى بتمن مازربورد من بتوع اليومين دول و امكانياته محترمة و انا بدأت السعر ب 700 جنيه آملا انه يجيبلى سعر معين انا محتاجه
700 جنيه مش 1700 جنيه يا مفترى تعمل كل ده عليهم و تولول ؟؟؟

الجهاز كمان مكوناته غير عادية بالنسبة لحاجاته يعنى كان أعلى حاجة موجودة فى العالم فى وقته و انا فى منتدى الديفيدى عارض نفس العرض و فيه ناس طالبة منى كارت الشاشة لوحده ب 300 جنيه لأنهم محتاجينه و عارفين قيمته
الجهاز لو مش يلزمك يلزم غيرك

ما تردش فى موضوعى و احتفظ بحرقتك بداخلك يا شاطر

و أرجو ابلاغ المشرفين يا جماعة عن اللى بيحصل هنا و أنا أعتذر لكل شخص تسببت له بالضيق من طريقة كلامى لكن اى حد فى مكانى مش هيرضى يتعمل معاه كده و على ايه على كلام فارغ !!!

yazan soft
18-09-2009, 22:17
prince9x انت بمنتدى محترم وغير مسموح لك بشتم الاعضاء مهما كان وكلامك مردود عليه, بعدين ايه الكرت القوي "الي بعنوان الموضوع"؟

S@M
18-09-2009, 22:34
يا عزيزى prince9x (https://www.arabhardware.net/forum/member.php?u=74420) ارجو ان يكون النقاش فى هدوء وبدون الفاظ خارجة ...:)

وبعدين انت بتبيع حاجة ...يعنى فى سوق ...... والسوق يعنى فصال ....وكمان فى بين البايع والمشترى يفتح اللة بكل معروف بدون غلط ....حتى تستطيع تكملة موضوعك .....وفى نفس الوقت لا تحصل على مخالف من الآدارة ....وتشطب عضويتك ....هذة نصيحة لوجة اللة ...

وموفق فى البيع انشأ اللة يا عزيزى......واهلا بيك فى المنتدى .............:)

prince9x
18-09-2009, 22:42
prince9x انت بمنتدى محترم وغير مسموح لك بشتم الاعضاء مهما كان وكلامك مردود عليه, بعدين ايه الكرت القوي "الي بعنوان الموضوع"؟

كارت قوى بالنسبة لفئته

و نت عاوز تفتح جدل عقيم انت كمان والا ايه ؟؟
فى مصر ما نزلش كروت ايجيبى خارقة و ده معروف على مستوى مصر و ده واحد من كروت اليجيبى القوية اللى فى مصر و انا عارف انا بقول ايه

و بعدين انت اتدخلت دلوقت و سايبه هو يتكلم بطريقة مسيئة للعرض بتاعى ؟؟
دلوقتى صحيت ؟؟

prince9x
18-09-2009, 22:44
يا عزيزى prince9x (https://www.arabhardware.net/forum/member.php?u=74420) ارجو ان يكون النقاش فى هدوء وبدون الفاظ خارجة ...:)

وبعدين انت بتبيع حاجة ...يعنى فى سوق ...... والسوق يعنى فصال ....وكمان فى بين البايع والمشترى يفتح اللة بكل معروف بدون غلط ....حتى تستطيع تكملة موضوعك .....وفى نفس الوقت لا تحصل على مخالف من الآدارة ....وتشطب عضويتك ....هذة نصيحة لوجة اللة ...

