المساعد الشخصي الرقمي

مشاهدة النسخة كاملة : مراجعة: بعد تجربة FIFA 2010 . ايجابيات وسلبيات بالجملة


الصفحات : [1] 2
wessam-pro
29-09-2009, 22:55
بسم الله الرحمن الرحيم

https://img59.imageshack.us/img59/5615/autorun.png

بعد تجربة نسخة RAZOR1911 وتعمل بدون اى مشاكل نبدأ :

الجيم بلاى (ايجابيات)

1- اللعبة صارت سلسة جدا جدا ومعدل الفريمات ثابت بعكس السنة السابقة كانت اللعبة تحسها تقيلة وتنتش وتقطع حتى مع امكانيات 3 اضعاف المطلوبة ومعدل فريمات عالى :ah42: .. هذه السنة اللعبة زى الزبده ;)

2- ردود فعل الحكم وحكام الراية اضافه جيده للعبة :ah7: . وحركاتهم انسيابية كالواقع وليست حركة متخشبة كما كنت اخشى ..

3- اصوات معدلة فى الجيم بلاى فلا توجد صفارات مزعجة فى كل كرة تعبر الخط كما فى السنة السابقة :ah34: . ايضا اصوات ركل اللاعبين للكرة اصبحت اكثر واقعية

4- حركات جديده للاعبين عند احراز هدف او الاعتراض على الحكم وغيره :p

5- اضافة رمية التماس السريعة quick throw in تزيد من حيوية المباراة :ah40:

6- واهم شىء بالنسبة لى . صعوبة legendary اصبحت اصعب كثيرا .. والفريق المنافس يمتاز بالزكاء وطريقة لعب مختلفة عن السنوات السابقة . ايضا اصبح من الصعب اختراق خطوط الفريق المنافس بسهولة . اللعبة اصبحت تعتمد على الجماعية اكثر كما فى الحقيقة :ah7:

7 - ردود فعل اسرع لحراس المرمى والحارس اصبح اكثر زكاء :cool:

سلبيات الجيم بلاى :ah19:

1- اول حاجه خلتنى اضحك والله اول ما لعبت . طريقة جرى اللاعبين بسرعه بدون كرة . كوميدية جدا تحس اللاعب عداء مش بيجرى فى ملعب .. طريقة الجرى كانت اكثر واقعية فى فيفا 09 مش عارف مين ال.... الى مصمم الجرية دى

2- ارضية الملعب مزعجة جدا كعادة الفيفا كل سنة . وكل ما بيحاولوا يعدلوها بتبوظ منهم زيادة . لكن فى انتظار باتش كل سنة لتظبيط الاضاءة وارضية الملعب واضافة كور جديده و و

3-لمسة اليد hand ball زادت اوى . لعبت ماتش 10 دقايق اتحسب عليا 3 هاند بول . غير الفاولات العادية :ah8:

4-مفيش تحسن فى الجرافيكس غير حاجه بسيطة اوى . ده غير ان الاهتمام السنة دى بشكل اللاعب من قريب بس لما الكاميرا بتقرب عليه . انما من بعيد او الكاميرا العادية الى بنلعب بيها . تبقى ماشى بالكورة مش قادر تحدد مين الى معاه الكورة ده كاكا ولا كرستيانو ولا مين :rolleyes: . فيفا 09 كانت احسن فى النقطة دى

5- طريقة جرى اللاعب بالكورة تحس انه الة مفيش اى فيزيائية ولا بامية حتى فى طريقة الجرى . فيفا 09 كانت طريقة الجرى بالكورة احسن فى رأيى


