المساعد الشخصي الرقمي

مشاهدة النسخة كاملة : مشكلة بسبب التقسيم بـ Paragon ويطلب الفورمات


Ta7ady
20-09-2009, 10:21
السلام عليكم ورحمة الله وبركاته


عندي هارد 640 جيجا منه بارتيشن 500 جيجا وده عليه كل ملفاتي المهمة .. ماقصدش العاب وافلام والكلام الهابط ده .. برامج مساحتها كبيرة منها حاجات صعب اعوضها لانها اندثرت زي الكريستال الاصدارات القديمة وبعض سورسات لغات البرمجة ومشاريعي ايضا سورسات اكواد برمجية


وفي الايام دي كنت محتاج اعيد تقسيم الهارد واوفر مساحة من البارتيشن الـ 500 جيجا علشان ابعد عنه


فاضطريت للتقسيم ببرنامج البارتيشن ماجيك وكل مره كان بيقف والبارتيشن بيضرب وبارجعه والحمد لله


لكن بعد متاكدت من فشل برنامج البارتيشن ماجيك جربت برنامج تاني وهو


Paragon Hard Disk Manager™ 2009 Professional Edition


وهو كمان جه في الآخر وطول جدااااااا وكان الـ Progress مبيتحركش ومبيزيدش عن صفر وكمان مكانش محدد المدة المتوقع إستغراقها ولا المدة المنقضية .. فاضطريت الغي العملية وظهرتلي رسالة طبعا بتحذرني اني ممكن افقد البيانات ودي رسالة روتينية موجوده في معظم البرامج وغالبا بيكون سهل إسترجاع البارتيشن بعد مبيضرب


لكن المره دي ضرب بشكل غبي واصبح الـ File System بتاعه Not Formatted وبيطلب مني افرمته .. حاولت اغير الـ File System واخليه PM Recovery وبعدين رجعته تاني NTFS .. لكن برضه نفس المشكلة.


ودي صورة من البرنامج موضحة الهاردات وبالتحديد الهارد الـ 640 والبارتيشن الـ 500


https://img6.imageshack.us/img6/6443/unformatted.jpg


وعلى فكره هو كان 500 وكان في بارتيشن تاني بعده مساحته 47 جيجا دمجتهم على بعض وبعدين حبيت اقص كل المساحة الـ Free منه فأصبح بالتركيبة دي


وعلى فكره كمان كل الـ 477 جيجا Used Space في الأصل



اتمنى اكون وفقت في توضيح المشكلة واتمنى كمان الاقي الحل قريب


وجزاكم الله خيرا مقدما وكل عام والامة الاسلامية بخير بمناسبة عيد الفطر المبارك
S@M
20-09-2009, 17:54
اعتفد انة لآزم يتفرمت فورمات كامل يا عزيزى............................:(
Ta7ady
21-09-2009, 00:36
بشرك الله بالجنة يا S@M .. لسا عندي امل ان شاء الله

كل شويا تنط في دماغي حاجات كانت عليه عمرها مهتتعوض

يعني لو قلنا هعيد شغلي والحمد لله اني بصحتي وقدر الله وما شاء فعل

لكن في حاجات اسرية وصور اصدقاء وحاجات من هذا القبيل .. مستحيل اجيبها تاني :S

.........................

انا عملت Delete للـ Partition وبعدين UnDelete ورجع تاني بنفس مساحته لكن قبل الـ 69 جيجا اللي هما مش بارتيشن اصلا

والجميل انه لما رجع البارتيشن رجع باسمه .. يعني Local Disk اتغيرت باسم البارتيشن الحقيقي .. والاسم مكتوب داخل ملف إسمه AutoRun.inf وده ملف جوا البارتيشن مباشرة

يعني طالما ظهر الاسم يبقى الـ Paragon قرا الملف ده :D

وللاسف بعد مقفلت البرنامج وفتحته تاني إختفا الإسم تاني ورجع Local Disk

في إنتظار حلول ان شاء الله
السندبااد
21-09-2009, 11:04
وعليكم السلام ورحمة الله وبركاته
نتمنى من عباقرة المنتدى مساعدتك
لأن فعلا في حاجات يصعب تعويضها أو تحتاج وقتاً لذلك
وإن شاء اله لا مستحيل :)
Ta7ady
22-09-2009, 08:54
وعليكم السلام ورحمة الله وبركاته يا سندباد والسلام عليكم جميعا


تم بحمد الله وبفضله وحده حل المشكلة وإسترجاع الـ Partition بأكمله عدا 57 جيجا فقط من البيانات


وجاري حصر المفقودات وإصلاح الهارد من مشاكل البطئ الناتجة عن ما سبق سرده في المشاركتين السابقتين


والحل لمن يواجه نفس المشكلة بسيط وسريع جدا .. بإستخدام برنامج Partition Table Doctor


لأن المشكلة فقط في بيانات الـ File System نفسه


لاحظت إختلافات بين الـ Partition صاحب المشكلة وغيره من امثاله في النوع في الـ Sectors التي سردتها ببرنامج Active Partition Recovery .. ومن المنطقي إستنتاج ان الخطأ فقط في الـ Sectors الاولى من الـ Partition وان الحل جائز منطقيا .. وبالفعل تم بحمد الله


فقط واجهتني بعض المشاكل كالبطئ وبعض الـ Bad Clusters وكلها مشاكل ممكن حلها بالـ ChkDsk وغيره من البرامج الخدمية لهذه النوعية من المشاكل .. الحل سيكون بطيء نوع ما لانه لن يغني عن الـ Format ولكن هيهات :D .. لان البيانات متاح نقلها الآن بيسر وامان .. ومن بعد ذلك نلجأ للـ Format لإعادة كتابة الـ Partition Table والـ Master File Table بشكل آمن وكحل نهائي وجذري




..:: ملحوظة هامة ::..