وموفق فى البيع انشأ اللة يا عزيزى......واهلا بيك فى المنتدى .............:)



متشكرين يا عم ياللى بتبيع ال كارت ال 6600 agp على 700 جنيه

متشكرين على النصيحة


ده انا حتى لما عرضت عليك سعر فى كارتك الخرافى ابو سعر خرافى عرضته باقتضاب مايخليش الناس تفتكر انك بتبيع فجل بسعر الكافيار

White Ghost
18-09-2009, 23:18
أولاً بغض النظر عن اسعار حضرتك , أنا مكنتش ناوي أعلق , لأن بين البايع و المشتري يفتح الله
و تعرض ب700 أو ب7000 ده ميفرقش معايا , بس أسلوب حضرتك في الرد أجبرني على التعليق , لأنك كان ممكن لو كلام الراجل مش عاجبك تشتكيه للمشرف و هو يتصرف , مش تشتمه
ثانياً الأسعار اللي هو جايبها انا هعلق عليها




مذربود جيجابايت 945 مستعمله سعرها من 130 الي 180 جنيه
بريسيسور 3 كاش 2 ميجا مستعمل ب 180 جنيه
رامه واحد جيجا دي دي ار 2 ب 35 جنيه
هارد 160جيجا مستعمل ب 150 جنيه
وكرت شاشة gigabyte ati 3450 256 m ب 140 جنيه مستعمل



*أولاً البوردة , سعرها مناسب جداً من 150ل180 لأنها أساساً موديل قديم و مش موجودة و الأحدث منها و هي الG31 عاملة 290 جنيه جديدة و بالضمان , يعني المستعمل بتاعها آخره 220
*البروسيسور طبيعي جداً و أغلى تاجر بيبيعه ب200 وده تاجر و لو من شخص هيبقى ارخص كتير
*الهارد حضرتك قلت أن سعره طبيعي
*الكارت جديد ب200 , هيبيعه مستعمل بكام , ب180 مثلاًّ؟؟!!!
*الرامة هو أكيد معندوش خلفية أن سعر الرامات ارتفع الأيام اللي فاتت , و أنا بعت واحدة من 6 شهور ب30 جنيه مش 35 , و لو بعت دلوقتي هتبيع على 45 أخرك

اكسمان
19-09-2009, 00:26
الله يسامحك مش هاقولك اكتر من كده
وعلي العموم انا مش تاجر ولا اي حاجه وفي اعضاء كتير هنا في المنتدي يعرفوني كويس اوووي
وغير كده انا اسلوبي في كلامي معاك كان بمنتهي الادب والاحترام وانا مش كداب وعلشان اثبتلك كلامي انا جبتلك روابط بعروض اقل كمان من الاسعار اللي انا كاتبها واشتري انت منهم كمان لو انت عاوز

البريسيسور
https://dvd4arab.maktoob.com/showthread.php?t=1873976

https://dvd4arab.maktoob.com/showthread.php?t=1845633

المذربورد

https://dvd4arab.maktoob.com/showthread.php?t=1873987

وهنا مذربورد ورامه وبريسيسور كمان

https://dvd4arab.maktoob.com/showthread.php?t=1874580

كرت الشاشة

https://dvd4arab.maktoob.com/showthread.php?t=1878665

https://dvd4arab.maktoob.com/showthread.php?t=1877549


https://dvd4arab.maktoob.com/showthread.php?t=1878677


طبعا الحاجات مش زي اللي معروضه في الموضوع بس دي اعلي منها وتقريبا بنفس السعر المطلوب

وانا بعتذر لادارة المنتدي علي الروابط الخارجية بس كان غصب عني علشان ابين لصاحب العضو اني مش كذاب
وشكرا

Bloody Wolf
19-09-2009, 05:40
اكسمان ....................... راجل محترم وكلامه لا يحمل اى نيه سيئه لانه سليم

و كان يجب على صاحب الموضوع الرد باسلوب اهدأ من ده

عموما..................اصبر اخى اكسمان و احتسب


وربنا يهدى الجميع

و ارجو من الاداره غلق الموضوع افضل

| Fusion |
19-09-2009, 07:06
اشكر الأخ يزن لتدخله،

اسلوبك يا prince9x يسيء الى سمعة المنتدى و اعضائه ، فإما ان تحسن منه او تبحث عن منتدى آخر.

الله يهدينا و يهديك،

يغلق.