ياريت كل واحد جرب اللعبة . يخش يقولنا ايه الايجابيات والسلبيات من وجهة نظره . وفيفا 10 احسن ولا فيفا 09 ولا الاتنين تعبانين :D
Ҝ ђ Λ Ł Є δ
30-09-2009, 02:05
ممكن صور للعبة...
wessam-pro
30-09-2009, 02:47
دى مراجعة للعبة يعنى تجميع اراء مش تقرير
Ҝ ђ Λ Ł Є δ
30-09-2009, 02:51
لا انا كنت مستني اي حد ينزل اللعبة ويرفع صور عشان اعرف في فرق بينها وبين الديمو ولا لا عشان لو كويسة انزلها ,بدل ما انزلها علي الفاضي يعني :o
The King2
30-09-2009, 04:56
شكراً على المراجعه السريعه أخى
SNAKE180592
30-09-2009, 04:57
لا انا كنت مستني اي حد ينزل اللعبة ويرفع صور عشان اعرف في فرق بينها وبين الديمو ولا لا عشان لو كويسة انزلها ,بدل ما انزلها علي الفاضي يعني :o

نصيحة : متنزلهاش.
SNAKE180592
30-09-2009, 04:58
شكرا على المراجعة.
wessam-pro
30-09-2009, 05:12
لا انا كنت مستني اي حد ينزل اللعبة ويرفع صور عشان اعرف في فرق بينها وبين الديمو ولا لا عشان لو كويسة انزلها ,بدل ما انزلها علي الفاضي يعني :o

غالى والطلب رخيص . دول صورتين من جهازى

https://img42.imageshack.us/img42/778/46129039.jpg


https://img42.imageshack.us/img42/6773/12348878.jpg

اضغط على الصورة لتكبيرها
shaker3
30-09-2009, 16:13
السلام عليكم
يكفيها فشلا عدم وجود الدوري الاسباني ولم العب بها اي مبارة لانه من البداية لم ارى فيها الدوري الاسباني
قمت ماسكها ورميتها على طووووووووووول وسجلت بها هدفا في سلة القمامة واتبعتها بالهدف الثاني عندما رميت لعبة نيد فور سبيد شيفت ايضا هذا الجزء كان مفروض تسميته نيد فور سبيد شيت :ah19::ah19:
يبدو ان الالعاب الصادرة عن ea هذه الفترة هزيلة مقابل سابقاتها من نفس السلسلة :ah16:
TEch Zone
30-09-2009, 17:37
السلام عليكم
يكفيها فشلا عدم وجود الدوري الاسباني ولم العب بها اي مبارة لانه من البداية لم ارى فيها الدوري الاسباني
قمت ماسكها ورميتها على طووووووووووول وسجلت بها هدفا في سلة القمامة واتبعتها بالهدف الثاني عندما رميت لعبة نيد فور سبيد شيفت ايضا هذا الجزء كان مفروض تسميته نيد فور سبيد شيت :ah19::ah19:
يبدو ان الالعاب الصادرة عن ea هذه الفترة هزيلة مقابل سابقاتها من نفس السلسلة :ah16:
ازاى يعنى مافيهاش الدورى الاسبانى :rolleyes: موجودة طبعا ولعبت بابرشلونة ...... و بالنسبة للعبه الجرافيك سيى و خصوصا شكل النجيله :mad: وشكل اللاعب فعلا من كاميرا المتش غير واضح اعتقد ان pes 2010 هتبقى احسن منها بكتييير
Luffy
30-09-2009, 17:55
نيد فور سيبد شيت ههههههههههههههههههههههههههههه

الله يحرق حريشك يا عم شاكر والله ما مسكت نفسي من الضحك

علي العموم انا شايف الجرافيك ضعبف جدا يا اما انا ما بشوف
shaker3
30-09-2009, 22:55
ازاى يعنى مافيهاش الدورى الاسبانى :rolleyes: موجودة طبعا ولعبت بابرشلونة ...... و بالنسبة للعبه الجرافيك سيى و خصوصا شكل النجيله :mad: وشكل اللاعب فعلا من كاميرا المتش غير واضح اعتقد ان pes 2010 هتبقى احسن منها بكتييير