قد يكون هناك خطوات اخرى لم اذكرها لكثرة ما قمت به على سبيل التجربة .. فقط ذكرت الحل النهائي .. وفي حالة ان الـ Partition مفقود اصلا وغير موجود فممكن إسترجاعه ببرامج عدة .. أستحسن منهم فقط الـ Active Partition Recovery .. علما بأن عملية الإسترجاع إستغرقت معي تقريبا 4 ساعات متواصلات في المرة الواحدة بالنسبة للمساحة الـ 500 جيجا



وفي النهاية تفضلوا جميعا بقبول فائق الإحترام والتقدير وكل عام وانتم بخير



وشكرا للأخ S@M والـسندباد وكل من إهتم ودخل موضوعي راجيا ان يساعدني


نفع الله بكم الامة وكان ذلك في موازين حسناتكم


:)
السندبااد
22-09-2009, 10:36
الحمد لله أن البيانات تم استرجاعها ألف مباارك أخي الحبيب
كل عام وأنت بخير
tiito2005
22-09-2009, 13:24
وهناك الافضل منه وهو برنامج Active @ partition برنامج رائع وكنت اول ما سانصحك به
على العموم الحمد لله على انك استعدت ملفاتك وكل عام وانت بخير
اللص الشبح
23-09-2009, 21:06
اخوي انا نفس مشكلتك

والبرنامجين الي قلت عنهم جربتهم ومانفع

ممكن طريقة استعمالهم يمكن انا غلطت في الطريقة
Ta7ady
03-10-2009, 23:31
السلام ليكم ورحمة الله وبركاته


الاخ اللص الشبح بالنسبة للـ Active Partition Recovry وهو نفسه الـ Active @ Partition المذكور فهذا في حالة فقدان البارتيشن نفسه .. يعني عندك مساحة كان عليها بارتيشنات واصبحت بارتشنات محذوفة .. فبتدخل بالبرناج من الدوس وبتعمل Scan وهو بيطول شويا في الوقت .. بعد كده لما بيلاقي البارتيشنات المحذوفة بيرجعهملك .. لكن الـ Scan بيكون لبارتيشن تلو الآخر .. يعني ترجع البارتيشن الاول وبعدين تعمل Scan تاني على المساحة المتبقية وهكذا


ولو مشكلتك هي نفسها مشكلتي يبقى مش هتحتاج للبرنامج ده اصلا .. هتحتاج لبرنامج اسمه Partition Table Doctor


وده لما هتدخل عليه بكل بساطة هتلاقي البارتيشن بتاعك جمبيه علامة x .. هتدوس عليه كليك يمين وتختار Fix وبتتم عملية الاصلاح في ثواني


اما البرنامج الاول فانا ذكرته لاني جربت حاجات كتيييييير وكان منها ده .. والثاني اللي هو الـ Partition Table Doctor كان هو الحل الآخير



وفي النهاية هيكون عندك مشكلة في الـ MFT والحل احدى اثنين .. اما تعمل ScanDisk بالبرنامج بتاع الويندوز او تفرمت البارتيشن .. الافضل انك تاجل حل المشكلة دي لحد متنقل الداتا بتاعتك على اي مكان تاني سليم وبعدين تفرمت او تعمل ScnDsk وبعدها ترجع الحاجة بتاعتك مكانها

ومانصحكش انك تعمل ReBuild MFT علشان هيطول معاك واحتمال يعلق كمان ويطيرلك الداتا كلها المره دي .. التعامل مع الـ Master File Table محتاج لحذر شديد


وآسف على التاخير في الرد وده لاني مشغول من يوميها في الداتا بتاعتي وباحاول انظمهم وانسخهم علشان افرمت البارتيشن


وفي النهاية باحذرك انك تعمل ScnDsk على البارتيشن قبل متاخد اللي فيه


وبالتوفيق ان شاء الله اخي الحبيب وكان الله في عونك


وفي إنتظار ردك
The King2
04-10-2009, 01:25
مبروك إستعادة الملفاات أخوى
وجزاك الله خير على مساعدة الأعضاء
وينصح عند فقد ملفااات أو فقد بارتيشن دون قصد أن لا تعمل فورماات أبداً لان هذه سيصعب عليك الإعادة الكامله للمفات
ويوجد الأن برامج تقنيه جميله لمثل هذه المشاكل
اللص الشبح
07-10-2009, 14:13
ثنكس على الرد

وانا بجرب الطرق الي قلتهم اليوم

انا جربت برنامج الي قلته بس برد اجربه