:confused::confused::confused: اللعبة اللي منتكلم عليها مش اسمها FIFA SOCCER 10
من بداية اللعبة عند ظهور قائمة الدوريات لانتقاء فريقك لم اشاهد شيئ اسمه الدوري الاسباني :ah34:
او انا خرفت وبطلت شوف :ah38:
TEch Zone
30-09-2009, 22:59
:confused::confused::confused: اللعبة اللي منتكلم عليها مش اسمها FIFA SOCCER 10
من بداية اللعبة عند ظهور قائمة الدوريات لانتقاء فريقك لم اشاهد شيئ اسمه الدوري الاسباني :ah34:
او انا خرفت وبطلت شوف :ah38:
الدورى الاسبانى موجود واسمه LIGA BBVA ;)
wessam-pro
01-10-2009, 00:15
السلام عليكم
يكفيها فشلا عدم وجود الدوري الاسباني ولم العب بها اي مبارة لانه من البداية لم ارى فيها الدوري الاسباني
قمت ماسكها ورميتها على طووووووووووول وسجلت بها هدفا في سلة القمامة واتبعتها بالهدف الثاني عندما رميت لعبة نيد فور سبيد شيفت ايضا هذا الجزء كان مفروض تسميته نيد فور سبيد شيت :ah19::ah19:
يبدو ان الالعاب الصادرة عن ea هذه الفترة هزيلة مقابل سابقاتها من نفس السلسلة :ah16:


هههههههههه حلوة سجلت بيها هدفا فى سلة القمامة بس الدورى الاسبانى موجود وبالعكس بقا فى تحسن كبير فى الفرق كلها . بقا فيه تقريبا ييجى 28 لاعب فى تشكيل الفريق . المزيع بقا بينطق كل الاسماء حتى فى فرق 3 نجوم و4 نجوم .

رأيى لمتواضع فى نيد فور سبيد ان هى هتعجب الناس الى بتخش اللعبة تتفرج على الجرافيك وتراقب الفريمات ( ودول كتير ) الجرافيك مبهر بصراحة . لكن الجيم بلاى من رأيى تعبان اخر 3 حاجات . الى داخل (عاوز يلعب) هيتخنق منها بسرعه . وده رأى شخصى طبعا . وانا اصلا مبحبش لعب السباقات ..
wessam-pro
01-10-2009, 00:24
ازاى يعنى مافيهاش الدورى الاسبانى :rolleyes: موجودة طبعا ولعبت بابرشلونة ...... و بالنسبة للعبه الجرافيك سيى و خصوصا شكل النجيله :mad: وشكل اللاعب فعلا من كاميرا المتش غير واضح اعتقد ان pes 2010 هتبقى احسن منها بكتييير

صح كلامك الدورى الاسبانى موجود طبعا وكل الدوريات . وشكل النجيله له حل يا شباب . قبل كل ماتش حتى فى الtournment تقدر تختار تلعب بليل ولا الصبح . انت كل الى هتعمله هتختار تلعب بليل قبل كل ماتش . بليل شكل النجيلة مش مزعج زى الصبح . واكيد هينزلها باتش لتظبيط النجيلة والاضاءة وفتح الfan shop والكور الجديده زى كل اصدار من فيفا .

فيه حاجه ايجابية كمان لاحظتها . حد خد باله ان الملعب بقا واسع جدا واللعيبة كمان بتنفذ الارتداد الهجومى والدفاعى بالظبط زى منتا عامل الخطة من create formation .
nidal9000
01-10-2009, 00:51
انا نزلت فيفا 2010 وبصراحه الجرافيكس مش قوي كتير
ولاحظة التسديد على المرمى مش قوي كتير
Kozmos
02-10-2009, 00:51
جانب سلبي آخر في اللعبة:

قمت بإستخدام Gamepad للعب بها, و كما تعلمون فإنه بالإمكان القيام بالمهارات الفنية بإستخدام Gamepad بإستخدام عصا 360 التي بجانب المتحكم في حركة اللاعب

فوجئت بأن تلك العصا (أيضا) تقوم بتحريك اللاعب, و هذه ليست مهمتها!


السلام عليكم
يكفيها فشلا عدم وجود الدوري الاسباني ولم العب بها اي مبارة لانه من البداية لم ارى فيها الدوري الاسباني
قمت ماسكها ورميتها على طووووووووووول وسجلت بها هدفا في سلة القمامة واتبعتها بالهدف الثاني عندما رميت لعبة نيد فور سبيد شيفت ايضا هذا الجزء كان مفروض تسميته نيد فور سبيد شيت :ah19::ah19:
يبدو ان الالعاب الصادرة عن ea هذه الفترة هزيلة مقابل سابقاتها من نفس السلسلة :ah16:

:D:D:D:D

موتتني من الضحك!!! :D

الحقيقية إن إسمها لازم يصير (نيد فور شيت) من غير سبيد لأنه في التأني السلامة, خصوصا في الأمور المتعلقة بالشيت :D:D:D
Marine
03-10-2009, 12:09
حملتها واعجبتني برو اكتر شكرا وسام
أبو فوفو
03-10-2009, 12:26
يا شباب ما هذا الكرافيكس الفاشل لفيفا 2010 والله حسيت أنها ps1 ( سوني) بهذا الكرافيكس المعفن ...
وين pes إيه والله بتفش القلب بالكرافيكس ...
wessam-pro
03-10-2009, 15:23
انا نزلت فيفا 2010 وبصراحه الجرافيكس مش قوي كتير
ولاحظة التسديد على المرمى مش قوي كتير

فعلا التصويب اضعف من الاصدارات السابقة لكن ده من رأيى بيزود الصعوبة وشىء مش وحش .. شكرا على المرور


جانب سلبي آخر في اللعبة:

قمت بإستخدام Gamepad للعب بها, و كما تعلمون فإنه بالإمكان القيام بالمهارات الفنية بإستخدام Gamepad بإستخدام عصا 360 التي بجانب المتحكم في حركة اللاعب

فوجئت بأن تلك العصا (أيضا) تقوم بتحريك اللاعب, و هذه ليست مهمتها!




فعلا انا مبقدرش العب فيفا بالجيم باد واتعودت العب بالكيبورد اسهل فى تنفيذ المهارات واللعب بصفة عامه فى الفيفا .. شكرا على الملاحظة


حملتها واعجبتني برو اكتر شكرا وسام

شكرا على المرور يا مارين وفى انتظار البرو


يا شباب ما هذا الكرافيكس الفاشل لفيفا 2010 والله حسيت أنها ps1 ( سوني) بهذا الكرافيكس المعفن ...
وين pes إيه والله بتفش القلب بالكرافيكس ...

الجرافيك الخاص بالفيفا مختلف بعض الشىء عن جرافيك pes لكن ليس لدرجة الفشل او لدرجة ps1 :D شكرا على مرورك
hany5y
03-10-2009, 20:35
مع احترامى للجميع فى فرق بينهم بين السما والارض فى حركه العب الفيفا اكنك بتلعب كارتون البيس واقعيه شوف الشوط شوف الرفع شوف جرى العيبه شوف جسم العيب هنا وهنا البيس طورو جامد من اول 2008 الفيفا زى ما هيه على فكرى انا مش متحيز كلنا مستخدمون
Kozmos
04-10-2009, 18:57
لا و الصراحة ألوان الملعب فظيعة, أخضر مائل إلى الفوسفوري :D

لذلك فالمطلوب من EA Sports إنها تقدم هدية قطرة عين لكل من إشترى اللعبة, و خليها تصير EA Medicines :rolleyes:

فلنرجع إلى الوراء و لنبقى مع معشوقة الجماهير FIFA 2009 و الأكثر من رائعة PES 2009 :ah40:

حد حيرجع معايا؟ :o
wild cat
04-10-2009, 19:24
نزلت اللعبه وياريتني مانزلتها

الجرافيك فاشل جدا الصراحه وبتفكرني بايام الفيفا 2005

بجد لا يعلى على ال PES هي الافضل دائما
The Dark Side
04-10-2009, 19:48
فعلا جرافيك ضعيف و لم يصل إلى مستوى التنافس على منصة pc
قمت بتحميل اللعبة و لم أكمل بها و لو 5 دقائق -------------------->>>>>>سلة المهملات يا فيفا:(
hany5y
04-10-2009, 20:48
ارضيه الملعب ههههههههههههههه اول مرا اشوف حد بيلعب كورا عشان ارضيه الملعب جامدا ههههههههههه
Ҝ ђ Λ Ł Є δ
04-10-2009, 20:53
ارضيه الملعب ههههههههههههههه اول مرا اشوف حد بيلعب كورا عشان ارضيه الملعب جامدا ههههههههههه

بالعكس ,عن نفسي لازم تكون الارضية كويسة عشان نفسيتي تكون مفتوحة للعب :D
The Dark Side
04-10-2009, 23:05
ارضيه الملعب ههههههههههههههه اول مرا اشوف حد بيلعب كورا عشان ارضيه الملعب جامدا ههههههههههه
جربت تلعب pes 2009علىLow و شوف أرضية الملعب لن تستطيع اللعب لأنها :لاتعليق:ah50:
hany5y
05-10-2009, 00:13
انا اسف يا اشه واض ان امكانيه الجهاز عندك ضعيفه عشان كدا الفيفا كويسه عليها بس لو عايز تلعب بس زود امكانيات واتصل بيه وانا ايلك لو من القاهرا وهوريك الفرق وظبت الستيينج وهوريك الفرق
Kozmos
05-10-2009, 03:01
ارضيه الملعب ههههههههههههههه اول مرا اشوف حد بيلعب كورا عشان ارضيه الملعب جامدا ههههههههههه

و إن كان حديثك فبه قدر من السخرية, لكن الله يسامحك

الحقيقية لم أستطيع النظر كثيرا إلى اللعبة لأن ألوان الملعب نفسه ناصعة الخضار بشكل مؤلم للعين
wessam-pro
05-10-2009, 08:54
الناس الى كارهه اللعبة عشان ارضية الملعب بقولهم محدش يقلق خالص الوضع تحت السيطرة :D

اولا عشان عنيك متلعبش بالنهار خالص لحد ما تنزل باتشات القطرة . قصدى باتشات تحسين الارضية :D

ثانيا : قبل ما تلعب صفى نفسيتك من ناحية الفيفا وانسى ال pes متحطش فى دماغك تعمل مقارنة وهتلاقى الماتش بيس معاك ;)


. انا قررت ممسحهاش عشان تعبت فى تنزيل ال7 جيجا وكمان طبعا عشان الماندجر مود والسيزون الجديد نظامهم روعه . ده غير ان لسه اللعبة قارعه :D يعنى من غير باتشات . فبقول للى ممسحهاش يصبر شوية على ما يشوف ايه اخرتها .




انا اسف يا اشه واض ان امكانيه الجهاز عندك ضعيفه عشان كدا الفيفا كويسه عليها بس لو عايز تلعب بس زود امكانيات واتصل بيه وانا ايلك لو من القاهرا وهوريك الفرق وظبت الستيينج وهوريك الفرق

ماهو الراجل كاتب امكانيات جهازه . كارت ati 4870 وبروسيسور ثنائى والتانى نفس الكرت على بروسيسور رباعى . دول امكانيات ضعيفة ازاى بقا :confused: . يا جماعه تقريبا ده اول ضحية من ضحايا ارضية الملعب :p . انت شايفنى طيب؟؟ :D

نورت الموضوع يا غالى :)